Dijandula dia mudimu wa tshiprofete wa Danyele ne wa Yone
<< >>
Nsabatu wa 04.04.2026Dilesona 1
MBANGILU WA TSHIPROFETE « Ne tudi ne diyi diakamba baprofete ditambe kujadikibua ; nunku nudi nuenza bimpe binuadimuka bienu, bu mudibu kudi muinda udi utema mu muaba wa midima, tô ne patshia butuku ne pabanda mutoto wa nkesha mu mitshima yenu » - 2Petelo 1:19
Bia kubala :
La Tragédie des Siècles, Shapita 37
« Muyuki wa kale ne biprofete bidi bijadika ne, Nzambi wa Buloba bonso udi ubulula patoke malu andi masokoka kudi Buloba kupitshila kudi batuadi ba bukenke badiye mudisunguile » - Bible Training School, 1er Décembre 1912
1. NYUMA UDI KAYI MIKALU Dia kumudilu 29/03
a. N’tshinyi tshidi Nzambi nkayandi mua kumona ? Yeshaya 46:9-10« ‘NDI MUNDI’ udi unvuija dikalanganaku dia tshiendelele ; matuku mamane kupita, adiku ne alualua bidi bikale bule bumue bua Nzambi. Yeye udi umona malu a matuku a kale kale mene mene a muyuki wa kale ne bumudiye umona malu atshilualua, m’bumutudi tuenda tubimona bumudiu akumbana ku dituku ne ku dituku. » - The SDA Bible Commentary, vol. 1, p.1099b. N’tshinyi tshidi Mukelenge wetu wenza ne dimanya edi ? Danyele 2:20-22« Udi musombe mu nkuasa wandi wa butumbi, wenda ukokesha kunyunganakana kua dibulunga dietu. Kakuena tshidi disu dia Nzambi kadiyi dimona ; ne mu tshiendelele tshiandi tshia butumbi, tshia lutulu ne buakane, udi utuma diyi bua biya kuenzeka bilondeshile mudi dimona dimpe dia bulongolodi buandi bua malu » - Le Ministère de la Guérison, p. 354 anyi The Ministry of Healing, p.417« Bidi bimueneka bua se, mu kubala kua mikanda mifunda ya malu a kale a bukua bantu, dimueneka ne dikuluka dia makelenge bidi bilondeshile disua dia bantu nedienza diabo dia malu a mponono. Dimueneka dia malu bu mudiwu enda enzeka, adi ashintuluka bu mudi bukole bua makelenge, kulumba kuawu kua malu anyi peshi kuenza kuabo kua malu bu mudi moyo musue. Kadi Diyi dia Nzambi didi diumbusha tshilulu tshikudika, ne tudi tutangila dia muamua, pa mutu, kunyima, ne kumona mudi malu enda aya malondangane, ku bukole ne, bukokeshi ne ku majinga a bantu, tshienzedi tshia eu, udi mu luse luandi lunene kayi muenzeja, wenda ukumbaja mu lutulu ne ditalala malu andi malongolola a disua diandi » - Prophètes et Rois, p. 380
2. MALU MASOKOKA MABULUDIBUE PATOKE Dibidi 30/03
a. Nzambi udi wenza tshinyi padiye pa buipi ne kukumbaja disua diandi pa Buloba ? Amosa 3:7 ; Buakabuluibua 1:1« ‘Yehowa Nzambi kena wenza bualu bikalaye kayi muanji kubusokoluela bantu bandi baprofete diambedi. Malu atshidi masokoka adi malu a Yehowa, Nzambi wetu ; kadi malu adi masokolola adi malu etu ne a bana betu tshiendelele’. (Amosa 3:7 ; Dutelenome 29:29). Malu â Nzambi m’mutupeshawu ; ne disanka diandi didi dilonda kuyila kua ne kanemu kua mifundu ya biprofete, kuyila eku kudi kuenzeka ne menji a mitendelelu’ » - Jésus Christ, p. 216-217b. Bua tshinyi Nzambi udi ututumina ngumu ya mushindu eu ? 