« Bidi bualu bukole kutudi bua kuluangana mvita ne bukole buetu nkayetu. Ne kabidi bionso bidi bisemeja kule nyuma wa Nzambi, bionso bidi bienza bua tuetu kudiunvua ne tudi bakumbane anyi ku budisu, bidi bilongolola mu bushuwa njila wa dibutuka dietu. Menji a Mukanda wa Nzambi adi a kubueja mu tuetu dipanga dia bukole budi bua buntu ne kutukankamika bua tuetu kutekemena mu bukole bua Nzambi. » - Patriarches et Prophètes, p. 739
1. KUDILUANGANYISHA NVITA Dia kumudilu 26/07
a. M’mushindu kayi udi Paulo munvuija mvita ya muena Kilisto ne biamua bia mvita bidi bikengedibua bua kuluangana mvita ? Efeso 6:12-18« Mutatshishibue ne mateyi matambe bukole ne a budimu, diba dionso diakadi Yezu bapetangana ne Nsatana wakadi umusemeja kule. Biabi, nvita eyi wakadi uyiluangana bua bualu buetu, ne kudimuna eku kuakadi kuvuija kuetu kutshimuna kupepele. Musungidi udi ufila ngasa wandi kudi bonso badi bamubikila, ne muteyi kena mumanye mua kutshintshimika muntu bua yeye kuenza bubi.Kena mua kututshimuna kakuyi dianyisha dietu nansha. Udi mua kubueja musuka mu dikenga udi umutuila nkanana, kadi kena mua kumuenzeja bua yeye kuenza disua diandi nansha ; udi mua kumomekela majitu, kadi kena mua kumuvuija muatuke nansha. Bualu bua Yezu Kilisto wakatshimuna budi ne tshia kusaka bayidi bandi bua bobo kuluanganyisha bubi mvita ne mutshima mukole ne dikima ne kuluanganyisha ne Nsatana » - La Tragédie des Siècles, p. 554b. N’tshinyi tshidi Nsatana uteta kukokesha mene mene ? Nsumuinu 4 :23« ‘Udi muikale tshidi musuka wandi wela menji’. Bikala mutshima kawena muvuijibue mupia mupia ku ngasa wa Nzambi, bidi bia patupu bua kukeba butoke. Ewu udi udienzeja bua kudisongela ngikadilu muakane wa buneme kabiyi ku ngasa wa Kilisto udi wibaka nzubu wandi mu lusenga. Nzubu eu neashimbuke bulelela ku tshipepele tshikole tshia mateyi’ » - Patriarches et Prophètes, p. 468
2. DIBIKILA DIA KUDI NZAMBI Dibidi 27/07
a. Bua kuikala muyidi wa Kilisto, n’tshinyi tshidi kubenga ? Luka 14 :33 ; Matayo 6 :24« Patudi tudifila kudi Nzambi, tudi ne bua kulekela mu bushuwa bionso bidi mua kutusemeja kule nandi. Ki bua tshinyi Musungidi udi wamba ne:‘Muntu yonso wa munkatshi muenu udi kayi upidia bintu bionso bidiye nabi kena mumanye mua kuikala muyidi wandi’ (Luka 14 :33). Mamona udi muikale lupingu lua babungi. Dinanga dia mfualanga, dijinga dia mabanji, bidi bikale nkanu ya ngolo idi mibasuikakaja ne Nsatana. Bakuabo m’banange matumbi ne manema bia pa Buloba. Bakuabo kabidi m’badisonguela lupingu lua kuikala ne moyo udi kawuyi wa lutatu, moyo wa badikadile ku majitu onso. Kadi bidi bikengela bua se nkanu eyi ikoshibue. Katuena mua kuikala luseke kudi Mukelenge ne lukuabo kudi Buloba. Tudi tulua bana ba Nzambi anu patudi bikale bândi mene mene katuyi ku luseke lukuabo nansha. » - Vers Jésus, p. 44b. N’dibikila kayi dia Mukelenge didiye ubikila nadi bonso badi basue kuenzulula mitshima yabo ne moyo wabo bipia bipia ? Yakobo 4 :7-10« Bukelenge bua Nzambi kabuena buenzibue, bu muakadi Nsatana musue kuenza bua kubudiundisha ; kutumikila kuetu kua bufofo, ne ku dikokesha didi kadiyi dikumbane. Nzambi udi ubikila menji etu ne kondo ketu ka moyo. Nzambi kena utshintshimika disua dia bifukibua