Nsabatu wa 02/05/2026 BUA MISHONYI MU BULOBA BUJIMA Tshikondo tshia mpungilu wa 24 wa Conférence Générale, ngumu ya bungi ya Mishonyi mipia mipia yakafidibua. Tuetu kusanka bikole bua diya kumpala dia bualu bulelela bua Tshikondo, ne tudi bindile ne bua kunzulula ne kulongolola mikuabo ya bungi bu eyi, bualu bua buloba bujima budi ne tshia kukenkeshibua ne butumbi bua Nzambi. Kudi mishindu ya bungi ya kukuatshishangana mu mudimu eu mutambe buimpe wa lupandu lua misuka mu miaba mipia mipia. « Bualu bua muntu yonso wantendekena dina dia Mukelenge neasungidibue. Munyi muamutendekenabo kabayi banze kumuitabuja ? Munyi mua muitabujabo kabayi banze kunvua lumu luandi ? Munyi munvuabo lumu luandi kabayi ne muambi ? Munyi muabambilabo kabayi batumibue ? Lomo 10:13-15a. Bena mudimu ne badi bafila biuma bua mudimu bonso badi benza mudimu eu mu kudifila kushilangane bua kusungila mikoko mijimine. « Bu bikala ba membres bons oba Ekelezia wetu bakadi kuikala bamanya bua muakadibi bualu bukole, mu matuku mashala bua kuenza mudimu miaba ikadi lelu eu milue nsangilu ya mushinga, bakadi kuya kunvua bua se bidi bikengela kuikala ne dikima bua kuimana kumpala kua malu adi kâyi mempe ne kuamba ne bianza bijula mûlu ne : ‘katua kuya kupanga ne kuteketa mu mikolo nansha’. Badi kabayi bakangula njila mu miaba mipia mipia ne idi mikole ya ntatu, kabena bajadika bua ntatu ya mudimu mukole muenza kudi mudianjidi. Bubikalabi mua kunvua mushindu udi Nzambi wenza mudimu, kabakuya kusanka anu bua tshiakenjibua, kadi nebaye kumona kabidi kabingila kakusanka bua muikale mudimu mu matuku alualua. Bana betu, kakuena kabingila nansha kamue kakuteketa mu mikolo. Luteta luakane ludi lukuna. Nzambi neikale ne tshitabela bua bualu bua luteta elu, nealutolokesha ne nelukuame mamuma a mavule. Nuvuluke bua se tshibungi tshia midimu mienza bua kusungila misuka tshitu ne mbangilu, midimu eyi kuenda bimpe mene nansha munkatshi mua ntatu minene. » - Testimonies for the Church, vol. 7, p. 242 « Dollar yonso, lufualanga lonso bitudi nabi bidi bia Mukelenge. Pa mutu pa kutula makuta etu ku malu a patupu, tudi ne tshia kuafila ku lubila lutuela bua mudimu wa buambi. Bu mudi bipapu bipia bipia bienda biunzuluka, badi anu batuela misangu yonso lubila bua kufila biuma » - Conseils à l’Econome, p. 304 Ke bua tshinyi mulambu wa pa buawu wa dituku edi neusangishibue bua Mishonyi idi mu Buloba bujima ; m’mushindu udiku udi ukengedibua lelu eu mene mene. Mukelenge asankishe yonso udi ufila bua afile ne disanka mu kudilekelela ne ditabuja. Nzambi afute yonso udi wenza nunku. Bana benu bak u Conférence Générale.