Sandi
Kakamuk kati 31
1. DAWAN AISA AN LUHPIA BA WAL NAHKI IWISA
a. Kau Jisas tasbara balras kainara nahki Aisa wal iwi kan, tasbara balan ra nahki kan (Jan 1:1,14; Pilipai 2:5-8;Jan 17:5
"Jan buk ka sapta 17 ra param pali wan aisisa Dawan Aisa, luhpia Jisas an yawan nani sut wan iwanka dukiara."— Comentario Bíblico ASD [Comentario de E.G.White], tomo 5, pág.1145.
"Tasba aiska papaskrika ba witin yakan apia kan. Sakuna ai panika kum brikan, witin wal bakanu wark dauki dia daukai nani ba laki kaiki an ai lilia briaia paskan dukia nani sutra, "Witin sika tâ palira bila baikra kata ba, baha bila ba Dawan walkan an witin lika Dawan kan. Witin sika tâ palira Dawan walkan." (Jan 1:1,2) Jisas sika baha bila ba, Dawan luhpia kumi man ba, witin lika kumi baku kata Dawan Aisa ba wal patitara pali wina, aidaukan ka nani sutra; an witin baman sika sipkan Aisa daukanka nani sutba kakaira takaia. — Patriarcas y Profetas, pág. 12
b. ¿Nahki wan marikisa Dawan Aisa ba ai luhpia Jisas wal asla iwisa? Jan 8:29; Matyu 17:5
Mundi
Lih wainhka kati 1
2. DAWAN TASBA PASKAN BA
a. ¿Día muni Dawan tasba paskan? Aiseya 45:18 ¿Ahkia an nahki Dawan paskan Lawana nani 37:29;2 Pita 3:13
"Heven aiska ba aman pali kaiki kata Dawan naha tasba na an waikna paski kan pyuara. Upla ba sika tnatka raya an sat wala kan ensal nani wal "Dawan lilka" kat paskan, an Dawan wantkan ba tasbana sahwi banhkbia. “— The Review an Herald, 11 de febrero de 1902
b. ¿Dawan ba nahki kaikisa baha nani witin aibila wali dauki nanira? Lawana nani 145:18,19; Aiseya 49:14-16
"Yawan Dawan ra wan tâ baikbia dukiara makabisa pyuara, an ai Spiritka Holikira ba wan tâ bribia dukiara, minit kumi sin wan walras kabia apia. Ban sipsa tasba aisikia ai luhpia nani inanka walras kaia, sakuna Dawan lika wan kupia muhta wina witinra winisa pyuara wan walisa. —Discurso Maestro de Jesucristo pág. 112
c. Baha nani Dawan bila walbia nani ba nahki sat wala takbia aiwapankara. 1 Jan 4:19,9-11
"Ya uplika Dawan ra latwan sa kaka misbara kaikan apu kaia sa. Heven latwanka ba wan kupia ra aibahwisa pyuara, lî aubra baku upla walara wabia. Uplika wala mita diara wanki dukiara apia, sakuna heven latwanka mita wan daukanka nani sat wala takisa, wan wina brinkara taibisa, wan waihla nani wal kli pana takisa. Baha latwanka sika kasbrika wal kau purara sa, an ensal nani lukanka wal asla takisa. Baha sat latwanka mita sika wan daukanka nani b adiara auhni kum baku daukisa an wanlama kir upla nani sut bara ba aidara walisa.. .Kan rait pali Dawan ra wan kupia aiska kira latwan sa kaka wan walka nanira sin latwan kaikaia sa."— Testimonios para la Iglesia, vol. 4, pp 221.
Tiusdi
Lih wainhka kati 2
3. DAWAN UPLA WAL IWI BA TANKA
a. ¿Dia blisinka yawan brisa Dawan wal iwisa pyuara? Matyu 7:7-11¿Nahki yawan nusa Dawan ba latwan wankaikisa? Jonas 4:2;Maika7:18
"Ensal nani ba lihkisa Dawan mawanra bal ailula krikaia, witin nani brindaukisa Dawan lamara kaia; ban sakuna upla nani kau nitka tara brisa sakuna kau lihkisa tihmiara wapi kaia, Dawan mawan ingnika wina laihwra."— Camino a Cristo, pág 94.
"Dawan mita wan kupia nanira mankan diara tukin ailal tasbara an kasbrikara sin ai latwanka tanka bribia dukiara, baku lika ai latwanka painka yawan kakaira takbia wisi." — Camino a Cristo, pág 9
b. ¿Dawan ba día daukaia wantsa yawan upla ra? Matyu 6:25-30
"îl pura wina Jisas smalkan ra aisan nahki yawan Dawan ra kasak lukaia dukiara. Naha lisinka nani nani kristian ailalra tâ baikanka yaban kata trabil nani ailal tilara, ban sin naiwa yawan nani kat sin maihsa nihkra wankisa. Jisas ai disaipilka nanira aisan nahki daiwan papala nani lilia aiwani Dawan mayunisa, an minit kumra sin aikupia ra trabil briras día piaia dukiara. Ao witin nani insla mankras, an kriki sin utlara dinkir briras sakuna Dawan mita dakakisa. Jisas naku makabi walan kan "¿man nani ba kau tara sma apia daiwan nani wal?". (S. Mateo 6: 26).."— Camino a Cristo Pág. 125
c. ¿Ya mita waikna an mairin nanira help munisa yamni iwbia dukiara? Galisan 5:22,23; 2Pita 1:3-7
"Baha nani Jisas ra balan bara paskanka raya takan nani ba ai wapankara marikisa mâ yamni dauki ba wal." Latwan laka, lilia laka, bawan laka, ai pata pira ra, kwala stailka dimi ba wal, ai sturka aisi ba, an sin nahki kunin luha watauki ba wal sut."— El Camino a Cristo, pág.58.
