1. PATRAN BA NINA BLIKAIA Sandi Li kati, 11

a. Nahki wan bisniska naniba brih wakaia? (Hibru nani 8:5; Matyu 5:48) "Kristian nani diarasut aimihta kahbisa pyuara luki kaiasa rayabankaia alkaia dukiara. Insla warka, apia kaka truk aisawan paskaia warkka sapa sutbara kaikan kaiasa kasakka laka, wapni an adarkat kaiasa. Jisas patrankaba yawan marikan kaiasa diarasut wan mihta warkka dauki banira, minit kumisin bara taiban laka apukaiasa."— En Lugares Celestiales, pág. 154. b. Nahki kenan tasbaiaba lika heven lilkika sirpi baku kan? (Hibru nani 11: 8-10, 13-16; Param marikan 21: 1-3). "Jisas tasbara kan pyuara tasba aisika Josep kiamtika warkka pliskara witin liliakira warktakikan, adarkat, wapni an kasakka tnatka kat. Bara uplasut ailamara aula naniba kaikikan raitpali heven sirpilupia kum baku. Ai taimkaba ban naha tasba dukia bahki nanira mankras kan sakuna ailukankaba heven dukia nanira baman luki kata."—Idem., págs. 131,132

---

2. KARNA BAPANKA Mundi Li kati, 12

a. Diaba Dawan heven paunkara mankisa? (1 Samuel 2:3; Aiseya 26:7; Lawana nani 62:9). "Dawan paunra mankisa daukanka, lukanka an kaikanka naniba. Waikna an mairinsut heven paunkara mankisa, Dawan wantsa naha upla sut nukabia."Dawan nakra wina diara kumisin sip yukwras nahki tihura kabiasin, ar tihmura kabiakra, wan lukanka nanisutba witin kler pali kaikisa. Dawan wanwisa wan sinska aisa, wan karnika aiska wan solka aisa witinra latwan kaikbia an walkara sinbaku. Bara witin heven paunkara mankisa baha sutba."La daukaia yua tarara paunra wan mankbia taim kau pauntakras kaiaba lika diara sibrinkira palisa. Saurakira baku wankupia lakaia nitsa wan saurka sutba wina an Jisas wanmata daukanbara kasak luki alki briaia nitsa, kan Jisas talia baman sipsa wan taskika nani wina sikbi klin wandaukaia."— Nuestra Elevada Vocación, pág. 141. b. Nahki Dawan wantsa wan bisniskara wan walka aikuki iwikabia? (Romans 12:17; Job 31:6). "Waikna an mairin kasak kumba ai walka swapnikara witin traikaibia apia wentakaia an aipakitka banhkaia. Diara nani atkiba praiska kat atkan kaiasa."Wan rayaka aiskara diara dauki nanisutra yawan marikan kaiasa waikna an mairin kasak kumba tanka. Idan nanilika baku apiasa kan setan bila walisa bara witin tnatka plikisa aiwalkara taibaia. Sakuna Kristian nani lika witin Jisas nina blikisa."— Mi Vida Hoy, pág. 340.. c. Jisasra yawan kasak lukisa pyuara nahki wan kulkisa? (Roman 8: 14-17; Galisan 4: 4-7). "Man lukpara bisniskamra paintakma apia uplara taibrasma kaka."— The Review and Herald, 19 de Agosto de 1844.

---

3. KRISTIAN KUM BISNISKIRA Tiusdi Li kati, 13

a. Daniel maparakan naniba dia aotakan want apiakan kuna? (Daniel 6:4) Baha wina yawan dia lantakisa? "Kulki kaikaia warkka daukiba bisniskumra witin aman pali watchstakaisa mistik kumisin daukaia apia. Sin Daniel kataba baku diara sutba wapni daukan kaiasa. Danielra dusakuhban pyuara aiwarkka naniba turbikaikan mistik kum barasa sapa sakuna sutba kasak wapni painkira daukan kata, naha sturka painkirana wina lisin lantakisa nahki wanrayakara kristian baku wan bisniska nanisutba wapni, kasak, adarkat, klin daukan kaia. Ao Daniel witin Dawan uplikakan sakuna Babilan kingka warkka daukikan aiyua pata dukiara, bahara wanmarikisa Dawan albika naniba sipsa gabaminit kum tilara warktakaia politikra lika dimras kira." — Testimonios para la Iglesia, tomo 7, pág. 236. b. Ebraham wina yawan dia lantakisa wan bisniska nani wakaia? (Blasi sturka 23:7-16). "Ebraham rayaka wina lisin painkira lantakisa nahki witin Heth luhpia naniwina tasba piskum atkanba aimaia Sara pruankanba bikaia dukiara. Nahki witin respek lakakat sturi aisan kata uplika nanira."Kaisa wanwinakat baman lika kaikaia apis… sakauna pyua banira plikaia upla wala nani karbanka wihra nanibara help munaia, sarka nani daskaia, wan latwanka marikaia diara sirpikumkra daukiwal. Naha sat marikanka wan walkara daukisa pyuara Lilia lakara pawisa, wanwatla bila uplika naniwina takrikaia an prias watlara sin baku." — Mi Vida Hoy, pág. 198. c. Dia patranka Jisas wankan? (Epesus 5:2). "Jisas rayakara yawan patran painkira kaikisa an lantakisa. Witin yu banira aiwalkara helpmunaia plikikan pana witin nani wina diarakum briaia dukiara lika apia." — Testimonios para la Iglesia, tomo 4, pág. 216.

