Sabat, Li kati 3, 2017 España lika yurop muna tanira barasa. Bara waupasa tani kabu tara atlantik kabuka barasa an Mediteran kabu sin baku. Ki sirpi sin ailal auhya unra barasa. Hara upla naniba 46 milian purkara iwisa gabamintba mita upla nanira kulkanka yabisa an King sin witin nani brisa. Upla trengsar wan kaikaia bali naniba ailal palisa mani banira 2015 mankara turbi pliki kaikanka daukanra nutakan 71.8% upla naniba kiatalik sertskara asla takisa. Bansakuna 48.4% wahma an tiara nani 18 mani wina 24 mani kat aisan witin nani Kiatalik kumsa. 47.1% upla nani lika aisan witin nani serts asla takanka nani tilara dimras. Madrid, lika tawan tarakumsa bahara upla ailal palisa 3.2 milian uplanani bahara iwisa sakuna lamara tawan sirpi sutwal prakbia kaka lika 6.5 milian upla iwisa, nahara bisnis daukaia warkka sat sat narasa. 1972 mankara yawan Adventist Reforma daknikaba serts baku gabamint watlara wan nina mankan an wan warkka taraba takrikan kata Dawan bila kasakkaba kiama banira brihwaia dukiara. 2000 manka wina yawan tanira wan membarska ailal tawan walara kanba sin nahara balan warktakaia bara aikuki asla yawan takan kata. Yawan traskum diman kata prias watla makaia dukiara nanara kat pat aihkika aibapansa sakuna wan muihni ailal witin nani kli tawi ai pliskara wan, bara membars riabaman takaskan. Baha mita man nani helpkam makabisa help wanmunma traskau briba aibapaia dukiara. Yawan lukisa naiwa sabatka presantka wal man nani mihtan sakmaba wal wan traska sutba wina aibapi takiwan kaia. Dawan blesmaimunbia kumi banira. Muihkam an lamkra nani Bangalore wina