biandi nansha. Kena witabuja makumbu adi kâyi a budisuile nansha ne adi kâyi mafidibue kudiye ne menji ne mutshima muimpe nansha. Ditumikila didi dienzeja ku bukole didi diya kupumbisha kudiunda konso kulelela kua ngelelu wa menji ne kua nsombelu muimpe ; kudi kupuekesha muntu mu ngikadilu wa tshiamua tshienza bu muntu. Etshi katshiena bulongolodi bua Mufuki nansha. Udi musue bua muntu, udi muikale kulanguluila kua bukole buandi bua bufuki, afike ku tshipidi tshia pa mûlu tshia kudiunda. Udi muteke kumpala kuetu disanka didiye musue bua tuetu tuikale nadi ku ngasa wandi. Ne dijinga dia kukumbaja disua diandi mu tuetu, udi utubikila bua tuetu kudifila kudiye. Bualu budi kutudi, bituikale tudi basue bua kupeta budishikaminyi ku bupika bua bubi ne kulua badi ne budishikaminyi bua butumbi budi bua bana ba Nzambi. » - Ibid, p. 43-44« Kilisto wakadileja patoke bu Musungidi wa bantu. Bantu kabena ne tshia kueyemena ku bienzedi bidi biabo nkayabo nansha, ku buakana buabo, nansha kudieyemena mu mushindu kana onso, kadi pa Muana wa Mukoko wa Nzambi udi umbusha mibi ya pa Buloba. Mu yeye kumueneka muikala Muakuidi kudi Tatu. Kupitshila kudiye, dibikila kuenzeka ne:‘Luayi katataka, tupunga tshipungidi popamue, nansha bikala mibi yenu mikunze kunzû, neilue mitoke bu neige ; nansha bikalayi mikunze bu mashi, neilue bu miosa ya mikoko’. Dibikila edi didi diunvuika kutudi kabidi lelu. Budisu, dinanga didi dia muntu nkayandi, diambu. Kabipumbishi yonso udi utonda mibi yandi, bua mulayi wikale wandi. » - Fundamentals of Christian Education, p. 239
3. KILISTO M’MUFILA BIONSO Disatu 28/07
a. N’tshinyi tshiakapesha Kilisto njila wa yeye kuya ne bana bandi mu Diulu ? Kolosai 1 :14 ; Ebelu 7 :25« [Muluatshishibue ne midima mikole, bimueneka udi mupua moyo kudi Nzambi], Kilisto wakadi munua ne mujikija lupanza lua makenga a bantu. Munkatshi mua meba â akadi akuatshisha bowa, wakikisha, ku ditabuja mu eu wakadiye anu utumikila ne disanka, ne wakadiye mumanye bua buakane buandi, bua luse lunene ne bua dinanga ditambe. Mu tshikondo tshiakadifilaye kudi Nzambi ne ditumikila dionso, kakaya kunvua kabidi ne kena ne buimpe bua Tatu nansha. Kilisto wakatshimuna ku ditabuja » - Jésus Christ, p. 760 ne The Desire of Ages, p. 756« Nzambi kufila Diulu dijima mu kufila Yezu. Mu kumona kua bantu, mulambu wa mushindu eu wakadi umueneka bu kujimija kutambe, ne Tshifufu tshia Lupandu tshionso bu dibumbula anyi dinyanga dia ngasa ne bintu. Tudi ne disanka dia bungi bua didipidia ne mulambu biakitabuja Bu-Nzambi bua kufila ne disanka. Bidi bikemesha tshiluilu tshia mu Diulu bua kumona diku dia bantu dibenga bua bobo kudijula ne kuikala babanji ku dinanga didi kadiyi ndekelu diakamueneshibua patoke mu Kilisto. Banjelo bakadi kuikala ne kabingila kakuela lubila ne:Bidi ne dikuatshisha kayi bua edi dijimija ? Kadi kufuta kua dibanza bua bubi kuenza nunku bua Buloba bujimine kuakadi kuikala kua bungi ne kukumbana mene mene. Mulambu wa Kilisto wakadi kuikala wa bungi mutambe bua kufika kudi musuka onso mufuka kudi Nzambi. Wakadi wa kukepesha ku bungi bua aba baya kuwitabuja bu dipa dia mushinga mutambe.Bantu bonso kabena basungidibue, kadi bikale tshifufu tshia bupikudi katshiena