Sabbath Bible Lessons

KRISTIAN IWANKA

 <<    >> 
Sabat, Lih Wainhka kati 22, 2017 Lisan 4
JISAS WAL WAPAIA "Lilia taks an kaiks Dawan lika kasaksa: Yamni palisa aniuplika witinra bilakaiki naniba." (Lawana nani 34:8)
Kau aisikaikaia:   La Educación, págs. 229-236. 
"Dawan wantsa aililkika manra kli paskaia, kasak lukismaki witin sipsa helpmaimunaia. Wal kakaira taks. Witin ailamara bal saurkam nani dahra saki kupiam lakma pyuara witin manra padin maikbia."— The Review and Herald, February 15, 1912.

1. KUPIA RAYA BRIAIA Sandi Lih Wainhka kati, 16
a. Wankupiaba nahkisa, an dia Dawan wantsa wankaia? (Jirimaya 17:9; Ezekiel 36:26.) "Baibilra wankupia wisa pyuara nukaiasma baha lika wan sinska dukiara aisisa. Wankupia chenstakaia wisa pyuara baha lika tasba brinda, wanwina brinda nani swisi Jisasra balaia. Baku bara wankupia raya tankaba lika wanlukanka kum kasak lakara baman tniwikaia. Nahki sipsa nutakaia wansinska raya takanba? Wanbrinka almuk nanisut ra pruaia tankaba danh daukaia apia."— La Maravillosa Gracia, pág. 100. b. Yawan dia lantakbia Dawan brindaukisa wankupia rayaba wal? (Job 22:21; Jirimaya 24:7) "Dawan bila kasakka tanka kau tihukara waia dukiara turbi kaikisa pyuara wansinska Spirit Holikira mita ingni daukisa bara kainara sip wantanka briras kataba nanara sipsa kau an kau wantanka brinkaia. Baman sin apia sakuna karnika wankisa bilawali daukaia bara heven blisingka wanpurara blikisa.Ani waiknika ar mairka rait aihwa aikupia aiska Dawan aisinka nina blikaia wilinsa kaka Jisas wal kakaira takan kabia."— Mi Vida Hoy, pág.272.
2. DAWANRA KASAK LUKAIA AISAKUM BAKU Mundi Lih Wainhka kati, 17
a. Baibilra dia ulbanka patran kum baku brisa Dawanra kasak lukaia? (Luk 23:46; Blasi sturka 22:7–9.). "Jisas dusprignira saban kan pyuara dinar wina tutni bakriki prais tihmia tara takan kata, nahara witin Dawan lawanka taraba twilkan upla saurka dukiara. Pat tara brikan pyuara Jisas ban lukan Dawan Aisa mita yamni kaikras , sakuna witin ban drinh swapras kan kainara bilawawalra kasakkanba bankan pruaia patkara katsin, ninkara ai spiritkara karna takan kata. Jisas puraluan kata Dawan Aisara kasak lukanba mita."— El Deseado de Todas las Gentes, pág. 704. b. Dawanra kasak lukaiaba dia nitsa? (Sins laka 3:5, 6). "Muihni an laikra Jisas mihtara alks yakan karnikamra lika apia, naha tasbara aiklabankara sipsma bapi buwaia Jisas buwanba baku sakuna isilika apia aima manas trabil ailal sipsa puramra balaia sakuna bahasutra ban drinh swapara Jisasra kaiks witin ai spiritka wina karnika briram kabia."— Testimonios para la Iglesia, tomo 5, pág. 403. c. Yaura yawan wanbila kaikanka mankisa an dia Dawan wankupia kraukisa? (Lawana nani 118:8, 9; Sins laka 29:25). "Dia sat ban wark tara brikamasin bawan lakaba lantakram kaiasam Jisas nina blablikra kasak kum baku. Dawan bilaba plunkum baku pibas bahawal aibahkram kabia. Yakan karnikamra minitkumira sin tniwpara sakuna lantakram kaiasa Jisas karnika wal baman diara sutba daukaia."— Idem.."Uplawala smalkanka nina blikpara sakuna traikaikaiasma man selp Dawan bilaba turbi kaikaia tihukara waia, sakuna baha dukiara Spirit Holikira karnika makabaia nitsma, witin mita ingnikum baku maikbia, sinskam kwakbia maikka tankam briram kabia dukiara. Yu banira trabilkam nani brismaba yakan puraluwaia traikaikpara sakuna Jisasra bribal witin help maimunbia."— Cada dia con Dios, pág. 82.
3. WAN TAIMKA YUSMUNAIA DAWAN BILARA Tiusdi Lih Wainhka kati, 18