1Yone 3:1 ; Yone 1:12 ; Kolosai 1:25-28« Mukanda wa Nzambi udi muikale Mukanda muakane bitambe ne wa dikema. M’muyiki wa kale udi utubuluila malu a bikondo biakamana kupeta. Bu koko kakuyi Mukanda wa Nzambi, tuakadi kushala mu difuikakaja dia menji ne mu nsumuinu pa bidi bitangila malu a mu bikondo biakamana kupita. Tshiprofete n’tshidi tshibulula patoke biakamana kupita. Tshiprofete n’tshidi tshibulula patoke malu a mu matuku a tshilualua. N’Diyi dia Nzambi didi ditubuluila patoke Tshifufu tshia Lupandu, n’didi dituleja njila utudi mua kunyema lufu lua tshiendelele ne kupeta moyo wa tshiendelele. Ku mikanda yonso idi miûle Buloba tente, nansha yoyo mikale ya mushinga kayi, ya kuanyisha, Mukanda wa Nzambi udi muikale Mukanda wa mikanda, udi ukengela bua tuetu kûyila bikole ne tuetu kuwanyisha. Kawena anu wamba bua muyuki wa kale wa Buloba ebu, kadi udi unvuija kabidi bua mushindu wikale Buloba mu matuku alualua. Mukanda wa Nzambi udi muikale munda muawo ne mayisha pa malu a kukema a bufuki, udi ubuluila patoke lunvu luetu bua ngikadilu wa Mufuki wa Diulu ne Buloba. Udi muikale dibuludibua dia patoke dia Nzambi kudi muntu » - The Signs of The Times, 30 Janvier 1893c. N’dimanya kayi didi dia mushinga mutambe kutudi, mu mamanya a kukeba ? Yelemiya 9:23,34 ; Yone 17:3 ; Efeso 3:17-19« Nyuma udi usuna mu Diyi dia Nzambi bidi mua kudisha menji adi ndondo, menji a pa mûlu kutamba. Tudi tudisangisha ne bankambua ne baprofete, tudi tunvua diyi dia Yehowa bu mudiye wakula ne bantu. Tudi tubandila Butumbi buandi bua mu Diulu mudibo budipuekesha bua kulua kuangata muaba wetu, ne mudibo buluangana nkayabo ne makole a midima, buditshimuna bua bualu buetu. Kubandila kua kanemu kua biena bualu bia mushindu eu kakuena mua kuya kupanga bua kutekesha, kulengeja ne kufila buneme kudi mutshima, mu kupesha nyuma bukole bupia bupia ». – Conseils aux Educateurs, aux parents et aux Etudiants, p.45
3. KUNVUA MUDI DIYI DIAMBA Disatu 31/03
a. Tudi dijinga ne dikuatshisha kayi bua kunvua mudi Mifundu yamba, ne tshiprofete mene ? Yone 16:7-13« Mu menji a Nzambi mutu anu bua kupesha bantu bandi pa Buloba munya muvule. Njila udi anu umupela bua kufika ku dimanya edi. Katuena mua kunvua tshidi Diyi dia Nzambi bituikala katuena bakenkeshibue kudi Nyuma mene wakapeshaye bantu. » - Ministère Evangélique, p. 291« Kabiena biakane kudifila ku diyila dia Mukanda wa Nzambi kakuyi kutendelela nansha. Diambedi ne bulomba dikenkeshibua dia kudi Nyuma Muimpe, ne nebatupeshadi. Pakalua Natanaele kudi Yezu, Musungidi wakamba ne : ‘Tangilayi Muena Isalele udi kayi ne lubombo bulelela’. Natanaele wakamukonka ne : ‘Wewe udi mûmanye meme kudi kunyi ?’ ‘Yezu wakamuandamuna ne, Diambedi ne Filipo kayi muanze kukubikila, pawakadi muinshi mua mutshi wa nfigi, nakukutangila.’ (Yone 1:47-48).Yezu neatutangile kabidi mu mutendelelu wa mu musokoko wa mu nzubu wetu wa bulalu, utudi tumulomba bua yeye kutubuluila bulelela buandi. Banjelo nebikale ne aba badi bakeba ne kudipuekesha munya wa Nzambi. » - Vers Jésus p. 90-91b. Bua tshinyi bidi bia mushinga bua kupanga anu kulonda tshidi menji etu patudi tuyila tshiprofete ? 