tshipatula bionso biakadi bilongolola mu menji makane, ki m’bua bualu ebu nansha budi buikale dinyangakaja. [ngasa udi ne bua kuikala muvule mutambe ne mukumbane] » - Ibid, p. 559b. Yezu udi ulomba tshinyi kudi bonso badi basue kuikala bana bandi ne badi basue kuikala mu tshipimu tshia kuangata Nyuma wandi ? Nsumuinu 23 :26« Yezu udi pa buipi bua kuakidila ne luse ne dinanga, kutonda kua mibi kua bantu bapambuke ne udi witabuja kunyingalala kuabo bua bubi. Udi muindile bua bobo basakidila, bu mudi mamu muledi muikale ukenketa bua kumona kutua kua mimuemue ku mishiku ya muana wandi munanga. Nzambi munene wa mu Diulu udi utuyisha bua tuetu kumubikila ne Tatu. Udi musue bua tunvua ne ntema kayi ne dinanga kayi didi mutshima wandi munyungishibua padiye utumona bateta ne bateya » - Ministère Evangélique, p. 205« Katuena tudivuija ba tshijila patudi tudifila kudiye mene mene anyi ? – Mutshima udi muatuke kudi bubi, udi wa kulengeja ku dinanga diandi didi kadiyi ndekelu ! … Ne bidi bimueneka bualu bukole bua kulekela bionso ! Ndi ne bundu bua kunvua diyi diabuena edi, ne menji adi ansama pândi m’bifunda nunku ». – Vers Jésus, p. 46
4. KUDIFILA KONSO Dinayi 29/07
a. N’tshinyi tshiakadi dijinga ditambe bunene dia Paulo bua bena kuitabuja ? Lomo 12 :1 ; 1Tesalonike 5 :23« Nansha muakadi meyi â mambila Isalele wa kale, adi mikale ne dilesona munda muawu bua bantu ba Nzambi lelu. Padi mupostolo usengelela bana babo bua bobo kufila mibidi yabo bu ‘mulambu udi ne moyo, wa tshijila, udi usankisha Nzambi’ udi wamba bua mikenji ya kujidibua kulelela. Ki m’bualu bua kuamba anu mukana patupu, anyi bua lupampu budi butua ku moyo anyi bua tshifundu, kadi m’mukenji udi ne moyo ne udi wa mu tshienzedi udi wa mu moyo wa ku dituku ne dituku. Bidi bilomba bua se n’dilu wetu, bitudi tunua ne mushindu wetu wa kuvuala biya kuleja bua se bukole buetu bua mubidi, bua ngelelu wa menji ne bua nsombelu wa bukalanga budi bulama bimpe, bua tumona bua kudileja kumpala kua Mukelenge ne mibidi yetu, bu ‘mulambu udi ne moyo, wa tshijila ne udi usankisha Nzambi’ Kayiyi bu mulambu udi munyanga kudi bilele bibi » - The Sanctified Life, p. 27–28« Tudi ne tshia kudifila nkayetu ku mudimu wa Nzambi, ne ku dienzeja bua kumupesha mulambu muimpe ne muakane. Nzambi neaye kuanyisha anu tshitudi tumupesha tshidi tshimpe tshitame, tshikuabo to. Badi bamunange ne mitshima yabo yonso ne bajinge bua kumupesha makole abo mempe matambe a mu moyo wabo, ne nebadienzeje anu ku dienzeja bua kuteka makole abo mu diunvuangana ne mikenji idi ne bua kudiunvuangana ne mikenji idi ne bua kudiundisha makole a kuenza kuimpe » - Patriarches et Prophètes, p. 355b. M’bujitu kayi buakadi mu mitshima ya musumba wa bantu bakadi bateleja kuakula kua Petelo, dituku dia Pentekoste ? Bienzedi 2 :37-38« Musumba wa bantu kunvua muakadi bayidi bakula bua ne eu wakapopelabo ku Mutshi Mutshiamakane wakadi Muana wa Nzambi. Bakuidi ne bakoshi ba bilumbu kusakala ; dibungana kukuata musumba wa bantu. ‘Mitshima yabo yakanyingalala bakakonka Petelo ne bapostolo bakuabo ne:Bana betu, ne tuenze tshinyi ? Munkatshi mua bakadi bateleja bayidi muakadi Bena Yuda ba tshishiki, bena bushuwa mu ditabuja diabo. Bukole buakadi