DIESE DIA KULOMBA KUA NZAMBI “Kadi wewe, pawatendelela Nzambi, ubuele mu kazubu kebe ka tshisokomenu, winjile tshibi, utendelele Tatu webe, udi biandi mu tshisokemenu, ne Tatu webe udi umona mu musokoko neakupe” (Matayo 6 :6)
Bia Kubala:
Vers Jésus, shapita 11, p.93–104.
“Mutendelelu, udi muikale kunzuluila kua Nzambi mutshima webe bu mudibo mua kunzuluila mulunda wa pa moyo. Kadi kabiena ne mutendelelu udi muikale kulongesha kua Nzambi nansha bua bidi bitutangila, kadi mutendelelu udi utufikisha bua tuetu kumuakidila. Mutendelelu kawena upuekesha Nzambi bua yeye kufika tô ne kutudi nansha:kadi udi utubandisha tô ne kudiye.” – Vers Jésus, p.93.
1. MULOMBI MUNENE DIA KUMUDILU 06/09
a. Bu Muana wa muntu, n’tshinyi tshia mona Yezu ne n’tshia mushinga, tshidi tshikengedibua ? Luka 5:16 ; Mâko 6:46“Bandilayi Yzu mu mutendelelu, ne mu bobumue ne diulu udi usangisha mu yeye makole onso adi a mushinga kudiye bua kukandamena bubi ne kukuatshila bukua bantu mudimu. Muana bute wa bantu, udi mumanye majinga a badi bikale batekete ne badi ne moyo mu buloba bua mibi ne bua mateyi, badi dijinga ne ku mukuatshila mudimu. Udi mumanye bua se batumibue badi ne bua kutumibua ne Lumu lua kuamba, m’bantu batekete, badi benza bilema ; kadi kudi badi badifila mene mene ku mudimu wandi, udi ulaya dikuatshisha dia mu diulu. Tshilejelu tshidi tshiandi tshidi tshitujadikila bua se ditabuja didi dilomba ne kusuminyina, ditabuja didi dilombola ku dieyemena dipuangane kudi Nzambi ne kudifila konso, ne dituadila bantu dikuatshisha dia Nyuma Muimpe mu nvita ya kuluangana ne bubi.” – Ministère évangélique, p.498.b. M’mu tshinyi mudi moyo wa kutendelela wa Kilisto muikale tshilejelu kutudi ? Mâko 1 :35 ; Luka6 :12“Tshikondo tshiakadiye munkatshi mua bantu, Yezu nkayandi misangu ya bungi wakadi mu kutendelela.” – Vers Jésus, p.93.
2. MUTENDELELU WA KILISTO DIBIDI 07/09
a. M’mushindu kayi wakalongesha Kilisto bayidi bandi mua kutendelela ? Luka 11 :1–4“Munkatshi mua moyo wandi pa buloba, Yezu wakalongesha bayidi bandi mushindu kayi wakadibo ne bua kutendelela. Kubalongesha mushindu kayi udi kuleja Nzambi majinga abo a ku dituku ne dituku ne kumupesha majitu abo ne ntatu yabo. Dituishibua diakabapeshaye dia kuandamuna ku milombo yabo, udi utupeshadi tuetu kabidi….Udi muikale muanetu mu masama etu ne mu mateketa, bualu bua ‘wakateyibua mu malu onso momumue ne atudi tuteyibua nawu’ (Ebelu 4:15), kadi wakadi kayi bubi, ne ngikadilu wandi kakadi witabuja bubi. Kupitshila mu nvita yonso ne mu tunyinganyinga bia musuka bidi bikuata bantu mu buloba bua bubi. Bumuntu buandi kuenza bua se mutendelelu wikale bualu bua mushinga kudiye ne diese. Wakadi ne disanka ne disambibua dia kuyukila ne Tatu wandi. Biakala Musungidi wa bantu, Muana wa Nzambi, munvue dijinga dia kutendelela, kadi tuetu katuena tshia kunvua dijinga ditambe bua kutendelela anyi ? Tuetu bantu batekete, benji ba malu mabi ne badi bafua, bua tuetu kutendelela anyi ne disuminyina !” – Le Meilleur hemin, p.91–92.b. M’mushindu kayi udi Mukanda wa Nzambi unvuija bua lulamatu ne kanemu bia Kilisto bidi bia tshisumi, bidi bileja bua se kudi kabingila bua bualu ebu bua mushinga mutambe ? Yeshaya 50:4; Ebelu 2:10;5 :7–9“Ngikadilu wandi wa bumuntu wakadi umupesha dijinga dia kupeta bukole bua ku diulu. Wakadi ne miaba yakadiye mutambe kunanga bua kuya pa nkayende bua kutendelela. Wakadi munange mua kuyukila ne Tatu wandi mu miaba ya yeye nkayandi ku mukuna. Kuaka, musuka wandi wa buntu ne wa tshijila wakadi ukoleshibua bua midimu ne mateta bia ku dituku ne dituku. Musungi wetu wakadi umueneshibua mu butekete buetu ne ki bua tshinyi wakadi upitshisha butuku mu kutendekena kua Tatu wandi, ne dijinga dia kupeta kudiye makole mapia mapia bua kumueneka mu dinda mûjibue ntente ne bukole bupia bupia. Udi tshilejelu kutudi mu malu onso.”