Sabat, Lih mairin kati 6, 2017 "Naiwa yawan iwisa las tnata pyuara, mani ailal Dawan wanbila kaikisa mahka wan heven watlara bal wanbrihwaia. Naiwa sain nanitakiba sutwal wanmaisa pahkisa Jisas pat durbilara ba tanka. Sakuna kau upla ailal barasa Dawan bila kasakka tanka aiskasut briras. Tisku pali tasba gabamintka nani la nani mankaisa Dawan laka mapara bara upla bani ridikaiasa wahbi briaia ar Dawan kasakka aisanba nina blikaia apia kaka waikna dia aisiba bila walaia." —El Evangelismo, pág. 23.. Serts membarska baku wan pahpaiara kahbansa naha gaspel sturka yamnina brihwaia kiama banira; nesan sutra, bila aisinka sutra, kiamka sutra sin baku. Dawanra yawan uba tingki wisa kan wanta baikan naiwa kuntri ailalra pat naha sturi yamnina brihwansa. Wan muihni an wan lakrika nani aikupia wilinkira wal aimihta sakbiba wal Dawan warkkana kau pawi tara taki auyasa, bansakuna kau kuntri ailalra waia yawan brisa, kaisa swapraskira wanpura sunikaia an wan taimka, wan daimka sin mankikaia wark pakaia dukiara.. "Kuntri banira Dawan bila kasakka smalkaia watla barakaiasa, ban unta biarara kabiakra sol barasa kaka wankaiasa witin nanira smalkaia. Jisas kasakka ingnikaba yaka inwan kaiasa kuntri banira. Israel nanira Dawan naha warkka yaban kataba baku naiwa lika ai sertska pahpaiara kahbansa naha warkka daukaia."— Testimonios Selectos, tomo 1, pág. 218. "Kau kuntri ailalra waia yawan nitsa upla ailal barasa nitpalisa brindaukisa naha sturka kasakna walankaia. Bara buk nani paskaia sin nitsa bila aisanka sat sat ra kau pain upla aitanka bribia dukiara."— Notas Biuograficas de Elena G. de White, pág. 335. Naha sabatkara man nanira makabisa kupiam wilinkira mihtam sakma daimkam sirpiwal help wanmunaia. Misaniry warkka afiska wina