NTSHINYI TSHIDI KUENZA NE MPATA “Kadi alombe biandi ne ditabuja, kayi ne mpata ; bualu bua udi wela mpata udi ufuana divuala dia mayi manene diendeshibua kudi lupepele ne diedibua mulu” (Yakobo 1:6)
Bia Kubala:
Vers Jésus, shapita 12, p.105–113.
“Nzambi kena utulomba kashidi bua tuetu anu kuitabuja, kayi utupesha bimanyinu bikumbane bidi ne bua kuikala ntaku wa ditabuja dietu.” – Vers JésusI, p.105.
1. MPATA N’TSHINYI ? DIA KUMUDILU 13/09
a. N’tshinyi tshitudi ne bua kuvuluka patudi tusua kuelakana pankatshi pa ditabuja ne mpata ? Yakobo 1:5 –7“Mukelenge m’mufila mulayi ewu ne:[Yone 7:17] … Kadi mulayi ewu udi anu bua aba badi basue kulonda mene lene Yehowa. Nzambi kena wenzeja ku bukole disua dia muntu, ki bua tshinyi kena mus kulombola badi bena budisu kutamba bua bobo kuyila, badi ne dipangadika dia kuenza disua diabo. Muntu udi ne menji eku ne kuakua, udi ukeba bua kuenza disau didi diandi, muikala wamba ne nguenza disua dia Nzambi, m’bafunda ne:‘Bua muntu au kedi menji ne, neagangate tshintu kudi Mukelenge (Yakobo 1 :7)”. – Patriarches et prophètes, p.387 - 388 (Bâle).b. N’tshinyi tshidi Mukelenge mufila bua kutamba mpata ? Misambu 119:105; Ebelu 11:1, 3, 6“Ditabuja dietu didi ne bua kusombela pa bimanyinu ki m’pa tshilejelu anyi dishikika nansha. Badi basue kuela mpata ne bapeta tshikondo, apu badi basue mene mene kumanya bulelela, ne bapete bimanyinu bia bungi bidi biya kukolesha ditabuja diabo.” – Le Meilleur Chemin, p.103.“Nzambi m’mupesha bantu nshindamenu mukole bua bobo kusombesha ditabuja diabo. M’muteka mu Mifundu bimanyishilu bikumbane bidi bia kudi Nzambi:Malu malelela manene adi bua bupikudi buetu adi malejamu bitoke mene mene. Ne dikuatshisha dia Nyuma Muimpe, udi mulaya bonso badi bamulomba mu bushuwa, muntu yonso udi mua kunvua malu âa malelela.” – La Tragédie des siècles, p.547.
2. MALU MASOKOKA A NZAMBI DIBIDI 14/09
a. M’mushindu kayi utudi mua kubuela mu malu masokoka adi Nzambi kayi mubulule patoke ? Dutelenome 29:29 ; Yobo 38:4–11“Bidi bia momumue ne ngikadilu udi wa Muana Wandi, Diyi dia Nzambi didi dituleja malu masokoka adi kayi kashidi mua kuikala matokesha kudi bantu badi ne meji mipi. Dibuela dia bubi mu buloba, diangata dia Yezu Kilisto mubidi wa buntu, difukuludibua, dibika dia ku bafue, ne malu a bungi makuabo adi Mukanda wa Nzambi uleja adi malu masokoka a ndondo mule bua muntu kûnvuija anyi kuikala mafuikakaja ku menji a buntu. Nansha nanku, katuena mua kuela mpata kashidi ku Diyi diandi, bualu katuena mua kunvua malu masokoka a kudianjila kuandi kua kulongolola kua malu.” – Vers Jésus, p.106.“Nzambi kena wenzeja bantu bua bobo kulekela dipapisha diabo dia mutshima ne kuela kuabo kua mpata nansha. Munya ne midima, bulelela ne tshilema bidi bikale kumpala kuabo. Bobo m’badi bamanye mua kusungula. Menji a buntu adi matue ne makole bidi bimuambuluisha bua yeye kujingulula buimpe ne bubi. Nzambi udu musue bua bantu kabayi kuangata dipangadika didi diluila ku disakibua didi dia tshitupa, kadi ku bujitu bua bimanyinu bidi bipeta ku difuanyikija didi dia ntema ya Mifundu ku Mifundu. Bu bikala bena Yuda bakateka ku luseke bienjenji biabo, bobo kufunayikija tshiprofete tshifunda ne malu akadi aleja moyo wa Yezu, bakadi kumona diunvuangana dimpe pankatshi pa biprofete ne dikumbana diabi mu moyo ne mu mudimu bia muena Galela mudipuekeshi.Mu matuku etu lelu ba bungi m’balombola mu tshilema mu mushindu wa momumue ne bena Yuda kale. Balombodi ba malu a ntendelelu badi babala Mukanda wa Nzambi bilondeshile m’muenenu wabo ne bilele biabo. Pa mutu pa bobo kondola mu Mifundu bua bimpe biabo, bantu badi babenga bua kuenza nunku bua kumanya muaba kayi udi bulelela ne bafila misuka yabo mu bianza bia balombodi babo. Diyisha ne kulongesha bia Diyi n’gumue wa mishindu idi Nzambi musungule bua kumuangalaja munya, kadi kulongesha kua muntu yonso kudi ne bua kutetshibua ne Mifundu.” – Jésus – Christ, p.453.b. M’mushindu kayi udi Mukanda wa Nzambi mumanye bua se kudi malu makole a kunvua ? 