Dijandula dia mudimu wa tshiprofete wa Danyele ne wa Yone
<< >>
Nsabatu, 27/06/2026Dilesona 13
NSHIKIDILU MUMANYISHA « Yeye udi ushikama pa nkuasa wa butumbi, wakamba ne, Mona, ndi nvuija bintu bionso bipia bipia. Yeye wakuamba ne, Funda ; bualu bua meyi â adi meyi a kueyemena ne malelela » (Buakabuluibua 21:5).
Bia kubala :
Premiers Ecrits, p. 279-285
« Buloba buetu budi bukese butambe, ditoba difike mu bufuki bua butumbi, budi muishi mua mulawu wa bubi, ne bupeshibue buneme pa mutu pa bifukibua ne mabulunga bidi bia Nzambi. » - Jésus Christ, p. 17
1. MAKENGA MUANDA MUTEKETE A NDEKELU Dia kumudilu 21/06
a. N’tshinyi tshidi tshisokolola bua kulumbulula kua Nzambi kudi ne bua kupongolodibua pa Buloba ? Buakabuluibua 15:1 ; Shapita 16« Nakamona makena muanda mutekete a ndekelu akadi ne bua kupongolodibua pa aba bakadi kabayi ne muaba wa kusokomena, ne Buloba kabua kupeta nansha dimata dia mayi. Bakanvuija mukumbane bua meme kutangila makenga muanda mutekete a ndekelu : N’tshinji tshia Nzambi. Nakamona tshinji etshi ne tshiakadi tshikuatshisha bowa, tshiakadi tshipapuisha, ne bu yeye wakolola tshianza, anyi kutshijula mu tshinji tshiandi, badi bashikame mu Buloba ebu bakadi kuikala bu ne kabavuaku nansha, ne bakadi kukenga ne ntatu mikole kayiyi mua kujikija ne mputa ya bungi idi kayiyi kondopa bua kujikija busami, idi iya kupashipa » - Premiers Ecrits, p. 64-65b. M’mushindu kayi mutapuluke udi bualu ebu bunvuija ? Yelemiya 25:30-33 ; Buakabuluibua 19:17-21« Bantu babi nebikale bamane kusambuka mikalu ya tshikondo tshiabo tshia diteta ; Nyuma wa Nzambi wakadibo bakandamena ne tshitshiu, mumana kumbuka kudibo – kabayi kabidi bakubibue kudi ngasa wa Nzambi, nebikale mu bukokeshi bua Nsatana bua yeye kuenza nabo mudiye musue, bua kubueja badi bashikame pa Buloba mu dikenga dinene dia ndekelu. Banjelo ba Nzambi bamana kulekela dipanga kukumbana dia tshikisu tshia majinga mabi a bantu, bintu bionso bitu bikeba matandu ne kutapuluka ne bikale bikopola bua kuenza mudimu. Buloba bujima nebuikale mu bualu bua tshipupu tshia kabutu kakole kutamba kabutu ka Yelushalema wa kale » - La Tragédie des Siècles, p. 666
2. DILUA DIA MUSANGU MUIBIDI Dibidi 22/06
a. M’mushindu kayi udi mukanda wa Buakabuluibua unvuija dilua dia musangu muibidi dia Kilisto ? Buakabuluibua 1:7 ; 6:15-17« Katataka mesu etu m’matangija ku luseke ludi diba dipatukila, bualu bua ka ditutu kakese kafike kakadi kamueneka. Kakadi ne bunene bu pankatshi pa tshitupa tshia tshianza, ne tuetu bonso tuakamanya ne tshiakadi tshimanyinu tshia Muana wa muntu. Mu kupuwa wa mukûku wa buneme, tuetu kubandila bonso buetu ditutu bu muakadidi dienda disemena pa buipi, diakadi dilua dia munya wa bungi ne butumbi, tô ne pakamuenekadi ditutu dinene ditoke. Kuinshi kuakadi ne tshimuenekelu tshia kapia ; muanza nkongolo wakadi ku mutu ne wakadi munyunguluka kudi misumba ne misumba ya Banjelo yakadi yimba musambu muimpe kûnvua ku matshi. Muana wa muntu wakadi musomba pa ditutu. Nsuki yandi mitoke ne misuika yakadi ipepa pa makaya andi, ne mutu wandi wakadi mulengeja ne bifulu bia bungi bia butumbi. Makasa andi akadi amueneka ne kapia ; mu tshianza tshiandi tshia bulume muakadi muela