Sabbath Bible Lessons

KRISTIAN IWANKA

 <<    >> 
Sabat, Lih wainhka kati 1, 2017 Lisan 1
PAPASKRA AN PASKAN DUKIA NANI "Dawan naku aisan: kaisa waiknaba paskaia wanlilka kat, bara witin karnika brikabia kabura inska sut baraba, daiwan papala sut kasbrikaraba, bakusin daiwan minira tasbaraba an ailamara kwasi nani sut purkara kabia." (Blasi sturka 1:26)
Kau aisikaikaia:   Patriarcas y Profetas, Págs. 11-30. 
"Dawan mita naha tasba painkiraba paski danh daukan pyuara witin waikna an mairin wal paskan bara witin nani aimihtara mankan kata paskan dukia nanisutba. Inska satka nani, daiwan papalra, minira an ailamara kwasi sinsut."— Patriarcas y Profetas, Pág. 24.

1. PASKAN LILIKA Sandi Kakamuk kati, 26
a. Nahki Baibil wanwisa Dawan diarasut paskanba dukiara? (Blasi sturkas 1: 31) "Naha tasbana Dawan paskan pyuara prana painkira palikan: twi bila painkira, tingni, dus satka kat, îl tarka tara lika apukan sakuna pitka kat barakan, kabuba ban tarkatara lika apiakan, diara sutba tanka kat painkira palikata, ensal nanisut lilia an yamni kaikan kata Dawan mihta warkkaba. Saurka diman ninakara Dawan mita latuban pyuara aisawan kata, an lisamra tara luan ninkara kau aisawan." —Patriarcas y Profetas, pág. 23. b. Dia muni yawan Dawanra mayunaiasa? (Blasi struka 139:14). "Dawan wal kakaira takaiaba lika sturikum baku baman apia; sakuna witin pali mita wan sinskara ulban ba wal yawan sipsa kaikaia, baman sinapia sakuna aibila holikirara ulbanba wal kau sipsa wantanka briaia. Paskan dukia nani wanlamakir ra bara ba yawan kaikisa pyuara Spirit Holikira mita wansinskara aisisa."— Testimonios para la Iglesia, tomo 8, pág. 340.
2. DIA DUKIARA TASBA PASKAN Mundi Kakamuk kati, 27
a. Dia Baibil wanwisa diara sut paskanba dukiara? (Blasi sturka 2:4; Kolosi 1:16). "Dawan witin aipanika kum brikan naha tasba paskan pyuara yakan lika apiakan. Aipanika wal aisikaikikan nahki kau paskan dukia nanira prana painkira daukaia dukiara… Dawan Aisa witin ailuhpia Jisas ku paskan hevenra bara dukia naniba sut."— Patriarcas y Profetas, Pág. 12."Dawan witin aisan bara aibila karnikawal baman diara nanisut paskan kata. Paskan dukia nanisut lika wanmarikisa Dawan karnika an aisinska laka tara an tihuba tanka."— Exaltad a Jesús, Pág. 60. b. Dia dukiara Dawan tasbana paskan? (Aiseya 45:18; Param marikan 4:11.) "Dawan naha tasba paskanba lika holikira nani watla an lilia kabia dukiara. Naha tasba saurka sutwina klindaukbia pyuara kat naha Dawan brinkaba aimakan kabia, bahara holikira nani bankaiara aiwatla brinkabia saurka luha, an prura sin apukabia."— El Hogar Adventista, pág. 489. c. Nahki Dawan buwi Adam an Ev walra paskan an witin nani dukiara dia lukikan? (Blasi sturka 1:26; Lawana nani 8:5, 6). "Adam an Ev walra paskan kata Dawan glorika kabia dukiara (1 Korint 11:7), witin walra Dawan mita kasak an prana painkira paskan kata, waikna an mairin yakwra aimawan kalatka painkira saun palikan siknis kumisin apukata. Baku sin aisinska lainkara smatpalikan diara kumisin aiauya tiuraskan.Ao heven ensalka naniwina riamayarakan (Hibru nani 2:7) sakuna prana painkira pali Dawan mita paskan kata. Bara witin nani nitkan pawaia nahki bilawalaiaba Dawan aisanka nanira.."— La Educación, Pág. 19.
3. RAIT AIHWA DAWAN RAYAKIRA BA Tiusdi Kakamuk kati, 28
a. Rait aihwa Dawan ba nahki satwalasa dawan wala naniwal? (Jirimaya 10:11, 12.). "Dus wahia nanira bakusin walpa nanira, slilma, pasa, kasbrika sutra Dawan ninaba ulbansa. Baku sin diara paskan dukia nanisut nahki adarkat aslapali warktakiba wan aisisa Dawan karnika an aisinska laka taraba." — Patriarcas y Profetas, Pág. 30. b. Dia muni yawan Dawanra mayunra yabi bilawalaisa diara sut purkara? (Aiseya 42:5; 45:5; Lawana nani 139:13, 15, 16.). "Bankaia Dawanka, witin selp rayaka briba, papaskra tar aba, diara sutra karnika witin mita yabiba, airaitka brisa mayunra yaban kaia paskan dukia nanisut mita. Bara uplara adar yabras aidul nanira mayunbia dukiara. Baman sin apia sakuna wan latwanla laka diara kumra kau tara kulkisa pyuara bahaba aidulkum