Dijandula dia mudimu wa tshiprofete wa Danyele ne wa Yone
<< >>
Nsabatu wa 20/06/2026Dilesona 12
DIBIKILA DIA NDEKELU « Kunyima kua malu â nakatangila Muanjelo mukuabo upueka, ulupuka mu Diulu, muikale ne bukokeshi butambe, ne Buloba buakatemibua ne butumbi buandi » - Buakabuluibua 18:1
Bia kubala :
- La Tragédie des Siècles, Shapita 38
« Kuamba kua Lumu Luimpe kakuena kuya kujika ne bukole budi bushadila kuinshi nansha kua buakadiku kumbangilu nansha » - La Tragédie des Siècles, p.664
1. BABULONA MUNENE Dia kumudilu 14/06
a. Unvuija tshikena kumona tshidi tshitua ku moyo tshiakamona Yone bua Ekelezia udi mumanya mu dina dia Babulona Munene. Buakabuluibua 17:1-6« Mukaji udi mu Shapita wa dikumi ne muanda mutekete wa Buakabuluibua udi mubikidibua dina ne [Babulona] udi munvuija muikale ‘muluatshisha ne bilulu bikunzubile ne bikunze kunzû, mulengejibue ne ngolo, ne mabue a mushinga mukole ne a perle, muikale ne lupanza lua ngolo mu tshianza tshiandi lûle tente ne malu a bukoya bua masandi andi. ‘Ne pa mpala pandi pakadi dina difunda ne, Bualu busokoka, Babulona Munene, mamu wa bakaji ba masandi’ … M’bukole buakakokesha munkatshi mua bidimu nkama bia bungi, bukokeshi bua tshinyangu pa mutu pa bamfumu bons oba mu buena Kilisto, bukole ebu ne bukokeshi, n’Lomo. Bilulu bikunzubile ne bikunze kunzû, ngolo, mabue a mushinga mukole ne perle bidi mukeji eu muvuale bidi bivuluija butumbi ne buneme, bunene bia bukokeshi buandi kutamba makelenge a mu nzubu wa bukelenge wa Lomo. Ne kabidi, kakuakadi bukelenge nansha bumue bua bantu buakadi bukuatshike ne mashi a bansantu bu ekelezia wakashipa ne tshikisu tshikole bayidi ba Yezu-Kilisto. Babulona udi kabidi mufundibue bua malanda andi mabi adi kâyi mua kupetangana ne tshidiye ne ‘bakelenge ba pa Buloba’. Mu kuya kule ne Nzambi ne kudisangisha bantu badi kabayi bamanye Nzambi, Ekelezia wa bena Yuda kulua mukaji wa masandi. Biabi, mu kukeba kua tshieyemenu kudi mamfumu ne makokeshi a pa Buloba, Lomo kupila mu bubi bua mushindu wa momumue, ne tshibawu tshiandi tshidi tshia momumue » - La Tragédie des Siècles, p. 412-413b. M’mushindu kayi wafika bukelenge ebu ku ndekelu ? Buakabuluibua 17:15-18
2. MUANJELO MUKUABO Dibidi 15/06
a. Unvuija dilua dia Muanjelo udi umueneka mu Buakabuluibua 18:1« Ngumu ya Banjelo basatu idi ne tshia kuikala misangisha kaba kamue, bua kutuadila Buloba munya musangisha kaba kamue wa misangu isatu. Mu Buakabuluibua, Yone udi wamba ne : ‘Nakatangila Muanjelo mukuabo upuekala ne bukokeshi bunene ; ne Buloba buakatemibua ne butumbi buandi’. [Buakabuluibua 18:2-5]. Ebi bidi bileja difikisha dia lubila lua ndekelu ne ngumu isatu ya budimuishi kudi Buloba. » - The SDA Bible Commentary, vol. 7, p. 985« Ekelezia udi muikale ne mabanji a ngasa wa Kilisto, ne kudiye kudi dinanga dia Nzambi diya kumueneshibua patoke mu mushindu mene mene udi wa bukole butambe kudi ‘makokeshi ne makole adi mikale mu miaba ya mu Diulu ! » - Conquérants Pacifiques, p. 11b. Bidi biunvuija tshinyi butumbi bua Muanjelo, ne m’mushindu kayi udibo