musaka mutue bikole, ne mu tshianza tshiandi tshia bakaji muakadi mpungi wa argent.Mesu andi akadi mafuana ndimi ya kapia, akadi atangila eku ne kuaka bana bandi. Apu mpala yonso kutokoloka, ne ya mpala ya bantu babi, bakadi Nzambi mupidia, yoyi kulua mifike. Tuetu kuela mbila bonso ne : ‘Nganyi udi mua kuimana ne kuikala ne moyo ? Tshilulu tshianyi katshiena ne ditoba anyi ? Banjelo kuimanyika kuimba musambu wabo, ne kuakila tshikondo tshia dipuwa dikole, kupuwa eku kuenzeka ku meyi â a Yezu ne : ‘Aba bakalengeja bianza biabo ne mitshima yabo nebikale ne moyo ; ngasa wanyi munukumbena’. Ku meyi â, mpala yetu kukenka ne mitshima yetu kûjibua tente ne disanka dia bungi. Banjelo kubanga kuimba kabidi musambu wabo ne diyi dikole pakadi ditutu dienda disemena pa buipi ne Buloba. » - Premiers Ecrits, p. 15-16b. Banjelo nebenza tshinyi ? Matayo 24:31 ; 1Tesalonike 4:16-17« [Bubi bua kumbusha mene mene tshinfuanyi tshia Nzambi mu muntu]. Kadi Yezu Kilisto kulua pa Buloba bua kupingajilula tshiakadi tshijimine. Mu kupingana kuandi, yeye neashintulule mubidi wa dipuekeshibua dietu milongo mu kûvuija mufuanangane ne wandi. Mubidi wetu udi ufua, wa bubi, muatuke kudi bubi, newupete kabidi bupuangane buawu ne buimpe buawu …Banjelo badi basangisha muaba umue basungudibue bak u nseke inayi ne tô kunfundilu kua Buloba. Bana bakese badi bambula kudi Banjelo bua kubafila mu maboko a ba-mamuabo. Balunda bakadi lufu lututapulula nabo musangu mule nebikala basangisha kaba kamue bua kashidi, kabayi kabidi mua kuya, ne misambu ya disanka popamue benda babanda mu musoko wa Nzambi » - La Tragédie des Siècles, p. 699-700c. Nsatana neikala muteka muaba kayi ? Buakabuluibua 20:1-2« M’muaba mene wikala Nsatana musomba munkatshi mua bidimu tshinunu yeye ne banjelo bandi. Mutshintshimika nunku kayi udiye ne mua kuya pa Buloba ebu, bua kuya kumona mua kuteta ne kusuya bifukibua bidi kabiyi bikuluke » - Ibid, p. 715-716
3. TSHILUMBULUIDI Disatu 23/06
a. Bansantu nebenze tshinyi munkatshi mua bidimu 1000 bidi Nsatana muikale mutshintshimika anu kaba kamue, kayi mua kupatuka ? Buakabuluibua 20:4-6 ; 1Kolinto 6:2-3« Munkatshi mua bidimu tshinunu bidi bienda bipita pankatshi pa dibishibua dia kumudilu ne dibidi dia ku bafue, tshilumbuluidi tshia bantu babi tshidi tshienzeka. Mupostolo Paulo udi wakula bua tshilumbuluidi etshi bu ne tshidi tshienzeka kunyima kua dipingana dia Mukelenge … Danyele udi wamba ne tshikondo tshidi Wa-Kale wa Matuku abungi ulua bua « kupesha bansantu ba Mutambe Bunene wa mu Diulu » (Danyele 7:22) apu bantu bakane nebakokeshe bu bakelenge ne bakuidi ba Nzambi … apu ke padi, meyi bilondeshile Paulo adi ne ; ‘Bansantu ne balumbuluishi ba pa Buloba’ (1Kolinto 6:2) akumbana. Popamue ne Yezu Kilisto, badi balumbuluisha bantu babi mu kufuanyikija moyo wabo ku mikenji idi mu Mukanda wa tshijila, ne badi bajadika bualu budi bua muntu yonso. Tshikondo tshidi tshipangadika tshiangatshibua bua dinyoka didi dilongoluela muntu yonso mubi, tshijadika, didi difundibua ku luseke lua dina diandi mu mukanda wa lufu.Nsatana ne banjelo bandi babi badi kabidi balumbuluishibue kudi Yezu Kilisto ne kudi bantu bandi. Paulo udi ufunda ne : ‘Kanuena bamanye ne, tuetu netulumbuluishe banjelo anyi ?’