Sandi
Lih mairin kati 5
1. PLAMAIKA TARA NANI
a. Nahki Dawan bila ba utla bilara plamaika tara kum baku sa? Lawana nani 111:10; Job 28:28.
"Aisa bara yapti nani aiwatla bilara diara sut taura Dawan ra pas pliki bara ai luhpia nanira Dawan sibrinka laka mariki nani ba, ensal nani mawanra baku sin upla nani mawanra sin Dawanra kulkan ka yabisa. Utla bila kum adarkat, wapni, lakat tuktan nani ba wataukisa.
Naha sat watla bilara lika sipsa Dawan blisingka makabaia, kan pramis ba naku ulban sa: 'Yangra aikulki nani bara pana sin kulkamni' (1 Samuel. 2:30)."— Testimonios para la Iglesia, tomo 5, págs. 400,401.
b. ¿Dia sat daukanka kristian watla bilara kaiasa? Sins laka 15:13.
"Kaisa wan watla bilara lilia, latwan, an rispik laka bara kabia, bara tuktan nani laik kabia bara kaia. Utla bilara iwi uplika nani sut lakat iwikabia, tanisra lika apia, baku lika kasak aihwa heven sirpi lupia kum kabia. "— Consejos sobre la Salud, pág. 100.
Mundi
Lih mairin kati 6
2. UTLA BILA, DAWANRA MAYUNA PLISKA KUM
a. Nahki Ebraham aiwatla bila ba wapni waki kan? Blasi sturka 18:18,19.
"Wan watla bilara Dawan sibrinka barasa pyuara asla takanka kasak yamni brikabia. Kaisa wan watla bila ba Dawan mihtara mankaia, baku lika wan aisanka, wan daukanka sut ba kristian kasak baku kabia. Utla bila wina latwan laka ba marikan kaia sa. " — El Hogar Cristiano, pág. 288.
"Wan daukankawal param marikan kaia Jisas yawan wal ba tanka, baku sin ailatwankara iwiba yawanra param kaikan kaiasa, yawan Jisas skulkara wihka bilakaikan, praut apu, wan walkara saura lukras, baku win wan luhpia nanira Dawan sibrinka laka smalkisa Ebraham kata baku." — El Hogar Cristiano, pág. 286.
b. Nahki apastil Pal wan aisisa utla bila wina prias watlara tabaiki ba tanka? 1 Timuti 3:4,5; 1 Tesalonika 2:10-13.
"Utla bila ba sin prias watla plamaika bakusa kan naha wina tâ uplika nani kasak aihwaba aisubi takisa. Baku lika utla bila karnika ba ban prias watlakat balisa, baha mita sika prias watla wark ka tanka nani ba aitanisa utla bilara kasak aihwa smalki lan daukan kaia."— El Hogar Cristiano, pág. 288
c. Wan luhpia nani lakat pakaia dukiara dia pali dukiara kau aisaia nitsa? 1Korint 2:2;Roman 16:25,26.
"Wan luhpia nanira smalki lan dauks Dawan latwanka tara ba dukiara, nahki witin heven kingka kan sakuna ai trunka swisi yawan swaki wansakaia dukiara naha tasbara bal pruan dusprihnira. Baha taka mita yawanra yabal raya painkira kum kwaki wankan upla sut sipsa hevenra waia Jisasra kasak lukbia nanira. Bara yawan naha dukiara uba tingki lukisa bara kaisa presantka kum sakaia kau upla Dawan bila walras nanira brih waia dukiara. "—El, Review and Herald 11 de diciembre 1888.
Tiusdi
Lih mairin kati 7
3. UTLA BILARA TUKTAN NANIRA LAN MUNAIA BA
a. Nahki aisa yapti wal karban tara brisa tuktan nani ai mihtara ba wal? Sins laka 4:1-8.
"Aisa, yapti wal pahpayara sa utla bilara tuktan nani ba Dawan lâ kara smalki pakaia."— El Hogar Cristiano, pág. 290.
"Baha nani prias taura aimaki nani ba ai rayaka paliba wapni wapaia sa, Dawan bila aisan bakat. Aiwatla bilara, prias watlara, an naha tasba bilara anikat watauki kabia sin param kaia sa Jisas kan baku. "— Consejos para los maestros, padres y alumnos, pág 383.
b. Nahki utla bilara Baibil tanka tuktan nanira smalkaia sa? Sins laka 4:10-13.
"Aisa, yapti wal ba utla bila srinwraskira apia taim ai luhpia nanira Dawan sibrinka tanka smalkisa tihmiara, kaknara. Bakahnu wark takisa, yayapra apia sakuna titanra an tutnira prias daukisa tuktan nanira lâ tanka smalkisa, an yabal yamnira brih impakisa.
Dawan tanka smalkanka lika kau tihusa tasba skulka lisinka wal baku apia. Wan luhpia nani aikuki wan pura suni kaia sa, witin nanira landaukaia sa nahki Jisasra balaia an ai nitka nani dukiara wiaia. Wan rayaka wal marikan kaiasa nahki yawanra Jisas iwiba tanka; bara wihka bila kaikan laka, yamni laka, bara sin karna bapi buwikaia sutba sin Jisas wina lan takisa, Ebraham kata baku.
