1. MARIKANKA PAS BA Sandi Lih mairin kati, 14

a. Dia lukanka wal wanwatla bilara warktakaia nitsa? (Aiseya 8:18.) "Aisa an yapti nanira Dawan aisisa: man nani wamtla bilaba patran kum kaiasa heven watla sirpikum baku. Luhpiam nanira kankahbibas an witin naniwal latwan lakara tapakibas. Utla bilara lan dauks diarasutba adarkat brikaia an bilawawalra kaia naha sika patrankum taraba tasba aiska mawanra. Aisa an yapti nutakram kaiasa man aisankam an daukankam naniba wina luhpiam nani lantakisa."— Comentario Biblico ASD (Comentarios de E. G. White), tomo 6, pág. 1118. b. Dia ba nitpalisa wan luhpia nanira landauki pakaia? (Epesus 6:4). "Aisa an yapti ailal utla bilara Dawan wark yabanba kasak daukras, ai luhpia nanira kasakka lakara iwaia landaukras, tuktan sirpi aitanka brisuya wina mahka Dawanra latwan kaikaia landaukan kaiasa. Aisa an yapti utlabilara wark ailal barasa sakuna kautaraba lika luhpiam nanira smalkaia Dawan bilara iwaia, kasakka lakara wapaia, klin, holi an adarkat kaia yu aiska bilara."— El Hogar Cristiano, pág. 162.

---

2. UTLABILA PRIASKA Mundi Lih mairin kati, 15

a. Aisa nani mita ailuhpia nanira dia daukanka marikaiasa? (Epesus 4:2, 32). "Utla bilara praut sturka, wankarma tarawal sin sturi aisaia apiasa sakuna swapni, isi, auhni sturi wan luhpia nanira aisaia bawan lakawal, wan watla bilara pana pana helptaki kaiasa wark sirpi nani daukaia dukiara.Taiban laka wal yarka tuktan nani bila walbiara sakuna aisa an yaptiwal man nani patran kum bakubas luhpiam aikuki bakanu utla warkka daukibas. Luhpiam nani kupia baikpara sakuna aikuki panakum baku sturi aisibas..Bankra diara sirpi kum tawan ranhbanka barasa kaka kau yudimras kainara aikuki sut wapni takram kaiasa. Lukan wihra kumwal krikrira yapaia wapara kan baha yamni apiasa."— Cada dia con Dios, pág. 225. b. Nahki latwan lakaba utlabilara marikaiasa? (Roman 12:9, 10). "Aisa an yapti man nani minit kumira sin tuktan nani mawanra trabilkam nani dukiara aisapara, manwal dia trabil sirpi kum brisma kaka wal saitra taki aisas, prautlaka walsin apia sakuna bawan lakawal an bankra swapnikam barakan sa kaka padintaks an Dawanra puram suns.Setan traipali kaikisa utla bilara unsaban bara kabia baha mita witin tnatka ailal plikisa nahki muni aisa an yaptiwal blahwan brikabia ai luhpia nani mawanra. Bankra pyuluanra mistik takramsa kaka naiwa naha nutakram na wina kau baku dauki tamra wapara. Kristian watla bilara Jisas ba lila paspalira bara kaiasa baku lika lilia laka, kupia kumi, prilaka, latwan laka baman barakabia. Lantakaia nitsa diara sirpiwal marikram kaia pana pana latwansmaba tanka."— El Hogar Cristiano, pág. 177."Jisas rayakawina kaisa lantakaia nahki wan walkara kulkanka yabaia respek lakawal sturi tanka kat aisikaia. Sturi nani yawan aisiba sut Dawan latara mawanra param sakan kabia, baha mita amanpali kaikibas diasat sturka man aisismaba."— Mi Vida Hoy, pág. 242..

---

3. UTLABILARA KULKANKA AN RESPEK BARA KAIASA Tiusdi Lih mairin kati, 16

a. La numba matsipra dia aisisa an dia wantanka brisa? (Impakan sturka 20:12; Epesus 6:2.)Nahki wan luhpia nanira smalkaia naha lakara bilawali daukaia? "Tuktan nani kau sirpisa pyuara witin nani aisa an yapti mina muhtarasa Dawan mita karnika yabansa ai luhpia nanira lakat smalki klaki wapnira manki brih pakaia. Kau utla bilarasa pyuara aisa an yapti bilawalaiasa baku apiasa pyuara Dawan mita yamni kaikras. La numba matsipra kler Dawan naku aisansa: ‘aisikam an yaptikam ra kulkanka yabaiasma naha tasbara pyuam yarikabia dukiara’.Aisa an yapti bilawalras kulkanka yabras kaka Dawan palirasin kulkanka yabras sa." — El Hogar Cristiano, pág. 265."Aisa an yapti wal nahki pana pana latwan kaikiba, respek lakawal sturi aisibawina tuktan nani lisintara lantakisa bara witin nanisin ai aisa an aiyaptira kulkanka yabisa. Sakuna ani watla bilara aisa an yaptiwal blahwanra baman, pana pana kulkanka yabras sa pyuara tuktan nani mita witin nanira sin kulkanka yabras sa. Bansa kaka naiwa naha lantakismana wina traikaiks nahki utla bilara aisa an yapti nani mita luhpiam nanira patrankum kasak landaukram kaia." — El Hogar Cristiano, pág. 177. b. Ya nanirasin respek munaia aitanisa? (Libait laka 19:32; Sins laka 16:31). "Baku sin tnatkara serts taura aimaki nanira kulkanka yabankaia aitanisa, kan witin nani Dawan mita aiwarkkara mankansa tabribia dukiara."Upla almuk nanira sin kulkanka yabaia aitanisa respek lakawal aisaia, an dia sipba wal witin nanira help munaia ai nitka nanira. Witin nani lal pihwanba sturi tarabarasa, trabil ailal tilak luwiwan, traika kaikanka pain pain pura luwan, naiwa witin nani swapni takansa bara wan helpka nitsa. Aisa an yapti nani mita tuktan nanira landaukaiasa upla almuk nanira help munaia.— La Educación, pág. 244.