2Petelo 3:16“Mpata idi iluila pa malu âa makole bu mudi Mukanda wa Nzambi wamba ; kadi biabi m’bimanyinu bia nshindamenu mukole wa menji a Nzambi. Bu wowo mua kutuambila malu mapepele a kunvua ; bu menji adi makese a muntu mua kuakidila bipepele bunene buandi, Mukanda wa Nzambi kawakadi kuikala ne tshintampi tshidi katshiyi kuela mpata tshia bukokeshi bua Nzambi. Bunene mene ne bualu busokoka, m’biena bualu bidi biambamu bidi ne bua kutufikisha bua tuetu kuitabuja bua se n’Diyi dia Nzambi.” – Vers Jésus, p.107.
3. NJIWU IDI YA MUTSHIMA WA MPATA DISATU 15/09
a. N’tshinyi tshidi tshikale njiwu ya pa buayi bua bena kuitabuja mu matuku ââ a ku nkushikidilu ? Ebelu 3:12 ; 2Timote 4:3–4.“Padi Nzambi utumina buloba ngumu ya mushinga mutambe idi miamba kudi banjelo badi bapapalala munkatshi mua diulu, udi ulomba bua muntu yonso udi ne menji matue ikale biende ne ntema. Manyoka makole adi afunyina bakukuidi ban yama wa lonji ne tshinfuanyi tshiandi (Buakabuluibua 14:9–11) akadi ne bua kutusaka bua tuetu kuyila tshiprofete etshi bimpe mene ùene, bua kinvua ne tshinyi tshidi tshimanyinu tshia nyama wane m’mushindu kayi udi kutshiepuka. Kadi bantu ba bungi m’bumbusha matshu abo ku bualu ebu bulelela ne m’batuma ntema yabo ku nsumuinu. Mupostolo Paulo udi wakula bua matuku a ku nshikidilu mu meyi â ne:‘tshikondo ne tshilue pikalabo kabayi bunvua diyisha dilenga’ (2Timote 4:3). Tshikondo atshi tshikadi tshilue. Bantu ba bungi kabena balabula malu malelela a mu Mukanda wa Nzambi adu kâyi apetangana ne dinanga dia buloba, ne Nsatana udi ubapesha bilotalota bia mashimi bidi bibasankisha.” – La Tragédie des siècles, p.644–665.b. N’tshinyi tshidi tshiamba mu tshiprofete pa bidi bitangila ngikadilu wa bisumbu bibidi bia mu matuku a kunshikidilu ? Danyele 12:10 ; Buakabuluibua 22:11“Nzambi neikale pa buloba ne bantu badi balamate ku Mukanda wa Nzambi ne anu Mukanda wa Nzambi n’kayawu udi bu tshintu tshidi tshiya kuleja patoke bantu bena lulamatu ku mayisha onso, ne ku ntaku wa kuibakulula konso. M’muenenu wa malu wa bamanyi, bena menji, nkomenu wa dimanya, kujukula kua ditabuja bidi bimana kuenza kudi bisangilu bia Ekelezia, bidi bia bungi nen kabiyi bipetangana ku meyi bu mudi Ekelezia idibo baleja mpala, m’muenenu wa malu wa tshibungi – kakuena tshintu mu malu âa tshidi kubala ne mushinga bu tshimanyinu tshidi kuitaba anyi kubenga kamue kanungu ka ditabuja dia ntendelelu. Iambedi ne kuitabuja diyisha anyi mukenji kampanda, tudi ne tshia kukonkoloja bua se mu diyisha emu mudi diyi ne :’M’muambamba wa Tshiendelele anyi ?” – Le Grand conflit, p.607.“Munya mupia – mupia pa Mukanda wa Tshijila neutungunuke ne kumueneshibua patoke kudi ewu udi mu bobumue ne kuyukila ne Kilisto. Muntu kayi udi mukomesha bua se kakuena kabidi mabuluibua a kupeta mu mabeji a Tshijila, bua ne bionso biakamana kuambibua. Ewu udi ukeba bulelela ne disuminyina ne kutendelelela neaye kumona nsesa ya mushinga mutambe ya munya idi ifumina ku bualu ebu. Kudi bilengejelu bia bu bungi bia mushinga mukole biditshiku bimuangalaka bidi ne tshia kuikala bisangisha kaba kamue bua biobi kuvuijibua bintu bidi bia ‘bishadila’. Kadi munya kawena mufidibua anu bua tshipatshila tshimue tshidi tshienza bukole bua Ekelezia, udi bua kuikala mu muangala kudi aba badi mu midima.” – Témoignages pour l’école du Sabbat, p.54.
