GABAMINITRA RESPEK MUNAIA "César dukiaba César kara yas, an Dawan dukiaba Dawanra yas" (Matyu 22:21)
Kau aisikaikaia:
Testimonios para la Iglesia, tomo 6 págs. 394-397;
Testimonios para la Iglesia, tomo 9 págs. 187-196.
"Serts baku pawanka briaiaba, asla takan kaiasa Dawan warkka daukaia, politik wal asla takaia apia, an idan nani aikuki asla takaia apia, serts warkka sut lila pasra Dawan barakaiasa."— Fundamentals of Christian Education, págs.. 483,484.
1. KRISTIAN AN GABAMINT Sandi Li kati, 18
c. Dawan luhpia baku nahki kaiasa gabamint wal? (Roman 13:1–4; 1 Pita 2:13, 14, 17; Tiatus 3:1)Dia yawan daukaiasa tasba gabamintka Dawan Lâkara kulkras sa kaka? (Sturka nani 4:19)"Kaikri yawan Kristian baku tasba gabamintka laka nanira kulkanka yabaiasa, sakuna Dawan Lâka maparasa kaka lika apia, kan naha lakana kautarasa Dawan aimihta paliwal walpa tanhta walra ulbi Moses ra saina îlra yaban."— Testimonios para la Iglesia, tomo 1, pág. 322.d. Upla naniba nahki kabia Dawan Lâka minara tniwikabia kaka? (Aiseya 48:18;32:17)."Dawan Lâka bilakat wapisa kaka karnika brisa prilaka an kupia kumi laka upla nanira yabaia. Dawan aisanka nanisutba blissing bamansa bara waikna an mairin nani baha kat bila walisat kata naiwa wan kuntri bilara trabil nani ailal baraba apukaia kan, sakuna bilawalras taka wantilara blahwan, taiban laka, implikan siknis nani sin ailal barasa."—Profetas y Reyes, pág. 143.
2. HEVEN KINGKA SULIARKA Mundi Li kati, 19
a. Ao yawan naha tasbarasa, sakuna anira pali wan kuntri barasa? (Pilipai 3:20). Jisas diawisi aikingka laka dukiara? (Jan 18:36; Luk 17:21)."Jisas Kingka lakaba lika takrikisa wankupiara."— El Deseado de Todas las Gentes, pág. 467.b. Kristian baku Dawan Lâkara nahki kulkisa? (Jan 3:5; 1:12, 13; Mark 1:14, 15)."Tasba wihtika nani ao takbiaba mita lika apia, ar tasbara la papaskra nani mita daukbia ba mita sin apia, ar upla lahlakira nani mita tabaikbia ba mita sin apia Jisas Kingka lakaba mankan kaia. Sakuna Spirit Holikira karnika mita upla nani kupiara yaka heven Kingka lakaba aimakan kabia. ‘Baha nanisut witinra brin nanira karnika yabansa luhpia takan kaia, witin nanilika uplawina aisubi takras sakuna spirit wina’ (Jan 1:12,13). Naha karnika baman sipsa waikna kahwanka wina bukaia, an yaka Dawan bila wawalra takan kaia."— El Deseado de Todas las Gentes, pág. 471.c. Jisas Kingka dukiara kau yawan dia nusa? (Lawana nani 145:13; 2 Pita 1:11).Jisas dia aisan tasba gabamintka dukiara?"Jisas pyuara gabamintkaba saurakan tawan uplikara implikikan kuntri aiska bilara sipkan kaikaia nahki upla umpira nanira taiban lakara brikanba. Sakuna Jisas traikaikras kan baha nanira wapni daukaia, ar upla nani asladauki gabamint mapara buwaia sin traikaikras kan. Witinka yawan wan patranka baku gabamint tilara dimras kan.Upla nani trabilkara aikupia lukraskan mita lika apia sakuna Jisas nukan upla kupiaba saurka wal aibahwan bara puratani wapni daukaia traikaikbia sin sipapia kabia, baha mita Jisas warkkaba lika wankupiaba klin daukaia."— El Deseado de Todas las Gentes, pág. 470.
3. KRISTIAN BA TAWAN UPLIKA PAIN KUM Tiusdi Li kati, 20
a. Dia Jisas aisankara upla ailal aitanka pain briras sa? (Matyu 5:34-37) Dia dukira nahara wanaisisa?"Jisas aisankara ulbansa: ‘diara kumi dukiara man nani swer takpara’ (Matyu 5:34), nahara wanwiras tasba wihtika nani mawanra swertakaia dukiara: ‘man nani aisankamba : ao kaka ao kabia, apia kaka apia kabia, baha pura lumasa kaka saurka wina balisa’ (Matyu 5:37). Nahara wan aisina lika wanuplika wala wal sturi aisiba dukiara wan aisisa. Upla kum kum naha Jisas aisankana brih wahra ra aitanka briaia traikaikisa. Upla ailal heven an tasbawal ba ai wedniska baku brisa yaka aikuninka aisiba upla walaba rait lukbia dukiara. Naha sat swertakanka dukiara Jisas aidisaipilka nani kupia krauki kan."Ao wihta nani mawanra wan paiubia kaka an wan walbia: man swertakisma diara raitba kat baman aisaia? Yawan sipsa wiaia ao, bahara yawan sindaukras." — Testimonios para la Iglesia, tomo 1, pág. 185.b. Politik tilara wan daukankaba nahki kaiasa? Dia muni? (1 Timuti 2:1-3; Hibru nani 11:13).Politik kum wahbi sakaiara dia muni wan butka yabras?"Dawan wantsa aiuplika nani politik tilara dimbia apia. Sapkaia ba kau sinslakasa. Wan butka yabras politik nanira, kan yawan nuapaiasa diasat uplikasa sapa. Politik daknika satka kumira sin sip yawan tniwras." — Fundamentals of Christian Education, pág. 475.c. Wan lal manaba dia muni aibapaiasa? (Matyu 22:21; Roman 13:7)."Jisas aimihtara lahla makum brin bara marikan Cesar lilkika barakan ban witin naku aisata: Cesar dukiasa kaka yas witinra. Tasba gabamintka nani lakara kulkanka yabaia ba saura apia, sakuna Dawan laka maparasa kaka lika sip yawan kulkanka yabras." — The El Deseado de Todas las Gentes, pág. 554.
