Sandi
Li kati 16
1. JISAS PATRAN KA
a. Jisas dia daukan tasba aiska nitka tara ba dukiara? Roman 5:6-10; Jan 3:16. Nahki yawan sipsa baha patranka briaia? 1 Pita 2:21-23.
"Yawan nani sip pidan nani wal prauras kapras. Witin nani wina sip saitra takras. Witin nanira swaki sakaia sa kaka anira bara yabara waiasa…Pulpit wina baman lika smalki kaia apia, sakuna tnatka wala barasa witin nanira Dawan latwanka laka marikaia. Upla umpira watlara solka barasa Dawanra bribalaia, baku sin lahlakira nani watlara sin barasa, baku sin pulanka taski apu dauki nani pliskara sin yawan sipsa solka nani pliki waia." —El Deseado de Todas las Gentes, pág. 126.
"Nina bliks [Jisas nina] witin upla umpira nani an saura kira aikuki ai panika takikan. Winam kat dukiara lukpara sakuna walkam yamnika dukiara luks ai solka swaki sakaia."—Testimonios para la Iglesia, tomo 2, pág. 161.
b. Nahki wan daukanka wal saurkara bahwina nani ba sipkabia bribalia?. Hibru nani 5:2; 1Korint 13:4-8.
"Upla saurakira wal pana takaiaba saura apia sakuna man witin wina saurka dauki lika lan takras sakuna yabrika man daukankam yamniba witin lan takbia dukiara."—Ídem., tomo 4, pág. 580.
Mundi
Li kati 17
2. TASBARA KAIA, KUNA TASBA WINA LIKA APIA
a. Nahki Dawan wan wisa kristian ba idan nani wina saitra apia kabia dukiara? Jan 17:15-17; Sins laka 18:24.
"Aitani apiasa Dawan luhpia nani ba tasbara iwi nani aikuki sin daukanka tnatkara kumira wapaia, kritian kum ba idan kum wal sip marit takras."—The Review and Herald, 31 de julio de 1894.
"Kristian ba mita traikaiki saurakira bara bribal takaiasa, sakuna kristian ba saurakira tnatka saura ba sip witin lantakras. Jisas mihta ra minit kumi sin swipara saurakira alkaia plikisma pyuara, baku lika Spirit Holikira karnika maikbia, dia sturka aisaia sma ba, an nahki daukankam wal witin nanira smalkaia sma ba tanka. Ao, baha sat kristianka lika tasba dukia lalihkra apia kaia sa, an ainakra ba Jisas wina minit kumira sin sakras kaia sa."—Testimonios para la Iglesia, tomo 3, pág. 56.
b. Dia wan wiaia Jisas wantsa "tasba" wisa pyuara? 1Jan 5:19; 4:4-6.
"Dawan brinka apia yawan nani saurakira nani wina wihkara wabia kau holi takaia dukiara. Wan rayaka ba Jisas kata baku kaia sa, witin lika aipura sunaia îlra uli wikan sakuna kli bal iwikan upla saurakira nani tilara. Ya kristianka kum aipura sunaia baman plikisa kaka tisku pali mahka takasbia, kan pura sunra ba aunhka tiwbia. " —Idem.,4 de junio de 1895.
"Kristian kum saurakira nani wal prauras sa kaka, witin sip ainina kristian brikapras, kan sika kristian wisa tanka ba Jisas Kraist nina blablikra kumsa. Bara Baibil ra yawan nahki kaikisa Jisas rayaka tanka ba. Witin lika aiwarkka tara brikan ba sika upla saurakira swaki sakaia, baha dukiara ao, aipura sunra lika takaskras kan, tila aima manas yawan kaikisa îlra tihmia aiska aipurasuni lalawikan, sakuna baliwi kli upla nanira Dawan kingka laka sturka yamniba smalki kan."—El Camino a Cristo, pág. 101.
Tiusdi
Li kati 18
3. PANA AN KAKAIRA
a. Pana painkum ba walsut diara aisinska manki brikaia sa ki? 1 Samuel 18:1-3.
"Pana pain kum ba latwan laka brikaiasa an rispik wal sturi aisi lantakan kaiasa. Ya Jisasra latwan sa kaka saurakira nani dukiara Jisas bal pruan bara sin latwan kaia sa. Jisas brinka kau tara ba sika saurakira solka swaki sakaia."—Testimonios para la Iglesia, tomo 3, pág. 512.
"Yawan Jisas wal wanpanika sa kaka wan pana raya wala kum takbia bara sin marikaiasa witin wal sin aipanika takbia dukiara. Bara baku sika tawa tawa wan panika raya kata ba Jisas wal sin aipanika raith aihwa takisa yawan mita brisal Jisasra marikan taka ba mita.
"Sakuna kristian kum tasba panika nanira Jisas dukiara aisaras sa kaka baha wal wiaia wantsa witin lika raith aihwa Jisas wal aipana apia, pura taia baman kristian pulisa."—The Signs of the Times, 9 de enero de 1893.
b. Nahki Rut mita marikan Noemí wal aipanika takan Dawanra kakaira takan taka mita? Rut 1:16-18.
