Meyi a Mbangilu Malesona adi matulongoluela bua kuyila mu ngondo eyi isatu, adi ne tshiena bualu « Kuenda ne Yezu », adi mashindamene pa mukanda eu wa Vers Jésus, Kuya kudi Yezu. Mukanda eu badi mua kûbala, Shapita ne Shapita, bu meyi adi kusakidila bu malesona adi mafila kudi Mifundu.Bamue bayidi ba Kalasa ka Nsabatu nebaye kuvuluka bua musangu wa ndekelu wakadi tshiena bualu etshi mu tshialu, mu ngondo isatu ya kumpala ya mu tshidimu tshia 1980.Tudi ne disanka dia bungi bua kuleja kabidi malesona â ne amue meyi masakidila, kadi amu ne malu malelela a ndondo mule a mushindu wa momumue mamba kukadi musangu mule. Bantu batu babala Tatu wabu wa mu Diulu misangu mivule luse, muena tshikisu, mushipi mutambe ne muena tshinyangu. Kabena bamona ndondo wa dinanga diandi bua bualu buabo, nansha kumona mudi mutshima wandi mûle tente ne dinanga bua bana bandi bonso nansha.Dinanga dia Nzambi diakadi ne bua kuikala tshintu tshia kumudilu tshidi ne bua kuleja. Pashishe, biakadi biakane kuleja bua se muntu mubi kena ne bukole, kena ne tshidiye utekemena, ne udi dijinga ne Musungidi. Moyo wa Kilisto, udi mulue bua kusungila bantu benji ba malu mabi, udi uleja ne kudi mushindu mujalame wa kupingana kudi Tatu wa mu Diulu.Biena bualu bidi mu malesona â bidi bileja bua malu manene mapitshisha mu moyo wa buena Kilisto ne adi nangananga biena bualu ebi bidi bijalamija bua bena kuitabuja bapia bapia badi bakeba bua kudiunda mu ngasa. Bena kuitabuja bonso bakadi ne bua kutangulula biena bualu ebi ku musangu ne musangu, kabiyi anu bua bimpe biabo, kadi kabidi bua kumanya mushindu kayi mutambe buimpe udi bua kuambuluisha bakuabo bua kuya kudi Kilisto.M’mushindu muimpe mene mene udi kuleja kua malu malelela adi mu mayisha udi ufikisha ku lûnvu ne ku dianyisha kua malu â malelela mu butoke buawu, ne kufikisha muntu bua yeye kuitabujibua bu tshidimba munda mua Ekelezia. Kadi anu bikale muntu eu mutekibue mu malanda ne Kilisto, tshianana, kena wikala ne moyo mulelela, m’buena kuamba ne moyo wa tshiendelele, anu eu « udi witabuja Muana udi ne moyo wa tshiendelele ». – Yone 3 :36Tshidimba tshionso tshia Kalasa ka Nsabatu tshidi ne bua kuikala ne dituishibua dia kudi Nyuma Muimpe bua se tshidi tshiangatshibue mu diku dia Nzambi. Muntu yonso wakadi ne bua kujadika bua se tshilejelu tshiandi nkayandi kuikala kuandi anu ku bukokeshi bua Tatu wa mu Diulu, mu bikondo bionso ne mu malu onso, bidi ne bua kuikala malu malelela ne adi a mu tshienzedi. Bidi ne bua kuikala bitambe tshidi dinanga didi dia bantu, bualu dionso didi dia bantu, bualu diodi didi ditekete. Bonso badi dijinga bua se, dinanga dia Nzambi, dinanga dia didilekelela dia Nzambi, diashibue mu mitshima yabo ne mu misuka yabo bua bikala ne dinanga, bua kunanga bu muakanangaye.Bualu ebu bupitshisha buikale bua muyidi yonso wa Kalasa ka Nsabatu.Tshibambalu tshia Kalasa ka Nsabatu ku Conférence Générale
