Sandi
Li kati 23
1. YAWAN SELP TRABIL PASKISA
a. Nahki Dawan sins laka wankisa utla bilara unsaban ra kahwaia apia dukiara? Sins laka 17:1; 21:9.
"Utla bila kum, kum ra mapa aisanka an blahwanka mita yaban asla iwaiara sauhkisa; yawan sturi aisi bani wihrika ba laki kaikaiasa nahki wan walkara sauhkisa sapa, apia paskisa sapa. Naha mita yaban prilaka iwaia tnatka katara sauhkisa. Baha mita diara kum bankra mistik talia namkrara kaikisma kaka tanka kat makabi walaia, sakuna praut laka apu kaia, apia man kau nusma sin pulpara. Baku sin wan muihni tilakat aima manas kikan sturka aisaia laiksa an baha tilara kunin sin aisisa an yaban upla wala kupia baiwisa.—The Health Reformer, 1 de febrero de 1874.
b. Nahki apastil Pita lakunra trabil mita pura luan kan? Matyu 14:26-31.
"Trabil nani wan purara aula bara, aima manas apastil Pita kata baku, wan nakra Jisas wina saki trabilkara kaikisa bara mahka rumhwisa, yawan sipkan pura luwaia sakuna swin nanara trabilba mita wan pura luisa."—El Deseado de Todas las Gentes, pág. 345.
Mundi
Li kati 24
2. NIT PYUARA WAN HELPKARA SA
a. Nahki lika yawan sipsa kaikaia Dawan mihta wan trabilka nani tilara? Mark 9:23; Matyu 8:26.
"Diara sutba sipsa ya kasak luki nanira; an dia yawan wan pura sunira makabi ba kasak lukisa kaka sipsa briaia. Kasak lukan laka ba klaut siksa purak luwi hevenra uli wisa, an Dawan trunka wina ingnika blikan balisa wan ta baikaia wan trabilka nani tilara. Sakuna naha sat kasak ka lukan apusa pyuara sibrin tatatwi an namhpa namhpara lukisa. Dawan tukin tara sipsa daukaia yawan witinra wan kasakka lukan mankbia kaka."—Testimonios para la Iglesia, tomo 2, pág. 127.
b. Dia taka mita baman Dawan wan pura sunra ba walras kabia? Lawana nani 66:18; Aiseya 59:1,2.
c. Nahki aima manas yawan selp trabil pliki sakisa? Jemes 3:1-6
"Upla kum aikarma kakalkra an aiwalka mawanra takaskras kira baha man aisisma ba baku apia wi uplika ba sip pana pain kum bribia apia. Aima manas wan kupia wal aisanka, an yu bani trabil nani briba wal wan lal krikisa, bara aima manas sturi aisaia ba sin pain luki kaikras ban uba isti aisisa.
Utla bilara asla lakara iwaia tnatka ba sipsa sauhkaia, sturi uba isti pain luki kaikras aisiba wal, an praut laka karna munanka an insauhkan ka barasa pyuara. ¡kau kanra yamnisa wan bila prakaia! Sturi kum kikanka sirpi wal aisaia swapni, bawan laka wal baha lika kau pain an karnika manas brisa utla bilara prilaka iwaia plikaia tnatkara. Yawan wan twisa ba lan daukaia sturi yamni tanka kat baman aisikaia. Kan sturi tahpla, an wahra nani taka mita trabil ailal utla bilara bribalisa, baha sutba sipkan pura luan kaia bawan laka wal sturi aisan kan kata. Upla manas sturi kum aisan ninkara wisa padin aimuns yang aihka baku sna aisanki saura sa. Sakuna pat ai walkara ai aisanka tnatka wal insauhkan an baha kli rawaia isi apiasa.—Ídem., tomo 4, págs. 341, 342.
Tiusdi
Li kati 25
3. NIT PYUARA WAN HELPKARA SA (sin taka)
a. Aisa prautkira nani ba dia aikupia krauki kaiasa trabil pyuara? Lawana nani 28:1,2; 27:14.
"Aisa, yapti lawi dadaukra an prautkira nani ba ailuhpia nanira saura landaukisa, naika pali naha tuktika nani pawi tara takbia pyuara sin baku ar kau saura kabia. Tuktan naniba ai aisa, yapti nanira kaiki wina sika lantakisa, bara baku wal dia satka ba kat witin nani sin daukisa. Aisa, yapti wal ai twisa an aisinska wal yaka diara kasak tanka kat aisi lan takan kaia sa."—Conducción del Niño, pág. 455.
"Naha tasbara panis ailal yawan brisa. Yawan hevenra wapina pyuara wan yabalkara trabil, traika kaikan an sarilaka sin wan bahwansa. Sakuna upla manas selp yakan baha trabilka nani purara kau trabil wala bribalsa bara wihrikaba kau wan taibisa. Baha nanira brin aidaukisa wiaia, man nani sipsma lukankam naniba sat wala takaia baku lika lilia laka sakma.