4. GABAMINT MAPARA BURAS AN LA KAKULKRA Wensdi Li kati, 21
a. Nahki yawan sipsa prilakara iwiba marikaia? (Matyu 5:9; Roman 12:18)."Wan warkka apiasa gabamint nani mapara buwaia, ar brukwanka daukaia. Yawan wan warkkaba lika waikna an mairin ridi daukaia Dawan yuatara aulabara bapi buwaia an hevenra waia ridikaia diara sut tnatara wabia pyuara."Wan bukka nani ulbisa pyuara minit kumira sin gabamint mapara dukiara ulbaia apiasa, kan yawan wan warkkaba lika mapara babukra daknika apia. Baha mita wanninara bukkum ulbisa pyuara tauplika nani mita aman pali laki kaikan kaiasa. Ao pat tiskura wanpurara trabil nani balaisa sakuna Baibilba yawan purara bukiba takamita, sakuna bahara yawan sibrin kaia apiasa."— Testimonios para la Iglesia, tomo 6 pág.394.b. Kristian baku nahki yawan prilakara iwaiaba tukbi brihwaia? (Roman 12:19-21; 1 Pita 3:8-11) ¿Wan muihni an wan lakra aikuki nahki kaiasa? (Matyu 7:12)."Dawan Lâkara kulkanka tara yas, an taiban laka upla kum mita upla walara daukibara lika misbara kaiks. Walkamra dauks manra dia maidaukbia wantsmaba baku. Dawan nakrara yamni kaikras upla walara taibimuni lahla apia diarakum brimaba."— Comentario Biblico ASD [Comentarios de E. G. White], tomo 7, pág. 953.c. Dia muni yawan war aiklabaia sipwaras? (Jan 18:36; Matyu 26:51,52; Luk 9:56).Stechs ra wartakan pyuara Dawan albika mairin dia wankupia kraukan?"Dawan aimarikan naha warkkara ailuhpia nani sipwaras kan Dawan Lâka wina saitrasa bamna. Gabamint soldyarka nani tilara sip Dawan Lâkara kulkanka yabras, Kan baku yawan diara kasak nuba wansinskara brisa an pyua bani wanmapara kabia. Naha tasba gabamintka nani war daukiba selp ai intereska wal Dawan yamni kaikras."— Testimonios para la Iglesia, tomo 1, pág. 322.
5. TAIBAN LAKABA MAPARA DIA DAUKAIA Tausdi Li kati, 22
a. Yawanra wan taibi naniba mapara diadaukaia, gabaminit bila katsin? (Roman 12:19; Kolosi 4:6; Epesus 4:29)."Dawan mihtara kaisa swiaia gabamint nani laka daukbia. Yawan lika bawikira sakuna karna bapi buwan kaiasa Dawan bila kasakkaba kan kahbaia dukiara." — Testimonios para la Iglesia.,tomo 6, pág. 397."Jisas ra yawan kaikisa kaka witin wina lantakbia ai aisanka tnatka, bara bawan lakawal wan sturka naniba aisabia, sturi swapni, auhni an tankira upla kupia baikaia apia." — Consejos para los Maestros, Padrfes y Alumnos, pág. 428."Sturi swapni aisaiaba lika sin li sikwiba bakusa wan solkara." — Obreros Evangélicos, pág. 128.b. Nahki yawan Jisas daukanba nina blikbia, gabamint laka mita sandi kulkbia wisi taibi wanmunbia pyuara? (Hechos 10:38)."Sandi yuara misaniry warkka daukaiaba lika wan waihla nani mihta wina klalaba mihta dakbaia, witin nani brindaukiba lika Adventist nanira swira daukaia. Sakuna wankaikka sandira misaniry warkka daukisa kaka witin nani sip wanalki takasbia apia." —Testimonios para la Iglesia.,tomo 9, pág. 187.
MAKABANKA LUAN NANI BA LAKI KAIKS Fraidi Li kati, 23
1.Gabamint lakawal yawan diadaukaiasa?2. Dia muni Jisas gabamint nani wina wihkara kan?3. Dia muni yawan sip wan butka politik nanira yabras?4. Gabamint ta uplika nani saurka dukiara dia muni sip aisaras?5. Nahki wan aisankawal sipsa wednis pain yabaia? Nahki aima manas wan aisanka wal wednis saura yabisa?