Winsdi
Lih wainhka kati 3
4. DAWAN LATWAN KA BA LATAN SA
a. ¿Día muni Hagar ai luhpia wal twi biara ra wan, día daukan Dawan witin nani helpkara.? Blasi sturka 21:9-11, 17-20
b. ¿Mairin kum ra Jisas padin munan ba sturka wal yawan día lan takisa? Jan 8:10,11; Luk 15:1,2
"Jisas mita marit lâka krikan mairkara padin munanba wal wan marikisa ai kasak ka laka tanka ba, ao witin saurka ba sirpi lika daukras kan, sakuna witin patra dinkras kan sakuna traikaikan swaki sakaia."— El Deseado de Todas las Gentes, pág.427.
"Jisas ba publican nani tibilkara iwi plun pikan, witin nanira help munaia pliki baku an kulkan yabikan upla baku. An aibrinka kan witinra kakaira takbia sibrin apu kira. Naha publican nani lika li diran baku brin dauki kan Jisas aisanka walaia, baku lika raya kum kau bitar pliki banhwikan, ao upla mita saurakira kulki kanra lukras. "— El Deseado de Todas las Gentes, pág.240.
c. ¿Día pramiska Dawan wankisa witinra kasak luki nanira? Zakarias 2:8; Aiseya 49:15,16; Matyu 10:29,30 Hevenra ensal nani sut ba wilinsa yawanra help wanmunaia. Jan 10:28,29
"Saurakira kum airayaka Jisasra yabisa pyuara, karnika tara pali brisa, ao naha tasba aiska na Setan mita kunin munan Dawan mapara buwisa, sakuna sip pura lubia apia. Baku bara ani uplika Jisas walpaiara yukwan naniba sip nikbia apia setan karnika mita."— El Deseado de Todas las Gentes, pág.291.
"Dawan mita upla sutra paiwisa witinra bal swaki sakan laka bribia, an ai ensalka nanira adar yabisa wan helpkara kabia yu banira, baku sin Spirit Holikira bâk Dawan pali ba wan kupiara iwi wankan diara tihu tanka nani ba brisa, an karnika wankisa nahki saurka mapara aiklabi pura luwaia, an kristian kum kasak aihwa kaia wan nina baman lika apia." — Testimonios para los Ministros, pág. 12.
Tausdi
Lih wainhka kati 4
5. DAWAN WAL NAHKI KAU PAIN IWAIA BA
a. ¿Dawan ba nahki brin daukisa yawan wal iwaia? Jan 3:16,17; 17:3,22
"Waikna paskan Dawan ka ba witin pain kakaira sa praiska ba, ao upla ba saurkara kahwan sakuna Jisas wankaikisa yawan nahki witin aikarnika wal sipba kli buwaia, pastaura kata baku Gâd lilka kat takaia an witin wal wapaia." — La Educación, pág.79
b. Wan rayakara Dawan wal wapi lantakisa pyuara día blisinka brisa? 1 Korint 9:16; 2 Korint 5:14,15
"Jisas nina blablikra kum kaia sma kaka uplara latwan kaiki lan takram kaia sma… Dawan wina yu banira ai blisinka maiki ba pana man mita upla walara yabram kaia sa, an Jisas wal yu bani wapi sma ba yabrika upla nani iwankamra kaikan kaia sa, wapankam, an wan daukanka sutra sin. "—Ministerio de Bienestar Social, p. 26.
"Dawan latwanka yawanra wankan kakaira takan ba wal yawan na traskira takansa yaka baha nani kau kakaira apia nanira naha sturka yamnina brih waia." —El Camino a Cristo, pág. 80.
Praidi
Lih wainhka kati 5
MAKABANKA LUAN NANI BA LAKI KAIKS
1. ¿Gâd Aisa an luhpia Jisas wal nahki iwisa?
2. ¿Dawan ba nahki wan trabilka nani tilara wan ta baikisa?
3. ¿Yawan upla ba nahki Dawan wal iwaia sa?
4. ¿Mairin kumra Jisas mita padin munanba wal dia lan takisa? ¿ Nahki Dawan yawan upla dukiara lukisa?
5. ¿Yawan kristian nani ba nahki wan rayakara iwi kaia sa upla kau kristian apia nani ba yawanra wan kaiki sipkabia lan takaia ?