Sandi
Lih wainhka kati 7
1. MARIT LAKA TÂ KRIKAN BA
a. ¿Dawan mita waikna an mairin wal marit sakan taim día laka bapan? Blasi sturka 2:24
"Adam an Ev wal marit sakan pyuara mihta walra alki muni naku aisan: waikna ba ai aisa an ai yaptika swibia, an ai maia wal asla takbia, wina kumi baku, naha sika marit laka Adam kiamka nani sut dukiara aisan tnata pyua kat. Dawan Aisa ba witin yamni kaikan naha blisinka tara na uplara yabaia paubia dukiara." —El Discurso Maestro de Jesucristo, pág. 57.
b. ¿Día mita marit laka ba Dawan mankan? Blasi sturka 2:18; 1:26-28; 1 Korint 7:2
"Naha tasbara Dawan mita pas marit daukan Adam an Ev wal ra . baku bara witin mita sika naha laka na paskan. "Marit laka ba kulkanka tara sa." (Hibru nanira. 13: 4.) Dawan mita waiknara prisant kau pain yan ba, Adam saurkara kauhwan ninkara sin ban naha laka brikan. Utla bilara kulkanka yabikaia baku sin lilia an klin lakara pawaia dukiara marit laka ba nitpali sa wan sinska, spiritka, an wan wina tara aiska yamnika dukiara." — Patriarcas y Profetas pág. 27.
Mundi
Lih wainhka kati 8
2. WAN MAIA KUM WAHBI BRIAIA BA
a. ¿Dia patranka Ebraham wankan Aisak maia wahban ba wal? Blasi sturka 24:1-4,67
"¡Aisak daukanka ba wihki naiwa wahmika nani daukanka wal nahki sat wala sa, kristian nani tila kat sin! Naiwa wahmika nani lukisa aimaia wahbi briaia ba witin yakan sipsa pliki briaia, naha dukiara Dawanra an tasba aisika nanira sin makabi walras. Witin nani naku wisa yang pat waikna aitani takri sipsna yakan mai kum wahbi briaia. Sakuna mani wal ar yumhpa luanra aidara walisa witin mistik takan ba tanka; kuna uba letra aidara walan bara nanara diara tahpla ba kaikisa, utla bilara lilia laka apu unsaban baman sa pyua banira."— Patriarcas y Profetas, pág.173
b. ¿Ani uplika mistik takan ai maia wahbi briaia ra.? Luk 17:32; Blasi sturka 26:34,35; 27:46; Job 2:9,10; Wihta nani 14:1-3
c. ¿Lat dia trabilka brin ai maia sauhra wahbi brin ba mita? ; Blasi sturka 13:1-11
"Lat maia lika diara laikkira kan an kristian apia kan, witin mita tuskan Lat ba Ebraham wina dakwi takbia dukiara, an baha wina Latra maisakapan Sadam tasbaiara wabia dukiara, sakuna Ebraham día winkan ba Lat walras kan. Baku sin naha mairka Sadam tawankara pana manas brin aidul uplika nani aikuki miks takan, Dawanra sibrin briras uplika nani aikuki asla takan, yabal wahra ra wataukan Setan sertska tilara diman, Dawan mapara buan an tasba kukankara kau tara kulkan wihki Dawan bila walaia ba wal. Naha trabilka tara na wal Lat kupia kriwan pali takan sap laka aikupiara apukan sari ni aibahwan kan, pri laka apukan aiwatla bilara an ai kiamka nani sut tilara Dawan sibrinka apu kan. Sut trabilka tâ krikan ba Lat mairin saura kum wahbi brinba taka."— Patriarcas y Profetas, pág.172
Tiusdi
Lih wainhka kati 9
3. MARIT LAKA KULKAN KA BA
a. ¿Marit laka kum pain pawaiasa kaka dia ba nitsa? 1 Korint 7:33,34
"Kau marit takras kainara waiknika ar mairka daukanka ba aman pali laki kaikan kaia sa, kan marit laka ba lika wan rayaka aiska dukiasa bamna. Waiknika ar mairka wapanka, daukanka, iwanka sut ba kaikaia sa, ban uba isti wal lika apia, an mawan painka ar pura tani pranara baman kaikaia apia sa. "— El Hogar Cristiano, pág. 309
b. ¿Nahki asla lakara iwaiasa marit waikna an mairin wal ba? Mark 10:8,9; Hibru nanira 13:4
"Dawan waikna tnaya mina kum saki wal mairin ba paskan, witin ai helpka kabia dukiara, witin wal yu bani iwi kabia, an diara sutra wal aisi kabia, lilia kabia an blisin kum kabia dukiara. Marit taki naha tanka na kasak brisa kaka kupia klin, holi an kasak kulkan ka yabisa ai maiara, praut apukira, pana pana ai tâ baikisa ai swapnika nani tilara, an maihsanihkra kum painkira sa kum trabil brisa ar siknis sa pyuara." — El Hogar Cristiano, pág. 84
"Wahma an tiara nani sinskara lika wan wina brinkara baman tniwisa ai lukanka marit laka tanka tihuka ba kaikras, an nahki wihrika aipura ra bara ba aitanka briras, pulanka kum baku kaikisa, baku lika marit takan wina wihka sin waras kan pan wal swisa." — El Hogar Cristiano, pág. 309
c. ¿Marit laka ra iwaia ba: an waikna an mairin kaia sa Baibil aisi ba kat wabia kaka? Matyu 19:4-6 ¿Ya waiknika pas mairin wal brin? Blasi sturka 4:18,19
"Pas tâ palira Dawan mita Adam ra aimaia kumi yaban, baku lika adarkat iwi kabia dukiara. Marit kum bilara mairin ailal kaia apiasa. Lamek mita marit laka krikan mairin wal brin taka, baku lika unsaban ailal aiwatla bilara kan".—Spiritual Gifts, vol. 3, p. 99.
