Sandi
Lih wainhka kati 14
1. UTLA BILARA PAWAIA SIKRIT KA
a. ¿Nahki utla bilara maia waikna an mairin ba pana pana help munaia sa Jisas ra kakaira takaia? Galisan 6:2
"¿Nahki Dawan wantsa kaikaia utla bilara marit waikna an mairin walsut Jisas tanka tihuka briaia dukiara Spirit Holikira helpka makabia?" —El Hogar Cristiano, pág.99.
b. ¿Marit watla bila kum paubia dukiara dia daukaia sipsa? Kolosi 3:12-15.
"Utla bilara maia mairinra sauhkaia ba upla wala kumi sin sip apiasa sakuna maia waikna baman; baku sin upla wala kumi sin sip apiasa maia waiknara sauhkaia kuna maia mairin lika sipsa, an yaka aikarnika sut kriwan takaia." — Ibid., pág 34
"Nanara marit takram nara wark ailal brisma daukaia kumi an walkam painka dukiara, kau marit takras kainara lika baku pali daukras kapram. "Dawan mita bak wahbi maisakan baku kwala baku dims holi lakaba, latwankam mariks pana pana, bawikira, an wihka bila kaikanka sin bribas, padin laka pali ba diara sut taura maribas. " — Testimonio para la Iglesia, tomo 7, pág. 48.
Mundi
Lih wainhka kati 15
2. MARIT WAIKNA, MARIT MAIRIN WAL IWANKA BA
a. ¿Marit waikna bara mairin ba nahki wataukaia sa utla bilara an latara? 1 Pita 3:1-4
"Dawan brinka pali ba sika wan watla bila ba patran kum baku kabia heven famalika kum baku."—El Hogar Cristiano, pág.13.
"Utla bilara wihka bila kaikan laka ba manas pali bara kaia sa. Kupia pihni, an ban bapi buwikaia sa latwan laka wal, trabil tilara, hevenra waia ridi taki daknika baku." —Idem, pág.91
b. ¿Wan maritka wal iwi bara dia pali ba lan takaia sa? Galisan 5:13-16
"Marit waikna an mairin ba asla pali kaia sa. Ai pramiska daukan ba minit kumira sin aikupia wina sakaia apia sa. Ai maia mistik ka nani dukiara upla walara aisaia apia sa, sakuna Dawanra baman lika wan pura suni karnika makabaia sa wan swapnika nani pura luaia dukiara. Bawan laka ba ailal pali brikaia sa wan watla bilara."— Heavenly Places, p. 203.
c. ¿Marit waikna an mairin ba nahki pana pana kulkan ka yabaia sa? Epesus 5:22,23,25; Matyu 7:12.
"Dawan Spiritka ba utla bilara apu sa kaka sip asla laka apusa. Maia mairin ba Dawan spiritka yaban ai tabrisa kaka sturi aisiba tanka kat aisabia; ai daukan ka saura nanira taibi brikabia, bawan laka lan takbia, kuna alba kum baku lika aidara walbia apia, sakuna aimaia helpka mamunra kum baku. Maia waikna ba Dawan sibrinka aikupiara sa kaka, ai maia mairinra taibi an lawi dauki, karna mamunra apia, sakuna kupia kumi laka plaplikra kabia heven watla bila kum baku."—El Hogar Cristiano, pág.103.
"Kristian famalika bila ba holi pliska kum ba yaka taski takaia apia sa, upla wala kum baha tilara dimaia apia, maia waikna ar mairin naha main kaikaia sa. " — Ministerio de Curación, pág. 279.
Tiusdi
Lih wainhka kati 16
3. LATWAN AN KULKANKA YABAIA MARIT LAKARA
a. ¿Maia waikna ba nahki ai maia mairin ra latwan kaia sa? Kolosi 3:19.
"Waikna kum Dawan laka kat wapras sa kaka witin sip utlara kiaptin baku pulras kaia sa, kan pas taura lika witin Dawan minara bawaia sa, ai maia an ai luhpia nanira patran kum marikaia sa ai rayaka pali wal. Sakuna praut kira, uba karna mamunra, aiwina kat diara briaia lukisa kaka, witin lika utla lalka baku takaia ba aitanka briras sa.
Utla bilara maia waikna an mairin ba diara sut taura latwan laka brikaia sa pana pana, bawikira, waikna ba wiaia apiasa [yang dia wisna ba bakat] sakuna aimaia wal aisikaikaia sa lukanka kumi plikaia diara kum daukaia dukiara. Utla bilara waikna ba ta brabrira an kaina kakahbra kum kaia sa. "—El Hogar Cristiano, pág. 102.
b. ¿Nahki yawan nutaka sipsa lâ ba satwala daukras kan saurka ninkara? Lawana nani 119:152; Kli Smalkanka 4:12,13
"Waikna nani lukaia apiasa mairin purara witin nani kau tara, bara mairin lukanka nanira kulkanka yabras kaia, baha lika Dawan wina apia, sakuna asla kira bakahnu lukanka nani ba pliki kaikaiasa nahki kau yamni ba wahbi briaia sa. Dawan sinska laka heven wina wanki ba sika kasak, yamni, pri laka, taibi munanka apu, bara ani watla bilara naku traikaikisa pyuara Jisas mawan ingnika ba barasa." — Testimonios para la iglesia, tomo 7, pág.50.
c. ¿Dia Baibil wan aisisa maia mairin ba ai maia waiknara baubia dukiara? Kolosi 3:18; 1 Pita 3:4-6
"Maia mairin nani ba ai maia waiknara sturi aisisa pyuara aman pali aidara walikaia sa. Mairin nani amia tikpara Dawan mita waikna ba utla bilara lalka baku mankansa, bara Dawan witin bak aibila ba bribalsa, ao waiknikaba kristian kaiasa sa. " —Conducta Sexual Adulterio y Divorcio., pág.32.