---

4. DIARA MANA UBA PRAKIBA Wensdi Li kati, 14

a. Baibilra ya dukiara wan aisisa ai bisnikara kasak apiakan? (Luk 19:2-7). "Zakius lika ju kum kan, biuti mana sasakra warkka takikan sakuna unaiuplika nanimita misbara kaikikan, witin aikukanka ailal brikanba lika wark yamniwina apia sakuna taiban lakawina lahla lainkara tara pawan kan. Ao naha waiknika lahlakira witin aikupia muhtara brindaukikan Dawan yabalkara wapaia"— El Deseado de Todas las Gentes, pág. 506. b. Witin dia daukan? (Luk 19:8). "Ya uplika rait aihwa aikupia lakuyaba sin Zakius kata baku witin wantkabia aiwarka taski naniba sut swiaia an Jisasra balaia, bara rait aihwa aikupia lakanba tanka marikbia yaura implikan naniba kli yabaia. Dawan naku aisan: ‘saurakiraba implikan dukia briba kli dawankara yabiasa kaka, an airayaka chenstakbiasa kaka, witin daukan dukia naniba sut dikisakan kabia. (Ezequiel 33:15,16).""Wan bisniska nanira uplakumra taibansa kaka aitanisa kliyabaia an pura itki, kan Dawan lakaba baku wan smalkisa. Wankupia lakan wisa pyuara man saritakisma diara mistik daukramba baha pain, sakuna wilinkaiasma ya uplikara saura munrambara waia wal padin takaia an diara kum taiban laka wal mihta dakbran sa kaka kli yabaia."— El Deseado de Todas las Gentes, pág. 509,510. c. Ya waikna kum aibisniskara kasak apiakan? Dia muni? (Jan 12:4-6). "Judas witinka lika disaipil nani tilara lahla aialkra kataba witin tila manas baha lahlika wina selp adarapu yus munikan. Jisas mina Mery Magdalen sika maka kia painkira wal sikbata pyuara Judas aisan kau kanra yamnikan atki muni upla umpira nanira yabaia, sakuna bankra atkan satkata witin lukikan aipakitkara mankaia."— Consejos robre El Deseado de Todas las Gentes, pág. 513.

---

5. KUPIA KRAUKANKA ISI Tausdi Li kati, 15

a. Dia wankupia kraukisa idan aikuki aslatakaia bisnis kumra? (Amós 3:3; 2 Korint 6:14,15). "Wan muihni an wan lakra nani kumkum bisnis brinaniba sabat painkulkras laura ulbanba kat. Witin nani aima manas idan naniwal aslatakansa bara sip sabat painkulkras. Nahara witin nani selp blain baku takansa sip aitanka brindaukras Dawan mawanra yamni kaikrasba tanka." — Joyas de los Testimonios.,tomo 2, págs. 180,181. b. Jisas pat aula tanka nubaku nahki wan bisniska naniba wakaiasa? (Sins laka 22:29). "Jisas pat aulaba tanka kakaira kum baku Kristian nanira lanwandaukisa wan bisniska nanisutra wapni, kiln, adarkat, an holilakara daukikaia. Ao Jisas pat aula wisilika yawan diara daukras bahkira kaia lika wanwiras, sakuna wan bisniska nanisutra kasak lakara waki kaiasa. Wan uplika wala kumira sin taibras, wanpaunkaba kasak kaiasa uplira auns kumira sin implikaia apia. Idan naniwal asla takaia apia, wan aisanka daukanka nanisutra wan walkara marikaiasa Jisas mawan ingnikra yawan iwiba tanka. Baku bara diara luwiwaikira nanibara sin wan sinska uba mankaia apia sakuna bahak yawan sipkabia wan uplika wala aikuki kakaira takaia an smalkaia chanska briaia." — Testimonios para la Iglesia, tomo 4, pág.304.

MAKABANKA LUAN NANI BA LAKI KAIKS Fraidi Li kati, 16

1. Dia wanlukankara banbrikaiasa diarasut daukiba tilara? 2. Wan bisniskara pawaia dukiara, dia yawan lukaia apiasa? 3. Daniel rayaka wina yawan dia lantakaia nitsa? 4. Uplakumra yawan kunin munansa kaka dia daukaiasa? 5. Jisas pataulaba nubaku nahki wan bisniski daukaiasa?