Nsabatu wa 02/07/2026 kudiunda kua Ekelezia ku Chennai, mu Inde Chennai, wakadi mumanye kale mu dina dia Madras, n’tshimenga tshikulu ne tshitambe bunene tshia Tamil Nadu, n’tshitangu tshidi ku Sude wa Inde. Ku muelelu kuatshi kudi Coromandel, pepi ne Golfe wa Bengale. Bilondeshile kubadika bua bantu badi mu Inde mu tshidimu tshia 2011, Chennai n’tshimenga tshisambombo tshidi ne bantu ba bung mu Inde ne n’tshinayi bua kuibaka kuimpe kua nzubu bu mudi bimenga mua kuikala mu Inde, mudi bantu ba bungi. Chennai m’muibaka mu tshidimu tshia 1688, n’tshitangu tshia mbulamatadi tshia mu ditunga dia Inde, tshia kale ne n’tshibidi tshia kalekale kunyima kua tshimenga tshia Londres. Mu Chennai mudi muikale malu a bungi enzeka a bungenda ne a mpetu ne matanda matue ku 15000 ne m’muaba munene wa kubandila wa malu a londapu, ke bua tshinyi Chennai m’mupeta dina dikuabo dia pa mutu didi ne « tshimenga tshikulu tshia Inde tshia malu a bukole bua mubidi ». tshimenga tshidi kabidi tshikale ne tshiapu tshia mushinga tshia malu a tudiendelandela mu ditunga dia Inde. Ke bua tshinyi Chennai udi ne dina dikuabo ne « Le Détroit de l’Inde. » Chennai wakadi tshimenga tshimuepele tshia Asie wa ku Sude tshidi tshibadibue munda mua bimenga 10 bidi bikale ne ndambilu musheme wa bia kudia » Tshibadibue nunku kudi National Geographie mu tshidimu tshia 2015, ne kubadibua tshimenga tshia tshitema munkatshi mua bimenga bitambe buimpe mudi bantu ba matunga onso basombe, bamba nunku kudi Lonely Planet. Bantu badi bashikame mu Chennai m’bapite lelu ba bantu millions 12 ne lelu bantu m’benda bavulangana 2, 34 % ku tshidimu. Bantu badi mu tshimenga etshi m’ba bisamba bishilangane ne ba bitendelelu bishilangane. Bilondeshile kubadika kua bantu kua mu tshidimu tshia 2011, tshibungi tshia bantu badi mu Chennai bakadi ba Hindoue (80, 73 %), balonda ku 9, 45 % ba musulmans, 7, 72 % bena Kilisto, 1,27 % ba bitendelelu bikuabo ne 0, 83 % bia bantu badi kabayi ne tshitendelelu ne kabayi basue kutendelela. Mu tshidimu tshia 2019, 40 % wa million 1, 788 ya meku adi mu tshimenga, yakadi ne bupele bua bungi. Mu tshidimu tshia 2017, tshimenga tshiakadi ne meku matue ku millions 2, 2, muakadi 40 % bia bantu kabayi miaba yabo ya kusomba. Tshimenga tshidi ne miaba ya bungi idi bantu kabayi nzubu, kabayi mayi, kabayi nzembu nansha njila, miaba mitue ku 1.131, mikale ne meku mapite pa 300.000. Bantu ba nseka yonso m’basomba miaba eyii, ne bonso badi dijinga ne kunvua Lumu Luimpe lua tshiendelele lua Yezu Kilisto mu matuku â a ku nshikidilu. Bua kabingila ka ntatu ya biuma, katuena bajikije kuibaka kua ekelezia ku Chennai mu bikondo biakadi bijadika. Katataka bu mudi mudimu mu njila, tudi bapete kabidi menji a mushinga wa kudiundisha tshibambalu mu kukumbaja luibaku lua muaba wa kulala bua mpasata, muaba wa masangisha, ne bibambalu bia tulasa bua kalasa ka Nsabatu ka bana bakese. Bua kuenza bionso ebi, tudi benzejibue bua kuela lubila kudi ekelezia yetu yonso mu Buloba bujima. Tuela lubila lukole kudi bana betu balume, bana betu bakaji, ne ba-nsonga betu ; tudi tunulomba bua se moyo wenu wa dipa bua nuenu kutuala dikuatshisha dienu ku mudimu eu. Tunuela diambedi tuasakidila, ne Mukelenge anusankishe bitambe ne masanka andi. Bana benu balume ne bakaji bak u Chennai