Winsdi
Lih wainhka kati 17
4. KULKANKA YABAIA BA UPLA BAKU
a. ¿Nahki pitka waikna ba aimaiara latwan kaikaia sa ki? Epesus 5:28.
"Maia mairin ba aimaia waiknara kulkanka yabaia sa. Maia waikna aimaia mairinra latwan kaikaia sa. Witin nani marit takata pyuara pramis daukan ba ai sinskara ban brikaia sa. " — El Hogar Cristiano, pág. 100.
"Waikna bani aisa baku Dawan bila tanka pain stadi taki an tanka brikaia sa, bara yakan ailukanka kat utla bila brih wakaia apia sakuna Dawan bila dia wan smalki ba dusprihni sinska laka tihuka tanka ba wan watla bilara titanra an tutnira wan luhpia nanira smalki kaiasa. Nahki Jisas upla takan an wan tilara bal iwan wan swaki sakaia dukiara saurka albika wina. " — Ibid, pág. 102.
b. .¿Nahki sipsa marit waikna an mairin ba asla lakara iwaia daukanka nani plikaia? Epesus 5:33; 1Pita 3:1,7.
c. .¿Nahki sipsa utla bilara lilia laka pakaia? Kolosi 3:16,17; Lawana nani 128
" Maia waikna apia kaka maia mairin ba sin lukaia apiasa witin wala sinska ba wakaia, pana pana kulkanka yabi kaiasa kumi an wala lukanka ba baku apia kaka sip utla bilara lilia laka apukabia. Diara sut taura latwan laka ba bribas respek laka wal. Dawan tingki ka laka ba wan kupia nanira iwisa kaka pyua banira lilia baman kabia nahki trabil tilara kabia kra." — Ministerio de Curación, pág. 280.
"Dawan dia want ba sika ai luhpia nani naha tasbara utla bilara maia waikna an maia mairin an luhpia nani sut aikuki lilia kabia, ao, sari pyua nani sin barasa kuna Dawan pramiskara kasak lukisa pyuara lilia wandaukisa nahki kabia sin." —El Hogar Cristiano, pág.85
Tausdi
Lih wainhka kati 18
5. MARIT LAKA BA SWAKI SAKAN YABALKA KUM
a. ¿Utla bila banira dia plamaika bapan kaia sa? Matyu 5:14-26; Taitus 2:1-4
" Utla bila banira latwan laka bara kaiasa, Dawan ensal ka nani sipkabia takaskaia, baku lika Dawan sibrinka brikabia aisa nani an luhpia nani sin sut.
Wan watla bila bani ba Dawanra mayunra pliska kum baku kabia, bara kupia bani bara Dawan iwaika pliska kabia, pri laka, lilia laka, kasak ka laka ni aibahwan kaia sa. Dawan bila ba titanra an tutnira aisi kaikibas mayunra dauki kira Dawan blisinka wanki ba dukiara tingki ka yabi kira." —El Hogar Cristiano, pág 15.
b. ¿Wan watla bilara nahki iwiba kaiki sipsa di upla kum Dawanra kasak lukaia? Taitus 2:4-6;1 Jan 3:18; 1 Korint 7:16
"Utla bila banira wina heven ingnika holikira ba kaikan kaiasa. Latwan laka ba wan daukanka wal marikan kaiasa wan aisanka baman lika apia. Aisa, yapti, an tuktan nani sut ba bakahnu asla lakara wark taki an latwan kaiasa." —Patriarcas y Profetas, pág.140.
"Yawan kristian ba uplara yaka nutakaia kaka kau diara tara ba lika wan daukanka, wan iwanka, wan wapanka, wan aisanka, wan watla bilara nahki wan maia an wan luhpia nani wal iwiba upla wan kaikisa bara nitapiasa man wima yasma sapa, kan mai kaikan ba wal pat aitani nutakan sa bamna." —Idem, pág.626.
Praidi
Lih wainhka kati 19
MAKABANKA LUAN NANI BA LAKI KAIKS
1.Maia waikna an mairin wark ka nani ba dia palisa
2.¿Dawan dia wan win marit laka kulkanka yabaia dukiara?
3. ¿Dia daukbia bara heven lilika baku kabia utla bilara?.
4. ¿wan maritkara kulkanka yabiba wal nahki witin aidara walisa?
5. ¿Marit laka ba wal nahki sipsa upla wala swaki sakaia?