Dijandula dia mudimu wa tshiprofete wa Danyele ne wa Yone
<< >>
Nsabatu wa 25/04/2026Dilesona 4
TSHIKENA KUMONA TSHIA KUMUDILU TSHIA DANYELE « Nakamona lusengu alu luluangana ne bansantu, lubapita bukole, tô ne pakalua Wa Kale Wa Matulu abungi. Mu tshilumbuluidi yeye wakabingisha bansantu ba Mutambe Bunene wa mu Diulu pakalua tshikondo tshia bansantu kudiabo bukelenge » - Danyele 7:21-22
Bia kubala :
La Tragédie des Siècles, Shapita 28 ; Premiers Ecrits, p. 54-55
« Bu mutudi tuenda tusemena ku nshikidilu kua bintu bionso biprofete bia Danyele bidi bilomba bua kubipesha ntema ya pa buayi, bualu bidi bituambila bua tshikondo mene tshitudi bikale ne moyo. » - Prophètes et Rois, p. 416-417
1. MPEPELE INAYI, NYAMA INAYI Dia kumudilu 19/04
a. N’tshikondo kayi tshiakapeta Danyele tshilota tshiandi tshia kumudilu tshia tshiprofete ne wakenza tshinyi ? Danyele 7:1, 15-16a« Tshitupa tshipi tshiambadi ne dikuluka dia Babulona, pakadi Danyele welangana menji bua biprofete ebi ne usengelela Nzambi bua yeye kumupesha butoke, yeye kupeta ndambu wa bikena kumona biakadi biamba bua bunene ne diupuka bia makelenge a pa Buloba. Tshikena kumona tshia kumpala mu bikena kumona ebi tshidi tshiamba mu Shapita wa muanda mutekete wa mukanda wandi, bobo kumupesha diunvuija diatshi, ne nansha nunku bionso kabiakadi bitoke kudiye nansha » - Prophètes et Rois, p. 421b. Bintu ebi bia mu bufuki biakamonaye biakadi bileja tshinyi ? Danyele 7:2 ; Buakabuluibua 17:15 ; Yelemiya 25:31-33c. N’diunvuija kayi diakafila muanjelo pa bidi bitangila Nyama minene inayi yakapatuka ? Danyele 7:3, 16b, 17« Makalenga manene akakokesha Buloba, akamueneka ku mesu kua muprofete Danyele mu tshinfuanyi tshia nyama idi ikeba tshia kudia » - La Tragédie des Siècles, p. 476
2. DILONDANGANA DIA MAKELENGE Dibidi 20/04
a. Nyama kayi wa kumpala mu nyama inayi ne wakadi uleja bukelenge kayi ? Danyele 7:4 ; Yelemiya 50:17 ; Habakuka 1:6-8« Babulona kakakumbaja bulongolodi bua malu bua Nzambi ne mapangadika andi. Pakakumbana diba diandi, bukelenge ebu bua bukole ne budisu, bulombola kudi bantu bakadi ne menji ne lungenyi bia pa mûlu, kutshibudibua, kuvuijibuabo kabuyi ne bukole. Kilisto udi muamba ne : ‘Kanuyi nanyi kanuena bamanye mua kuenza bualu’. Bamfumu ba Mbulamatadi ba lumu ba bena Babulona kabakadi babala Nzambi bu udi wa kueyemenyibua nansha. Bakadi bamona ne, m’bobo badi benza bunene ne lumu biabo. Kadi pakabulula Nzambi mukana, bakavuijibua bu mudi tshisonsa tshidi tshiume ne tshilongo tshidi tshifubidila. Amu Diyi dia Nzambi ne disua diandi m’bidi bishala tshiendelele. » - The Youth’s Instructor, 29 Septembre 1903b. M’mushindu kayi udi nyama muibidi munvuija ne udi uleja bukelenge kayi ? Danyele 7:5« Bisamba bionso bia pa Buloba kupeta mudimu wabi ne tshikondo tshia kukumbaja bulongolodi bua malu bua Muena ‘Tshitabela, Mukubi’ ne Wa-Tshijila. » Tshiprofete kuamba bua bunene ne dikuluka dia makelenge manene a pa Buloba – Babulona, Bena Medaï ne Pelesa, Gelika, Lomo. Bua yonso wa makelenge, nansha bisamba biakadi kabiyi ne bukole bua bungi muyuki wa kale udi wakambuludibua. Bonso bua makelenge â kupeta tshikondo tshia diteta, bonso buabo kupanga diteta ; butumbi buabo kujimina ne kupeta, bukole buabo kujimina, ne bukuabo bukelenge kuangata miaba yabo, ne kubapingana.Pakadi bisamba bia bantu bibenga mikenji ya Nzambi ne biakadi nunku biya ku dibutuka diabi, biakadi bitoka bua bulongolodi bua Nzambi bua malu kukumbana munkatshi mua dinyungakana diawu. » - Education, p.203c. M’malu kayi a pa buawu akadi a nyama muisatu udi uleja bukelenge bua bena Gelika ? Danyele, 7:6« Bu makelenge â mashilangane akadi kuikala ne ditshina dia Mukelenge ku mesu abo, akadi kupeta lungenyi menji ne bukole, biakadi ne bua kubasangisha kaba kamue ne wowu kushala malame bukole buawu. Kadi balombodi ba makelenge a pa Buloba kabakadi bakeba bukole bua kudi Nzambi tshikondo tshiakadibo ne lutatu ne kupampakana … Bakadi benzejibue bua kulomba kudi aba bakadi menji abo makenkesha kudi munya wa mu Diulu bua kubunvuila malu masokoka akadibo bobo kabayi mua kunvua » - The Youth’s Instructor, 29 Septembre 1903
3. LOMO, BUKELENGE BUINAYI Disatu 21/04
a. N’tshinyi tshiakenza bua bikale bualu bukole bua kumvuija bimpe mene mene nyama muinayi ? Danyele 7:7« Nyuma Muimpe udi uleja makelenge a pa Buloba mu tshimuenekelu tshia nyama ya lonji, kadi Kilisto udi muikale ‘Muana wa Mukoko wa Nzambi, udi umusha bubi bua ba pa Buloba’ (Yone 1:29). Kakasua kukokesha bantu mu kubenzeja nansha. » - Les Paraboles, p. 60« Mutshi mutshiamakane, tshinyangu bia kudi bena Lomo, biakadi tshiamua tshia lufu tshia tshikisu kutamba tshinyangu ; bantu babi, bivi ne bashipianganyi banene, bakadi benzejibue bua kuambula mutshi mutshiamakane ne kuya nawu tô ne muaba wa tshishipelu, bakadi badienzeja, badikuma eku ne kuaka, kabayi ne ditekemena pakadibo basua kubateka mutshi mutshiamakane pa makaya abo, kadi bakadi anu babatshintshimika ne dibenzeja bua bobo kuambula mutshi wa tshinyangu » - Jésus Christ, p. 413b. N’tshinyi tshiakamonabo munkatshi mua nsengu ya nyama muinayi ? Danyele 7:8« Mu siècle muisambombo, bukelenge bua Papa buakashindama bikole mene mene. Muaba wa nkuasa wandi wa bukelenge wakadi mu tshimenga tshia bukelenge, ne mukulu mutangidi wa Lomo wakadi mumanye nunku kudi bena Kilisto bonso. Dipanga kumanya Nzambi ne malu a majimbu, kushila bukelenge bua Papa muaba. Dragon kupesha nyama wa lonji bukole buvua buandi, nkuasa wandi wa butumbi, ne bukokeshi buandi bunene’. Ke tshikondo mene tshiakabangisha bidimu tshinunu ne nkama ibidi ne makumi asambombo bua kukokesha kua Pape, bidi biamba kudi biprofete bia Danyele ne bia Buakabuluibua. Kutekabo bena Kilisto kumpala kua disungula anyi dilekela dia mikenji ya kulonda yakadi yabo ne kuitabuja bibilu ne bulongolodi bua malu ne ntendelelu bia kudi Pape, kabayi benza nunku, bakadi kupitshibua moyo wabo mu nzubu wa lukanu, anyi kushipibua ku ndundu, ku kapia anyi kukoshibua mitu ne muele wa mvita. Apu tshiprofete etshi kukumbana tshia Musungidi : ‘Nebanutungile tshitungu kudi baledi benu mene ne bana benu ne ba tshiota tshienu ne balunda benu ; nebashipe bakuabo benu ; bantu bonso nebikale n’enu lukuna bua dina dianyi.’ Tshinyangu netshimueneke ne tshinji tshikole bua bena lulamatu, ne Buloba kulua tshipapu tshinene tshia mvita. Munkatshi mua bidimu nkama, Ekelezia wa Kilisto wakikala ne moyo mu kusokoma ne mu muidima. Bualu buandi budi bunvuija nunku kudi muprofete : ‘Ne mukaji wakanyema mu tshipela, mudiye ne muaba mumulongoluela kudi Nzambi, bua kumudishaboku matuku tshinunu ne nkama ibidi ne makumi asambombo’ – Buakabuluibua 12:6 – Tragédie des Siècles, p. 54-55c. Danyele wakajinga kumanya tshinyi kunyima kua yeye mumane kupeta tshikena kumona ? Danyele 7:19-20
4. KA-LUSENGU KAKESE Dinayi 22/04
a. Muanjelo wakunvuija tshinyi pa bidi bitangila nyama muinayi udi ukuatshisha bowa, udi mene tshimuenekelu tshia bukelenge bua bena Lomo ? Danyele 7:23b. N’tshinyi tshiakambibua bua ka lusengu kakese ? Danyele 7:24« Bukelenge bualabale bua bena Lomo kûpuka panshi, ne mu tshibundu tshia kabutu kandi, bukole ebu budi bukuatshisha bowa kujuka, Ekelenge Catholique kâ bena Lomo. Ekelezia eu udi uditumbisha bua kuenza kuandi kua malu kayi utupakana ne bua bupianyi buandi bua malu a mu ntendelelu. Kadi ntendelelu eu udi ukuatshisha bowa bonso badi bamanye malu masokoka a bubi. Bayishi, bakuidi ba Ekelezia eu badi anu bimane pa buenzeji buabo mu kulama bantu mu dipanga kumanya dia disua dia Nzambi, bu mudidi dibulula patoke mu Mifundu » - The Youth’s Instructor, 22 Septembre 1903c. Tshinji tshia ka lusengu kakese tshiakadi ne bua kuikala bua banganyi ? Danyele 7:21,25« Dimueneka dia bukokeshi bua Ekelezia wa ku Lomo kujadika mbangilu wa Moyen Age. Bu muakadi bukole buandi buenda budiunda, midima yakadi yenda ivula. Pape muangata muaba wa Yezu Kilisto, udi muikale nshindamenu mulelela, yeye kulua udi tshiena bualu tshia ditabuja. Pa mutu pa kuambila Muana wa Nzambi bua kupeta difuidibua luse ku mibi mienza ne kupeta lupandu lua tshiendelele, bantu kutekemena Pape, kutekemena kudi bakelenge Abbés, bakadiye mupeshe bukenji bua bukokeshi buandi. Bakadi bayisha bantu ne Papa udi mutuangaji wa bantu ne Nzambi pa Buloba, kakuakadi muntu mua kusemena kudi Nzambi kayi muanji kupitshila kudiye, bakadi bakumbaja ditumikila dibubika dia kumutumikila, bualu pa buloba yeye wakadi muaba wa Nzambi. Tshilema tshikese tshienzeja malu andi a disua diandi, tshiakadi tshikoka manyoka makole bua mubidi ne musuka. Bakadi bumusha nunku menji ne ntema kudi Nzambi, bua kubituma kudi bantu badi bapanga ne bena tshikisu, ngamba tshinyi ? pa mukelenge wa midima udi wenza malu mu midima. Bubi kudisokoka mu tshijila. Ne kutumbisha kua mikenji ne bilele bia bantu, dinyanguka dia bilele biakane bia mu nsombelu kumueneka, kuenzeja dilekela dia mikenji ya Nzambi.Padi