. Ne Yuda udi utumanyisha ne Nzambi ‘m’mulame mu nkanu ya tshiendelele mu midima tô ne palua dituku dinene dia dilumbuluisha, banjelo bakadi kabayi balamate bukelenge buabo, kadi bakashiya muaba wabo mene wakuikalamu’ (Yuda) ». – La Tragédie des Siècles, p. 717-718b. N’tshinyi tshidi ne bua kuenzeka ku nshikidilu kua bidimu 1000 bia tshilumbuluidi ? Buakabuluibua 21:2 ; 20:7-8« Ku nshikidilu kua bidimu tshinunu ne kuenzeka dibika dia ku lufu dibidi, dibika mene dia bantu babi, baya kuimana kumpala kua Nzambi bua kukosa ‘tshilumbu tshimana kufunda’ … Yeshaya udi wamba nunku bua badi kabayi bakane : ‘Nebasangishibue popamue, bu mudibo basangisha bena lukanu mu tshina tshia mu nzubu wa lukanu ; nebabakomene mu nzubu wa lukanu, ne papita matuku a bungi, nebabakengeshe’ (Yeshaya 24:22) » - Ibid, p. 718c. Nshikidilu wa bantu babi neikale munyi ? Buakabuluibua 20:9 ; Malaki 4:1« Ndimi ya kapai idi ilengeja neyosha bantu babi bonso, kubangishila ku ‘muji ne ku mabeji’. Nsatana n’nyeye udi muikale muji, ne bantu bandi m’badi bikale matamba. Manyoka adi mu mikenji kutekibua mu tshienzedi ; bidi kulumbulula kua buakane kulomba, biobi kupeta diandamuna ; Diulu ne Buloba, bidi bikale bantemu mu bualu ebu, bidi biamba ne kulumbulula kua Yehowa » - Ibid, p. 731
4. BULOBA BUPIA BUPIA Dinayi 24/06
a. Unvuija mulayi wa Nzambi wa kuenzulula bintu bionso. Buakabuluibua 21 :&, 5 ; 22:1-2 ; Yeshaya 65:17« Mudimu wa bupikudi neukumbane mene mene. Muaba wakadi bubi buvulangane, asa wa Nzambi neaye kutamba kuvulangana. Buloba bobo buine, budi Nsatana muikale ubulomba ne m’muaba wanyi, kabuakuikala anu bupikula kadi nebuikala butumbisha, buzangika. Buloba buetu bukese butambe, budi mene ditoba difike mu bufuki bua butumbi, muinshi mua mulawu wa bubi, ne bupeshibue buneme pa mutu pa bintu bionso bia mu bufuki bua Nzambi. Apa panshi pa Buloba, muaba udi Muana wa Nzambi muase Ntenta wandi munkatshi mua bantu, muaba wakikala Mukelenge wa butumbi ne moyo, kukenga, ne kushipibua, apa panshi pa Buloba, tshikondo tshiaya Nzambi kuenza bintu bionso bipia bipia, tshitendelelu, ntempelo wa Nzambi neikale munkatshi mua bantu. ‘Yeye neasombe nabo, nebikale bantu bandi, ne Nzambi muine neikale nabo’. Benda bilondeshile munya wa Mukelenge, mu tshiendelele, bua dipa diandi didi kadiyi kuamba : Emanuele, ‘Nzambi munkatshi muetu’. » - Jésus Christ, p. 17b. N’tshinyi tshikala tshitapuluke mu Buloba bupia bupia ? Yeshaya 65:21-25 ; Buakabuluibua 21:4« Dikenga kadiakuikala mu kapepa ka mu Diulu nansha. Kamuakuikala binsonji, nansha madilu …Mu tshimenga tshia Nzambi ‘butuku kabuenaku kabidi’. Kakuena muntu wikala dijinga ne dikisha nansha. Kakuakuikala ditshioka bua kuenza disua dia Nzambi ne kutumbisha dina dia diandi. Netuikale amu ne tshiashima tshia dinda dia tshiendelele. ‘kabakuikala dijinga ne muinda nansha munya, bualu bua Mukelenge Nzambi nkayandi neabakenkeshe’. Diba nedijimine ku butoke budi kabuyi butua mu mesu, kadi budi buya kutamba mene mene bukenke bua munda munya » - La Tragédie des Siècles, p. 734-735« Mu Mifundu, bupianyi bua basungudibue budi bubikidibua ne kuabo (Ebelu 11:14-16). Mulami wa mikoko