Dijandula dia mudimu wa tshiprofete wa Danyele ne wa Yone
<< >>
Nsabatu wa 30/05/2026Dilesona 9
DRAGON, MUKAJI NE BISHADILA « Ne Dragon wakafikila mukaji munda, wakaya kuluangana mvita ne tunkanunuina tuandi tuakashala tudi tutumikila mikenji ya Nzambi, ne tudi ne bumanyishi bua Yezu ». – Buakabuluibua 12:17
Bia kubala :
- La Tragédie des Siècles, Shapita 36
« Budikadidi bua kondo ka moyo bupeta ku kudienzeja ne kudifila kua bungi, budikadidi ebu nebuyakushipibua. Mu mvita idi isemena pa buipi ne lukasa, meyi a muprofete neaye kukumbana » - La Tragédie des Siècles, p. 641
1. EKELEZIA MUSOKOLODIBUE PATOKE Dia kumudilu 24/05
a. N’tshinyi tshidi tshimueneka ku mbangilu wa tshikena kumona tshinayi tshia Yone ? Buakabuluibua 12:1b. Mu binfuanyi bia mu Mukanda wa Nzambi, mukaji udi uleja tshinyi ? 2Kolinto 11:2 ; Yehezekele 23:2-4 ; Buakabuluibua 17:3-6« Mu Shapita wa dikumi ne muanda mutekete wa Buakabuluibua, Babulona udi mulejibue mu tshinfuanyi tshia mukaji, n’tshinfuanyi tshidi Mifundu miangata bua kuleja Ekelezia : mukaji muimpe, munonoke mpadiku bakula bua Ekelezia muakane, mukaji mubi, mpadibu bakula bua Ekelezia mulenduke.Mu mukanda wa tshijila, malanda a tshijila ne adi ashala kashidi adi pankatshi pa Yezu Kilisto ne Ekelezia wandi adi malejibue mu tshinfuanyi tshia malanda a dibaka. Mukelenge kudisangisha mu bobumue bantu bandi mu tshipungidi tshikole. Yeye kubalaya bua se yeye neikale Nzambi wabo, ne bantu bandi, kuluabo luseke, kuangatabo dipangadika dia bobo kuikala anu bantu bandi nkayandi. Nzambi kubambila ne : ‘Ne nkubangile kabidi bua kukubumbakaja kûndi tshiendelele ; bulelela, nenkubangile bua kukutuangaja n’anyi mu buakane ne mu kulumbulula kuakane ne mu dinanga ne mu kukufuila kua luse’ (Hoshea 2:19 anyi 20), ‘bualu ndi bayenu’ (Yelemiya 3:14). Ne mupostolo Paulo udi wakula anu tshinfuanyi tshiotshi tshimue mu Dipungila Dipia Dipia, padiye wamba ne : ‘Nakanubangisha kudi mulume umue bua meme n’manye mua kunuyila bu mukaji utshidi kamama kudi Kilisto’ (2Kolinto 11:2). » - La Tragédie des Siècles, p. 411-412
2. EKELEZIA MU MVITA Dibidi 25/05
a. M’mushindu kayi wakakenga Ekelezia mu dindila dia Muana, Mashiya ? Buakabuluibua 12:2 ; Yeshaya 9:5 anyi 6 ; Luka 2:25-32« Meyi â a Yakobo wakadi wenda ukûla moyo akûja tente mitshima yabo ne ditekemena : ‘Dikombo dia bukelenge kadiena diumbuka kudi Yuda, tshibangu tshia bukokeshi katshiena tshiumuka pankatshi pa makasa andi tô ne palua Shilo, Muena Ditalala’ (Genese 49:10). Bukole bua Isalele, mu kuenda bujimina, kujadika bulelela bua dilua dia Mashiya wakadi pepi ne kulua. Tshiprofete tshia Danyele tshiakadi tshiunvuija bimpe mene mene butumbii bua bukokeshi buandi buakadi ne bua kuangata muaba wa makelenga onso a pa Buloba, ne muprofete kukumbaja wamba ne ; ‘bobo nebujalame tshiendelele’ (Danyele 2:4). Bakadi difuka dikese, bushuwa, bakadi bunvua tshiakadi ngikadilu wa mudimu wa Kilisto ; kadi bakadi bindila mukelenge wa bukole wakadi ulua kujadika bukelenge buandi mu Isalele ne kusungila bisamba. Bikondo