"Wahma an tiara bakusin almuk nanisut, man nani aman kaiks diasat panika brismaba. Naiwa man lukisma uba pana pain gûl walbaku sakuna naika kaikma braskanba tanka."— The Signs of the Times, November 26, 1896..
1. PANA KASAK KUM Sandi Lih wainhka kati, 30
a. Pana kasak daukankaba nahkisa? (Sins laka 17:17; 18:24.)"Naha tasbara yu banira waihla saura mapara aiklabinara yawan nitsa karnika, tabaikanka bila ria wanwinka puhbaia, baha sut aima manas sipsa briaia wan muihnikum wan lakula daukisa pyuara baku sin sturi painkira kum wan aisuyaba mita. Ensal nani sut yamni kaikisa naha daukanka."— El Ministerio de Curación, pág. 115."Aima manas trabil nani ailal wanpurara baliba mita wihra wantaibisa bansin kaikras kaka wanwinka puhbaia taimka sin wankras bakusa. Baha awarkara yawan nitsa wan muihni kum helpka, wal asla taki wanpura sunaia Dawan karnika makabaia. Yawan nukaiasa tila trabil naniba wina sip plapi swakras kan pautara gûl angki daukiba baku Dawan wantsa wan kasak ka lakara paubia dukiara."— Comentario Biblico ASD (Comentarios de E. G. White), tomo 3, págs. 1181, 1182."Panakum mamyunaia baman laikba pain apia sakuna anipanika mamrikiba mistikkam baha pana pain."— Testimonios para la Iglesia, tomo 3, pág. 250.b. Pana kasakba nahki wanhelpkara sa? (Jan 15:13; Job 6:14.)
2. SINSLAKA WAL WAHBAIA Mundi Lih mairin kati, 1
a. Panakum wahbi briaiara diadukia ba kaikaia nitsa? (Roman 12:9; 1 Korint 15:33) ."Kristian kumba idan nani aikuki sip aipana takras witin nani aiduakanka nina sipblikras, ao witin nani aihelpkara warktakaia nitsa Dawan bila kasakkaba marikaia dukiara bara yabal yamnira bribalaia. Bansakuna baha wisi witin nani patapira, kwalka dimra, sturka aisanka nani baku yawan sip daukras. Idan nani sinskaba wiktakan mayarasa, saurkara baman lukisa an daukisa bara setan albika takisa. Kristian ailal aifamali idan brisa an aiwarka pliskara sin baku aman pali kaikaiasa nahki witin nani wal aisikaiaba, manwina witin nani lantakaia nitsa, sakuna witin nani wina manra diara lanmaidaukaia lika apusaAo yawan witin nani siawisi sip yukwras aikuki wan warkka pliskarasa, tibilra plunpisa, sakuna witin nani pidukiaba lika yawan piras, witin didukia yawan diras, witin nani kwalka dimi stailka tnatka yawan dimras.Aman wahbi briaiasa anipanika diara klin, wapni, kasak lakara wapaia lihki naniba, kan baku lika yawan pana pana wanpura suni Dawan yabalkara wapikabia."— Testimonios para la Iglesia, tomo 3, pág. 141.b. David an Jonatan wal panika dukiara dia wanaisisa? (1 Samuel 18:1.).c. Dia wala daukanka yamnira kaikaiasa wan panikara? (Sins laka 11:13; Luk 7:13; Galisan 5:22, 23)."Bawan laka, wihka bila kaikanka, wan spiritkara umpira kaiaba lika Dawan mawanra kulkanka tara yabisa. Kupiamra banbribas latwan laka, prilaka, yamni munaia lukanka, wan walka swapnikara kaikaia apia. Nahasut lika dus yamni mâka kumsa. Jisas latwanka wankupiara iwisa pyuara, naha sut daukaia sipkabia."— Mi Vida Hoy, pág. 51.
a. Baibilra sturi ulban naniba wina dia yawan lantakisa? (1 Korint 10:11, 12)."Wan muihni Ju nani swakwanka dukiara Baibilra ulbras sakuna ai yamnika nani baman ulban kata yawan sip diara ailal lantakras kaiakan." —Testimonios para la Iglesia, tomo 4, pág. 15.b. Nahki Samson aipanika wahbibrin an diatakan? (Wihta nani 14:3)."Sansón witin Dawan bila walidaukan sat kata baku pali tnatkara pruaia apiakan. Sakuna aidul uplika naniwal prawan taka diara saura ailal Dawan mawanra daukan. Sora tawankaba lamara kan bara baha tiarka nani aikuki laiktakan baha taka airayakara tihmia tara takan kata. Timnah wina tiarka kumwal witin brisata Israel nani waihla kiamka kan ba.Sansón witin pat waikna aitani takan pyuara Dawan warkkara aitaimka aiska yabaia watlikara aidul uplika nani aikuki asla takan." — Patriarcas y Profetas , pág. 606.c. Nahki Lot wahbi brin anira iwaiaba, dia witin kaikras pulan? (Blasi sturka 13:10, 12, 13). Sadam uplika wal aslatakan taka aifamilira dia trabilka balan? (2 Pita 2:7, 8; Blasi sturka 19:14)."Lot trabil tarara diman witin Sadam wina mairka idan kumwal marit takan an baha tawanka saurara aiwatla makan. Ao Dawan albika Ebraham ai tahtika smalkanka nani aisinskara brikan taka witin ban bapi buwikan sakuna aipyua aiskara prilaka sakras kata, kan naha tawanka uplika nani lika aidulra baman nina blikikan." — Patriarcas y Profetas , pág. 172.