Nahki yu bani wan watla bilara iwiba ensal nani sut ulbi brihwisa hevenra. Ya uplika kum hevenra holikaia lukisa kaka, witin lika aiwatla bilara pas lan takan kaia sa… Aisa, yapti wal kristiankam laka ba luhpiam nani mawanra pura taia baman kabiara sakuna kasak aihwa pali kabia." — El Hogar Cristiano, pág. 287.
"Dawan ra mayunanka kum wan kupia muhta wina takras sa kaka, help wan munaia watlikara sipsa kau wansauhki kaia. Wan kristianka laka ba mâ apu wahia baman, yakan wan mayunra plikisa, upla mita tara wan kulkbia ba lihkisa, apia tasbara wan mana kumra baman bila kaikisa." —Consejos para los maestros, padres y alumnos, pág 397
Winsdi
Lih mairin kati 8
4. DAWAN BILA TUKTAN NANIRA SMALKAIA BA
a. ¿Wan luhpia nanira nahki Dawan bila smalkaia sa? 2 Timuti 3:15
"Tuktan sirpi lupia ba wan walisa pyuara, aisa, yapti nani mita Jisas sturka wiaia sa, nahki betlehem ra bip pata piaiakara aisubi takan ba, witin sirpi lupia wina yaka Dawan ra latwan kaikaia an kulkanka tara yabi lan takaia sa." — El Hogar Cristiano, pág. 289.
b. Aisa, yapti nani nahki yapras kira Dawan bila ba ai luhpia nanira smalkaia sa? Aiseya 34:16; Kli smalkanka 6:6-9.
c. Nahki tuktan nanira Dawan lâ ka smalkaia sa? Sins laka 22:6
"Wan watla bilara Dawan warkka ba karnika manas brisa, nahki maia waikna mita aimaia mairinra latwan kaiki ba, pana sin baku, witin walra ridi daukisa hevenra waia. Dawan latwanka wal aikupia ba bahwansa, bara ai aisanka, aidaukanka, sutba latwan wal daukisa, misbara apu, yakan aidukiara lukras sa."— Idem, pág. 81.
"Baku lika maia waikna bara mairin walsut traikaikisa utla bila ba yaka lilia baman kaia, heven sirpi lupia kum baku. Kan naku yawan lantaki auya bara wan walka nani wan kaiki yawan wina lan takisa rait kristian kasak kum; smalkanka baman lika apia sakuna wan daukanka wal.
"Nahki trabil wan purara balbia kra brukwaia apia, upla walara patka kahbaia apia, inaia apia, praut takaia sin apia, sakuna wan kupiara mayunra baman kaiasa, kan baha sut traika kaikanba wal kau karna wan daukisa wan kasak ka lukan lakara.
"Wan tuktika nanira diara tara kum utla bilara lan daukaia nit pali ba sika, yakan wan wina kat kaikaia apia, yawan baman pain kaia lukaia apia, sakuna wan uplika wala nanira sin help munaia dia sipba wal. Kukan tara apu kabiakra yawan wan pata piaia pali ba wina sin sipsa wan walkara pis sirpi kum yabaia. Apia wan kwalka dimaika wal briba wina wan walkara kum yabaia lan takan kaia sa."— Idem, pág. 32
Tausdi
Lih mairin kati 9
5. DIA MANKBIA BA SIN BAHA MA KRIKBIA
a. Tuktan nanira lan daukaiara aisa, yapti walba nahki asla kaia sa ? Wihta nani 13:8-12. Kli smalkanka 4:9.
"Yapti pura baman swiaia apia sa tuktan nani landaukaia wark ka ba. Naha wark ka tara na lika walsut pahpahiara sa, tuktan nani ba Dawan lâ ka kat smalki, klaki, wipi pakaia, latwan laka marikan kaia diara sut taura." — El Hogar Cristiano, pág. 290.
b. ¿Qué influencia tendrá la religión verdadera casa ejercen sobre la sociedad? Deuteronomio 4:5-8.
—Mensajes Selectos, tomo 1, pág.462.
b. Nahki utla bila wina lantakisa wan tawankara help munaia? Kli smalkanka 4:5-8.
"Utla bila wina lantakan kaiasa wan tawankara help munaia dukiara. Tuktan nani ra Dawan latwanka tanka smalkisa kaka witin nani pawi tara takisa pyuara ridisa wan tawankara help munaia, aidaukanka nani sutba wapni, klin, latwan laka wal, kunin luha, yakan aiwina kat kaikras, sakuna aiwalkara help munaia ba wilinkira sa.
Baku tnatkara tuktan ba skul dimisa pyuara utla bilara lantakan ba ai auya tikras, rispik laka, diara sut taura brisa an bila walan laka ba ai sinska wina sakras." —— El Hogar Cristiano, pág. 287.
Praidi
Lih mairin kati 10
MAKABANKA LUAN NANI BA LAKI KAIKS
1. Nahki nitsa utla bilara lilia laka bara kaia?
2. Utla bilara wina nahki lan takaia sa prias watlara tabaikaia?
3. Dia pramis Dawan wankansa aisa, yapti nanira ailuhpiara smalkaia dukiara?
4. Nahki tuktan nanira Dawan sibrinka sipsa smalkaia?
5. Dia plamaika tara baku smalkaia sa wan luhpia nanira?.