a. Dawan dia wantsa yawan lantakbia Baibil stadi takiba wal? (Jirimaya 15:16; Lawana nani 34:8) "Ani uplika Dawan bilawal airayakara aibahwiba witin Spirit Holikira wina karnika aiska brinkabia." — Testimonios para la Iglesia, tomo 6, pág. 158."Dawan blesingka aiskaba yawan wandukiasa sakuna bila wali dadaukra takaia nitsa. Man uplakum plunpiba kaikisma pyuara biamra banhras sakuna mansin piaia nitsma, baku apiasa kaka yawan swapni takbia wan winara. Sinbakusa spirit lainkara Dawan bilaba piras sa kaka yawan karnika apukabia."Ya uplika Dawan bilawal yu bani airayakara aibanhwiba witinka lika karnika aiska brisa, bara witin pali aidaukanka naniba chenstakisa kainara tnatka wahrara iwikanba wina nanara wapni, kasak, holi lainkara wapisa." — La Fe por el Cual Vivo, pág. 24. b. Dia pas yawan daukaia nitsa Dawan dukiara upla wala nanira aisaia? (Lawana nani 119:27) c. Dia blisingka wala yawan brisa Baibil stadi takisa pyuara? (Lawana nani 17:4; 119:11, 93; Roman 10:17) "Wahma an tiara nanira Spirit Holikira mita Dawan bila auhnika aiska marikisa. Dawan pramiska painkira ba yaban aitanka brisa bara sipsa laiktakaia. Baman sinapia sakuna wansinskara karna daukisa waihla saura mapara aiklabi bapi pura luwaia.."Dawan bila tihukaba kau kau pawisa, tanka kasak aihwa brisa barasin auhnikaba kaikisa, wan rayaka aiskasin satwala daukisa, kiln, kasak, wapni, adarkat iwaia lanwandaukisa." — Palabras de Vida del Gran Maestro, pág. 102."Wan sinskara Dawan bilaba manas brisa pyuara traika kaikan mapara sipsa karna buwaia aiklabi puraluwaia."— Mi Vida Hoy , pág.28.
4. DAWAN WAL AISAIA Wensdi Lih Wainhka kati, 19
a. Dawan wal aisisa pyuara dia wanauya tikaia apiasa? (Pilipai 4:6). "Dawan brindaukisa yawan yubanira tingki lakawal mayunra daukbia, kan baku yawan wan spiritka lainkara pawaia sipkabia, Dawan kupia pihnika blisingka awarbanira an yuaiska bilara wankiba dukiara witinkara mayunra yabaiaba aitanipalisa."— Conducción del Niño, pág. 136."Wan sinskara Dawan mawan ingnikaba yu banira an awarbanira barasa kaka witinra mayunra yabiba takasbia apia, baku lika yawan sipkabia spirit lainkara kau pawankaia. Wanpura sunraba kaikras kaka uplakum wal aisibaku kabia. Dawan wanwibia diara tara an tihura bara dukia nanisut, an aimawan ingnika yawan walba wantanka brinkabia."— Palabras de Vida del Gran Maestro, pág. 100. b. Dia Jisas patrankum wankan ai Aisa wal aisikanba wal? (Luk 6:12). "Jisas lika swapraskira warktakikan. Awar ra kaikras aiwarkka daukikan. Aikupia aiska upla swakisakaia warkkara aitaimka manki kan. Yu aiska witin warktakikan an tihmia aiskara aipura sunikan, baku witin karnika brikan setan mapara karna bapi buwaia an pura luwaia. Baku witin sipkan upla kahwanba kli bukaia an Dawan mawan ingnika wankaia."— Testimonios para la Iglesia, tomo 9, págs. 36,37. c. An taim yu aiskara wanpura sunaia yawan nitsa? (Lawana nani 5:3; 55:17; 1 Tesalonika 5:17). "Dawan mawanra wandaukanka yamni kaia wantsa kaka wan tnatka naniba wapni lainkara brih pakaiasa. Wanpura sunraba diara tarapalisa wanpawanka lainkara. Wan sinskaba landaukan kaiasa Dawan ra uliwankaia."— Mensajes para los Jóvenes, pág. 112.
5. DAWAN WALISA Tausdi Lih Wainhka kati, 20
a. Ahkia Dawan wanpura sunra walisa an ansika wanakisa? (Aiseya 57:15; Matyu 21:22). "Wanpura sunraba baman sipsa wan iwankara yamni dauki lantakaia an wark nanisut kasak daukaia. Dawan Spiritka Holikira mita karnika wankbia wan swapnika naniwina sut karna takaia. Dawanra padin makabia an Jisas tnatka kasakba yawanra wankbia dukiara, sins laka, an presantka wala nanisin sut wankan kabia." — Los Hechos de los Apostoles, Págs. 450,451."Dawanra makas yamnikam dukiara daukbia mansip daukrasma dukia nani. Wis Jisas ra. Kupiam ra sikrit nani bara brismaba sutwis, kan witin ainakra lika diara tihura baraba sut nusa, bara wan lukanka sinsut kakairasa bukkum baku. Baku lika man makabran dukiaba maikan kabia." — El Hogar Cristiano, Pág. 270 b. Ahkia Dawan wanpura sunra walras? (Lawana nani 66:18 ). "Aniuplika saurka wal pulisa pyuara Dawan Spiritka sip aihelpkara diara daukras, baku Dawan wina wihkara yawan wisa. Dawan ra mayunra yabi uplikara witin mita pana blising yaban kabia." — Mensaje para los Jóvenes, Pág. 112.
MAKABANKA LUAN NANI BA LAKI KAIKS Fraidi Lih Wainhka kati, 21
1. Dia tanka kupia rayakum briaia? 2. Jisas nahki ai Aisikara kasak lukikan? 3. Dawan bilaba wansinskara brisa pyuara nahki pawan kabia? 4. Nahki sipsa wanpura sunraba Dawan wal aisanka baku kaia? 5. Dia dukiara Dawanra makabaiasa?
 <<    >>