Sandi
Li kati 2
1. DAUKAN KA PAIN AN SAURA
a. Dia pali ba aisa, yapti nani nitsa utla bila laka brihwakaia dukiara? Matyu 18:19.
"Aisa ba plikaiasa utla bila aslika laka. Baku sin yaka tuktan nani mita aibila walbia, karna an taibi muni wal lika apia sakuna latwan laka wal. Ban sakuna yapti kum kum barasa aisa dia aisisa pyuara witin diara wala aisisa, wal aikupia kumi apia, baha sat watla bilara tarbaiwan barasa, rispik laka apu. Dawan brinka kau tara ba sika aisa, yapti wal asla lakara wark takbia ai luhpia nanira patran yamni yabaia dukiara."—The Review and Herald, 13 de marzo de 1894.
"Wan skulka watla taura aimaki naniba wark tara aipahpaiara brisa: wahma, tiara nani skul dimi naniba aikuki adarkat an lâ kat brih impakaia. Serts memberka nani naha lainkara tukbi brihwaia sa. Ani wahmika ar tiarika kum skul watla lâ ka kat wapaia brin daukras sa kaka, aisika nani witinra tabaikaia apiasa, kan utla bila an skul watla wal asla wark takaiasa tuktan an wahma nani ai daukanka yamnira brih impakaia dukiara."—Testimonios para la Iglesia, tomo 7, pág. 177.
Mundi
Li kati 3
2. TUKTAN NANI WAPNIRA MANKAIA BA
a. Dia daukaia yawan nitsa wan luhpia nanira wapnira mankaia dukiara? Sins laka 19:18
"Aisa, yapti wal dia warkam maikanba daukram kaka luhpiam naniba Dawanra bribal makas witin aihelpka. Bara aisa, yapti daukaia dukia sipapia ba Dawan daukan kabia. Dawan Spiritka Holikira mita tuktan kupia naniba swapni daukan kabia aisa, yapti bila walaia bara diara yamni nani lantakbia. Nubas aisa, yapti tuktan ba klakaia baman lika apia sakuna tanka kat klala yabaia, bila lulkan taka mita."—The Review and Herald, 19 de septiembre de 1854.
b. Nahki aisa nani mistikka mita luhpa manas kau bila walras takisa kristian watla bilara? 2 Timuti 3:2
"Naiwa las pyua sainka kumba sika tuktan nani aisa, yapti bila walras ba. Aisa, yapti nani ba nusaki aiwarkka ba? Tuktan an wahma, tiara ailal ba naiwa witin nani dia wantba kat taukisa, aisa, yapti bila walras. Yukum kat uba aisa, yapti kupia baiwisa pyuara alki tuktikara kasak pali rausauhkisa, baku tnatkara kainara kata wal kau saura daukisa…
Ao, aisa, yapti wal tuktan ba kau witin nani sirpisa pyuara kau yamnisa yabal kasakra mankaia, sakuna pat pawi tara takisa pyuara kau witin nani saurkara tniwisa. Sakuna aima bani latwan laka wal praut apukira tanka kat smalki yabalra mankaiasa."—Ídem.
c. Tuktan nani ba pawi tara takan bara aisa, yapti nani ba nahki utla lâ kaba tnatka wala kum daukaia sa ki? 1 Korint 13:11.
"Aman pali kaikibas tuktikam nanira uba taibi an karna muni kapara, sakuna latwan laka wal witin nani ai swakwanka dukiara sipsma klala yabaia, an mariks dia yamni daukaia ba, bila kaikpara isti pali witin nani kasak takbia sakuna tawa tawa sipsa aitanka brih waia."—El Hogar Cristiano, pág. 175.
Tiusdi
Li kati 4
3. WAN DAUKANKA YAMNI AN LATWAN LAKA WAL
a. Wan luhpia nanira lâ tanka smalkaisa bara nahki ailamara ailamara balaiasa ki? Matyu 18:3
"Yapti nani, wamtla bilara wark apusa ki? Man nani sipsma makabi walaia nahki sipsa wan watla bila ba wapni mankaia: Saurka utla bilara ba nahki sipsa pura luwaia? Naha wark kana nahki takrikaia? Sins laka nitsma kaka Dawanra makas bara maikan kabia; Witin sika mana luha wankaia pramis daukansa. Puram suns aima ailal kasak luki Dawan aikarnika maikbia dukiara. Trabil sutra sin stailka yawan sip pura luras. Wan sinska holilakara brih impakaia ba naiwa nitpalisa. Ban uba isti taukpara an ban luhpiam nanira rausauhkpara. Baku daukma kaka kau saura takbia. Bara witin nani Dawanra bribalaia watlikara kauni setanra sipsma yabaia. Luhpiam nanira aiwina smalks nahki aiwina tara wakaia ba dukiara, kuna kaina manas aisa, yapti wal aidaukanka wal marikan kaia sa aibila wal baman lika apia."—An Appeal to Mothers, págs. 20, 21.
Aisa, yapti ailal tuktan ba swin pat uba tara takanra trai kaikisa utla lâka smalkaia, bara baku lika tuktan ba wal pat ailal brisa kan kau sirpira kan pyuara smalkras kan taka ba mita.
