1. NOA PYUARA Sandi Lih mairin kati, 7

a. Noa pyuara Dawan uplika nani dia tnatka saura daukan? (Blasi sturka 6:1, 2.) "Noa pyuara kau trabil tarakumkanba lika Dawanra kasak luki uplika nani luhpia wahma an tiara naniba idan nani aikuki marit takikan sin pulanka kum baku, naiwa yawan kaikina baku."— Mensaje para los Jovenes, pág. 453. b. Kau Jisas balras kainara upla naniba nahki kabia? ( Matyu 24:37, 38) "Naiwa Kristian luhpia wahma an tiara naniba nahkisa? Sin dia Noa yuara kanba bakusa idan nani wal marit takisa, dakni wala wahmika ar tiarka wal marit takisa bara witin nani iwanka tnatka nina blikisa. Marit lakaba Dawan mawanra kulkanka tara yabisa sakuna naiwa pulanka kum bakusa, naiwa marit takisa yauhka pat dibustakisa, bara kli mairin wala plikisa ban ban.."— Mensaje para los Jovenes, pág. 453."Ao, plun piaiara saurka apusa tanka kat daukbiasa kaka. Baku sin marit takaiaba tanka kat daukbiasa kaka blissing kumsa. Sakuna baku apiasa kaka Dawan yamni kaikras.."— El Hogar Cristiano, pág. 106.

---

2. ISAAK DAUKANKA NINA BLIKI Mundi Lih mairin kati, 8

a. Ebraham mita ai albikara dia wisata Aisaak maya wahbi briaia dukiara? (Blasi sturka 24:3; 2 Korint 6:14..). "Kristian wahmika kum idan tiarka wal marit takaia ba Dawan yamni kaikras, tankaba lika idan lukankara Dawan sibrinka apu witin wantba taski lakara baman iwaia, aiwina brinka, ainakra brinka nina blikaia, baha mita Dawan baha maritkara blessing yabras."Aisa an yapti ailal brindaukisa ailuhpia mairin ar waikna ba skul diman tiarka ar wahmika wal marit takbia, apia kaka tasba kukanka lahla bri uplika wal marit takbia, sakuna idan kabiakra trabil apu, utla pain, truk pain brisa kaka.."Naha tasbara upla nakrara pain iwikaia sakuna wanrayaka tiwaiara wabiaba dia helpka kum yawan bribia. Ao, upla mita respek wanmunbia, kulkanka wankbia, sakuna Dawan bilakat iuras sa kaka, diakum yawan wentakbia."— El Hogar Cristiano, pág. 54. b. Ebraham albika yaura kasak lukikan an dia daukanka wal marikan? (Blasi sturka 24:12–14) "Ebraham nahki Dawanra aipura sunanba wanauya tikbiara Aisa an yapti nani. Dawan ensalka wan taura wabia bara wanmarikbia ani tiarika wal wanluhpia marit takaia aitaniba. Wina daukra puratani painkira ba baman lika apia sakuna kupia pihni Dawanra sibrin bri tiarika kum kaiasa.."Ebraham albika waiknara Dawan ensalka param marikan kata ani tiarikaba Dawan kupia lakaba. Rebeca lika tiarakum wapni Dawanra sibrin brikan bila wawalra palikan, prautkira apiakan sakuna tiarakum isi kupia pain latwan laka brikan."— Patriarcas y Profetas, págs. 169,170. c. Nahki Rebeca brinkara respek munankata? (Blasi sturka 24:58)

---

3. DAWAN DIA WANTBA MARIT LAKAWAL Tiusdi Lih mairin kati, 9

a. Nahki Dawan waiknara ai helparka yaban, maya mairin kasak ba nahkisa? (Blasi sturka 2:18; Sins laka 18:22; 19:14..) "Dawan pali mita Adam ra aipanika mairin kum yaban kata, adamka tnaya mina wina dusa kum saki wal paskan. Naha tankaba Dawan wanmarikisa mairinba kau tarakaia apia, sakuna kau sirpi kaia sin apia sakuna walbaku, asla pali wina kumibaku kaiasa. Dawan sipkan mairin ba saitra paskaia sakuna Adam tnaya mina wina dusa kum sakan tankaba wina kumi wal sait sait apia, latwan pali kaikaiasa selp aiwina baku. Baha mita waiknaba ai aisa an ai yaptika swisi ai mayawal bribia, dia Dawan asla daukanba upla mita sipapia kabia dakbi sakaia." — La Fe por el Cual Vivo, pág. 253."Dawan aisinska laka tarawal mairinba paskan waikna panika kabia dukiara, baha mita aitani apiasa waiknaba yakan kaia, witin wal asla an lilia kabia dukiara paskan. Mairinba mita aimaiara latwan kaikisa bila walisa wal aikupia kumi unsaban apu kaiasa. Waiknaba mita aimaia mairin kankahbaiasa tawan aisaiasa, help munaiasa mainkaikaiasa babaiura dukia kum baku." — El Hogar Cristiano, pág. 84. b. Saurka diman ninkara Dawan dia daukan famali helpkara? (Blasi sturka 3:16 ; Kolosi 3:18, 19; Epesus 5:22, 25..). "Dawan tasba paskan pyuara waikna an mairinba wal kumi paskan kum kau tara walaba ninkara lika apia, sakuna saurka diman taka naku takan kata. Mairinba pas saurkara kahwan witin aimaia wina wihkara takan takamita, baha ninkara waikna sin saurkara kahwan. Nanara mairinra Dawan latuban pyuara wisata aimaia minara bawi kabia an luhpa baikaira aiwinalatwan wal baikbi kabia. Bansakuna Jisas pruanka taka mita nanara mairin nanisin baha latubanka wina pritakansa. Bara witin nanara kli taura kataba baku aimaiawal asla kumi pana baku kaiasa utla bilara."— El Hogar Cristiano, pág. 100.