"Idan kum wal wan panika takisa pyuara, sinskira palikaiasa, minit kumira sin witin mita yarka wan tapaki ani anira wan brih waia lika apia, sakuna yawan mita traikaiki sakaia an yabal yamnira mankaia."
"Upla kum Dawanra kasak lukras nani aikuki aisaia ba sipsa trabil ailal mampara bribalaia. Baha mita kanra yamnisa upla kum saurakira kuna diran dauki baku nani ba wal aisaia. Upla sat wala barasa witin uba painsa aidara walisa nitapia lukisa kristian takaia, baha sat uplika wal aisaia ba kau yawan taim tikisa. Jisas ao, parisi tara kum Nicodemo wal aisan kuna witin mita lika pliki waras kan, nahara yawan lisin kum sipsa lantakaia, upla uba tara pulinani ba wanpliki balbia kaka sipsa wal aisaia Dawan tanka lalkat."—Testimonios para la Iglesia, tomo 3, pág. 51.
Winsdi
Li kati 19
4. KRISTIAN AI FAMALI AIKUKI
a. Aisas Jisas ai disaipilka aikuki famali kum watlara wanba sturka Jan 2:1,2,11.
"Galalira marit lilika kum bara kan. Witin nani lika Joseph an Mery wal famalika kan. Jisas witin nukan naha aslika takan kara upla tara manas barakai kan ba; bara witin aidisaipilka aikuki balan kan, naha maritka waikna na witin nutakan bara Jisas ra paiwanka kum daukan kan balbia dukiara, bara Jisas wasata."—Comentario Bíblico ASD [Comentarios de E. G. de White], tomo 5, pág. 1106.
b. Nahki yawan aman wandara wali kaiasa wan famali kau idan nani ba wal prawaia? 1 Korint 15:33.
"Yawan sip Dawan nina blikisa wisi sin taimka kau tasba nina bliki tauki kapras, wan famali idan nani aikuki sin yabalkara impakras, kau pali baha nani Dawan dukiara aisaram sin walan daukras naniba. Bansakuna wan ingnikaba yarka ingwi kabia baku witin nani kaikbia bankra Spirit Holikira winankara yukum sipsa balan kaia.
"Wan luhpia nani sin aman kaikaisa wan famali idan nani aikuki uba praubia apia, kan witin nani aidaukanka saura ba sipsa lantakaia. Naha tasba nina bliki uplika nani bila wisa: yukum kat daukma ba saura apia, waru kap sirpi kumi dima ba saura apia, dans yukum kat pulma ba saura apia, bara baku sika setan trampikara upla ailal kahwisa naiwa pyuara."—Testimonios para la Iglesia, tomo 5, págs. 512, 513.
"Kristian kum ba tasba daukanka nina bliki sip taukras aima kumira sin apia, saurakira swaki sakaia ba yawan wan warkka sa sakuna saurakira nani nina bliki yawan tiwaia lika apia." —Ídem., tomo 6, pág. 151.
"Aisa, yapti ailal ailuhpia nani aifamali idan nanira len munisa wisa kirhbanka kumra waia, apia pulanka kumra wapbia dukiara, baku kristian luhpia ailal tasba saurka nina bliki ai rayaka tiwaiara auya sa."—Conducción del Niño, pág. 270.
Tausdi
Li kati 20
5. PLAPI PULANKA
a. Nahki Jisas patran wankan kristian nani sin resbriaia nitsa an plapi pulaia? Mark 6:30-32.
"Dawan wan wisa tasba witin paskan bara yawan tawi kaikbia. Waikna paskan dukia nani ba minit kum swisi Dawan paskan dukia nani bara kaikbia wantsa." —Hijos e Hijas de Dios, pág. 112.
"Plapi pulanka naniba wan wina tara mapara help wankisa, baha mita aitanisa utla bila wina rial atara taki plapi taukaia yu banira awar bakriki baku. Naku daukisma kaka man diara lustiwras sakunas winam tarara help munisma kau siknis apu iwaia."—Testimonios para la Iglesia, tomo 1, págs. 450, 451.
b. Pulanka sutra dia pali wan auya tikaia apia sa? Pilipai 4:8. Kristian baku pulaia pliska sutra lika sip waras kaia sa?
"Kristian kasak kum ba sip witin lilia briaia pliska, taski nanira sip dimbia apia, lilka saura saki pliska nanira, baku sin waru di bla takaia pliska nanira sin apia, kan bahara Dawan mawan ingnika an blisingka sin apusa bamna."—Mensajes para los Jóvenes, pág. 396.
"Lilia briaia pliska sat wala sin barasa upla nanira mayunra yabi pliska baku, apia kaka plun ailal piaia an tasba dukia nani wentakaia satka nani ba sin saura sa kan bahara setan spiritka tabrisa." —El Hogar Cristiano, pág. 468.
Praidi
Li kati 21
MAKABANKA LUAN NANI BA LAKI KAIKS
1. Nahki Dawan wan marikan latwan laka plamaika ba tanka?
2. Wan nakra ba Jisasra kaikisa pyuara nahki sipsa saurkara kahwaia apia?
3. Upla idan nani wal pana takisa pyuara nahki sinskira kaia sa?
4. Famali asla takanka kum ra auya bara nahki blismuna sipsa?
5. Dia sat pliska saura nanira sip kristian kum ba waras kaia sa?