4. TSHIKEBI TSHILELELA TSHIA MPATA DINAYI 16/09
a. M’mushindu kayi utudi mua kufila dishilangana pankatshi pa tshidi tshia mushinga ne tshidi katshiyi tshia mushinga ? 2Kolinto 13:5; Tito 3:9–11“Nansha mudi Nzambi mufile bimanyinu bikumbane bua kutua mpanda ditabuja dietu, kena uya kumbusha tubingila tua kupanga kuitabuja nansha. Badi bakeba muaba kayi wa kunyemena ne bawupete. Ne badi babenga bua kuitabuja Diyi dia Nzambi ne kumutumikila tô ne padi milandu yonso yumbushibua ne kushiminyina konso kuya kujimina kua diela dia mpata, kabena baya kufika ku munya kashidi.” – La Tragédie des siècles, p.575.b. M’mabenesha kayi adi kudi muntu mudipuekeshi ? Yakobo 4:6,10 ; 1Petelo 5:6–7“Mandamuna ku majinga etu onso akavua mamana kulongolola. Nzala ya musuka wanyi yakadi mijikija ; ne katataka Mukanda wa Nzambi udi kûndi dibuludibua dia Yezu Kilisto. Kungebeja bua se bua tshinyi n’di muitabuje Yezu ? M’bualu bua se kûndi udi muikale Musungidi wa mu diulu. Ne bua tshinyi ndi muitabuje Mukanda wa Nzambi ? M’bualu bua nakusanganamu didyi dia Nzambi didi diakula ne musuka wanyi. Mu tuetu tudi mua kuikala ne bumanyishi budi ne Mukanda wa Nzambi udi ne bulelela, budi ne Yezu udi Muana wa Nzambi. Tudi bamanya ne katuena tulonda nsumuinu mimana kufuimba idi ya menji a budimu.” – Vers Jésus, p.112.c. M’mushindu kayi udi mupostolo Paulo unvuija bualu bupitshisha bua muena kuitabuja bua mpindieu ne bua matuku atshilualua ? 1Kolinto 13:12“Mu moyo ewu, kudi mushindu wa kuakula bikole pa tshiena bualu tshia dikema tshia bupikudi. Menji etu adi mashadila adi mua kondola ne ntema ya bungi bua bundu ne bua butumbi, moyo ne lufu, kulumbulula kuakane ne luse lunene bidi bipetangana ku mutshi mutshiamakane ; ne kudenzeja kua dikema kua nyuma wetu kakuena kuya kukuata ndondo wa diunvuija dietu kashidi. Menji kaena aya kunvua bimpe mene mene bule ne busthiama, ndondo ne kulepa bia dinanga dia Mupikudi. Nansha mene payabo kumona bu mudibo babamona, payabo kumanya bu mudibo babamanya, basungula kaba kuya kunvua mu kabujima tshidi tshifufu tshia bupikudi. Munkatshi mua bidimu nkama bia tshiendelele, bulelela kabuena buimana bua kubuludibua kumpala kua menji adi makemesha ne adi manyenga.” – La Tragédie des siècles, p.706.“Ku ditabuja, tudi mua kutangilaja mesu ku matuku atshilualua ne kubala bua tsikondo tshia disanka tshidi bilondeshila milayi ya Nzambi – tuya kumanya bua kudiunda kikole kua menji etu. Makole adi a bantu neikale masangisha nunku ku menji a Nzambi ne makole onso a bumuntu buetu matangija buludi ku mushimi wa munya. Tudi mua kusanka mu menji bua bionso bidi mun njila ya Nzambi ne bikale biunvuija, ne kutupesha kanyinganyinga pa buloba, nebikale bitokesha. Malu adi makole bua kunvua neikale munvuija, ne apu menji etu mashadila neaye kujandula katataka tshibuejakaji, ne tuya kumona diunvuangana dimpe ditambe. [1Kolinto 13:12.]. – Vers Jésus, p.112.