Nsabatu wa 01/08/2026 bua Tshibambalu tshia Education ku Conférence Générale « Yisha muana mu njila udiye ne bua kuendela ; nunku pakolaye, kena umukamu » (Nsumuinu 22 :6). Tudi ne moyo mu tshikondo tshikole. Munkatshi mua bantu badi batambe kuikala badifile mu malu, bujitu bua kuyisha bana betu ne ba-nsonga mu ditshina dia Mukelenge, budi bua ne lukasa lukasa mene mene. Bu baledi, bayishi ne bidimba bia mubidi wa Kilisto, tudi ne mudimu wa tshijila wa kusonga tshipungu tshia bantu badi bakumbane bua kuimanyina ne kuakuila ditabuja ne dikima, ne bupuekele ne batuishibue. « Dimanya dia malu mu kuyisha kulelela, m’bulelela ; bulelela ebu budi ne tshiakuikala bubueja mene mene mu musuka, bua kawuyi kunyanguka ne tshilema tshidi miaba yonso » - Témoignages pour l’Eglise, vol. 2, p. 482 Mu menji â, Tshibambalu tshia Education ku Conférence Générale tshidi mu mudimu kakuyi dikisha wa kukolesha ne kudiundisha Tulasa tuetu tua buambi mu Buloba bujima. Bibambalu bia bungi bia tulasa tuetu kabiena ne miaba miakane ya kulongela, mayisha mene a tshiena lelu ne mikanda ya kuyisha bimpe bilondeshile malu malelela a mu Nyuma bua bayidi betu. Ne kabidi, matunga bungi adi akeba diunzulula dia bibambalu bipia bipia bia kuyisha bidi mua kudiundisha ke anu mamanya a mu tulasa bu mutudi bamanye, kadi kabidi ne mikenji ya Lumu Luimpe lua Tshiendelele. Mulambu eu wa pa buawu newukuatshishe malu manene asatu : 1. Kutangulula mudi tulasa tua buambi tudiku ; 2. Kuasa kua tulasa tupia tupia mu miaba idibio bikengela kutuasa bua kufila mayisha a buena Kilisto mu ASJMR ; 3. Kutungunuka ne mudimu wa kukudimuna ne kuakaja mikanda ya kuyisha nayi kudi kasumbu ketu ka malu a buyishi, mikanda idi yenjibua bua tulasa tudi katuyi tua buambi ne tua buambi, mu miakulu mishilangane ne bilondeshile ngikadilu mishilangane ya bantu. « Kuyisha kulelela kudi kua mudimu wa buambi. Muana yonso mulume ne mukaji wa Nzambi udi mubikidibue bua kuditua ku mudimu wandi ne kuenzela mukuenda mudimu. Kuyisha kuetu kudi bua kulongolola bantu bua bualu ebu » - Le Ministère de la Guérison, p. 333 Ki bua tshinyi tudi tunuela lubila, nuenu, bana betu balume ne bakaji, bua kufila mapa en une mutshima wa dipa ne mu luidi lua kuenza mudimu wa buambi. Kubutshila bintu mu kuyisha kua bana betu ne kua ba-nsonga betu, n’kubilamina bua matuku atshilualua a Ekelezia, mu kuamba kua Lumu Luimpe ne mu kunowa kua ku nshikidilu. Mukelenge avudije kupa kuenu neakoleshe mudimu eu udi wa mushinga ; ne tulasa tuetu tuikale mene mene munya udi ukenka mu midima, mu kulongolola kua tshipungu tshia bantu bena lulamatu bua kupingana kua Musungidi wetu, kukadi pabuipi. Tshibambalu tshia Education ku Conférence Générale