bulejibue patoke ? Misambu 29:1-2 ; Yone 17:22-23« M’padi kufuimba kua ngikadilu kulengulula, padiku kakuyi buimpe bua musuka, kupetula kua bupuekele bu antendelelu, padi budisu ne dinanga dia tshidi tshibomba didifunyisha bidi bikengela lumu ne butumbi bia ma ekelezia, bilenga bia ngolo, kuenza kua bibilu binene. Kadi Nzambi kena mutumbishibue ne mupeshibue lumu mu malu â adi amueneshibua patoke. Mushinga wa Ekelezia wandi kawena ubadibua bua mabanji adi amueneka ku mesu, kadi udi ubadibua bua buakane budi bumutapulula ne Buloba. Nzambi udi upima tshidi Ekelezia bilondeshile kudiunda kua mu nyuma kua bidimba biandi, bilondeshile dimanya diabo dia Kilisto » - Prophètes et Rois, p. 428c. M’mushindu kayi wakunvuija Nzambi tshidi butumbi buandi pakalomba Mose bua yeye kumona butumbi ebu ? Ekesode 33:18-19 ; 34:5-7« Ngikadilu wa Kilisto udi usokolola patoke butumbi bua bimanyinu bia Nzambi, ne dibeji dionso dia Mufundu didi diela mupenya wa munya wandi. Buakane buandi, budi bufuana dibue dia perle ku butoke ne ku buakane, kabuyi tshilema ne kabuyi katoba. Kakuena tshienzedi tshidi tshia muntu tshidi tshimanye mua kulongolola dipa dinene ne dia mushinga mukole dia Nzambi kudi bantu. Didi dia tshishiki » - Les Paraboles, p. 93« Ngikadilu eu kulejibua patoke mu moyo wa Kilisto. Bua kupisha bubi mu mubidi ku tshilejelu tshiandi, yeye kuangata mubidi wa bubi. Wakadi ubandila anu ngikadilu wa Nzambi ne wakadi umubuluila anu bantu patoke. Kilisto udi musue bua bayidi baleje mu moyo wabo patoke, ngikadilu wa momumue » - God’s Amazing Grace, p. 322
3. LUBILA LUA BUDIMUISHI Disatu 16/06
a. M’mushindu kayi udi Nezmnbi wakula ne badi basombe mu Babulona ? Buakabuluibua 18:2« Muanjelo eu wakadi ne bukole bua bungi ne munyungulula ne butumbi. Pakadiye upueka pa Buloba, Buloba buakakenkeshibua ne butumbi buandi. Munya wakadi umufila kubuela miaba yonso. Wakadi wela lubila ne diyi dikole. Lubila ludi luamba bua dikuluka dia Babulona, lubila luamba kudi muanjelo muibidi, ne ludi luambulula ne diyi disakidila dia dinyanguka didi dibuela munda mua ma Ekelezia katshia ku tshidimu tshia 1844. » - Premiers Ecrits, p. 277b. N’tshinyi tshiakadi kushintuluka mu Babulona katshia lubila lua muanjelo muibidi luambibua bua musangu wa kumpala ? Buakabuluibua 18:3« Lubila lua Muanjelo muibidi [wa Buakabuluibua 14], luakayishibua diambedi mu tshitshia tshia luya mu tshidimu tshia 1844, luakadi anu bua Ekelezia yak u Etats-Unis, m’muaba mene wakayishabo budimuishi bua tshilumbuluidi ne bobo kubenga budimuishi ebu, ne m’muaba mene wakalua dikuluka ne lukasa. Biabi, kuamba kua lubila elu kakuakadi ne bua kujika mu 1844 nansha. Bidi mu bushuwa bua se Ekelezia yakakuluka panshi mene mene mu malu a mu nsombelu anu bua kubenga kua munya wa lubila lua ba Adventiste. Kadi dikuluka ne edi kadiakadi dinene nansha. Mu kushala bakandamana mu kupanga kuteleja kua malu malelela a tshikondo tshietu, Ekelezia kukuluka panshi mene mene. Bua nunku, diyi kadiena mua kuambibua kabidi ne : ‘Babulonda munene wakupuka, wakupuka, wakunuisha bisamba bionso mvinyo wa tshinji tshia masandi andi.’ Kena muanji kunuisha bisamba bionso mvinyo. Menji akudifuanyikija ku malu a Buloba ne a kupanga kuikala ne ntema ku malu malelela matoke ne majadikibue adi bua tshikondo tshietu, ngikadilu eu m’mujame mu Ekelezia ya bena Mishonyi yonso badi ne m’bena Kilisto, ne ekelezia eyi idi m’munkatshi mua kusonguela kukole kua muanjelo muibidi. Kadi dilenduka kadiena dianji kûla tente nansha.Mukanda wa Nzambi udi wamba ne, diambedi ne Kilisto kulua, Nsatana nênze bimanyinu, ne malu a kukema a mashimi, ne kudinga konso kua malu mabi.’, ne aba bakapanga kuitabuja dinanga dia bualu bulelela bua bobo basunyidibue’ ne bapete ‘dienzeja dia dipambuka, bua bobo bitabuje mashimi’ [2Tesalonike 2:9-11]. Anu pafika malu mu tshipidi etshi ne Ekelezia kudisangisha mu bobumue ne Buloba ne biobi kuikala nunku mu buena Kilisto bonso, apu dikuluka dia Babulona didi dikumbana. Kushintuluka eku kudi kuenda kuya ku tshitupa ne ku tshitupa, ne dikumbana mene mene dia lubila lua muanjelo muibidi didi dienzeka mu matuku adi kumpala » - La Tragédie des Siècles, p. 420
4. DIBIKILA DIA NDEKELU Dinayi 17/06
a. N’dibikila kayi didi dienzeja ne lukasa didi dindila kudi batshidi mu Babulona ? Buakabuluibua 18:4« Shapita wa dikumi ne muanda mukulu wa Buakabuluibua udi ne malu adi bua tshikondo tshidi tshilonda kubenga kua m’bila ya budimuishi ya Banjelo basatu, idi mikale mu Shapita wa dikumi ne muinayi (6-12), Ekelezia neikale mu luidi luamba kudi Muanjelo muibidi, ne m’mudi bantu ba Nzambi badi bashala mu Babulona baya kubasengelela bua bobo kupatukamu. Lubila elu n’lua ndekelu luaya kufidibua kudi Buloba, kakuakuikala lukuabo nansha, ne lubila elu nelukumbaja mudimu walu. Pikala ‘badi kabayi bitabuja malu a bushuwa, kadi badi ne disanka mu malu mabi.’ (2Tesalonike 2:12), baya kulekelela mu bianza bia bukole budi busesuisha nebuya kuitabuja ‘mashimi’, munya wa bulelela ne uya kukenkela aba badi bikale pa buipi bua kuakidila munya eu. Mu tshikondo atshi, bana bons oba Nzambi batshidi mu Babulona nebaye kuitaba ku dibikila edi didi ne : ‘Bantu banyi, nulupuke munkatshi muandi’. (Buakabuluibua 18:4) » - La Tragédie des Siècles, p. 421b. M’bantu kayi badi babikidibue bu ‘bantu banyi’ ne m’banganyi badi babikila bua kupatuka mu Babulona ? Yone 10:16« Nansha mudi midima ya mu nyuma mikaleku ne diya kule pepi ne Nzambi bikale bikokeshibua munda mua Ekelezia idi mikale Babulona, tshibungi tshia bayidi balelela ba Yezu tshitshidi tshikale munda mua Ekelezia eyi. Bantu ba bungi badimu ki mbanji kupeta dimanya dia malu malelela a pa buawu adi mikale bua tshikondo tshietu etshi. Babungi m’badi bikale batua mikemu bua kupeta munya wa bungi, ne m’benda bakeba patupu tshinfuanyi tshia Kilisto mu Ekelezia mishilangane. Bu mudi Ekelezia eyi yenda iya kule ne bulelela ne idisangisha ne Buloba, dishilangana ne didi dimueneka patoke pankatshi pa bitupa ebi bibidi. Ditapuluka didi dienzeka. Tshikondo tshidi tshilua tshidi badi banange Nzambi mu bushuwa kabayi mua kushala