« Bukole bua bisamba nansha bua bantu budi mu malu adi mua kumueneka, malu a dikasa dimpe adi muakumueneka kubavuija badi kabayi kutshimuna. Kabuena ni mu bukokeshi budibo baditumbisha nabu. Budi mu lulamatu ludi bisamba ebi ne bantu aba nalu mu kukumbaja kua bulongolodi bua Nzambi » - Prophètes et Rois, p. 382
1. TSHILOTA TSHIA DIKEMA Dia kumudilu 12/04
a. N’diyi kayi diakatuma mukelenge Nebukadanesa pakajukaye kutulu kunyima kua tshilota tshiakanyungisha menji andi ? Danyele 2:1-2b. M’mushindu wakandamuna bafidi ba mibelu mukelenge ku dilomba diandi diakadi kadiyi dia tshibidilu ? Danyele 2:3-7« Mukelenge wakadi mumanye bua se, bu bobo mua kunguvuija tshilota, bakadi kumuambila kabidi tshiakadiye mulota. Mu kulongolola kuandi kua malu, Mukelenge wakadi mufila tshilota etshi kudi Nebukadanesa ne wakadi muenja nunku bua yeye kupua tshilota etshi moyo mu bisunsukila biatshi mu kumushila mu menji andi anu tshivulukidi tshia bowa, bionso ebi mu tshipatshila tshia kubulula patoke diditambisha dia bena menji ba mu Babulona » - The Sanctified Life, p. 34c. Nansha muakadi kuditambisha kuabo kuakadi kuakupetangana ne muaba udi nyuma misombela, muaba wa diamuamua, n’tshinyi tshiakitabuja bena menji aba ba mu Babulona ? Danyele 2:8-11« Bûjibue tente ne bowa mu kuela kua menji bua bipeta bibi bia kupanga kukumbaja kuabo kua bualu bu balomba ku mfumu, bena majimbu kudienzeja bua kunvuija mukelenge bua se dilomba diandi kadiakadi dilabakane, ne kabatu banji kuela muntu diteta dikole nunku » - Prophètes et Rois, p. 376
2. DANYELE KUBUELA MU BUALU Dibidi 13/04
a. M’mushindu kayi wakenza mukelenge pakapangila bena menji bua kumutanduila tshilota tshiandi ne kufila diunvuija, ne m’mushindu kayi wakadisangana Danyele mu bualu ebu ? Danyele 2:12-16« Munkatshi mua bakadi tshilumbu tshia mukelenge tshiena pambidi, muakadi Danyele ne balunda bandi. Pakunvuabo ne bakadi ne tshia kufua, Danyele kuebeja mu mushindu wa budimu ne wa menji kudi Aliyoka, kapitene ka masalayi akadi alama mukelenge.‘Bualu kayi mukenji wa mukelenge udi mukole nunku ?’ Aliyoka wakamanyisha Danyele muanda eu wa dipampakana dia mukelenge bua tshilota tshiandi tshia bualu bukole ne dipanga kunvuija tshilota etshi kudi aba bakadiye mutekemena. Mu munvua kua meyi â, Danyele kuya kudi mukelenge ne njiwu ya kujimija moyo wandi, kumusengelela bua yeye amulepeshile tshikondo bua Nzambi wandi amubuluile tshilota ne diunvuija diatshi. Mukelenge kuitabuja dilomba edi.‘Danyele wakaya ku nsubu kuandi, wakamanyisha Hananiya, Mishaele ne Azaliya, balunda bandi, bualu ebu.’ Bonso buabo bakalomba lungenyi ne menji ku Mushimi wa munya ne wa dimanya. Bakadi ne dituishibua dia se bakadi muaba udi Nzambi mubateke bua bobo kuikala, ne kuenza mudimu wandi, ne kukumbaja nunku mudimu wabo. » - Prophètes et Rois, p. 376-377b. N’tshinyi tshitudi mua kuyila bua mushindu wakatendelela Danyele ne balunda bandi mu tshikondo etshi ? Danyele 2:17-23« Mu makenga ne mu njiwu, bakadi anu batangila kudi eu wakadi ubalombola, ne ubakuba, ne wakadi kudibo anu tshieyemenu. Mutshima musunsuke wa majiya, kusengelela kabidi Mulumbuluishi wa Buloba bujima bua yeye kubapesha dipikudibua mu diba dia njiwu. Kabakatendelela bua patupu nansha. Nyuma wa Nzambi kulua kudibo, ne ‘mu tshikena kumona tshia butuku’, tshilota tshia mukelenge ‘ne diunvuija diatshi kubuludibua patoke kudi Danyele » - Ibid, p. 377« Bena Ebelu aba banayi kabakalomba bua luse lunene lua Nzambi tshianana nansha. Danyele kusangisha balunda bandi ne kusakidila Nzambi bua wakunvua mitendelelu yabo ne kubandamuna. Kupeshabo Nzambi mulambu wa kumutumbisha ne kusakidila, wakitabujabo kudi Mutambe Bunene wa mu Diulu ne Buloba. [Danyele 2:20-22] Danyele ne balunda bandi kuenzabo disangisha dia kutumbisha, ne bons oba mu Diulu kudisangisha nabo mu kusakidila eku » - The Youth’s Instructor, 22 Novembre1894