Ao, naha tasbara sari, trabil sin ailalsa, kuna bahara sinskam manki bripara. Tangni prana painkira lupia nani bara minit kum pan kaiks, slilma nani nahki ingni prana bara ria lamla buki kaiks, baku lika sarkam nani ba yas luwi wabia, kan wan trabilka nanina bankaia kabia apia tisku luwiwaisa."—El Ministerio de Curación, pág. 191.
b. Dia Dawan pramis munansa ailuhpia bila wawalra nanira trabilra sa pyuara? Lawana nani 34:17; 147:19; 1Pita 5:7
"Heven ra waia yabalka ba ao, trabil ailal sa pat Jisas wan win yabal sirpi, kiaia an walpa wan minara prukaia ailal barasa, sakuna baha yabalkara yawan yakan apia Jisas latwakira wan mihtara alkisa, wan inanka sin walisa, wan swapnika sin witin kakaira sa. Ban wan swika prubia apia tisku pali baha sut wina priwan sakbia, an heven prana painkira ra wan brihwan kabia. Baku sa kaka muihki an laikra ban uba brukwi kapara, sakuna trabil tilara liliam bas."—Ídem., pág. 192.
Winsdi
Li kati 26
4. UTLA BILARA LILIA KAIA BA
a. Jisas wina dia patranka lan takbia kaka utla bilara trabil ailalra kauhbia apia? Matyu 20:25-28.
"Yawan lilia kaia kaka plikaiasa nahki muni baha lilika alkaia, Jisas sika wan patranka nahki witin airayakara dauki wanmarikan ba baku yawan sin daukaia sa. Jisas aisan witin balan ba wark dadaukra kum baku balan kuna lalka kum baku lika apia. Naha wina sika yawan lisin tara lan takaiasa. Aima walara Jisas aisan yan patiba sika Aisiki aiblikan ba wark ka daukaia."—Testimonios para la Iglesia, tomo 4, pág. 224.
b. Nahki utla bilara lilia laka yaka ban bara kabia, an dia daukaia paubia dukiara? Lawana nani 37:16; 1 Timuti 6:6-8.
"Kristian ailal uba tasba dukia nanira lihkisa, naha tasbara idan nani iwiba stailka nina blikisa, baku lika ai nina lika kristian wisa sakuna ainakra lika tasbara kaikisa. Baha sat kristian kaba Dawan nina kau sauhkisa kan idan nanira patran saura marikisa. Ai watla bila palira lika aisinska mankras bara ai luhpia naniba swin dia wantba daukisa."—My Life Today, pág. 169.
"Wan watla ba umpira kabiakra klin an adarkat brikaia sa. Kan nahki sat mana watla kabia sin sip lilia maikbia apia Dawan Spiritka apusa kaka, an utla bilara suliar nani ba selp aiwina kat kaikisa kaka."—El Hogar Cristiano, pág. 138.
c. Dia pramiska wankansa utla bilara kunin munan laka apu kaia ba dukiara? Lawana nani 101:2.
"Utla bila kum rait aihwa pali kupia kumi iwiba prana painkira palisa, bahara upla aikarma kalki sturi aisaras. Upla sutba saplaka wal an latwankira sturi aisisa. Baha sat watla bilara sika ensal nani an Jisas mawan ingnika sin barasa. Aisa, yapti wal mihtarasa aiwatla bila ba yaka heven sirpi lupia kum baku kaia naha tasbara."—The Health Reformer, 1 de febrero de 1874.
Tausdi
Li kati 27
5. UTLA BILA AN KUPIA NANI RAKAIA
a. Dia Dawan wankansa wan nitka nani sut dukiara? Oseas 6:1,2; Malakai 4:2.
"Wan auyatikaia apia sa nahki Jisas pali witin traika kaikan brin sakuna pura luan, baku sin witin wan ta baikaia wantsa yawan witinra plikisa pyuara."—Spalding and Magan Collection, pág. 292.
"Traika kaikan sutra Jisasra plikbia kaka witin wilinsa helpwan munaia. An baman sin apia sakuna wan nakra kwakbia an sins laka wankbia insauhkan ka nani wina nahki rawaia. Spirit Holikira ba wan tabribia Dawan blisingka nahki yusmunaia dukiara setan puisinka mapara."—El Ministerio de Curación, págs. 191, 192.
b. Kau Dawan wan trabilka nanira help wanmunras kainara yawan dia daukaia sa? Aiseya 27:5 Sturka nani 5:31; Lawana nani 103:3.
"Yawan lukaia apiasa naikara wan purara kau trabil balbia bara yawan sip bapi buras kabia, baha sat lukanka lika setan wina bribalsa, wan kasakka laka Jisasra briba krikaia traikaikisa. Dawan mihtara yawan aimakan nani ba witin main wan kaikisa nahki sat trabil man kabiara. Minit kumira sin ban wanswika setan mita rauwansauhkbia apia, ban sa kaka muihki, laikra yarka kupiam nani bas ban drinh swapbiara Jisas pramiskara sinskam manki bribas pyua banira."—Ídem., pág. 192.
Praidi
Li kati 28
MAKABANKA LUAN NANI BA LAKI KAIKS
1. Wan kupia baiwanka alki takaskras ba wal dia takisa?
2. Nahki upla kum sipsa trabil purara kau trabil wala bribala?
3. Dia muni upla ba sibrin an namhpa namhpa lukisa?
4. Jisas daukanka wina dia yawan lan takaia sipsa?
5. Trabil nani naika balaiba mapara yawan nahki bapi buan kaia sipsa.