KRISTIAN IWANKA << >> TÂ BILA Dia sat uplika wal yawan yubanira aslatakiba wan daukanka tnatka ba paskisa yamnira ar saurara. Yu banira yawan lantakaia nitsa Jisas wal wapaia, kan witin wina lantakaia nitsa wan walkawal nahki aisaia ba. Dawan wantsa wantabriaia wanrayaka aiskara. "Jisasra yawan wan sinska aiska, wan karnika aiska, wan solka aiska yabras kaka sipapiasa wednis kasak kum kaia upla wala nani mawanra. Nahki yawan yubanira Dawan bila staditakiba wanpura suniba wina karnika wankisa Spirit Holikira mita Jisas daukankaba wanrayakara iwaia an marikaia wan walka nanira karnika baraba tanka. Spirit Holikira mita sal baku wan damnika wankisa bara yu banira wan wedniskaba upla wala wal prawisa pyuara witin nani aidara walisa Jisas wanrayakara iwiba tanka. Baku apiasa kaka wan nina baman kristian brisa sakuna wandaukanka sutlika idan naniwal bakusa."—.The Review and Herald, 27 de julio de 1905. "Yu banira yawan Jisaswal aslakaiasa naha tasbara lika yawan skulkumrasa lantakisa Jisas diadaukanba minataibankara wapaia. Rayakaia bredka heven wina baliwanba yubani wan spiritkara aibahwan kaiasa. Wan sinskara lawana aiwani mayunra daukikaiasa Jisas sakripaistara wanmata daukanba. Baku wanpura sunraba kaikras kaka uplakumwal aisibaku kabia, wan panika walbaku. Bara diara tihura bara dukia naniba wankbia wantanka briaia. Bakusin Jisas mawan ingnikaba yawan sipkabia wandara walaia wanlama palira. Enoc kataba baku lantakbia Jisas wal wapaia ani anira kabiasin, witin mita karnika wankbia diara taski, wahra ikisbrira nani tilara kaia apia, sakuna wan daukanka sutba klin, holi, kasak, wapni an adarkat kabia."—.Palabras de Vida del Gran Maestro, pág. 100. Jisas sakripaiska tara daukanbara yawan kasak lukisa pyuara, witin mita wantabribia wanwalka wal nahki aisaiaba, helpwanmunbia wan panika nani wahbi briaia. Bara wan iwanka tnatkaba blisingkum kabia wan panika an wan famalika nanira. Serts bilara wan muihni an wan lakrika aikuki asla warktakbia solwala nani Jisasra bribalaia dukiara. Tasbara gabamint lakara respek munbia, Dawan laka mapara apiasa kaka. Sabat Skul warkka dadaukra afiska lalka wina << >>