3. LUPINGU LUA PA BUALU Disatu 14/04
a. M’mushindu kayi wakakula Danyele kudi Nebukadanesa pakamuawilaye tshilota tshiandi ? Danyele 2:24-30« Mona mudi nsongalume wa bena Yuda, mupika, muikale ne lutulu, mutuishibue mu yeye, kumpala kua mukelenge wa bukole butambe pa buloba. Anu meyi andi a kumpala, yeye kuleja bua se ki meme, ne bua buneme buanyi, udi muikale mushimi wa menji onso ne lungenyi. Ku lubonko lua bowa lua mukelenge ne : ‘wewe udi muakungawila tshilota tshinakulota ne dijingulula diatshi anyi ?’ yeye kukudimuna mukelenge ne : ‘Bualu busokoka budi mukelenge muebeje m’bualu budi bena menji, bamanyi ba malu a mitoto, bena buloji ne batempi ba mbuku kabayi bamanye mua kumujinguluilabu. Kadi Nzambi udiku mu Diulu udi usokolola malu masokoka, ne yeye wakumanyisha mukelenge Nebukadanesa malu akadi pa kulua mu matuku atshidi ku mpala » - Prophètes et Rois, p. 378« Nsongalume eu wa bena Yuda, mupika, kuimana kumpala kua mukelenge wa bukelenge bukole butambe diba mutudi kadiyi dianji kukenka. Nansha muakadiye ne biuma, bubanji ne butumbi, Nebukadanesa wakadi ne dikenga dinene dia mu kuela kua menji, kadi nsonga eu wakadi mu bupika wakadi ne lutulu ne disanka mu Nzambi.Tshiakadi tshikondo mene mene kudi Danyele bua yeye kuditumbisha nkayandi, ne kuleja patoke budi buimpe buandi ne menji andi bikale bia pa mûlu. Kadi bualu buandi bua kumpala buakadi bua kuanji kubenga maneme onso bua bualu buandi ne kujula Nzambi ku yeye udi mushimi wa lungenyi ne menji » - The Youth’s Instructor, 1er Septembre 1903b. Unvuija lupingu luakamona mukelenge mu tshilota tshiandi. Danyele 2:31-33« Mu kuteleja ne ntema ya bungi bitupa bionso bisunsula, benda bamuambila, mukelenge kuvuluka tshiakadi tshimulubakaja, ne apu yeye kushala muindile bimpe mene mene diunvuija diatshi. » - Ibid.« Mukelenge wa mu Diulu wakadi ne bua kusokoluela Nebukadanesa bualu bulelela bunene. Wakadi ne bua kumumanyisha bua se yeye wakadi ne bukokeshi bonso pa makelenge a mu Buloba ebu, bukokeshi bua kuteka bukelenge mu nkuasa wa bukelenge ne kubumbusha kabidi. Nebukadanesa wakadi ne buakutekibua kumpala kua majitu andi kudi Diulu, ne malu akadi ne bua kulua akadi ne bua kuikala mamusokoluela tô ne ku bikondo bia kunshikidilu » - Prophètes et Rois, p. 379c. N’tshinyi tshiakafikila lupingu pakadi mukelenge mulutangile ? Danyele 2:34-35
4. DIUMVUIJA DIA TSHILOTA Dinayi 15/04
a. Mutu wa Ngolo wakadi ne diunvuija kayi ? Danyele 2:36-38« Mu bukokeshi bua mukelenge Nebukadanesa, Babulona wakadi bukelenge buakadi ne bubanji bua bungi ne bukelenge butambe bukole bua pa Buloba. Mabanji abo ne buimpe biakadi biunvuija nanku nanku kudi Mifundu » - The Youth’s Instructor, 29 Septembre 1903b. M’makelenge kayi akadi malejibue mu binfuanyi bia biamua bidi bilonda ebi ? Danyele 2:39-40« Tshiprofete kuamba bua dimueneshibua ne didiunda dia makelenge manene : Babulona, Medaya-Pelasa, Gelika, ne Lomo » - Prophètes et Rois, p. 407« Danyele kuambila Nebukadanesa ne bukelenge buebe nebukuluke. Butumbi buabo ne bukole mu Buloba bua Nzambi nebikale ne diba diabi, pashishe bukelenge buibidi nebujuke, nebupete biabo tshikondo tshia momumue tshia diteta bua kuya kumona bua se nebutumbishe Mutambe Bunene wa mu Diulu anyi udi anu Umuepele, Nzambi Umuepele ne Mulelela. Bu bikalabu kabuyi buenza nunku, butumbi buabo nebubuitshitshile ne bukelenge buisatu ne buangate muaba wabo. Buteta bua ditumikila