Winsdi
Lih wainhka kati 10
4. WAIKNA AIMAIA WAL SWIBA DAWAN WINA APIA
a. ¿Dia mita Moses wan maia wal swiaia laka ba mankan? Matyu 19:7,8
"Jisas naha tasbara balan ba diara mistik ailal Ju nani dauki kanba wapni mankaia, baku lika waikna ba Dawan laka bila wali lan takbia dukiara. Ju tâ uplika nani diara ailal aitani apia kan dauki kan marit laka tanira. Baku lika marit laka kata sauhki tiki auya kan, waikna nani ba diara bahki tawan aimaia wal swikan, apia kanbi kan… Jisas balan ban aha sat mistik ka nani wapni daukaia, an marit lakara kulkanka yabaia dukiara, baku sika marit lilika kumra Jisas lî ba wain daukan kata."— El Hogar Cristiano, pág. 310
b. ¿Dia trabilka taka baman sipsa waikna ba aimaia wal swiaia? Matyu 5:32;19:9
c. ¿Nahki tnatkara Baibil mita upla aimaia wal swin ba raitka klakisa? Mark 10:11,12; Luk 16:18; Roman 7:1-3; 1Korint 7:10,11,39
"Naiwa yawan wan pyuara sin Jisas tasbara tauki kata pyua nanira baku, wan tasba sturkana sari palisa, Dawan brinka ba utla bilara lilia kabia dakwi takan apu kabia, pana pana aitanka kasak brikabia, sakuna sturi yamni tanka brisuya taim wan watla bila kriwan nani ba sin sipsa kli asla takaia an lilia laka sakaia. Kan wan kupia bapi takaskaia laka bila swapni aisi lan takaia nani ba lika Dawan Spiritka Holikira baman sipsa lan wandaukaia.
Ya uplika kupiara Jisas iwisa pyuara latwan laka barasa padin munanka, lilia laka kupia kumi daukaia plikisa nahki trabil man kabia tilara, bankra kainara praut laka uba brikan taka mita aimaia wal dakwi takan, sakuna nanara aitanka brin taim, kli wal pana takan ai mistik ka nani kaikan. " — El Discurso Maestro de Jesucristo, pág. 58..
Tausdi
Lih wainhka kati 11
5. WAN IWANKA KUM KASAK
a. ¿Maia waikna bara mairin ba nahki kaia sa kasak iwaia dukiara? Epesus 5:21; 1 Pita 5:5; 1 Korint 12:25
"Naha asla takankana lika wan rayaka aiska dukia sa, kumi bani traikaiks walkam ba lilia kabia. Naku sika Dawan want yaba man nani iwi kama. Ao, man nani kumi takram sa sakuna diara manas ra nit palisa kumi ai walkara kulkanka yabi lan takaia. Jisas ra kaiki ban bas, kau witin wina lan taki kaps selp aiwina brinka plikras kan ba. Witin ai latwanka laka kau lan takisma pyuara sip kama walkam ra yabrika lilia takaia. "— Testimonio para la Iglesia, tomo 7, pág. 48.
b. ¿Dia pali ba nitsa marit watla bilara pawanka bara kabia? Jan 15:5
"Dawan tingki ka laka utla bilara sa pyuara sipsa baha watla bilara yaka pawaia, an blisin kum kaia luhpia nanira. An tasbara saurkara kauhan ba wina bukaia, pri laka kupia kumi laka bara kaia, misbara, tuman, gridi laka nani ba sut apusa, kuna latwan laka baman ni aibahwansa sin heven sirpi lupia kum baku.
Naku sika Dawan brinka paliba yawan wan watla bilara kabia, naha tasba wina pat lan taki kabia nahki naika hevenra yawan iwan kabia ba. "— El Discurso Maestro de Jesucristo, Pág. 58
Praidi
Lih wainhka kati 12
MAKABANKA LUAN NANI BA LAKI KAIKS
1. ¿Dia plamaika tara wal Dawan mita Iden giadinkara mankan?
2. ¿Nahki wihkikara Ebraham ba Aisak maia pliki blikan ?
3. ¿Maia waikna an mairin ba nahki kumi walkara kulki kaiasa ki?
4. ¿Jisas mita nahki tara kulkanka yaban marit laka ba?
5. ¿Nahki maia waikna an mairin ba holi lakara iwi kaia sa ki ?