kabidi mu bobumue ne aba badi ‘bananga masanka kutamba Nzambi’ [bikala ne tshimuenekela tshia buimpe, kadi bamana kudiuwula bukole’]. – Ibid, p. 421c. Bua tshinyi dibikila dia kunyema Babulona didi dikale dia diyi dikole ? Buakabuluibua 18:5-8« Muaya wakakenkesha bakadi bindile, wakabuela miaba yonso. Aba, bakadi mu Ekelezia mishilangane kupeta bimue bitupa bia munya, ne bakadi kabayi bunvua ne babenga m’bila ya Banjelo basatu, bakitaba ku lubila ne bobo kumbuka munda mua Ekelezia yakadi mikuluke » - Premiers Ecrits, p. 278
5. PA BUIPI NE KUELA LUBILA Ditanu 18/06
a. Unvuija mushinga wa lubila lua budimuishi ludi lutoke ne lujadika. Yeshaya 58:1 ; 1Kolinto 14:7-8« Shapita dikumi ne muanda mukulu wa Buakabuluibua udi uleja bulelela ki mu tshitupa nansha kadi ne dikima dionso … tuakutamba kuelakana mu kuamba kua lubila lua muanjelo muisatu » - Evangéliser, p. 211« Nzambi wakadi musue bua bansentedi bajuke ne mu diyi dimue, mu kuela kua mpungi, bua bantu bonso badienzeja ne lukasa bua yonso ikale muaba wandi wa mudimu ne kuenza mudimu udi wenda mu mudimu eu munene. Apu, munya mukole ne mutoke wa Muanjelo eu mukuabo udi upueka mu Diulu ne bukole bua bungi wakadi kûlu Buloba tente ne butumbi buandi. Tudi ne bidimu bia lujoko ; ne aba badi bashale mu bufofo ne kupumbisha kudiunda kua lubila luakadi ne Nzambi mene musue bua lolu kumueneka mu disangisha dia ku Minneapolis bu mudi muinda udi ukenka, bobo aba bakapumbisha munya eu, budibo nabo dijinga m’bua kupuekesha mitshima yabo kumpala kua Nzambi, bua bobo kumona ne kunvua mushindu kayi udi mudimu wakapumbishabo ku bufofo buabo bua mu nyuma ne dipapisha dia mitshima yabo » - The Ellen G. White 1888 Materials, p. 1070b. N’dibikila kayi dia bushuwa dia Yezu ditudi bonso buetu ne bua kulama ku moyo, muntu yonso pankayandi ? Yone 12:35-36« Muanjelo mukuabo udi usangisha diyi diandi ku diyi dia Muanjelo muisatu, ne Buloba budi bukenkeshibue ne butumbi buandi. Munya udi udiunda ne ukenka mu bisamba bionso bia pa Buloba. Udi ne bua kutangalaka bu munya mukole. Newikale mufila kudi bukole bunene, tô ne mudi nsesa yawu idi mikunzuluke iya kulenga miaku yonso, bantu bonso ne bisamba bionso bidi pa Buloba bujima. Lekelayi bua n’nuebeja ne : N’tshinyi tshinudi nuenza bua nuenu kudilongolola bua mudimu eu ? Nudi nuenda nuibaka bua tshiendelela anyi ? Nudi ne tshia kuvuluka bua se muanjelo eu mukuabo udi uleja bantu badi ne lubila elu lua kuambila Buloba. Udi biebe munkatshi mua bantu aba anyi ? » - The Review and Herald, 18 Août 1885
Makonka a kuambulula dilesona Disambombo 19/06
1. Unvuija mushindu kayi udi Lomo muikale upetangana ne diunvuija dia Babulona, mamuandi wa bakaji ba masandi.2. M’butumbi kayi bua bushuwa bua Nzambi buaya kusokolodibua patoke kudi Muanjelo mukuabo ?3. Bua tshinyi lubila lua Muanjelo muibidi ludi ne tshia kuambuludibua kabidi ?4. M’muaba kayi udi tshibunyi tshia bayidi balelela ba Yezu lelu ?5. M’mushindu kayi ûndi mua kuikala udi wendesha buenzeji buimpe pa mutu pa meme kuikala tshinkandi mu mudimu wa Nzambi lelu ?