- Témoignages pour l’Eglise, vol.1, p.250.“Nakuya kumona bua se kakuena nsonga umue pa makumi abidi udi mumanye tshinyi tshidi tshikale n’tendelelu udi muntu mupitshilemu. Badi anu bela menji ku malu adi abo apu bikale bamba ne m’bena mudimu ba Kilisto ; kadi anu pikala buloji budibo nabu bumbuka, nebaye kumanya mpindieu bua se tshidi tshilongoluela bashipi ba mikenji tshidi kabidi bua bualu buabo. Bua bidi bitangila kudipidia anyi kudifila bua bulelela, badi bamone ne m’bipepele bua kuya mua naka. Padi bidi bitangila kulomba Nzambi ne tshisumi, kuela mbila ne binsonji, bua kupeta ngasa wandi wa luse lunene ne bukole bua kukandamena mateyi a Nsatana, bakamone ne kabiena ne mushinga bua kuikala ne tshisumi ne kudifila, ne malu abo adi enda bimpe nansha kabayi batendelela. Kilisto, Mukelenge wa butumbi, wakadi uya misangu ya bungi nkayandi ku mikuna ne mu tshipela bua kutendelela Tatu wandi ; kadi muntu muenji wa mibi, udi kayi bukole mu yeye, udi wela menji ne bua kuikala ne moyo padiku kakuyi mitendelelu.” – Testimonies for the Church, vol.1, p.504–505.
3. DIESE, BUIMPE BUA MUTENDELELU DISATU 08/09
a. M’mushindu kayi udi Yezu mutubuluile patoke ngikadilu wa Tatu wandi kumpala kua majinga a bantu ? Matayo 6 :6 ;7:7–11“Tatu wetu wa mu diulu udi musue kutuitshikijila tshiuwidi tshia ngasa wandi. Udi ne dijinga anu dia tuetu kushala musangu mule mu kunua mayi ku mushimi wa dinanga didi kadiyi ndekelu. Kabiena bikemesha bua kumona ne tudi tulomba bikese mene mene anyi ? Nzambi udi anu pepi bua kuandamuna ku milombo ya umue wa ku bana bandi bapuekele, biabi bidi bimuneka bua se tudi tumuleja majinga etu ne mutshima mukuatshike.” – Le Meilleur Chemin, p.92.“Nzambi udi ne menji a bungi bua yeye kudishima, ne mutambe buimpe bua yeye kupanga kufila tshidi bua bimpe biabo, kudi aba badi benda mu njila mujalame kumpala kuandi. Kanutshinyi bua nuenu kuteka ditekemena dienu mu yeye, nansha binuikale kanuyi numona diandamuna dia mpindieu mpindieu ku milombo yenu. Eyemenayi ku mulayi ewu udi ne:‘Lombayi, ne nenuangate’.” – Suivre Jésus – Christ, quel bonheur ! p.106–107.b. N’tshinyi tshidi tshipumbisha mitendelelu yetu bua Yehowa kayi kuyunvua ? Misambu 66:18; Nsumuinu 28 :13“Menji etu adi ne bua kuya kudi Nzambi ; tudi ne bua kuelangana menji bua bienzedi biandi, bua luse luandi lunene, bua masanka andi. Kadi ki ku etshi nansha, mu lunvu ludi lukumbana lua muaku, kuikala mu bobumue nandi. Bua kuyukila ne Nzambi, bikengela kuikala ne bumue bualu bua kumuambila pa bidi bitangila moyo wetu mu bushuwa buawo.” – Vers Jésus, p.93.“Bantu badi mua kuela menji munyi – ne banjelo badi bikale ba tshitupa mene mene ne bena dikenga, badi bikale bapita mu mateyi, padibo babamone bikale batendelela mu mpuka mpuka ne bikale ne ditabuja dikese, apu m’padi Nzambi muena dinanga muikale ne tshitabela bua bualu buabo ne dikubibua dia dinanga ditambe, ne udi pepi ne kubapesha kutambe tshidibo mua kulomba ne tshidibo belela menji ? Banjelo m’banange kutue mpala yabo panshi kumpala kua Nzambi ne kua dikalanganaku diandi. Badi babala ne kuyukila nandi kudi bu disanka diabo ditambe bunene ; apu m’padi badi bashikame pa buloba, badi dijinga didi difinakaja dia dikuatshisha didi Nzambi mua kubapesha, badi bikale bamueneka ne disanka dia kuenda kabayi munya wa Nyuma wandi ne kabayi ne busheme bua dikalanganaku diandi.Midima ya bubi idi mibuikidije mutendelelu. Mateyi a kushima a muena lukuna adi aba kulula mu bubi ; ne bionso ebi bualu kabena bakuate tshikondo tshimpe tshia kutendelela nansha.” – Ibid., p.94–95.