Sandi
Lih wainhka kati 21
1. WAIKNA AN MAIRIN
a. ¿Dia muni Dawan upla ba paskan, an Adam an Ev paskan ba wal dia wan marikisa? Aiseya 43:7; Blasi sturka 1:27
"Yawan upla Dawan wan paskan ensal nani wina sat wala."Dawan mita ai lilka kat wan paskan", baku sin Dawan wantkan yawan sahwi tasbana banhbia." — El Review and Herald, 11 de febrero 1902.
b. ¿Nahki tara sa Dawan mita waikna an mairin paskan ba? Blasi sturka 2:18;1:28;3:20.
"Dawan want apia kan waikna ba yakan kabia. Bara witin naku aisan: "Aitani api asa waikna ba yakan kabia, yang witin aipanika kum paskamni." — El Hogar Cristiano, pág. 21.
"Waikna ba witin yakan iwikaia dukiara paskras kan sakuna aipanika brikabia. Baku sika Dawan mita Adam ra Ev paski yaban witin wal asla an kumi kabia dukiara."—Patriarcas y Profetas, p. 26.
"[Jisas] mita Ev ba Adam ra yaban aipanika painkira kum baku, witin wal marit lakara iwikabia dukiara, heven suliarka kum baku." —El Hogar Cristiano, pág. 85.
Mundi
Lih wainhka kati 22
2. PRISANTKA KUM KUNA WARK TARA
a. ¿Dawan uplika mita nahki kaikisa tuktan nani ai prisantka baku wanki ba? Blasi sturka 30:1,2; Lawana nani 127:3
"Aisa an yapti wal bak tuktan nani ba aisubi takisa, sakuna Dawan mita rayaka yabisa. Amiara bribas tuktan nani ba yawan selp wandukia baku kaikaia apia. Kan witin nani ba lika Jisas prapatikasa kum sa, swaki sakan laka ba witin sin aidukia sa. Aisa an yapti nani mihtara mankan sa yabal yamnira brih wabia dukiara, heven suliarka baku."— El Hogar Cristiano, pág.253
b. ¿Nahki aisa an yapti pahpaiara sa ai luhpia nanira Dawan yabal kara mankaia ba? Aiseya 8:18; Hibru nani 2:13.
"Jisas naha tasbara balan pyuara witin tuktan kum baku aisubi takan an pawan ba mita witin tuktan nanira latwan pali kaikisa. Aisa yapti nani mihtara tuktan nani yaban ba wark kum kasak yamni lainkara daukan kaiasa, uba klaki pulaia lika apia, an aidul kum baku sin briaia apia, sakuna tanka kat latwan laka wal yabal kasakra mankan kaia sa, Jisas prapatika kum baku."—Ibid, pág.253.
"Jisas mita tuktan nanira bahki ban swiras, sîp daknika ninara baku sin apia, almuk nani baman wapbia bara tuktan nani lika wan ninara swia apia, sakuna aikuki wapaia sa, aisa nani ba ai luhpia naniba tapaki an kansuni yabalra kiaia nani ba klin dauki yaka bahak luwi waia sa." — Ibid, pág.254.
c. ¿Cuál será la recompensa de los pastores fieles en el hogar? 1 Pedro 5:4.
d. ¿Utla bilara pasin kasak nani ba nahki aimana bribia? 1 Pita 5:4
"Jisas mawanra liliakira waia lukisma kaka nanara man sîp lupia naniba pata dakakibas, kan tuktan sirpi baku sin wahma an tiara lupia nani ba sipsa Dawan suliarka heven ra waia uplika takan kaia, baha mita minit kumira sin yarka witin nani ban tanis lakara wataukbiara, aisa an yapti nani taimkam manks luhpian nanira, biara pata an spirit pata sin dakakaia." — