Nsabatu wa 04.04.2026 bua Nzubu wa midimu ya Champ ku Italie Italie, n’Ditunga dimpe tshishiki, dia lumu, didi disanga nyibua mu mutshima wa Mayi manene a Méditerranée, ndimanya mu Buloba bujima bua muyuki wadi wa kale mene mene, dimanya dia ditunga edi dia kuenza kua bintu bia mpatshi, kadiena kufuanyikija, ndambilu wa bia kudia bisheme ne mpata yandi ne madimi, bikunyibua, misulu ya mayi, m’bimpe bitambe. Pa kumbusha bua se Italie m’muaba mumanya buloba bujima udi ba bungi balue kubandila, m’mumanye kabidi bua se m’muaba udi upatula bintu bia bungi bia mu madimi bidi bua biapua ne bua kudia. Ne bantu bapite pa 60 millions, Italie udi mubapesha budishikaminyi bua malu a ntendelelu mu Diyi Dikulu dia Ditunga. Apu ntendelelu wa buena Catholique n’ngudi yeye ku mutu ne 74 % wa bantu, balonde kudi bena Kilisto badi kabayi bena Catholique ne 9,3 % ne, kulua kua matuku â kua bantu mu Italie, ne dikalaku dia bena Islam, badi benda bavulangana ni pafika matuku â ku 3,6 %. Kulonda pashishe kudi tusumbu tukuabo tukese tua ntendelelu, apu kudi kabidi badi kabayi bamanye Nzambi badi benda bavulangana. Lubila lua Mouvement de Réforme, lua ba Adventiste du Septième Jour, luakambibua bua musangu wa kumpala mu Italie mu tshidimu tshia 1926, kadi, ki n’kumpala kua bidimu bia 1939/40 kuakalongolodibua tusumbu tua kumpala tua bibakuludi. Mudimu wakatuadija mene mene kudiunda mu bidimu bia 90 kunyima kua difika dia bamue bambi bak u Amélika wa ku Sud, bak u Portugal, ne ba ku Roumanie, ne dijadika dia tusumbu tukuabo mu bitupa bishilangane mu ditunga. Katshia ku tshikondo atshi, Lumu kufidibua ne tshisumi ne kujadikibua mu miaba mishilangane mu tshipapu tshia Italie. Lelu, tudi ne ba membres bapite pa 130, badi munda mua Ekelezia 6, groupe ibidi ne bamue ba membres ba pa bule nkayabo. Lelu eu tudi ne tshibambalu, nzubu wa Ekelezia, udi muikale ku Nord-Est wa ditunga, mu tshimenga tshia Trieste. Nunku, tudi kabidi ne dijinga dia ne lukasa dia kupeta muaba udi muikale wa mushindu wa kuenza mudimu wa buambi. Muaba eu newikale nzubu wa midimu misanga, ne newambuluisha musumba munene wa bana betu balume ne bakaji bua kulua kubuela mu masangisha malongolola bu mudi, kuyisha malongolola bu mudi, kuyisha kua bansonga betu mudimu wa kuamba kua Lumu Luimpe, kuyila kua misambu, kuyila kua malu a bukole bua mubidi, kulamba kua bia kudia bidi kabiyi ne minyinyi. Tudi tuela menji bua se muaba eu newikala muaba udi ukengela bua kudiunda kua mudimu wa Mukelenge mu Italie. Ke bua tshinyi tudi tulomba kudi bana betu balume, bakaji ne balunda mu Buloba bujima bua kutua mpanda ku bualu ebu ne mapa abo a moyo wa dipa. Ku ngasa wa Yezu ne ku dikuatshisha dienu, netufike ku tshipatshila etshi, netukoleshe kuamba kua Lumu Luimpe mu ditunga edi ne netutuale Lumu lua lupandu kudi misuka mikuabo mivule. Mukelenge anusankishe ne anufute bivule ! Bana benu bak u Champ wa Italie