2Petelo 1:19-21« Mu kuyila kua Diyi, nudi ne bua kuteka ku luseke menji enu mamana kufukakaja. Kanuena mua kufika ku bulelela kashidi mu kuyila kua Mifundu anu bua kuimanyina ne kuakuila menji adi enu nkayenu nansha. Atekayi ku luseke ne telejayi, mutshima udi munyingalale, ng’owu mene udi Mukelenge uya kuambila bualu. Diyi didi difila lungenyi kudi udi ulukeba udi ne kudipuekesha udi usomba ku makasa a Kilisto bua kuangata kudiye bulelela. Kudi badi batshinka ne m’bena menji a bungi bua bobo kuyila Mukanda wa Nzambi, Kilisto udi wamba ne : Binuasua kulua bena menji ku lupandu, ikalayi bena lutulu ne badi ne mitshima mipuekele. Kanubadi Diyi bilondeshile menji enu a kale ; kadi tangululayi ne ndondo mene mene diyi ne kutendelela, nyuma wa budikadidi ku bienjenji bionso. Bu bikala munkatshi mua kubala kuenu, kutuishibua kuya kumueneka munda muenu ; binuikala nua kumona ne menji enu kaena apetangana ne Diyi, kanukebi mua kufikisha Diyi mu diunvuangana ne menji enu nansha. Kadi enzayi bua menji enu apetangane ne Diyi. Kanudilekeledi ku buenzeji bua binudi bitabuje ne kua bilele bienu nansha. Kangulayi mesu a nyuma yenu bua nuenu kubandila malu a kukema a mikenji. Tangilayi bidi bifunda ne tekayi makasa enu pa Lubuebue lua tshiendelele. » - Messages à la Jeunesse, p.258
4. TSHITUPA EKU NE TSHITUPA KUAKA Dinayi 01/04
a. M’mushindu kayi udi Nzambi umanyisha Diyi diandi ne m’mushindu kayi utudi mua kuyila Diyi edi ? Yeshaya 28:9-10« Dilejibue patoke dia Diyi dia Nzambi didi mu Diyi mene nkayadi. Mufundu udi muikale nsapi wa kukangula mufundu. Diunvuija dia ndondo dia malu malelela adi mikale mu mifundu adi mabuludibue patoke kudi Nyuma Muimpe » - Témoignages pour l’Eglise, vol. 3, p. 279« Nsesa nansha mukese wa mu Diyi dia Nzambi udi uya kujula diela dia menji dimpe kudi bonso badi bamubala ne menji mikale pepi bua kunvua ne kumanya. Kadi diyisha ditambe buakane kadiena dia kukuata bimpe mu kuyila kua tshimpitshimpi, kadi, kua ku musangu ne ku musangu. Tshibungi tshia malu malelela a ndondo a mu Mukanda wa Nzambi, mubadi wa ne lukasa lukasa ne udi kayi ne ntema ya bungi kena mua kutshijingulula nansha. Malu masokoka a bubanji mu ndondo, adi mua kuikala majandula anu mu dikebulula dia tshisumi ne kudienzeja. Malu malelela adi enza tshisumbu tshinene adi kulonda ne kutekibua muaba umue, ‘tshitupa eku ne tshitupa kuaka’. (Yeshaya 28:10).Apu ne bimueneka bua se bidi biunvuangana mene mene mu biobi. Lumu Luimpe elu ludi lupetangana ne lukuabo, tshiprofete etshi tshidi tshiunvuija tshiprofete tshiatshia, malu malelela adi adiandamuna neafika kûndekelu wawu. Diunvuija dia tshiena Yuda didi diya kujadika bimpe mene kudi Lumu Luimpe. Mukenji onso udi ne muaba wawu mu Diyi dia Nzambi, tshienzedi tshionso tshidi ne luidi luatshi. Ne mu tshibungi tshiabi, ku bulongolodi bua malu abi ne bunene buawu, bidi biamba bua udi muen’abi. Anu Nzambi nkayandi udi kayi nshikidilu n’ngudi mumanye mua kûafuimba ne kuya nawu ne ku nshikidilu » - Education, p. 139–140b. Bua tshinyi mufundu onso wa mu Mukanda wa Nzambi udi ne mushinga ? Matayo 4:4, Luka 24:27« Pa bitangila mayisha a Mifundu ya tshijila, katueyemenyi nansha menji a muntu. Tuyilayi Diyi dia Nzambi bua buimpe buetu nkayetu. Makole a ngelelu wa menji a buneme adi apeta bualabala padiwu adifila bua kulamata ku malu malelela a mu Mukanda wa Nzambi, mu kufuanyikija Mufundu ku Mufundu ne malu a nyuma ku tshidi tshia nyuma …Menji adiku anu mu kuikala ne ntema mivule ne kuyila kudi kuenzeka ne kutendelela. Kudi bitupa bia Mifundu bidi