kukumbanabi. Dinyanguka dia bantu, kuvulangana ku bipungu ne bipungu mu kushipa kua mikenji ya Nzambi, kuenzabi bua dilua dia Mupikudi dikale dia mushinga » - Jésus Christ, p. 26b. M’Bukelenga kayi bua mbulamatadi budi bulejibue mu Dragon munene mukunze ? Buakabuluibua 12:3« Mu binfuanyi bia Dragon mukunze munene, nyama wa Lonji mufuanangane ne nyama wa nkashama ne nyama muikale ne nsengu ya muana wa mukoko, m’makokeshi a pa Buloba adi aluangana ne moyo onso mu mushindu wa pa buawu bua kudiata ku makasa mikenji ya Nzambi ne kukengesha bantu bandi, Yone bakamuleja malu â. » - The SDA Bible Commentary, vol. 7, p. 972c. Anu bua bukelenge ebu bua mushindu wa momumue ne bua Dradon, njiwu kayi idi bua Ekelezia ne Mashiya ? Buakabuluibua 12:4« Nsatana wakadienzeja bua yeye kumbula dijimba dile didi kadiyi kusabuka pankatshi pa Buloba ne Diulu. Mashimi andi ne dikima kubueja bantu mu bubi. Wakadi wenza nunku mu yeye bua kufikisha lutulu lua Nzambi ku ndekelu, bua lupungile, bua kujima dinanga diandi bua muntu ne kumufikisha bua yeye kumulekela kumpala kua tubadi tua kukosa kua bilumbu tua Buloba ebu » - Jésus Christ, p. 26« Nsatana kupeta lukinu bua Kilisto anu bua mulongo wakadi wa Kilisto mu miaba ya kuikala idi lupangu lua Nzambi. Pakadimonaye mumbusha mu nkuasa, lukinu luandi kuvulangana bua eu wakangata dipangadika dia kupikula bantu babi. Kadi nansha nanku, Nzambi kuanyisha bua Muana wandi alue pa Buloba buakadi Nsatana utshinka ne n’nyeye udi mukelenge wabo, ne bua yeye mu luidi lua muana mukese, muikale ne mateketa a buntu. Yeye kuitabuja bua se kupitshila mu njiwu ya moyo mu mushindu wa momumue ne bantu bakuabo bonso, kuluangana mvita bu muana yonso wa bantu, pepi ne kupangila mvita eyi ne kujimina tshiendelele. » - Ibid,, p. 34
3. Nvita mu Diulu Disatu 26/05
a. N’tshikena kumona kayi tshia kale tshiakabuluilabo Yone, ne tshidi tshiunvuija tshinyi ? Buakabuluibua 12:7-9« Ditua nkanana ku mikenji ya Nzambi diakabangisha mu Diulu, ne Lucifer, mukeluba mukubi. Nsatana wakadi muangata dipangadika dia yeye kuikala muaba wa kumudilu mu bulongolodi bua mu Diulu ne kuikala wa momumue ne Nzambi. Wakatuadija mudimu wandi wa ditomboka ne banjelo bakadiye ulombola, ukeba bua kumuangalaja munkatshi muabo menji a kusunuka. Ne kuenza nunku mu dishima dia bungi, ne banjelo ba bungi bobo kudisanga nandi diambedi ne menji andi kâyi manji kumanyibua biakane mene mene. Nansha mene banjelo bakadi ne lulamatu kabakamanya mua bobo kujandula mene mene ngikadilu wandi, anyi kumona kuakadiye uya mutangile ne mudimu wandi. Pakapeta Nsatana, musumba munene wa banjelo mutue ku tshiandi, yeye kuleja Nzambi bualu buakadiye nabu, mu kuamba kua se n’dijinga dia banjelo bua yeye kuangata muaba wakadi wa Kilisto.Bubi kutungunuka ne kuenza mudimu tô ne pakafika menji a kusunuka ku ditomboka dia patoke. Apu, mvita kuenzeka mu Diulu, ne Nsatana ne bonso bena diandi, kuipatshibua » - The SDA Bible Commetary, vol. 7, p. 972-973b. M’mushindu kayi udi dimanyisha didi dienza mu Buakabuluibua 12:10 ne 11 dileja dijika dia kuipata kua Nsatana mu tshikondo tshia mudimu wa Yezu ?