Pas sabat kaliksan ka Biliz Kuntrika ra prias watla makaia

Biliz kuntrika lika central amerika lalma saitra barasa. Kuntrika yahpika lika 22.965 km2, kilomita skware sirpi lupia palisa, Salvador kuntrika ninkarasa , baku sin upla ailal sin apusa, sut bara 328.000 upla nahara iwsisa. Lalma sait lika aipiarkika brisa Michikan kuntrika wal; muna an waupasa sait lika Guatemala kuntrika wal, waupasa sait lika kabu tara ba barasa auya unku waia kaka lika 280 kilomita brisa. Naha Biliz ka sika patira wina Honduras Britanika makikan ba 1973 manka kat, kan naha sika ingles nani mihtara kan almuka pyuara. Sakuna prilaka yaban kan 21 Sikla kati 1981 mankara, sakuna ban naiwa kat Biliz lika Commonwealth suliarka bansa.

Naha paskanka raya takan daknika aiwark ka takrikan ba lika 1990 mankara, Handuras kuntrika wina famali kum Biliz ra bal takaskan, witin nani aiwark ka taka naiwa sol ailal pat Dawanra kakaira takansa, baku lika 1994 mankara aima pas tahbi takan laka daukan kata. Baku ban ban Handuras wina Baibil lan dadaukra kau blikan balan baha wal ridi takan kata Misan kum Biliz ra paskaia, baku sika 1998 mankara paskan an 2001 gabaminit mihta kulkanka yaban.

Pastaura lika yawan rent watla kumra prias daukikan sakuna wan kupia nanira selp wan priaska watla kum brih Dawanra mayuna watla briaia ba lapta kum baku wan amikan, bar aman nani helpkam wal yawan presantkam blikram ba wal sipkan prias watla makaia.

“Lahlikam, taimkam, an karnikam mankram nani sut Dawan mihtara mankram ba tnatka kum baku sa nahki kau Dawan sturka yamniba smalki kiama banira brihwan kaia.”—Los Hechos de los Apóstoles, págs. 58, 59.

man muihkam an lamkra nani Biliz wina.