takisa." — Patriarcas y Profetas, Pág. 227. c. Ensal nani Dawanra mayuniba wina yawan dia lantakisa? (Aiseya 6:1–3; Lawana nani 96:8, 4). "Bawan laka an kulkanka tara yabiwal yawan Dawan mawanra balankaiasa. Ao Jisas ninara yawan Dawan Aisa trunka mawanra sipsa balaia, sakuna ban upla bahki kum mawanra aulaba baku lika apia. Dawan mawanra ensal tara naniba balisa pyuara kulkanka tara yabisa aimawanra bawikira.Aima manas yawan priaswatlara Dawan mawanra balisa pyuara sin plis bahki kumra aula bakusa, wan kwalka dimra naniba idan nani tnatka baku, an chikle wakabisa prias watla bilara, apia wanlamara iwi uplikawal sturi bahki nani aisisa." — Patriarcas y Profetas, Pág. 228."Ani kristianka rait pali Jisasra kakaira takanba kulkanka tara yabisa bara airayaka aiskara witin bawikira wataukisa dia Baibil aisan bakat. "- The Signs of the Times, 4 de marzo de 1897.
4. DAWAN MITA WAIKNARA RAYAKA YABAN BA Wensdi Kakamuk kati, 29
a. Dawan mita waiknara nahki rayaka yaban? (Blasi sturka 2:7) baha karnika dukiara dia aisisa? (Lawana nani 36:9) "Dawan mita uplaba paskan pyuara diara sut painkira palikan sakuna kau rayaka lika apukan bara Dawan mita aiwinka puhbra yaban pyuara uplaba rayatakan bara wina aiska bilara diara nani baraba kupia, pusa, sinska sutra talaba plapitawan kata, bara sut kasak wark takan kata."— Ministerio de Curación, pág. 322."Wankupia dikwiba, wantalia plapitawiba, wanwakia nani sut warktakiba adarkat, wanmarikisa nahki Dawan karnika mita rayawanbriba tanka.."— Ministerio de Curación, pág. 324. b. Dawan karnikara nahki Ebraham kasak lukan upla pruan wina kli bukaia? (Hibru nani 11:19). "Ebraham witin ailuhpia Aisak wal Dawan adaryabankan ba kat îlra wasata bara mahka altarba paskan kata walpa nani purakat kahbiwal ninkara pautaba purara mankan ninkara Ebraham mita ailuhpia Aisakra wisata Dawan adaryabansa sakripais daukbia ao prubia sakuna Dawan karnika brisa kli bahawina bukaia."— Historia de la Redención, pág. 84. c. Nahki naha karnika marikan kabia naikara? (Roman 8:11; 1 Korint 15:51–54). "Jisas tasbara balbia pyuara kasakkira nani pruanbara winbia, bila karnika mita tasba nikban kabia, bara raiti nanisut kwaubia bara Dawan ensalka nani mita kasakkira nanira bukan kabia, bara kasakkira nani rayaba lika minit lupia kumira wan nakra klipan bakura pat aiwinaba satwala takan kabia. Baku witin nani asla taki pasapurara uliwankabia Jisaswal prawaia."— Hogar Cristiano, Pág. 130.
5. HEVEN SULIARKA KAIA DUKIARA PASKAN Tausdi Kakamuk kati, 30
a. Adam ba Dawan wal nahki aisikan? (Blasi sturka 1:27; Luk 3:38) Kau saurkara kauhras kainara nahkikan? "Waiknaba Dawan glorika aiska airayakara marikaia kan. Ao Jisas baman lika kau Dawan Aisa wal aitaliasa (Hibru nani 1:3) Waikna an mairin walsut Dawan aililka kat paskan kata. Ailukanka sutba lika Dawan wal aslapali kata. Ai sinskaba karnika tara brikan Dawan laka kat wapaia. Minit kumira sin saurkara tniwras kan. Ban baku kaiakan Dawan bila aisanka nanisutba bilawali daukan kata."— Patriarcas y Profetas, pág. 24."Muihki an laikra diara kumi mita sin yabrika Dawan wina wihka dakbi wansakbiara. Naiwa nahara yawan sipsa heven lilika briaia mahka riditakisa pyuara Jisas aulaba walprawaia an witinwal waia.". En Lugares Celestiales, pág. 31.. b. Dia prika laka Dawan uplasutra yabansa? (Roman 14:12, 5.). "Dawan lakaba lika heven aiska sutra lilia laka yabisa kasakka lakara wapaia, latwan lakawal wan daukanka tnatka sutra pawanka brinkabia dukiara. Minit kumira sin Dawan mita uplara taibi munras aibila walbia dukiara, kan nahalika latwan laka mita nikban kaiasa. Upla sutba taibi munan laka apu selp aikupia laka wal Dawan laka bila walaiasa."— Patriarcas y Profetas, pág. 12.
MAKABANKA LUAN NANI BA LAKI KAIKS Fraidi Kakamuk kati, 31
1. Dawanra kakaira takibawal nahki kau asla iwisa witinwal? 2. Dawan diawantkan naha tasba paskanba wal? 3. Nahki Dawan bilawaliba wal kau witinra kulkanka yabia? 4. Wanrayakaba nahki Dawan wina yawan brisa? 5. Diakan Dawan prilaka wankisa witin wal wan iwankara?
 <<    >>