Nsabatu wa 05/09/2026 bua muaba wa kulongesha Mukanda wa Nzambi bua kuenza mudimu wa buambi ku Philippines Padibo batuvuluija bua mudimu munene wakadibua kutudi wa kuya mu buloba bujima ne kuvuija bayidi, tudi ne tshia kuteka bualu ebu mu tshienzedi. Muaba wa kulongesha mudimu wa buambi n’tshibambalu tshidi bua kulongolola ne kufuimba bena mudimu bua budimi bua Mukelenge. Katshia tshikondo tshiakashikibua tshibambalu etshi mu ngondo muibidi mu tshidimu tshia 1984, kalasa aka kadi katuma nsese ya ditabuja, kapeya mutshima ne Nyuma bia aba badi basue kuamba Lumu Luimpe kudi ba bisamba bionso. Balongi ba bungi bakulonda malesona mu tshibambalu etshi tshia buambi munda mua bidimu bibidi, m’balue batangadiki ba Lumu Luimpe mu matunga makuabo, ne ba bungi ba munkatshi muabo lelu ewu m’balue balombodi ne ba mpasata, badi bamuangalaja Lumu Luimpe lua lupandu mu bidila ebi bidi ne bantu ba bungi bia mu Philippines. Muaba ewu wa kulongesha bambi, udi usanganyibua ku Cabatang, musoko udi mu Tiaong, mu province wa Quezon, ku Philippines, udi wenza mudimu wa bungi kakuyi dikisha bua kufila ntaku mushindame wa dimanya dia Mukanda wa Nzambi kudi bambi ba matuku atshilualua, ba mu Philippines ne ba mu tshitangu tshionso tshia Pacifique. Tshibambalu etshi tshidi tshipesha balongi muaba wa kusomba, wa kuyila muakulu wa anglais ne kulonda malongesha bua kulua bambi, bapanyi ba mikanda, bondapi ba masama, ne balami ba bantu ne bintu, midimu idi ikengedibua bikole mene mene mu ditunga edi ne mu matunga menyi. Muaba ewu udi wakidila bantu bua kulonga tulasa tua tshimpitshimpi, masangisha a bansonga ne bibilu bikuabo bia masangisha a kuyila. Mu mushindu udi mudimu wa kuibakulula wenda udiunda mu Philippines, bidi bimpe bua kudiundisha ne kulongolola muaba ewu wa kulongesha bambi bua utungunuka ne kuandamuna ku majinga a mudimu wa Nzambi mu matuku atshilualua. Bua bualu ebu, matshinkidila a midimu adiku kabidi bua kulongolola disangisha dinene dia buloba bujima dia Conférence Générale mu muaba ewu mene, munda mua tshibambalu etshi. Disanka kayi dikalaku bua kuakidila disangisha dia bena kuitabuja, mudi matshinkila bua mushindu wa kuamba kua Lumu Luimpe enzeka ne bukole bupia bupia bua Nyuma bikale muaba wa kumpala mu tshialu ! Mulambu wenu wa moyo wa dipa lelu neukuatshishe mu mushindu wa dipangadika ku dikumbaja dia mudimu wa kudiundisha tshibambalu etshi mu majinga onso. Mu kufila, tuikale ne meyi â malama mu menji adi mu 2Kolinto 9:7 adi ne “Nunku muntu ne muntu afile bintu bu muakadisunguileye mu mutshima wandi ; kafidi ne kanyinganyina, anyi bu muenzeja ku bukole ; bualu bua Nzambi udi musue muena kupa udi ufila ne disanka.” Mapa enu akuatshishe ku kudiunda kua kalasa aka, akolesha mudimu udi wa kalasa aka ne kusonga kua benji ba mudimu badi pa buipi bua kuamba Lumu Luimpe lua tshiendelele. Rufilayi ne ditabuja ne disanka, bamanye ne mapa neakuame mamuma a tshiendelele bua bukelenge bua Nzambi. Tuasakidilayi, ne Mukelenge anusankishe kutambe ne mabenesha andi mu moyo wenu wa dipa ! Bana benu baku Philippines