wa mu Diulu udi ulombola mikoko ya mu Diulu udi ulombola mikoko yandi ku mishimi ya mayi a moyo. Mutshi wa moyo udi ukuama mamuma au ku ngondo yonso, ne mabeji a mutshi eu badi bakuata nawu mudimu bua bisamba bia bantu. Misulu ya mayi kayena ikama, mayi mene matoke bu mudi talatala adi manyunguluke kudi mitshi idi misampile bimpe ne matamba ayi adi afila ditalaji mu njila milongolola bua bapikudibue ba Wa-Tshiendelele. Bipapu binene bidi bitentekana ne mikuna miakane kubandila idi yenda ishintuluka ne kutumbuka mûlu mule, lutambishi lua mikuna ya Nzambi. M’mu bipapu ebi bia ditalala ne ku muelelu wa misulu eyi ya mayi a moyo kudi bantu ba Nzambi, bakadi musangu mule benyi ne bena luendu, baya kupeta muaba wabo wa kuikala » - Ibid, p. 733
5. DIBIKILA NE DIBENESHA Ditanu 25/06
a. N’ku meyi kayi kuakakeba Yezu bua kukankamika babadi ba biprofete bia Buakabuluibua ? Buakabuluibua 22:7, 12-14« Mukelenge yeye muine kusokoluela muena mudimu wandi patoke, malu masokoka adi mikale mu mukanda eu, ne udi musue bua mukanda eu, ne udi musue bua mukanda eu muntu yonso udi ne menji ne lungenyi awubala. Malu malelela adimu adi mambila bonso badi bikale ne moyo ku nshikidilu kua bikondo, ne kudi mene bakadi ne moyo mu tshikondo tshia Yone. Amue malu adi munvuija mu tshiprofete etshi akadi mamane kupita, makuabo adi enda enzeka ku mesu kuetu. Amue makuabo adi atupesha m’muenenu wa tshikala ndekelu wa mvita minene idi iluangana pankatshi pa makole a midima ne Mukelenge wa mu Diulu, ne makuabo malu adi unvuija bua butshimunyi ne masanka bia bapikudibue mu Buloba buvuijibue bupia bupia.Muntu kedi biandi menji bua se, bualu bua udi unvua diunvuija dia bimfuanyi bionso bidi mu Buakabuluibua, ne kabiena ne mushinga bua kondola mu mukanda eu bua kunvua malu malelela adi mikalemu. Eu wakubulula patoke malu â masokoka kudi Yone neaye kufila tshiaka-nzala tshia malu a mu Diulu kudi yonso udi uya kukeba ne disuminyina bua kûamanya. Badi ne mitshima pa buipi bua kûakidila ne bavuijibue bakumbane bua kunvua mayisha andi, ne neabapeshe masanka malaya aba ‘badi bunvua meyi a tshiprofete, ne badi balama bidi bifundamu’ » - Conquérants Pacifiques, p.520b. M’mushindu kayi udi Kilisto utubikila bua tuetu kupeta moyo ne ditalala bia tshiendelele mu yeye ? Buakabuluibua 22:17 ; Yeshaya 55:1 ; Yone 7:37-38« Dibikila dia Kilisto diakadi bua musuka udi ne nyota ne udi utungunuka ne kukuata ne bukole bonso ku dituku ne dituku padiye unvua mu ntempelo bakula bua dibikila, mu dituku edi dia ndekelu dia difesto. Muntu yonso udi ne bua kufika ku mushimi. Mayi a tshiashima a moyoo wa tshiendelele adi mafidibue kudi aba badi bapungile. Yezu udi utungunuka ne kuela lubila ne : ‘Bikala muntu ne nyota, alue biandi kûndi ne alue kunua mayi’ » - Jésus-Christ, p. 448
Makonka a kuambulula dilesona Disambombo 26/06
1. M’mushindu kayi udi makenga akeba nshikidilu wa Buloba ?2. Nganyi washala muimane mu dipingana dia Kilisto ?3. Unvuija tshipatshila tshia tshilumbuluidi munkatshi mua bidimu 1000 ?4. M’muaba kayi wikala wa kushikama ku nshikidilu wa bantu basungula ?5. N’di musue anyi uba meme kuikala ne mutshima wanyi onso muena mu bukelenge bua tshiendelele bua Nzambi ?