Mifundu mikupula, kayiyiku ne muntu muditeka pa muaba wa Nzambi, mushindu eu wa kuenza dishima diakadi anu ne bua kuikalaku, kupepeja kua Nzambi ne dishawuka dia malu mu nsombelu.Ekelezia wa Kilisto wakikala ne moyo mu matuku a njiwu. Bena Kilisto ba lulamatu kabakadi ba bungi. Bulelela kabuakashala kabuyi ne babujadiki, kadi kuakadi bikondo biakadi tshilema ne tshitabataba biya kumueneka bibuikile ntendelelu mulelela. Lumu Luimpe kujimina m’muenenu walu, apu mpakadi bibilu ne bulongolodi bua malu a ntendelelu, kuvulangana ne bantu kusuba » - La Tragédie des Siècles, p. 55-56
5. TSHILUMBULUIDI Ditanu 23/04
a. N’tshinyi tshiakadi ne bua kulua bua kufikisha ku nshikidilu bukokeshi bua ka lusengu kakese ? Danyele 7:26« Ngondo makumi anayi ne ibidi ya mu [Buakabuluibua 13:5] kayena mitapuluke ne lupolo lua ‘tshikondo, ne bikondo, ne tshitupa tshia pankatshi pa tshikondo’- Bidimu bisatu ne tshitupa anyi matuku tshinunu ne nkama ibidi ne makumi asambombo – bia Danyele, n’tshikondo mene tshidi bukelenge bua Pape ne bua kukenyesha bantu ba Nzambi … Tshikondo etshi kutuadija ne bumfumu bua Pape mu tshidimu tshia 538 tshia tshikondo tshietu etshi ne kujika mu tshidimu tshia 1798. M’pakakuatabo Pape kudi masalayi a bena France ne kumuela mu nzubu wa lukanu, ne bukelenge bua Pape kupeta ‘mputa wa lufu’. Nunku tshiprofete etshi tshiotshi kukumbana : ‘Bikala muntu ubueja bakuabo mu bupika, uyaya mu bupika’. – La Tragédie des Siècles, p. 476b. M’mushindu kayi udi tshilumbuluidi tshiunvuija ? Danyele 7:9-10, 13« ‘Dilua edi dia Mukelenge, kadiena kulua kuandi kua tshiakadi pa Buloba nansha. Udi usemena pepi ne Wa-Kale bua kuangata kudiye bukokeshi, butumbi ne bukelenge, bialuabo kumujadika nabi ku nshikidilu kua mudimu wandi wa mutuangaji » - Ibid, p. 522c. Tshipeta tshia tshilumbuluidi tshiakadi ne bua kuikala tshinyi ? Danyele 7:11,14,18,22,26-27« Tshifufu tshia bupikudi tshiakadi ne bua kuikala ne tshipeta tshia kupingaja kua buloba buetu mu buimpe ne dikubibua dia Nzambi. Bionso biakadi binyanga kudi bubi, bidi bilengejilula. Muntu udi upikudibua, ne yeye ne dibulunga dietu, didi dilua muaba wa kushikama wa tshiendelele wa basungula. Nsatana nealuangane mvita patupu bidimu binunu bisambombo bua kulama Buloba mu bukokeshi buandi. Tshipatshila tshia Nzambi netshikumbane. ‘Ba-nsntu ba Mutambe Bunene wa mu Diulu nebangate bukelenge, nebuikale kudibo tshiendelele, lapalapa’ (Danyele 7:18). » - Patriarches et Prophètes, p. 316
Makonka a kuambulula dilesona Disambombo 24/04
1. Unvuija nyama inayi yakamona Danyele ijuka mu mayi.2. Tela mena a makelenge akadi malejibue mu nyama, ne m’mushindu kayi udi ngikadilu yawu kayiyi mikale mitangununa bua kujadika3. Ka lusengu kakese kakenza tshinyi ? Koko kakadi bukole bushilangane makole makuabo anyi ?4. Meyi â a « diambu » akakula ka lusengu kakese akadi meyi kayi ?5. Tshilumbuluidi netshipeshe nganyi bukokeshi bua Buloba, ne bualu ebu nebuenzeke tshikondo kayi ?