Tuktan ba kau witin sirpi lupiasa pyua wina yapti nani lan daukan kaiasa bila wali lantakaia lisinka ba, diara sut tuktan makabiaba au wiaia apia, an tuktan inisa pyuara latwan kum briras ban wina inisa kaka swiaia inisi yakan aibila prakbia, kan witin praut laka lan takisa.
Baku sin minit kumira sin aisa, yapti walra tuktan mita rispikka tikaia apia, tuktan ba uba latwan wisi klala yabras ban swisa pyuara witinra sauhkisa, kan yuwala sin dukia saura daukata ba kli daukisa naha lainkara yapti kau wark tara brisa aisa ba wal. " —Conducción del Niño, págs. 76, 77.
b. Dawan latwanka karnika yawan brisa pyuara, nahki wan luhpia nanira marikan kaiasa? 1 Korint 13:7,8; Roman 15:1.
Winsdi
Li kati 5
4. WAB WATKA BILARA PANA PANA LATWAN KAIA
a. Wan watla bilara kupia kumi iwaia ba dia nitsa? Pilipai 2:2.
"Aisa, yapti nani ba ailuhpia nani wal aipanika baku kaiasa, sturi swapni, sins laka kat an latwan laka wal aisikaia sa. Luhpiam nani bara yas aidara walbia witin nanira latwan sma ba tanka an pyua bani aipainka dukiara lukisma ba. Dia ainitka briba sipsma pyuara apia wiras kira yabi bas Dawanra mayuna dukia sa kaka."—El Hogar Cristiano, pág. 176.
"Kaikrika tuktan ba pulaia dukia kum latwan briaia sipsa kaka karna muni mihta wina dakpara sakuna pulaia wala kum yas bara witin briba maikbia wis, baku witin kau aitanka brikabia."—The Signs of the Times, 30 de abril de 1894.
"Tuktan ba sirpi wina lan dauks lilia kaia an bila wawalra kaia. Baku sin landauks aiwalkara helpmunaia, wis kumi banira yawan bakahnu sin warkka tilara ba tanka. Yarka tuktan naniba bahkira man kabiara, wark sirpi utlara ba yas daukbia, baku sin sipsma aimihta wal dauki lantakaia dukia satka nani yabrika dauki kaia, minit kumira sin swirka witin nani tilivisan kaikbiara, apia lawana bahki nani wali kabiara." —Sermons and Talks, tomo 1, págs. 325, 326.
b. Utla bilara nahki yawan sipsa wan latwanka marikaia pana pana? Epesus 4:32; Jemes 3:17.
"Utla bila kum kum nanira pana pana latwan kaikras, upla bani ba yakan aiwina kat baman lukisa, sakuna kristian watla bilara lika lan daukan kaiasa tuktan nanira dialupia kum bribia pyuara aimuihni wala lupia wal dakbi pispis piaia. Aisa, yapti nani wal naha tanka na pain pali nukaiasa bara aidaukanka wal marikan kaiasa ai luhpia nanira.
Rispik laka wal sturi aisaia ba lankaia sa bawan laka wal, sturi taski kumi sin wan bila wina bahkira aisaia apiasa, kan Dawan an ensal nani walisa pyuara sari takisa." —El Hogar Cristiano, pág. 177.
Tausdi
Li kati 6
5. SPIRIT HOLIKRA BA YAKA WAN WAKAIA
a. Nahki aisa, yapti ba Jisas wina lantakan kaiasa bawan laka? Mayu 11:28-30.
"Utla bilara, aisa, yapti wan diara sut daukiba, aisiba sin satka ailuhpia nani lantakisa bara bansa kaka aisa, yapti aman pali damra walibas nahki sturi aisaisma ba an dia daukaisma ba. Baman sin apia papa, mama wal nahki latwansma ba sin tuktan nani ba mai kaikisa an sin satka witin nani lan takisa ai muihni nani wal iwaia. Ani watla bilara Jisas Spiritka bar asa kaka wapni, klin an rispik laka kat wapan kabia."—The Review and Herald, 13 de marzo de 1894.
b. Aisa, yapti wal brinka ba dia kaiasa ai luhpia nani wal? 2 Jan 4-6
"Yu bani aisa, yapti wal rayakamra mariks Jisas manra iwiba tanka bara ailatwanka mita rayakamra satwala maidaukan karnika ba. Baku lika luhpiam nani aikuki titanra, an tutnira wamtla bilara lulam kriki puram sunisma an Dawan bila aisi kaikisma pyuara, Dawan Spiritka karnika ba param kaikma nahki tuktan nani kupia ba swapni daukbia bilam walaia an yabal yamnira wapaia.
Ba sat watla bilara sika heven sirpi lupia kum baku lilia laka, kupia kumi laka bara kabia. Pana pana aitanka brikabia, an diakra swapnika bara kabiakra padin munaia lan yakawi kabia."—Ídem.
Praidi
Li kati 7
MAKABANKA LUAN NANI BA LAKI KAIKS
1. Wan tawanka bilara kristian watla karnika ba nahki kaikbia?
2. Kristian watla bila kum ba nahki iwi kaia sa?
3. Kristian watla kasak ba nahki sipsa upla walara Jisas sturka wiaia?
4. Dawan Spiritka utla bila waki ba nahki sipsa kaikaia?
5. Wan wark ka yamni ba nahki mana wankan kabia?