SPIRIT HOLIKIRA: WAN TABRABRIRA "Kiamara walma bilabaikra kum maiwibia: nahasika yabal ba nahak waps aihkikamra taupara smihkamra sin taupara." (Aiseya 30:21)
Kau aisikaikaia:
Hechos de los Apostoles, págs. 39-46.
Nuestra Elevada Vocación, págs. 150-154
"Dawan kumira yumhpaba aslatakan upla helpkara, Aisa bara Luhpia an Spirit Holikira aikuki bakahnu witin nani takrikan kata upla swaki sakaia warkka taraba."— Maravillosa Gracia de Dios, pág. 190.
1. SPIRIT HOLIKIRA BA Sandi Lih Wainhka kati, 9
a. Nahki yawan nusa Spirit Holikira uplakum bakuba? (1 Korint 2:11; Roman 8:16, 26)"Spirit Holikira ba witin Dawansa kan baku apiasa kaka witin sipapia kaiakan yawanra wanwiaia Dawan luhpia takanba tanka. Baman sinapia sakuna Dawan pali sikritka tihuka sutwitin kakaira palisa."— Evangelismo, pág. 447."Naha tanka yawan kasak briaia nitsa Spirit Holikiraba witin Dawan Aisa, Luhpia Jisas aikuki kumira aslaba tanka."— Evangelismo, pág. 447.b. Ani nina yumhpara upla tahbi sakisa, dia muni? (Matyu 28:19)"Dawan kumira sakuna yumhpasa witin nani asla pali warktakisa upla swaki sakaia dukiara, Jisas witin pruikli buan ninkara adarwankansa ya uplika witin aipruankara kasak luki naniba liwina aitabi takan kaiasa Aisaba, Luhpiaba an Spirit Holikira yumhpa ninara. Bara baku heven suliarka takisa Dawan Laka bila wawalra daknika baku riditakisa Jisas balbia pyuara hevenra wankaia."— Evangelismo, pág. 446.
2. HEVEN WINA SMASMALKRIKA Mundi Lih Wainhka kati, 10
a. Spirit Holikira nina walaba dia, an diadaukisa upla helpkara? (Jan 14:16, 26)."Maihsanikra spiritkaba nina makisa ‘rait spiritka’ witin aiwarkkaba lika diara raitba wankisa tanka briaia. Sakuna pastaura lika witin wankupiara bal iwisa bara maihsanikra wankisa. Pri laka an maihsanikra barasa diara raitbara sakuna kuninra lika apia. Kunin smalkanka nanibak an almuka tnatka winabak setan bribalisa wanlal blakaia, bara baku wankan diara bahki nanira kulkanka yabisa. Dawan bila staditakisa pyuara wansinskara Spirit Holikira mita diara kasakba mankisa, an mistik nani baraba wina wankan wantanka brisa an priwandaukisa, bara Dawan laka bilawali daukisa."— El Deseado de Todas las Gentes, pág. 624.b. Nahki Spirit Holikira ba wan tâ brisa? (Jan 16:13)"Waikna an mairin naniba wilinsa kaka airayakara chens takaia, Dawan Spiritka mita holi wandaukan kabia. Spirit ba mita Dawan tanka tihuka naniba wantka yawan tanka brinkabia. Karnika wankan kabia rayabankaia yabalka tanka briaia an kli mistikra taukaia apia."— Hechos de los Apostoles, pág. 43."Nahki wankupia aiskakira wanpura sunaia nitsa Spirit Holikira mita wantabribia dukiara, ingnika wankbia Dawan bila kasakka tankaba briaia. Smalkanka wahra naniba wina dakwitakaia"—Testimonio para los Ministros, pág.111.c. Nahki natkara Spirit Holikira mita Dawan bilaba wansinskara mankisa? (Luk 24:32)"Spirit Holikira wankaia pramiskaba Jisas aidisaipilka nanira yaban kata witin mahka hevenra uliwasata pyuara. Jisas witin pali aitalia wal heven tentka watlara wan helpkara aisisa, witin wantba uplara yaka aitanka briaia ailatwanka Taraba tanka an Dawan bilaba wan sinskara ulbaia."—Reflejemos a Jesús, pág.124.
