Prias watla kum makaia Puni, India kuntri kara

India kuntrika lika pri gabamintka bara sa, bahara upla 1200 millian barasa serts satka ailal sin barasa naha nani: hindu nani, islam nani, budismo nani, sijismo nani, zoroastrismo nani, an Kristian nani sin baku.

Naha kli rayatakaia aslika balan wina pat 50 mani luwi auya, bara pat pawanka ailal brinsa lalma an muna tani, sakuna kau tawan sirpi ailalra dimiwaia nitsa baku naha kuntri tara na aiskara Dawan bila ba yaka dimi wan kaia.

Nahara Dawan bila brihwaia ba trabil manas barasa rausauhkanka tilak sin wark taki lankaiasa. “pyua luan nanira wan kupia krawisa nahki Dawan bila tawan wan muihni nanira panis munan rausauhkan an baha tilak swapras kira minit kumira sin aininara tauras gaspel sturka yamniba brihwikan. Naiwa Dawan invait wan munisa ai naslara bal wark takbia dukiara.

Ao, naiwa yawan wan pyuara isi lika apiasa umpira laka ba naha tasba aiskara aibahwansa plun wahwan, an trabil satka ailal yawan brisa sakuna baha tilak sturi yamni ba brihwaia sa kiama banira yaka walan kaia Jisas latwanka sturka ba.—Testimonios para la Iglesia, tomo 9, págs. 81–83.

Puni lika tawan tara kumsa Maharashtra kuntri baikisakan bilara handat kilomita baku brisa Mumbai tawanka wina India kuntrika bilara. Puni paskan ba lika 847 manira Jisas balanba ninkara. Naiwa naha tawanka lika tara pawansa. Hinduismo nani lika upla ailal brisa 1100 milian upla baku, baha tilara Kristian daknika lika 2% baman sa. Nanara awarka balansa naha kuntrika tara bilara Dawan watla kum makan kaia man nani helpkam wal.

Muihkam an lamkra nani Puni, India kuntrika wina mai ulbisa