1. WAN LAMARA NANIRA HELP MUNAIA Sandi Lih mairin kati, 28

a. Dia sat uplika nanira kau helpmunaia nitsa?( Galisan 6:10; Matyu 12:50) "Upla skahwa, rau, piarka, blain, upla almuk naniba sut kristian nani mawanra swinsa, ensal nani yu banira kaikisa yawan nahki pitka witin nanira helpmunbia sa sapa. Kan kristian baku wan spiritka lainkara pawaiaba nitsa praktis munaia smalkanka nani Dawan bilawina lantaki dukia nani, wawalra baman kaialika apia sakuna dadaukra kaiasa.Dawan brindaukisa yawan lantakbia wanwinakat baman lika kaikaia apia sakuna wanwalka dukiarasin lukikaia wan mihta sakbia diasipba wal helpmunaia. Jisas latwanka taraba wankupiarasa kaka yawan nutakbia dia muni witin hevenra aitrunka swisi naha tasbara balan upla tiwankanba swaki sakaia dukiara."— Testimonios para la Iglesia, tomo 3, pág. 561. b. Rait Dawan bila kat wapisa kaka dia warkka daukaia nitsa? (Jemes 1:27; Mark 14:7.) "Plis sutra upla umpira, skahwa, piarka, rau nani barasa witin nani yawan wan helpka nitsa."— El Ministerio de Bondad, pág. 39.

---

2. SERTS BILARA WAN MUIHNI AIKUKI LATWAN KAIA Mundi Lih mairin kati, 29

a. Nahki Dawan ailatwanka wanmarikan. Yawan dia daukaia nitsa baha latwanka wal? (1 Jan 4:9, 11; Jan 3:16.). "Dusprignira kaiks Jisas pruiba yawan wan saurka tawan, padin laka wankaia an rayabankaia bribia dukiara. Saura kira kumba Jisasra latwan kaikisa kan pana witin pas latwan wan kaikan ba mita."— Mensajes Selectos, tomo 1 págs. 439,440."Jisas wankupiara iwisa kaka tarapulanka laka apukabia, sakuna wanspiritkara umpira bawikira wal heven wantdukia ba bila walidaukbia. Ani kristianka Jisas wal wapiba yu bani wilinkira warktakisa aiwalka helpkara. Ao, diara uba ailal bribara yuisa lika apia sakuna witin pali ai piaika ar aidimaikaba wilinsa upla walara yabaia."— Cada dia con Dios, pág. 262. b. Dawan wal yawan nahki iwikaiasa kau wanwalkara latwan kaikras kainara? (1 Jan 4:7, 12.) "Hevenra tarbaiwan apu, upla sutba asla kumi baku pana pana latwan kaikisa, bara yawan sut hevenra waia riditakiba naha tasba wina lantakaiasa selp wanwinakat kaikaia apia."— El Deseado de Todas las Gentes, pág.593."Naha tasbana lika skulkum bakusa yawan lantakisa naika hevenra waiba dukiara. Jisas daukanka paliba lantakan kaiasa naha tasbawina."— Nuestra Elevada Vocación, pág.177. c. Nahki tnatkara wanwalkara latwan kaikaiasa? (1 Pita 1:22, 23). "Spirit Holikira karnika wal baman sipsa wankaia tanka briaia Jisas latwan ka laka tihukaba bara wan kupia klindaukbia dukiara "— El Exaltad a Jesús, pág. 246"Walkam dukiara saura kumisin lukpara an aisapara, sakuna ai yamnika dukiara lika."— Cada dia con Dios, pág. 83.

---

3. LATWAN LAKA DAUKI PAWAIA Tiusdi Lih mairin kati, 30

a. Yawan kumi bani dia wahbi briaiasa wan kristianka lakara pawaia dukiara? (Epesus 4:21–24). "Tasba kukanka swisi Jisasra balaiaba upla ailal laikapiasa, witin nani lukisa uba diara tara swiaiaba sipapia, kan aitanka briras san aha tasba kukanka naniba luwiwaikira nahki ailal brimasin bahawina swakisakan laka briras, an raitira wama pyuara manra helpkumisin takras. Bansa kaka Dawan Spiritka Holikirara makabaiasa wan sinska nakra kwakbia wantanka briaia, wankupia lakaia tasba nina blikiba wina tawi nanara Jisas nina blikaia." — La Fe por el Cual Vivo, pág. 141."Dawan bilabara kulkanka yabraskan pyuara diara bahki baku kaikikan, sakuna Spirit Holikira mita wan sinska ingni daukan taim nanara wantanka brisuya an kaikisa diarakum manatara baku. Wan lukanka naniba chens takansa , wan sibrinka naniwina sut nanara kler takansa bila karnikaba mita." — The Faith I Live By, pág. 139. b. Nahki tnatkara yawan spiritra pawaiasa? (2 Pita 3:18) "Ya uplika aiwalkara helpkum yabiaba pana witinra sin help munankabia, sakuna aiwina kat kaiki uplikaba witin blising kumi bribia apia sakuna latubanka lika brinkabia. Yawan Dawan blesingka wantsa kaka lantakaiasa wanwalkara helpmunaia, kan naha lika heven laka kumsa, walkamra mihtam sakbismaba pana manra sin Dawan aimihta sakban kabia.."Nahki yawan sipsa spiritra pawaia? Wanwinakat dukiara baman lukiba swibia kaka Spirit Holikira mita wanlukanka nanisutra klin, wapni, kasak an holi lakara wanbrih wakbia. Bara heven wina blising ailal pali yawan brinkabia." — Comentario Biblico ASD (Comentarios de E. G. White), tomo 7, págs. 958,959."Jisas wal kau kakaira takaia sipsa aibila holikiraba stadi takisa pyuara, kasak lukaia an wan rayakara praktis munaia dia Baibil wan smalkiba." — Mensajes para los Jóvenes, pág. 118.