« Disu dia tshiprofete tshia Kilisto diakamona malu akadi ne bua kuleja mvita minene ya ndekelu. Wakadi mumanye ne Diulu dijima diakadi ne bua kutshimuna, pakadiye ne bua kuela lubila ne : ‘Bionso biakukumbana’. Wakadianjila kunvua ku bule meyi a musambu ne mbila ya butshimunyi mu miaba ya kuikala ya mu Diulu. Wakadi mumanye ne ngonga wa lufu wakadi ne bua kudila pa bukelenge bua Nsatana, ne dina dia Kilisto diakadi ne bua kuambibua, mu miaba yonso, eku ne eku, mu bunene bua Diulu ne Buloba » - Jésus Christ, p. 684« Tshifufu tshia bupikudi tshiakadi ne tshipatshila tshinene tshitambe lupandu lua bantu. Tshifufu etshi katshiakadi anu tshienza bua banemeke mikenji ya Nzambi kudi badi bashikame mu dibulunga dietu dikese nansha. Biakadi bua kuvuija buakane bua ngikadilu wa Nzambi kumpala kua badi basomba mu mabulunga makuabo … Lufu lua Muana wa Nzambi luakadi ne bua kufikisha bantu mu Diulu ; kadi, luakadi kabidi ne bua kuvuija buakane kumpala kua Buloba bujima ngikadilu wa Nzambi ne wa Muana wandi pa bidi bitangila ditomboka dia Nsatana. Luakadi ne bua kujadika dikalanganaku dia kashidi dia mikenji yandi ne kusokolola patoke ngikadilu ne bipeta bibi bia bubi » - Patriarches et Prophètes, p. 46-47
4. MVITA PA BULOBA Dinayi 27/05
a. Njiwu kayi minene yakadi katataka kumpala kua Ekelezia ? Buakabuluibua 12:12-13« Nsatana, mumanye ne bukelenge buakadiye nabu ku mashimi, bakadi ne bua kumunyengabo, yeye kuangata dipangadika dia yeye kubutula mu mishindu yonso bifukibue, bifuka kudi Nzambi mu tshinfuanyi tshiandi. Wakakina muntu bualu bua Kilisto wakaleja muntu dinanga diandi ne buakane bia luse lutambe, ne yeye kudilongolola katataka bua kukuata mudimu ne mashimi mu mishindu yonso anu bua muntu ajimine ; kutungunuka ne mudimu wandi ne bukole bonso nansha yeye Nsatana mua kujimina, ajimine » - The SDA Bible Commentary, vol. 7, p. 973–974« Bukole bua mvita eyi minene pankatshi pa buakane ne bubi nebuvulangane tô ne ku nshikidilu. Mu tshikondo tshionso, tshinji tshia Nsatana kujûka bua Ekelezia wa Kilisto. Kadi Nzambi kumuangalaja ngasa wandi ne Nyuma wandi pa bena kuitabuja bua kubakolesha ne bua bobo kutshimuna mateyi a Nsatana. Tshikondo tshiakapeta bapostolo ba Kilisto mudimu wa kumuangalaja Lumu Luimpe mu Buloba ne kulufunda bua kululama bua bikondo bionso biakadi ne bua kulua pashishe, bakadi bakenkesha mu mushindu wa pa buawu kudi Nyuma wa Nzambi. Kadi bu muakadi Ekelezia wenda usemena pa buipi ne dipikudibua diandi, Nsatana apa n’ngukuata mudimu ne bukole bua bungi. Mishindu yonso ya bumfumu buandi bukole bua lufu, budimu buandi bonso, tshikisu tshiandi tshionso, neaye kukuata nabi mudimu mu kubunda kuandi kua ndekelu kua bantu ba Nzambi. M’mu tshikondo etshi tshia njiwu mudi bayidi ba Kilisto ne tshia kudimuisha Buloba bua dilua diandi didi pa buipi, ne bantu badiku badi ne tshia kudilongolola bua kubasangana kabayi ditoba anyi bualu bua kubabanda nabu (2Petelo 3:14). Ne kabidi ngasa ne bukole bia kudi Nzambi kabia kupanga kuikala ne mushinga mukumbane bua Ekelezia mu tshikondo tshia ku nshikidilu bu matuku a bapostolo » - La Tragédie des Siècles, p. 13-14 ne Le Conflit Imminent, p. 9-10b. Unvuija bualu bupitshisha bua Ekelezia munkatshi mua bidimu 1260 bia dikengesha. Buakabuluibua 12:6, 14c. N’dikuatshisha kayi diakamueneka bua kutshiungulula kubunda kua makola a bantu, kuakadi Dragon mujule bua kuluangisha bena lulamatu ? Buakabuluibua 12:15-16« Biakamanyika mu Europe bua se kuakadi dimue ditunga, muakadi muntu yonso udia tshia ku mudimu wandi ne wenza malu bilondeshile mudi kondo kandi ka moyo, misumba ne misumba ya bantu, kunyemena mu Buloba bupia bupia » - La Tragédie des Siècles, p. 318
5. BISHADILA Ditanu 28/05
a. M’bamba munyi bua bena lulamatu mu tshikondo tshidi tshinji tshia Dragon tshilua tshikole tshitambe ? Buakabuluibua 12:17« Mumonyi wa malu wa mu Patemos, udi wakula bua tshikondo tshia ku nshikidilu wamba ne : ‘Ne Dragon wakafikila mukaji munda, wakaya kuluangana mvita ne tunkanunuina tuandi tuakashala, tudi tutumikila mikenji ya Nzambi, ne tudi ne bumanyishi bua Yezu’. (Buakabuluibua 12:17). Bidi bikengela bua tuetu kuindila bua kumona lelu dikumbana dia tshiprofete etshi. Menji asaka bantu kale bua bobo kukengesha Ekelezia mulelela, neabatume bua kuenza mushindu wa momumue ne aba badi bashala bena lulamatu kudi Mukelenge. Malu ngenda alongolodibua bua mu tshikondo etshi bua mvita ya ku nshikidilu » - Prophètes et Rois, p. 458-459b. M’mushindu kayi udi ngikadilu wa bishadila unvuija tshidi Ekelezia mu matuku â a ku nshikidilu ? Buakabuluibua 14:12 ; 19:10« Ekelezia wa bishadila neaye kujadika Nzambi mu mikenji yandi ne neikale ne dipa dia tshiprofete. Kutumikila kua mikenji ya Nzambi ne Nyuma wa Tshiprofete m’biobi bidi bifila dishilangana pankatshi pa bantu ba Nzambi balelela mu bikondo bionso, ne diteta didiku pa dimueneshibua dia patoke dia malu adiku » - Loma Linda Messages, p. 33« Ekelezia wa ‘Bishadila’ neapitshile mu mateta manene ne mu matuku a kanyinganyinga. Badi batumikila Mikenji ya Nzambi ne Ditabuja dia Yezu, Dragon neabafikile munda, yeye ne biluilu biandi. Nsatana udi ubala ne munkatshi mua bidi biandi, Buloba budimu, udi mpindieu ukokesha ekelezia milenduke, kadi kudi kasumbu kakese kadi kakandamana ku bukokeshi buandi » - Témoignages pour l’Eglise, vol. 2, p. 208« Dibenga kutumikila Mikenji ya Nzambi ne dipangadika dia kuluangisha aba badi bayitumikila, bidi bituma Dragon bua yeye kuluangana mvita mikole. Makola onso andi adi masangisha mu mvita eyi idiye uluangisha bantu ba Nzambi badi batumikila Mikenji yandi. » - Ibid, vol., 3, p. 273
Makonka a kuambulula dilesona Disambombo 29/05
1. Bua tshinyi Ekelezia udi mulejibue mu tshinfuanyi tshia mukaji mu Mukanda wa Nzambi ?2. Unvuija njiwu yakangata Muana wa Nzambi bua kulua pa Buloba bu muntu.3. N’tshikondo kayi tshiakafika dipadibua mu Diulu ku ndekelu mene mene ?4. Unvuija kabingila kakafîkila Dragon, Ekelezia, munda.5. Ngikadilu kayi itudi mua kujadika nayi bishadila ?