“Bituikale tudi balame bubi mu mitshima yetu, ne tuakulama bumue bubi bumanya, Mukelenge kena uya kutuandamuna nansha, apu m’padi mutendelelu wa muntu udi unyingalala bua bubi, udi muikale ne mutshima musunsuke, uya anu kuitabujibua. Patudi anu tuya kulekela mibi yetu yonso ne kulongolola bilema bietu, bualu budi bukumbane, tudi tuya kuindila diandamuna ku milombo yetu. Malu mimpe adi etu kaena mamanye mua kutukoka ku buimpe bua Nzambi ; m’malu mimpe a Yezu ngâdi aya kutusungila, m’amashi andi adi aya kutulengeja. Kadi nansha nanku, tudi ne bualu bua kuenza ; budi bua tuetu kulonda malu adi kukumbaja adi a ngasa wandi.” – Ibid., p.95–96.
4. MUTENDELELU WA BUTSHIMUNYI DINAYI 09/09
a. M’malu kayi adi akengedibua a mutendelelu wa kusuminyina ne wa butshimunyi udi mutapuluke ne mutendelelu mutekete kawuyi bukole ? Ebelu 11:6; Mâko 11 :24“Patudi katuyi anu tupeta musangu umue bitudi balombe, tuitabujayi bua se Mukelenge m’munvue ne neatuandamune. Tudi mene mene benji ba bilema, kumona kuetu kudi anu kuipi, kushadile, bia imue misangu tudi tulomba bintu bidi kabiyi bua bimpe bietu nansha. Mu dinanga diandi, Tatu wetu wa mu diulu udi wandamuna milombo yetu mu kutupesha tshidi tshitambe buimpe bua bualu buetu, tshitudi tuetu mua kuya kulomba bituikale tuakumona mene mene bidi bintu bia mu Nyuma. Bikala milombo yetu kayiyi iya kumueneka mipeta diandamuna, tushalayi balamate ku mulayi, bualu bua tshikondo tshia diandamuna ne tshilue bushuwa, ne netuangate nunku disanka ditudi nadi dijinga kutambe.” – Vers Jésus, p.96.b. Ngikadilu wetu wa mu Nyula udi ne tshia kuikala munyi bua milombo yetu, Mukelenge ayiteleje ? Matayo 6:12; Mâko 11:25–26“Patudi tusemena pa buipi ne Mukelenge bua ku mulomba ngasa ne dikuatshisha, bidi bikengela kuenza nunku ne menji a dinanga ne mutshima udi mulongolola bua kufuidibua luse, m’mushindu kayi utudi mua kuamba ne:‘Utulekele mabanza a malu mabi etu bu mutuakumana kulekelela kabidi badi netu mabanza a malu mabi’ (Matayo 6:12) bituikala tudi balama njiya mu mutshima wetu. Bituikala tudi basue bua milombo ipeta diandamuna, tudi ne tshia kufuila bantu bakuabo luse, mu mushindu utudi bindile bua bobo kutufuile bietu luse.” – Le Meilleur Chemin, p.95.c. N’dilesona kayi ditudi ne bua kupeta ku mutendelelu wa Eliya wa kulomba kua nvula ? 1Bakelenge 18:41–45“Muena mudimu wakadi mutangila Eliya pakadiye utendelela. Misangu isambombo, kupingana muaba wakadiye ubembela, wamba ne:‘Kakuena, ni ditutu, ni tshimanyinu tshia nvula’. Kadi muprofete kakateketa mu mikolo nansha. Wakadi anu utangulula malu a mu moyo wandi, bua kumona m’muaba kayi wakadiye mupange bua kupesha Nzambi buneme ; kutonda mibi yandi ne kutungunuka nunku ne kudipuekesha kumpala kua Nzambi, mu kutungunuka ne kutangila tshimanyinu tshia se mulombo wandi wakupeta diandamuna. Pakadiye wenda utangununa mutshima wandi, wakadi wenda umueneka ne udi ulua mutambe bukese mene mene ku mesu andi ne ku mesu kua Nzambi. Kumueneka bua se wakadi tshianana, ne Nzambi wakadi bionso, ne pakafikaye mu tshitupa tshia yeye kudipidia, mu kulamata kudi Musungidi bu bukole budi buandi nkayabu ne buakane buandi, diandamuna dia kalua.” – The SDA Bible Commentary, vol.2, p.1035.
