Dijandula dia mudimu wa tshiprofete wa Danyele ne wa Yone
<< >>
Nsabatu, 13/06/2026Dilesona 11
BANJELO BASATU « Eku nkutantamana kua bansantu, badi batumikila mikenji ya Nzambi, ne ditabuja dia Yezu. » - Buakabuluibua 14:12
Bia kubala :
- Premiers Ecrits, p. 232-261
« Bakandeja biendedi bisatu biakadi bifikisha pa muaba mualabale ne biakadi bileja ngumu isatu : muanjelo wa kumudilu, muibidi ne muanjelo muisatu. Muanjelo wakadi unfila kungambila ne : ‘Mulawu ne dikenga bikale kudi udi umbusha nansha katupa kakese mene mene ka ngumu eyi. Diunvuija dia ngumu eyi dilelela didi dia mushinga wa bukole’ » - Premiers Ecrits, p. 258-259
1. BANJELO MU BUAKABULUIBUA Dia kumudilu 07/06
a. Fuanyikija ne fila dishilangana pankatshi pa batumibue badi balejibue mu banjelo. Buakabuluibua 1:20 ; 10:1,5 ; 11:1 ; 22:8b. M’mushindu kayi udi Nzambi utuma lubila kudi muntu yonso pa Buloba ? Lomo 10:13-15« Bua kuleja mpala wandi apa panshi pa Buloba, Nzambi kena musungula banjelo batu kabayi banji kuenza bubi nansha, kadi m’musungula bantu, badi bikale ne majinga a mubidi bu badibo bakeba bua kusungila. N’kudi balume ne bakaji badibo bapesha mudimu wa kumanyisha ‘bua bubanji bua Kilisto’ (Efeso 3:8) » - Conquérants Pacifiques, p. 119-120« Tudi ne tshia kuleja Yezu kudi Buloba mu bobumue ne banjelo ba mu Diulu … bualu bua n’kupitshila kudi muntu ngudi malanda enzeka ne muntu. Ne patudi tudifila kudi Kilisto, ne didifila dionso, banjelo badi basanka bua kumanyisha dinanga dia Nzambi ku meyi etu » - Jésus Christ, p. 286c. M’bantu kayi badi bafuanyikija ne banjelo ba mu Buakabuluibua 14:6-12 ne mudimu wabo udi tshinyi ? Matayo 28:19-20 ; Bienzedi 1:8« Banjelo aba badi balejibue kudi benda bapapalala munkatshi mua Diulu, benda bambila Buloba lubila lua didimuisha … kakuena muntu udi unvua diyi dia banjelo aba badi anu bikale tshinfuanyikiji tshia bantu ba Nzambi badi benza mudimu mu diunvuangana ne Diulu » - Messages Choisis, vol. 2, p. 446
2. MUANJELO WA KUMUDILU Dibidi 08/06
a. M’banganyi badi muanjelo wa kumudilu utuadila lubila luandi ? Buakabuluibua 14:6.« Tshiprofete tshia Shapita wa dikumi ne muinayi wa Buakabuluibua, tshidi tshiamba bua ditabuluka dinene dia malu a ntendelelu didi dilua ku diamba dia kulua kua Kilisto … kupapala kua muanjelo ‘munkatshi mua Diulu’, ‘diyi dikole’ didiye wambila nadi ‘bisamba bionso, muaku onso ne bantu bonso’, bidi bileja lubila lukole ludi nalu lubila elu, ne ludi bua Buloba bujima ». – La Tragédie des Siècles, p. 385-386b. M’mushindu kayi udi muanjelo wa kumudilu muikale ukoka ntema ya bantu kudi Nzambi Mufuki ? Buakabuluibua 14:7 ; Genese 1:1 ; Efeso 3:9c. Ela menji bua mushindu udi ba Adventiste bangata lubila lua muanjelo wa kumudilu lulua luabo ne tshilumbuluidi ne babibueja mu kuyisha kuabo kua dilua dia Kilisto. Danyele 7:26-27 ; 8:14 ; Bienzedi 17:30-31« Mudimu wa kuyisha lubila mu Amérique bakaûpesha William Miller ne bakuatshishangani nandi. Muaba eu wakalua nsangilu munene wa ba Adventiste. N’koku mene kuakakumbana tshiprofete tshia lubila lua Muanjelo wa kumudilu mene mene. Mifundu ya W. Miller ne ya bena diandi yakafika mu matunga a kule kule. Lumu lua disanka lua dipingana dia Kilisto kuya mu miaba yonso ya pa Buloba muaba wakadi Lumu Luimpe lufika. Lubila lua Lumu Luimpe lua tshiendelele ludi ne : « Nutshine Nzambi, numutumbishe, bualu bua diba dia kulumbuluisha kuandi diakulua’ kutangalaka pa miaba ya pa buipi ne ya kule.Diunvuija dia biprofete biakadi bimueneka bienzeka diba dimue ne dipingana dia Kilisto ne tshidimu tshia 1844 kufila tshimuenekelu tshinene ku Etats-Unis. Lubila elu kuya mu musoko ne musoko, kufila ntema ya bungi. Bantu ba bungi kutuishibua mu bushuwa bua bulelela bua meyi akadi mu tshiprofete, akadi avuija menji abo a tshijila akadi mafuikakaja diambedi ne bakadi bupukila bulelela. Ba-mpasata bakadi balekela muenenu wabo wa malu a wakutapuluka ne menji akadi abo nkayabo, kubenga mafutu abo ne Ekelezia yabo bua bobo kutua mpanda aba bakadi bamba bua kulua kua Yezu. Ne bu muakadi bungi bua ba-mpasata bakadi bitabuja lubila elu buikale bukese, nunku mudimu wa kuamba lubila elu bakaûpesha ba-layike … ngikadilu wa Ekelezia udi kayi luya ne wa Buloba budi budina mu midima biakadi ne bujitu bua bungi mu mitshima ya ba-nsentedi balelela ; ne kabidi bakadi ne bua kupeta dipungi ne dikengela dia bintu bua kuenza kuabo kua mudimu wa kubikila bantu bua bobo kukudimuna mitshima ne bua lupandu.Nansha muakadi Nsatana utua tshinkandi, mudimu wa Mukelenge wakadiunda ne lukasa ne misuka ya bungi yakitabuja Lumu Luimpe lua dipangana dia Kilisto » - Le Grand Conflit, p. 365 ne La Tragédie des Siècles, p. 398
3. MUANJELO MUIBIDI Disatu 09/06
a. N’tshinyi tshidi muanjelo muibidi wamba pa bidi bitangila ngikadilu wa mu nyuma wa Ekelezia udi udiamba ne n’ngua Kilisto ? Buakabuluibua 14:8« Nvinyo n’tshinyi ? – M’mayisha andi a mashimi. Kupesha Buloba nsabatu wa mashimi pa muaba wa Nsabatu wa Mukenji muinayi, ne yeye kuambulula mashimi akayisha Nsatana bua musangu wa kumudilu Eva mu Edene, bua se musuka kawena ufua. Yeye kumuangalaja kudi bantu bavule bilema bia mushindu wa momumue, ‘badi bayisha diyisha dia mikenji ya bantu’ – Matayo 15:9. – Massages Choisis, vol. 2, p. 135« Babulona kutua mpanda mayisha a lulengu, nvinyo wa tshilema. Nvinyo eu wa tshilema udi muikale ne mayisha a mashimi munda muandi, bu mudi dipanga kufua dia musuka, dikenga dia tshiendelele dia bantu babi, dibenga kuitabuja dia dikalanganaku kumpala dia Kilisto, diambedi ne diledibua diandi mu Betelehema, ne ditua makumbu ne dizangika dia dituku dia Mpatukila wa Lumingu pa mutu pa Dituku dia Tshijila ne dijidila dia Nzambi. Bilema ebi ne bikuabo bia momumue m’biambila Buloba kudi Ekelezia mishilangane, bua kukumbaja nunku Mifundu idi yamba ne : ‘Bualu bua bisamba bionso bia kunua nvinyo wa tshinji tshia masandi andi.’ » - Testimonies to Ministers, p. 61–62b. Unvuija mushindu kayi wakunvua bena Adventiste ditekeshibua diabo dia kumpala dia mu mikolo, dijandula dia ndekelu dilelela dia matuku 2300 ne dibikidibua diabo bua bobo kutapuluka ne bakadi bambila lubila. Habakuka 2:3 ; Matayo 25:6« Munkatshi mua tshidimu tshia 1844, lubila elu luakambibua mu meyi abuena adi mu Mifundu ne : ‘Tangilayi mubaki ! Tangilayi Mubaki !’ Tshikondo etshi tshiakadi munkatshi mua dituku dijadika diakadibo bela menji ne matuku binunu bibidi ne nkama isatu akadi ne bua kujika mu tshidimu tshia pankatshi pa muvua wa luya ne wa mashika bia tshidimu tshiotshi tshimue tshiakajandulabo pashishe dijika dia matuku â.Kunyungakana eku kutuishibua ku dijandula dia mukenji wa Atashasete muela bua kuibakulula Yelushalema, mukenji udi ujadika muaba wa kubangila tshikondo tshia bidimu binunu bibidi ne nkama isatu, n’kubangila mu tshidimu 457 kumpala kua Yezu Kilisto, kabiena bu muakadibi bimanya kumbangilu. Patudi tuangata tshidimu tshia 457 bua kubanga kubala bidimu binunu bibidi ne nkama isatu, tshikondo etshi tshidi tshijika mu tshidimu tshia 1844. » - La Tragédie des Siècles, p. 431« Ekelezia yakabenga lubila lua muanjelo wa kumudilu, yakabenga bua kuitabuja munya wa mu Diulu ne kuijimija buimpe bua Nzambi. Kueyemenayi makole abo. Mu kutontonona kua lubila lua kumudilu, yoyi kuditeka mu ngikadilu wakadi kayi ukumbana bua yoyi kukenkeshibua kudi lubila lua muanjelo muibidi. Kadi banangibue ba Nzambi, bakengesha, kuitabujabo lubila elu ne : ‘Babulona wakupuka’, ne bobo kupatuka mu Ekelezia eyi. » - Premiers Ecrits, p. 237
4. MUANJELO MUISATU Dinayi 10/06
a. M’budimuishi kayi bua kukatshila budi bulua kudi muanjelo muisatu ? Buakabuluibua 14:9-11« Budimuishi budi butambe kukuatshisha bowa butu kabuyi buambila bantu ba-tshifuaka m’bobo budi buikale mu lubila lua Muanjelo muisatu. Bubi ebu budi mu mushindu wa pa buabo m’bubi butambe, bualu budi buya kukeba tshinji tshia Nzambi tshidi katshiyi tshisambakaja ne Luse lutambe bua tshilua kudi bashipi ba mikenji. Kakuena mushindu wa kulekela Buloba mu midima pa bualu budi bua mushinga nunku nansha. Budimuishi bua bubi ebu budi ne tshia kufika kudi Buloba diambedi ne kulumbulula kua Nzambi kakuyi kuanji kulua kudibo ; muntu yonso wakadi ne bua kumanya muanda eu ne kupeta tshikondo tshiakunyema … Tshiprofete tshidi tshiamba ne, budimuishi ebu nebabuambe ne diyi dikole kudi Muanjelo udi upapala munkatshi mua Diulu. Nebukoke ntema ya Buloba bujima. » - La Tragédie des Siècles, p. 487b. Mu tshikondo tshia lubila lua Muanjelo muisatu, m’mushindu kayi udi bansantu batapuluke ne bantu bakuabo ? Buakabuluibua 14:12« Batendeledi ba Nzambi nebikale ba pa buabo, batapuluke ne bantu bakuabo ku kanemu kabo bua mukenji muinayi. Nunku, mukenji muinayi udi tshimanyinu tshia bukole bua bufuki bua Nzambi ne tshimanyinu tshia se yeye udi mukumbanyine dimukukuila ne maneme bia kudi muntu … Mu kupatuka kua mu mvita, buena Kilisto bonso nebuikale butapuluke mu bitupa binene bibidi : tshitupa tshimue tshia badi baya kutumikila mikenji ya Nzambi, ne ditabuja dia Yezu, tshikuabo tshitupa tshia badi baya kukukuila nyama wa lonji ne tshinfuanyikiji tshiandi nebangate tshimanyinu tshiandi. Nansha muikale kudienzeja kusangisha kaba kamue kua Ekelezia ne Mbulamatadi bua kuenzeja, ne bapele, badishikamine ne bapika’, bua bangate tshimanyinu tshia nyama wa lonji, bantu ba Nzambi kabena baya kutekesha maboko nansha (Buakabuluibua 13:16). – Témoignages pour l’Eglise, vol. 3, p. 341c. M’mushindu kayi udi difika dia Muanjelo muisatu diunvuija ? Buakabuluibua 7:2-3« Mu disangisha dienza ku Dorchester, mu Massachusetts, mu ngondo wa dikumi ne umue tshidimu tshia 1848, bakandeja kuamba kua lubila lua kutua kua tshitampi ne mudimu udi wa bana betu wa kumanyisha munya wakadi ukenka mu njila wetu. Tshikena kumona tshijika, meme kuambila mulume wanyi ne : ‘Ndi ne lumu luebe’. Udi ne bua kubanga kupatula pa mabeji ka Mukanda kakese ne kukamuangalaja munkatshi mua tshisamba. Kanji kuikala kakese diambedi ; pikala bantu benda bakabala, ne batume makuta bua kukapatula pa mabeji, ne nekatûta dikasa diakalengele anu ku mbangilu. Bakandeja bua se mbanyilu eu mukese wa mavuala a munya neûle Buloba tente » - Life Sketches, p. 125 ne Premiers Ecrits, p. XXIII.