---

4. UTLABILARA ASLA WARK PAKAIABA Wensdi Lih mairin kati, 17

a. Kristian watlabila uplika nahki asla warktakisa? (1 Korint 14:40.).Utlabila adarkat brikaia dukiara dia daukaisa? "Utla bila uplika sut aisa an yapti bakusin luhpia nani bakahnu warktakaia nitsa klin laka an adarkat iwaia dukiara, baha mita trai kaikaiasa ikisbrira an taski kumisin utla bilara apukaia. Kitchen bilara plet, spun, kap nanisutba klin an adarkat kahbaia pliskara sunan kaiasa. Yapaia rumkara kwala naniba asla kriki pliska kat suni swiaiasa. Tuktan nanira landaukan kaiasa aipulaika naniba adarkat pliska kat brikaia, baku sin skul bukka naniba sin baku.Utla latara taski kumisin lulkaia apia, sakuna sutba dipasta pliskara mankaia an pyuakat ankaia. Kristian watla bilara ensal nani takaskisa main wankaikisa sakuna aniwatla bilara unsaban barasa pyuara ensal mahka wisa, bakusin taski an ikisbrira man diara utla bilarasa pyuara sin baku."— Testimonies, vol. 2, pp. 699, 700.. b. Dia blisingka brisa warktaka wina? (Kolosi 3:23, 24; Smasmalkra 5:12).Wanluhpia nanira nahki warktaki landaukan kaiasa? "Srinwan lakaba, taski, ikisbrira sutba Dawan wina apia, setan lukanka wina balisa baha nani sut. Aniwatla bilara Jisas mawan ingnika barasa pyuara lilia laka barasa, prilaka, kupia kumi, klin an adarkat diara sut brikaiaba akuna wark takaia"— Patriarchs and Prophets, p. 50.."Wanluhpia nanira landaukan kaiasa aimihta warkka daukaia tnatka ailal barasa utlabilara lantakaia, baku tuktan nani pawi tara takisa pyuara witin nani sipkabia wark sat sat dauki lankaia. Sakuna ani uplika warktakaia want apiaba witin bila kaikisa upla wala mita diara present witinra yabia."Yu aiska bilara wan mihta warkka daukisa pyuara setanra chans yabras wantraika kaikbia kan wan sinskaba diara bahkira mankrasba mita— Child Guidance, pág. 347.."Tuktan mairin lupia naniba yaptira help munaiasa utla bila warkka sirpi daukaia."— Child Guidance, pág. 349.

---

5. UTLA BILA WARKKA Tausdi Lih mairin kati, 18

a. Utla bilawina tuktan nanira dia landaukan kaiasa Dawan warkka daukaia? (Galisan 5:13; Sins laka 15:33; 1 Pita 5: 5). "Tuktan sirpi pat aitanka brisa pyua wina mahka yaka wark sirpi nani utla bilara dauki lantakaiasa, ao yakan lupia lika swika daukaia apia yaptiwal mihta alki lantakan kaiasa. Tuktansa wisi swika pulaia baman lika apia. Awarka brikaia utlabila warkka dauka, ai skulka warkka sin daukaia, ai muihni sirpi nanira help munaia, an pulaia sin witin airaitka brisa."Diara sut purkara kau taraba utla bilara tuktan nanira landaukaia Dawanra sibrin briaia, bila wawalra kasak takaia, Baibil stadi takaia an aipura suni lantakaia. — Child Guidance, pág. 36. b. Wandaukanka nanibawal nahki sipsa wan smalkankara tabaikras kaia? (1 Korint 15:33.). "Kristian ailal aifamalika idan nani aiwatlara paiwisa bara naha nani ai tnatka sauraba wal utla bila tuktika nanira lisin saura landaukisa. Aima manas wan luhpia nanira blikisa wan famali idan nani watlara wabia pulaia, sakuna nuapiasa diasat sturka baha watlara aisiba, pata piraba an ban ban."Aman kaiks aisa an yapti luhpiam nani diasat tuktikawal puliba kan witin naniwina aidaukanka sauraba lantakisa."— Messages to Young People, p. 432..

MAKABANKA LUAN NANI BA LAKI KAIKS Fraidi Lih mairin kati, 19

1. Nahki aisa an yapti nani yaka ailuhpia Jisas wal kakaira takaia? 2. Dia takisa yawan selp wan yabalkara wataukisa pyuara? 3. Nahki sipsa aisa an yapti nani ai luhpia nanira respek laka marikaia? 4. Utla bilara wark asla takisa pyuara dia blisingka bribalsa? 5. Lilia an kupia kumi lakaba nahki utla bilawina lantakan kaiasa? Muihkam an lamkra nani Bangalore wina