5. KUNANUKILA MU KUTENDELELA DITANU 10/09
a. M’mubelu kayi wa mushinga udi bapostolo bafila pa bidi bitangila mutendelelu ? 1Petelo 4 :7; Filipoi 4:6.“Kunanukila mu kutendelela m’bualu budi bukengedibua ; kakuikadi tshidi mua kuimana pankatshi penu ne bua ebu budi kuenza. Enzayi ne muenu monso tshidi tshienu bua kulama kuyukila kuenu kua pa moyo pankatshi pa Yezu ne musuka wenu. Kebayi bikondo bionso binudi mua kuya muaba udibo badisangisha bua kuenza milombo. Badi basue kuikala mu bobumue bua kuyukila ne Nzambi ne bikale mu masangisha a milombo, ne dijinga dikole dia kupeta mu masangisha âa malu mimpe onso. Ne bakuate bikondo bionso bua kuangata nsese ya mu diulu ya munya.” – Le Meilleur Chemin, p.96.b. Bu muledi yonso, Mukelenge m’muindile tshinyi kudi bana bandi ? Luka 11 :10,13; Yone 14:13–14“Kilisto m’muambile bayidi bandi bua bobo kulomba mu dina diandi. M’mu dina ndiandi mudi bayidi ba Kilisto ne bua kudileja kumpala kua Nzambi. M’mulambu wakafidibua bua bualu buabo udi ubapesha mushinga ku mesu a Mukelenge. M’balue ba mushinga mutambe bualu bua buakane bua Kilisto bua kabalamikabo. M’bua dinanga dia Kilisto budi Mukelenge mufua luse aba badi bamusthina. Kena umona mu bobo bushadile bua bubi, kadi kufuanangana kuabo ne Muana wandi udibo bitabuje.” – Jésus – Christ, p.670.“Kudiye kakuena muaba nansha tshikondo tshidi mutendelelu muikale ne diba dia kuwenza. Kakuena tshidi mua kutumpumbisha bua tuetu kubandisha mitshima yetu kudi Nzambi mu mutendelelu mukole. Tudi mua kubandisha kudiye mutendelelu ne kulomba bulombodi bua mu diulu munkatshi mua njila mudi bantu ba bungi nansha mene mu tshisalu. Bu muakenza nunku Nehemiya pakalombaye mukelenge Atashasete. Kuikalaku kaba kakese ka tshimpi tshimpi bua kuyukila ne Nzambi miaba yonso.” – Vers Jésus, p.99 ne Suivre Jésus – Christ, quel bonheur, p.110.
Makonka a kuambulula dilesona DISAMBOMBO 11/09
1. Tshilejelu kayi tshia kunanukila mu milombo tshiakapeshabo bena kuitabuja bonso ?2. N’tshiprofete kayi tshdi tshileja mushinga wa kutendelela dinda dionso ?3. M’bualu kayi budianjila kumanya budi bua mutendelelu wa butshimunyi ?4. Bua tshinyi kushala mu kutendelela mu kuela menji ne kudi dindila dia diandamuna ?5. Unvuija tshidi kulomba mu dina dia Yezu.