---

4. MISTIKRA KAHWANBA WAL NAHKI AISAIA Wensdi Lih mairin kati, 31

a. Wan muihni an lakra wal aisisa pyuara dia wankupiara brikaiasa? (Luk 21:19; Jan 15:12). "Wan muihni nani swapni takisa pyuara ban lulki swipara sakuna witin nanira mariks Dawan latwankaba, padinka laka, an helpmuns kli buwaia kahwanba wina."— Fundamentals of Christian Education, p. 281."Yawan wan walkara latwanba marikaia traikaikaia lika apia, kan Jisas latwanka wankupiarasa kaka naha latwankaba sipapia kabia yukukaia, sin duspainkumba ai mâ pain sakisa traikaikiba mita lika apia sakuna sip ma saura sakrasba mita."— Obreros Evangélicos, pág. 513."Ao ai swapnikara kahwan naniba wal tankira yawan helpmunaiasa kli bukaia kahwanba wina sakuna aman kaikaiasa yarka ban saurka wal pulikaia lika apia."— Los Hechos de los Apóstoles, pág. 401.."Setan kiwkara kahwan nanibara yawan helpmunaiasa tankira kli bahawina bukaia. Witin nanira saurakira baku lika kaikaia apiasa sakuna Jisas padinka lakawal helpmunaiasa kli klarbilara baldimbia dukiara. Yawan mita kanbi baku lika munaia apia, kan setan kau witinra kunin muni wibia muihkan nanisut mamparasa klisin wapara."— Testimonios para la Iglesia, tomo 2, pág. 69. b. Wan muihnikum aiwalka wal unsabisa kaka yawan diadaukaiasa? (Matyu 18:15; Libait laka 19:16.). "Uplakum aimuihni wala saurka manra aisabiasa kaka walpara sakuna wis witin pastaura wabia aimuihni help munaia, naha adarkana Jisas wankansa.."Bankra muihkam mita manra saura maimunansa kaka pana munaia lukpara sakuna kaulika man witinra was wal aisas traikaiks kli wal panabaku takaia, sakuna upla uplara aisi taukpara witin aisaurka dukiara."— En Lugares Celestiales, pág. 292.

---

5. KLI BUKAIA WARKKA Tausdi Li kati, 1

a. Mistikra nani mawanra yawan nahki kaiasa? Dia ba wan warkka kaiasa? (Galisan 6:1, 2; 1 Pita 4:8; Taitus 3:2) "Wankupiara brikaiasa ai swapnikara kahwan nanira helpmuni klibukaia paliba lika wanwarkka tara palisa, nahara minit kumirasin lulki swiaiapiasa."Ya uplika aimuihni kahwanbara kaikras baku pulbia sa kaka Dawan mita witinpalira sin yabalkra brihwabia bara kaikbia nahki sauraba wan muihni nani mita lulki wanswisuya pyuara."— Testimonios para la Iglesia, tomo 6, pág. 398. b. Kahwan nani klibukaia pyuara dia trabilkawal prawisa? (Sins laka 11:13; 18:8.). "Diarakum yawan nukaiaba wan walka saurka dukiara upla upla aisitaukisa pyuara manpalismaba spiritkamra pruramsa bahamita baku daukisma."Kristian baku aman pali kaikibas sturi aisismaba upla walakum nina aisapara yamnika dukiara apiakaka kau yamnisa bilam praki bribas. Serts bilara wan muihni nani aikuki asla iwaia lantakaia sa wan swapnika nani dukiara pana pana wanpura sunaia Spirit Holikira karnika wal pura luwaia dukiara.".— Testimonios para la Iglesia, tomo 6, págs. 168,169.

MAKABANKA LUAN NANI BA LAKI KAIKS Fraidi Li kati, 2

1. Dawan bila aisanka kat wapiba yawan nahki marikisa? 2. Kristian nani pana pana nahki latwan kaiasa ki? 3. Nahki yawan sipsa kristian karna bapan kaia? 4. Nahki wan walkara latwan kaikaia? Ya nani palira kau? 5. Wan walka kahwanba bukaia want apia kaka dia wan takbia?