4. PANA KASAK APIA Wensdi Lih mairin kati, 3
a. Dawan nahki kaikisa idan wal wanpana takiba? (James 4:4)"Kristian kumba ailukanka, aiwapanka, aidaukanka sutba satwalasa idan ba wal, baha taka witin walsip asla takras. Kristian ba witin Dawan bilawalisa, idan kumba lika setan bila walisa. Kristian ba ai mâ yamni plawar mâ sakisa sakuna idan ba lika kiaka mâ sakisa. Kristian lukankara diara klin, wapni, holi an kasak baman barasa an daukisa, sakuna idan lukankara diara taski, wahra, ban saurka sut barasa."— El Evangelismo, pág. 450.b. Dia kupia kraukanka Dawan wankisa idan naniwal wanpana takiba? (2 Korint 6:14, 17)."Mansip idan nani aikuki aslataki witin nani aidaukan wina lantakras kristian kaiasma kaka. Man sip Dawan suliarka kapras sintaim setan uplika nani tilara kaia. Man tasbara iwi uplika nani daukanka taski, wahra ba nina bliki kapras, sakuna bahawina dakwi takram kaiasa. Kan manlika heven suliarka Dawan mita bakmaisakan naha tasbara ingnika kum kaia dukiara"— Testimonios para la Iglesia, tomo 2, pág. 41."Bankaia glorikaba Dawan mita maikbia, an rayaka kum luwiwaikasba."— Testimonios para la Iglesia, tomo 2, pág. 44.c. Idan naniwal asla takiba wal diamarikisa wankupia trabilka?, nahki Dawan naha kaikisa? (Matyu 10:37, 38.)."Dawan wantba wan sinska aiska, wan karnika aiska, wan solka aiska sut witinra yabia, sakuna aisikam, ar yaptikam, ar prapatikam kau tara kulkisma kaka man sip Jisas nina blikras."— Testimonios para la Iglesia, tomo 3, pág. 54"Jisas nahki naha tasbara kan pyuara dauki wanmarikan ba baku yawan daukaia nitsa."— Consejos sobre Mayordomía Cristiana, pág. 57.
5. PANA KAU ASLABA Tausdi Lih mairin kati, 4
a. Marit lakara waia panika wahbi briaiara dia wanauya tikaia apiasa? (Matyu 22:37; Luk 14:33.)."Yawan uplakum wal asla takisa pyuara witin aidaukanka, aiaisanka, aiwapanka wina lantakisa, bara kli kli wal prawisa pyuara wan sinskara takaskisa yawan pali wan tnatkakum baku. Ao Idan nani helpkara yawan warktakai nitsa yabal wahrara ba wina yabal yamnira wapaia landaukaia."—El Hogar Cristiano, pág. 416."Dia sat panika brismaba mita man daukankara yamnira mai brihwabia ar wahrara maibriwabiaKrisitan Dawanra sibrin briuplika aikuki panikam brisma kaka holilaka, kasakka lakara iwi lantakram kabia." — El Hogar Cristiano, págs. 412, 413.b. Dia kan yawan sipapiasa dakniwala naniwina wanpanika wahbi briaia marit takaia? (Amos 3:3.)."Sansón maia idankanba mita witinra sauhkan an tiwaiara brihwan. Wahma an tiara naha wina lisin tara lantakaia nitsma namkra brinka mita yarka kunin maimunbiara, tiara ar wahma kum idan kabiara wina daukankara kaikpara sakuna pas taura makabi wals witin Dawan sibrinkara iwisa sapa, sipsma sin kaiakaia aikwalka dimra, aiwapanka, ai aisanka nanira bara man nutakram kabia rait ar kuninsa sapa." —Conflicto y Valor, pág. 192.
MAKABANKA LUAN NANI BA LAKI KAIKS Fraidi Lih mairin kati, 5
1. Pana rait aihwaba wan helpkara dia daukbia?2. Dia muni yawan sipasla takaia apiasa upla lukanka saura aikuki?3. Samson mistikka wina yawan dia lantakisa pana wahbi briaia?4. Dia muni yawan nitsa wankupia aiska Dawanra yabaia?5. Nahki yawan wan panika daukanka nina bliki lantakisa?