Dijandula dia mudimu wa tshiprofete wa Danyele ne wa Yone
<< >>
Meyi a mbangilu Mukanda wa Nzambi wakafundibua ne kulamibua kudi Nzambi mu tshipatshila tshia wowu kutukuatshisha bua kutulombola mu menji a kudi Nzambi. Malu adi munda mua Mukanda wa Nzambi adi atupesha malesona a bungi kutamba bua moyo udi wetu ne bua tshikondo tshitudi mene bikala ne moyo. Bumanyishi ebu bua mudimu wa Nzambi munkatshi mua muyuki wa kale wa bisamba ne wa bantu bandi, budi butukankamika ne butujadikila bua dinanga diandi. Bumanyishi buandi bua mushinga mutambe, muyuki wa moyo ne lubila lua Yezu, budi bujula mu tuetu dinanga bua Nzambi, ‘bualu bua Yeye wakadianjila kutunanga’ – 1Yone 4:19Tshimue tshia ku bibadi bidi bilobesha bia Nzambi wetu, bu muditshi tshiamba mu Mukanda wa Nzambi, tshidi dimanya diandi dia malu atshilualua. Udi mua kudianjila kuleja bantu nshikidilu wa bualu ku tshibangidilu tshiabu’ (Yeshaya 46:10). Ke bidi bienza bua yeye kukuata mudimu ne bukole buandi budi kabuyi ne nshikidilu bua kukumbaja « Malu onso bua badi banange Nzambi » (Lomo 8:28). Ne ke n’kujika nansha. Ku tshikondo ne tshikondo, kusungula bua kubuluila bantu bandi ‘malu mene adi ne bua kulua tshitupa tshipi » (Buakabuluibua 1:1).Ebi bidi bitupesha ditekemena mu dinanga diandi ne mu kulongolola kuandi kua malu, ne etshi n’tshimue tshia ku bimanyinu bia menji a Nzambi a Mukanda wa Nzambi. Anu bia mushindu udi biprofete bienda bikumbana munkatshi mua bikondo ne bu mudi malu enda alondangana lelu, bidi bileja ne diyi dia Nzambi didi ditambe tshidi ngenzelu wa bantu.Tshiprofete tshidi ne mushinga mutambe bua bana ba Nzambi. Udi wamba meyi a kusankisha eu udi ‘ubala ne badi bunvua meyi a tshiprofete, a buambi ebu, ne badi balama malu adi mafundamu » (Buakabuluibua 1:3).Munkatshi mua mifundu ya baprofete, babidi m’badisunge pa buabo bua kuamba kuabo kua malu atshilualua mu mushindu musunsula ne meyi manene. Danyele ne Yone bakapeshibua bujitu bua bobo kuamba ngumu eyi ya pabuayi, ne mikanda yabo, Danyele ne Buakabuluibua’ n’yoyi idi mu tshialu mu Malesona a Kalasa ka Nsabatu mu ngondo eyi isatu.Mu ngondo eyi isatu idi ilua, bayidi ba Kalasa ka Nsabatu nebayile malu a kale a kudi Danyele ne kudi Yone, ne bimue biprofete biamba kudibo. Biobi biprofete m’bidi bikale nshindamenu udi kunvua nandi lubila lua ba-Adventiste ne ludi lua kunyungakana kua mu myuma ne kua malu a tshididi ku kale ne kua mpindieu.Bu mudiku kakuyi muaba wa bungi mu ngondo eyi isatu bua kuyila malu onso adi mu mikanda eyi ibidi, tudi tukanka mika balongi bua baya kuyila mikanda eyi mu ndondo wayi, ne kupetangana kuayi ne malanda ayi ne malu makuabo adi mu Mukanda wa Nzambi.Umue wa ku mishimi mimpe mitambe bua bayidi ba Kalasa ka Nsabatu, bua kubakuatshisha bua baya kunvua mu bule ne butshiama biprofete ebi, m’mukanda wa Uriah Smith udi ne, Thoughts on Daniel and Revelation (Menji pa mukanda wa Danyele ne wa Buakabuluibua). Mukanda eu ngutudi tuambila bayidi ba Kalasa ka Nzambi bua bobo kûbala munkatshi mua ngondo eyi yonso isatu.Kuyila eku kua biprofete kuikala dibenesha kunudi. Eu udi mutendelelu wetu, bualu bua « tshikondo tshidi pa buipi » - Buakabuluibua 1:3Tshibambalu tshia Kalasa ka Nsabatu ku Conférence Générale.