mu meyi a mupostolo kubatuisha bua se Yezu wakadi bushuwa Mashiya …Petelo kusuminyina bua kuambila bakadi bamuteleja bua se bobo bakapidia Kilisto bualu bua bakabashima kudi bakuidi ne ba ndumbulula. Udi kubambila ne mutshidi anu mupeta mibelu kudi bantu aba, ne nuindila bua banumanyisha Kilisto, kabayi ne dikima dia bobo nkayabo kumukeba, kabakumuitabuja kashidi. Bantu aba ba bukole, nansha mudibo baleja bikale ne buimpe, bakadi balumba mabanji ne butumbi bia pa Buloba. Kabakadi ne dijinga nansha dimue dia kulua kudi Kilisto bua bobo kupeta munya » - Conquérants Pacifiques, p. 39-40 ne The Acts of The Apostles, p. 43–44
5. KUSHALA MU KUDIFILA Ditanu 30/07
a. N’tshinyi tshidi tshitutuisha bua se tudi ne tshia kudifila mene mene kudi Mukelenge ne kukumbana bua kutuala tshinfuanyi tshia Kilisto ? *Filipoi 2 :12-13« Kanuena ne tshia kutshina bua se mikenji ya Nzambi ishala ya patupu, bua ne lutulu luandi lupungile nenuya kupangila luse luandi. Tshinayi bua ne disua dienu kadika kadiyi dikokela disua dia Kilisto, ne moyo kawuyi kuikala mulombola kudi amue malu a mu ngikadilu wenu, mupiana anyi mupeta.‘Bualu Nzambi ngudi wenzeja munda muenu bua kusua ne bua kuenza kabidi bualu bua disua diandi dimpe’. Nutshine bua bumeme kabiumanyi pankatshi pa musaka wenu ne pa Mukelenge, ne bua disua dienu kadiye kunyanga bulongolodi bua Nzambi bua bualu buenu. Kundekelu, kanueyemenyi makole eu ; nudimuke bua kanuyi kumbusha tshianza tshienu mu tshia Kilisto ne kulonda njila wa moyo udi kule ne dikalanganaku diandi. » - Les Paraboles, p. 134-135b. M’mushindu kayi udi kushala ne lulamatu mu ditabuja ne kudifila ku mikenji miakane ? Galatia 2 :20 ; Matayo 16 :24-25« Badi bajinga kufika ku dijidibua badi ne kuanji kuyila tshidi kudifila kua muntu nkayandi. Mutshi Mutshiamakane wa Kilisto udi muikale dikunji dia munkatshi didi diambula mu tshipiminu tshionso ‘bujitu bua tshiendelele bua butumbi » - Conquérants Pacifiques, p. 499« Kanuena mua kushintulula mutshima wenu, kanuena bamanye mu nuenu nkayenu bua kunanga Nzambi ; kadi nudi mua kuangata dipangadika dia nuenu kumukuatshila mudimu. Nudi mua kumupesha disua dienu, ne yeye neaye kuenzeja munda muenu disua ne dienza bilondeshile disua diandi dimpe …Mu kukuata bimpe mudimu ne disua, dishintuluka mu bionso bidi mua kumueneka mu moyo wenu. Mu kufila kua disua dienu mu bukokeshi bua Yezu Kilisto, nudi nusisanga mu bobumue ne bukole budi pa mutu pa ma-mfumu onso ne makole onso. Bukole bua mu Diulu ne bufidibue kunudi bua kunuvuija badi kabayi kutshikishibua, ne mu kudilekelela mu bianza bia Nzambi, nenuikala kabidi nunku ne moyo mupia mupia, udi ne, moyo wa ditabuja » - Vers Jésus, p. 47-48
Makonka a kuambulula dilesona Disambombo 31/07
1. N’tshinyi tshidi ne mushinga bua kutshimuna mvita ya muena lukuna idiye uluangisha misuka yetu ?2. Nvita kayi milelela idi kuluangana bua kutshimuna muena lukuna mumana kutshimuna ?3. N’tshinyi tshitudi mua kumanya bua Dipa dia Kilisto bua lupandu luetu ?4. Bulongolodi bua Nzambi budi tshinyi bua bena kuitabuja, budi bua mu mubidi ne bua mu Nyuma ?5. Bualu buetu bupitshisha bua ku dituku ne ku dituku nebuikale munyi, bikala disua dietu mu diunvuangana ne disua dia Nzambi ?