---

4. HEVEN BAPANKA NINA BLIKAIA Wensdi Lih mairin kati, 10

a. Maya waikna an mairin walba nahki aslakaiasa sin Dawan Aisa ailuhpia wal aslaba baku? (Jan 5:20 ; 8:29) "Kumi walkamra latwan kaiks pana pana walkam swapnira kaikpara sakuna yamnika lika. Sturi damni, auhni an painkira baman aisibas, sakuna taski, tahpla an wahra sturka nani lika aisapara. Panikam dukiara kupiamra saura kumi sin lukpara sakuna kulkanka yabibas present kum kau painkira baku."Dawan bila walaia tanira lika maia waikna an maia mairinba wal sait saitra kaiasa, ao asla wal aipura sunaiasa utla bilara, sakuna ani pyuara waiknaba Dawan laka wina saitra takbia sa kaka mairinba sip aimaia nina bliki witin sin Dawan wina wihkara waia apiasa."Utla bilara Dawan ba wantaura brikaiasa, maia waikna an maia mairin kat yumhpa kaiasa, minit kumira sin Dawan mawan ingnika wina saitra tawaia apiasa." — Obreros Evangelicos, pág. 169."Dawan kupia pinhnika lakaba mana luha pali uplasutra yabisa ai padinka laka, bakusin kli pana takaia laka an kiln an holi lakara iwaia tankaba. Upla saurakira kum Jisasra aula pyuara kau minitkumsin nampara lukaia apiasa." — El Ministerio de Curación, pág. 279. b. Jisas nahki wanmarikan witin ai Aisawal aslapaliba tanka? (Jan 10:30; Epesus 4:3.). "Utla bilara rait aihwa Dawan latwanka laka barasa kaka, pana pana maia waikna an maia mairin wal witin nani latwan kaikisa bara kunin apu, diara kumisin yukukras, wala mita saurka krusbras, unsaban laka apu, sakuna asla pali lilia baman heven sirpikum baku kabia baha watla bilaba. "— El Hogar Cristiano, pág. 97."Ao waihla sauraba traikaikbia utla bilaba sauhki an slinbi tikaia, sakuna Dawan latwanka lakaba maia waikna an maia mairin kupiaraba mita witin wal kau asla takbia aipura sunbia Dawan Spiritka karnika makabia, nahki sat trabilra kabia kra witin wal aslasa pyuara setan sipapia kabia puraluwaia." — El Hogar Cristiano, pág. 105.

---

5. TRABIL MAPARA BUWAIA Tausdi Lih mairin kati, 11

a. Utla bilara trabil barasa pyuara dia spiritka yaka wantabria? (Jemes 4:6, 7, 10). "Ani watla bilara maia waikna an mairin wal Dawan sibrinkara iuras sa pyuara sipapiasa diara kasak daukaia."— El Hogar Cristiano, pág. 103."Utla bilara trabil nani ailal baraba dukiara man nani lukpara naha waiknika ar mairka wal briaia apia kapri. Trabil naniba mita marikisa man naniwal sma ba rait latwansma sapa. Baha mita nahkisat kabiasin ban drinh swapara bapi buwibas bila kaikanka bribas kan trabilkaba tisku luwiwan kabia. Kumi walkamra maihsam nikibas, sakuna trabil naniba wina plapaia lukpara aslataki wal pura luram kaiasa.."Wihka bila kaiki lantakram kaiasa, bakusin sturi swapni, auhni, damni baman aisikaiasma, sakuna praut sturka, sari, tahpla nani sturka lika yarka bilam wina takbiara ."— El Hogar Cristiano, pág. 93. b. Nahki Dawan latwanka marikaiasa utla bilara trabil barasa pyuara? (Jan 15:12; 1 Korint 13:4–7). "Rait aihwa pana pana latwansma kaka swapnikam nani ailal sutwina pura luram kabia, kumi walkam swapnika dukiara upla walara wipara, Dawanra baman puram suni makabibas maiam swapnika nanira tabaikbia pura luwaia." —Mensajes Selectos, tomo 1, págs. 426.

MAKABANKA LUAN NANI BA LAKI KAIKS Fraidi Lih mairin kati, 12

1. Dia muni Noa pyuara marit ailalba saurkara iwikan? 2. Dia kan yawan sip marit takras idankum wal? 3. Dia Dawan brindaukisa marit lakawal? 4. Nahki yawan uplakumra sipsa wiaia airayaka kasakra iwaia? 5. Utlabila trabilka naniba nahki sipsa puraluwaia?.