bikale biamba malu matoke munvuike ; kadi kudi bikuabo bidi diunvuija kadiyi dipepele bua kunvua. Bidi bikengela kufuanyikija nvesa ku mikuabo ne kondola biakane mene mene, ne kuela kua menji, ne kutendelela. Kuyila kua nunku nekufutshibue biakane bitambe. Bidi bia momumue ne tshitenda tshia muana, mu kumbula kua Buloba, tshidi tshiya kujandula milungu yatubanda tua mushinga mutambe, bidi nunku bua eu udi ondola ne kusuminyina Diyi dia Nzambi bu mudi bubanji busokoka, udi uya kusanganamu malu malelela a mushinga mutambe bunene adi mukebuludi wa lulengu kayi mua kupeta. Meyi a Nzambi, malama mu mutshima adi bu mudi misulu ya mayi adi apueka a mushimi wa moyo. » - Le Meilleur Chemin, p. 87-88
5. KUYILA NE MENJI Ditanu 02/04
a. M’mushindu kayi udi ngikadilu wetu ne kusungula kuetu bilenga menji etu ne lungenyi bua kujingulula biprofete ? Danyele 12:10 ; 2Timote 3:1-8« Menji anudi nuyila newu Mifundu ya tshijila n’ngowu adi ajadika ngikadilu udi wa mukuatshishi udi uya kunufila. Banjelo ba muaba udi wa munya nebikale ku luseke lua aba badi, mu kudipuekesha kua mutshima, benda bakeba bulombodi bua Nzambi. Kadi binuikala muakubulula Mukanda wa Nzambi ne kupanga kua kanemu, ne menji a kudieyemena, bikala mutshima webe mûle tente ne bienjenji, Nsatana neikale ku luseke luebe ne nekunyangakaja luidi luakane lua butoke lua meyi a Nzambi » - Testimonies to Ministers, p. 108« Nsatana kudienzeja munkatshi mua bikondo bua kuitabujija bena Kilisto ba bungi bua se Mukanda wa Danyele ne wa Buakabuluibua yakadi mikanda idi kayiyi mua kunvuika. Kadi mulayi wakafidibua kutudi mutoke bua disanka dia pa buadi didi dilonda kuyila kua biprofete ebi » - Prophets and Kings, p. 547b. Unvuija mushinga wa kudifila ku bulelela. Buakabuluibua 22:7 ; Matayo 7:24-27 ; Yone 7:17« Yehowa udi ulombola badipuekeshi, bualu badi basue kuyila, ne kuyishibua, ne badi ne dijinga dia bushuwa dia kumanya ne kuenza disua dia Nzambi. Mukelenge m’mufila mulayi eu ne : ‘Bikala muntu musue kuenza disua dia Nzambi, neaye kumanya bua se diyisha dianyi n’dia kudi Nzambi.’ Ne udi wamba mukana mua mupostolo Yakobo ne : ‘Bikala umue wenu kayi ne lungenyi, alomba biandi kudi Nzambi, udi ûfila ku budisuila buandi, kakuyi bualu bua kubanda nabu ». Kadi mulayi eu udi anu bua aba badi basue kulonda mene mene Yehowa. » - Patriarches et Prophètes, p. 387-388 (Bâle)« Binuikala basue kumanya bualu busokoka bua buakane, nudi ne bua kulonda diyi ditoke dia bulelela, nansha nuenu bunvue tshintu kampanda anyi to, nansha nuenu banyungishabua anyi to. Ditumikila didi difuma ku luidi ludi lua mikenji, ne tshidi tshiakane tshidi tshia kukeba mu bikondo bionso » - Fundamentals of Christian Education, p. 125
Makonka a kuambulula dilesona Disambombo 03/04
1. Bua bidi bitangila dimanya m’mushindu kayi udi Nzambi mushilangane ne bifukibua bionso ?2. N’tshinyi tshidi Nzambi ubulula patoke mu mifundu ya baprofete ? Bua tshinyi ?3. N’dikuatshisha kayi ditudi ne bua kulomba mu mutendelelu patudi tubulula Diyi dia Nzambi ?4. N’kudienzeja kua mushindu kayi kûndi ne bua kuenza tshiyi muenzeja mu kuyila kua Mukanda wa Nzambi ?5. N’di ne dijinga dia kuteka mu tshienzedi bindi njandula mu Diyi dia Nzambi anyi ?