anyi dipanga kutumikila, ebu kabidi nebujimine ; ne buinayi, bua bukole bu tshiamua tshifike, nebukokeshe bisamba bia pa Buloba. Malu â madianjile kuamba diambedi a kudi Udi kayi nshikidilu, adi mafundibue, malama, mu meyi a biprofete ne adi mikale aleja Muyuki wa kale, akafidibua bua kuleja ne Nzambi udi bukole budi bukokesha malu adi enzeka mu Buloba ebu. Udi ushintulula bikondo ne mivu, udi umbusha bakelenge mu nkuasa ne udi ujadika bakelenge mu nkuasa, anu bua kukumbaja bulongolodi buandi bua malu. » - The Youth’s Instructor, 29 Septembre 1903« Babulona kujimina bualu bua mu kudiunda kuandi, wakapua Nzambi moyo ne kufila butumbi bua kudiunda kuandi ku mudimu wa ku bianza bia bantu.Bukelenge bua Medaya-Pelesa tshinji tshia kulua kudibo bualu bua mikenji ya Nzambi yakadi midiata ku makasa. Ditshina dia Nzambi kadiakadi ne muaba munda mua mitshima ya bantu. Tshikisu, moyo mubi, kupenda kua Nzambi ne malu mabi, m’biakadi bikokesha mu bukelenge ebu.Buakalonda buakadi bubi bua patupu. Bobo kudinyanga bualu bua buakalekela lulamatu luabo kudi Nzambi. Mu kumupua moyo, bobo kutamba kunyanguka mu malu a bundu a mu nsombelu » - Ibid, 22 Septembre 1903c. M’mushindu kayi wakadi makelenge akadi anu malejibue kudi makasa ne minu ? Danyele 2:41-43« Muaba wetu udi mulejibue ku bana ba nkasa mu lupingu lua Nebukadanesa ; makelenge â adi mapanduluke, m’mupanda nunku tshintu tshidi tshisenguluka, tshidi katshiyi mua kudisanga kaba kamue nansha. » - Testimonies for the Church, vol. 1, p. 361
a. M’bukelenge kayi buafikisha makokeshi ne makelenge onso a pa Buloba ku ndekelu wawu ? Danuele 2:44-45« Tshilota tshia Nebukadanesa, tshiakamulejabo lupingu lunene, ne bulondangane bua malu tô ne ku nshikidilu kua bikondo, tshilota etshi tshiakafidibua kudiye bua yeye kunvua mudimu wakadiye ne bua kuenza mu muyuki wa kale wa Buloba, ne malanda akadi ne bua kuikala pankatshi pa bukelenge buandi ne Bukelenge bua mu Diulu. » - Prophètes et Rois, p. 383b. N’tshikondo kayi tshiabangisha bukokeshi bua butumbi bua Bukelenge bua Nzambi ? Yone 18:36 ; Matayo 25:31-34 ; 26:64 ; Buakabuluibua 6:15-17« Bukalenge buetu kabuena bukelenge bua pa Buloba ebu nansha. Tudi bindile bua Mukelenge wetu apueke pa Buloba bua kulua kukudimuna bukokeshi bonso ne bukole, ne kujadika Bukelenge bua tshiendelele … tshiprofete tshidi tshituleja ne dituku dinene dia Nzambi didi diamba kufika. Didi dienda disemena ne lukasa » - Testimonies for The Church, vol. 1, p. 360–361c. Mukelenge wakenza tshinyi bua mushindu wakakumbana Danyele bua kusokolola tshilota tshiandi ? Danyele 2:46-49« Diunvuija dia tshilota etshi kudi Danyele kuakenza bua se mukelenge aya kumupesha yeye ne balunda bandi buneme ne lumu … Balunda basatu ba Danyele kubatekabo bafidi ba mibelu, balumbuluishi ne ba-ngovena munda mua ditunga. Bantu aba kabakadi bûjibue ne budisu nansha, kadi bakadi ne disanka dia kumona Nzambi bumuakadiye mumanyika muikala ku mutu kua bakalenge bons oba pa Buloba ne kabidi bukelenge buandi kutumbishibua ku mutu kua makelenge onso a pa Buloba » - The Youth’s Instructor, 8 Septembre 1903
Makonka a kuambulula dilesona Disambombo 17/04
1. N’tshinyi tshiakajandula Nebukadanesa pa bidi bitangila bantu bandi bena menji ba kueyemena ?2. Bua tshinyi bidi ne diunvuija bua mutendelelu wa tuasakidila wa Danyele m’muambibue, kadi kulomba kuandi kakuyi kuleja ?3. Nansha muakadiye muntu wa lungenyi ne menji kutamba mu Babulona, ngikadilu kayi wakadi nandi Danyele ?4. Unvuija ngikadilu yakadi nayi makelenge malejibue mu biamua bishilangane5. N’tshikondo kayi tshiaya kukumbana tshitupa tshia tshilota tshidi tshiamba bua dibue ?