5. MUTU WA LUSONGO WA LUBILA Ditanu 11/06
a. M’mushindu kayi udi disanka diamba diya kukumbana bua aba badi bafue muditabuja mu tshikondo tshia kuamba kua lubila lua Muanjelo muisatu ? Buakabuluibua 14:13 ; Danyele 12:2« Biakadi diba munda nkulu diakasungula Nzambi bua yeye kusungila bantu bandi. Pakadi bantu babi babatshintshimike ne tuseku tuabo, diba kumuenekadi musangu umue mu bukenke buadi ne ngondo kuimana. Bantu babi kutangila muakadi bualu ebu buenzeka ne kukema, apu m’pakadi bansantu babandila bualu ebu ne disanka dia bungi, tshieya tshia dipikudibua diabo. Bimanyinu ne malu a kukema kulondangana ne lukasa. Bintu bionso bia mu bufuki kumueneka bitshingulula mu luendu luabi bu muakafukibuabi ; mayi manene kuimana kayi kabidi apueka, matutu mafike kujuka bua kututakana. Kadi kuakadi muaba wa butumbi wakadi Diyi dia Mukelenge diunvuika ; biakadi bu tshiôna tshia mayi manene ; diakadi dinyungisha Diulu ne Buloba. Buloba kuzakala bikole ; nkita kunzuluka, ne bakadi bafue mu ditabuja mu tshikondo tshia kuamba kua lubila lua Muanjelo muisatu, bakajidila Nsabatu, kupatuka batumbishibue mu malalu abo a mu lupuishi bua kunvua tshipungidi tshia ditalala tshiakadi ne bua kupunga ne aba bakanemeka mikenji yandi. » - Premiers Ecrits, p. 285b. N’tshinyi tshidi ne bua kuenzeka ku nshikidilu kua ngumu ya Banjelo basatu ? Buakabuluibua 14:14-16 ; Mâko 4:26-29« Nakamona Banjelo baya lubilu eku ne kuaka mu Diulu. Umue wa munkatshi muabo, muikala ne dibaya dia kufundila, ufumina pa Buloba ne wakadi upesha Yezu mulubu wa kujika kua mudimu wandi wa kubadika ne kutua bansantu tshitampi. Pashishe meme kumona Musungidi, wakadi muenze mudimu wandi kumpala kua Mushete udi ne Mikenji dikumi, ukupa tshikupilu tshiandi tshia musenga wa manananshi panshi pa Buloba. Kujula bianza mûlu, kuela diyi dikole ne : ‘Buakuenjibua !’ » - Ibid, p. 279
Makonka a kuambulula dilesona Disambombo 12/06
1. Bua tshinyi Nzambi m’mupesha bantu mudimu wa kuamba kua Lumu Luimpe ?2. M’mushindu kayi wakatangalaka lubila lua Muanjelo wa kumudilu mu Buloba bujima ?3. Unvuija kabingila kakenza bua se lubila lua Muanjelo muibidi lufidibue.4. N’dishilangana kayi didi lubila lua Muanjelo muisatu luleja patoke ?5. M’bualu kayi buaya kuenzeka ku nshikidilu kua m’bila ya Banjelo basatu ?