LA KUM GûL BAKUBA "Bahamna, diara sut uplawala mita yamni maimunbia wantsma ba baku pana muns." (Matyu 7:12)
Kau aisikaikaia:
Testimonios para la Iglesia, tomo 2, Págs. 121-124
"Lâ kum gûlwal prakanba lika raitpali wanwalkara kulkanka yabaia, naha lika yawan sipsa kaikaia Jisas rayakara."— El Discurso Maestro de Jesucristo, Pág. 114.
1. LA GUL BAKUBA TANKA Sandi Lih Wainhka kati, 23
a. Dia ba Lâ kum gûl bakusa? (Matyu 7:12.)"Ju nesanka nani kau waritaki lukikanba lika prapati witin nanira yabaia pramiskaba briaia naha tasba aiskara nesankum kau tarakaia karnika aiska brikaia. Jisas wan smalkisa yawan uba lukaia apia diara briaiaba dukiara, sakuna lantakaiasa yawan wina wanwalkara yabaia, nahki pitka yawan yabiba kau kan itki blissing wankan kabia."Wan walka trabil briba kaisa witin aipliskara aimakaia, nahki witin aidara waliba, aitrabilka nani tilara kaisa helpmunaia sin yawan pali wanpurara kan baku. Naha palisika rait aihwa kristian warkka kaiaba"— El Discurso Maestro de Jesucristo, págs. 113,114.b. Aniba Lâ kum gûl bakuba plamaika? (Matyu 22:37–39)"Dawanra latwan kaikaia an wan walkara sinbaku, smalkanka kum baman lika apia sakuna wanrayakara daukaia. Jisas latwanka Taraba wankupiara iwisa kaka naha tasba uplika nanira marikan kaiasa wan kukankaba naha tasbara apiasa sakuna hevenra sa bankaiara luwiwaikas tasbaiara.."— That I May Know Him, pág. 90.
2. KAU UMPIRA NANIRA HELP MUNAIA Mundi Lih Wainhka kati, 24
a. Ya nanira sturi yamniba wiaiasa wan smalkanka an wandaukanka wal? (Roman 1:14, 15.)."Jisas nina blablikra nanisut pahpaiara kahbansa kau tihmiara naniba helpkara warktakaia sin Jisas pliskara baku. Yawan sut tihmia wina ingnira takana nanina wark tara brisa idan nanira Jisas latwanka laka kasakka laka brihwaia, naha lika traskum bakusa yawan aibapaia."— El Discurso Maestro de Jesucristo, pág. 114.b. Ya nanira kau yawan mainkaikaia nitsa? (James 1:27; Job 29:15, 16)."Jisas ingnika kau tara man brisma pyuara mamyunpara sakuna nubas kau trasbrisma baha nani apu nanira yabaia. Baku sin naha tasba kukanka wal blising brismasa kaka umpira nanira man helpmunaia sma: rau, piarka, kahwa, almuk nani sinsut, witin nani aipliskara man barasma baku damra wals.."— El Discurso Maestro de Jesucristo, pág. 115."Dawan latwanka tara wan helpkara daukanba wankupiara baraba mita wan walkara yawan m ita latwan kaikisa."— El Ministerio de Curación, pág. 156.c. Diamuni Jisasra upla ailal mita yamni kaikraskan? (Aiseya 53:2).Dia yawan lantakisa naha ulbanka wina?"Man nani winamkat baman dukiara lukaia ar tauplika tarakumra uba tara kulkaia watlikara, pliks upla umpira nani watlas, kwala apu, plun piaia sin apu nani bara yas diara sirpikum kabiakra. Ao yawan laiksa uplara diara yabaia sakuna pana bila kaikisa witin wina kli kau ailal wankbia, baha mita upla umpira sin diara wankaia apu nanira diara yabaia want apiasa. Sakuna nubas witin nanisin Dawan luhpia Jisas aitalia dusprignira laikanba witin nani sin dukiarasa."— Nuestra Elevada Vocación, pág. 261.
3. LA KAT IWAIA Tiusdi Lih Wainhka kati, 25
a. Nahki Jisas Lâ kat wapan? (Sturka nani 10:38)."Nahki yawan sipsa painkira kaikaia Jisas rayaka aiskara, uplasut ailamara bali naniba sipkan prana painkira aidara walaia. Ao naiwa yawan wantilara Jisas uplabaku apusa sakuna ai Spiritka Holikira yawan aikukisa bahamita anikat wabiasin aimawan ingnika wanpurarasa. Wan yabalka sut ingni daukbia ao trabil apukabia lika wiras sakuna baha tilara wankupiara lilia bara kabia." — El Discurso Maestro de Jesucristo, pág. 114.b. Dia nitsa Dawanra latwan kaikaia an wanwalkara sin baku? (Luk 9:23; Galisan 2:20.)"Dawan ra yawan latwan kaikaiaba wan karnika aiska wan sinska aiska an wan solka aiska; walaba wan uplikara latwan kaikaia wanwina tarabaku. Naku sipsa yawan daukaia selp wanwina tarara kulkras sa kaka. Wanwinara kulkras wiaiaba lika wan brinka almuk naniba taibi briaia kainara albawanbrikanba wina. Tuktan baku wan spiritkara umpira kaia Dawan pramiskara bilakaikanka brikaia. Dawan wark wankanba daukaia upla wankaikbia wisi lika apia ar mana kum wankbia dukiara sin apia. Jisas nahki witin aiwinara kulkanka tara yabraskan sakuna yawan wandukiara wanpatka tara briaia kataba witin twilkan. Upla wala dukiara warktakaiaba lika isiapiasa kan aima manas yawan daukiba witin nanimita bahki kulkisa." — En Lugares Celestiales, pág. 223.c. Nahki Jisas karnika wankisa aimina taiban nina blikaia? (Taitus 2:14.)"Dawan mawanra yawan balaia sipsa Jisas ku baman. Yawan wark yamni dauki naniba lika Jisas wankupiara iwiba mita wan saurka padin wanmuni klin wandauki yubanira wantapaki ba mita. Bila walanba mita swaki wansakras sakuna Jisas swaki wansakanba mita bilawalisa." —Comentario Biblico ASD (Comentario de E.G. de White), tomo 5, pág. 1096..