3. RAYA PAPASKRA KARNIKA Tiusdi Lih Wainhka kati, 11
a. Spirit Holikira warkka dukiara aisas (Jan 3:8)."Ao yawan Spirit Holikira ba kaikras sakuna nusa nahki upla saurkara pruan nanibara yaban aitanka brisa bara aikupia laki yamnira tawisa. Baku sin kristian kan sakuna ainira tawan nanira yaban kli baltawisa Dawan yabalkara. Upla ailal kupia walpa baku karna takan naniba Spirit Holikira mita yaban swapni takisa. Laya tahpla yus mamunra nani blabaman ba nanara sipsa aidarawali aiwina main kaikaia. Prautkira Dawan Laka mapa babura naniba nanara umpira bawikira lantakisa an Jisas nina blikisa. Naku wan nakra kaikisa pyuara wantanka brisa Spirit Holikira nahki karnika briba paskanka rayadaukaia. Ao Spiritra lika yawan sip kaikras sakuna warkkaba sipsa kaikan kaia. Sin pasa krawiba baku aniwina balisa an anira auyasapa upla nuapia, Dawan warkkaba uplamita sip alki takaskras." —Evangelismo, pág. 213.b. Nahki Spirit Holikira ba wan sinskara aisisa? (Jan 16:8.)."Dawan bila kasakka ba Spirit Holikira karnikawal baman sipsa wantanka briaia an wanrayakara yaka chenstakaia, baku sin wansinskara yaka takasbia yabal kasakba nutakbia bara saurka taskikara misbara kaikbia an kausin bahara iwikabia apia. Ao pasin ar smasmalkra sipsa painkira smalkaia sakuna Dawan Spiritka karnika walbaman sipsa uplara yaka aitanka briaia an ingnira balaia." — Obreros Evangélicos, pág. 301."Dawan Spiritka baman sipsa kasakka tanka wansmalkaia, wan saurka naniba paramra sakisa bara wantanka brisa, saritakisa an wankupia lakaiara wanbrihwisa, Jisasra wanbrihwisa swakisakan laka bribia dukiara." — Reflejemos a Jesús, pág. 124"Jisas sakripais tara daukanba diara tarasa uplasut helpkara, nahki witin wilinkan wandukiara naha tasbara bal pruaia. Bansakuna Spirit Holikira warkka mita wankan sakripaiska tara tanka tihuka briaia an wansaurka taskika, tahplikara misbara kaikaia, wankupia laki Dawanra balaia." — Mensajes Selectos, tomo 3, pág. 155..
4. SPIRIT WARKKA WAN SINSKARA Wensdi Lih Wainhka kati, 12
a. Nahki Spirit wanwisa diara kasakba daukbia? (Aiseya 30:21)."Ya uplika Dawan bila aisanka kat wapiba witin karnika brisa bara sipapiasa traika kaikanra kahwaia. Spirit Holikira mita witinra aitabrisa yabal ingnira wapaia, bara sin aitanka brisa aiwarkka dauakaiaba naha tasbara."— El Deseado de Todas las Gentes, pág.485."Dawan bila wawalra nanira kler marikisa aniba yabal kasakba, bahara wapbia dukiara. (Aiseya 30:21) Bara witin liliakira kasakka yabalkara wapbia aikainara kiaia an walpa barakabiakra, sakuna selp aikupia brinka nina blikbia apia ."— Afin de Conocerle, pág.253.b. Nahki Spirit helpwankisa wan swapnikara? (Roman 8:26.)."Jisas lika wan lenstarka, baku sin Spirit Holikira warkkaba wan helpkara aisaia. Jisas lika Dawan Aisa mawanra wan helpkara aisisa witin selp aitalia dusprignira laikanba wal. Spirit Holikira lika wan sinskara aisisa Jisas sakripaiska tara daukanba dukiara mayunra yabia an wankupia lakbia wan saurka naniba swisi Jisasra bal swaki sakan laka bribia dukiara."— Comentario Biblico ASD (Comentarios de E. G. White), tomo 6, pág. 1077.c. Wankupia lakankara diawarkka daukisa Spirit ba? (Ezekiel 36:25–27.)."Upla manas kristian takisa, serts bilara warktakisa maniailal ainina ba kristian brisa sakuna aikupia lakras baha takamita witin ban kunin aisisa, tuman laka brisa, misbara kaikan, tarapulanka banban. Sakuna aniuplika rait aihwa Spirit Holikira karnika mita chens munanba sipsa kaikaia aiwapankara, ai tnatkara, ai aisankara, witin lika rait aihwa waikna an mairin kum raya takansa, kainara diara wahra, taski nani daukikanba wina sut pritakan nanara kasakka lakara, klin an holi lakara iwaiaba witin aibrinka palisa."—Reflejemos a Jesús, Pág. 209.
5. PATRA LAKRAS Tausdi Lih Wainhka kati, 13
a. Spirit wan tâbrisa pyuara nahkisa yawan Dawan mawanra? (Romans 8:1)."Nanara man nani nusma winam taraba selp dawanka apiasma sakuna witinka maiatki sakanba dusprignira aitalia holikira laikanba witin prapatika takramsa. (1 Pita 1:18,19) Jisas ra kasak lukramba mita Spirit Holikira karnikaba wal paskanka raya maidaukansa tuktan sirpi aisuban ba baku."Jisas daukanba takamita nanara primaidaukansa bara man kli saurka albikara taupara, nanara nutakram winamtaraba Jisas prapatika, makas Spirit Holikira karnikawal diara tara tihu naniba maikka tanka briba. Patira pyuara tnatka almukra dauki kapram dukia naniba sut swis nanara sinskamba diara kasakbara lihkibas." — El Camino a Cristo, pág. 52.b. Jisas wal yawan nahki yubanira asla wapikabia ? (Matyu 10:20)."Jisas mankupiamra iwisa kaka man bilawali lantakma witin daukanba baku."Jisas upla baku diadaukanba wina patran tara yawan lantakaia nitsa. Spirit Holikira karnikawal sipkabia witin aimina taibanka nina blikaia." — El Camino a Cristo, pág. 63.
MAKABANKA LUAN NANI BA LAKI KAIKS Fraidi Lih Wainhka kati, 14
1. Spirit Holikira ba nahki aslasa Dawan Aisa an Jisas aikuki?2. Nahki Spirit ba wark takisa diara kasakba wan sinskara mankaia?3. Spirit Holikira upla kum rayakara warktakiba nahki kaikisa?4. Nahki Spiritba wan helpkara aisisa Dawan Aisa mawanra?5. Spirit mita upla raya wandaukisa pyuara dia warkka yawan daukisa?