Sabat, Lih mairin kati 1, 2017 Rusia kiapitalka lika Moscu nina makisa, nahara upla ailal pali iwisa nahara 70% upla naniba kristiansa. Ortodoxa sertskaba kau tarasa sut tilara. Moscu lika upla 20 milian pura brisa, Rusan tawanka aiska sutwina kau upla aipaswi ba. Nahak sin yabal brisa pasak an tasbak kuntri wala nanira impakaia naha tasba aiskara waia dukiara. Reforma warkkaba Kumunis nani gabamintra kan pyuara wih diman kata, prias daukaia pliska lika apukan sakuna upla watla nanira asla takikan. "Wark tara kum brisa Rusan kuntrikara Dawan bila kasakkaba brih waia… Dawan nakrara sol naniba manapalisa kan witin aitalia palini atki sakan bamna. Witin nani kau naha bila kasakkana walras bara nitsa brihwan kaia."—.El Evangelismo, pág. 100. 2001 mankara pasinkum aifamali sutwal balankan Moscu ra wan muihni nani barakanba aikuki asla warktakan bara 2002 mankara tasba piskum atkan bahara prias watla makaia, dia sipkanba wal traikaikan sakuna sip tnata alkras kan. Kau taura ban tawa tawa paski danh daukan kata priaska watla lupia an bles munan. Baku lika wan afiska bakusin brikan Rusan kuntrika aiskara Dawan warkka daukaia dukiara. Dawan warkkaba kau kau pawi tara takisa bara nanara prias watla ba sirpi takan nitsa kau ria drabi tara paskaia, ao yawan membars ria brisa bakahnu warktakisa sakuna man nani helpkam sin nitsa. Puram sunra bakusin mihtan sakma diara sirpikumwal kabia sin Dawan warkkana kau paki brihwaia dukiara. Tingkiwisa Dawan ra man nani kupiamra dinkbia wan tabaikaia wan muihni baku asla taki naha warkkana dauki tnatara brihwaia. Moscú wina muihkan an lamkra nani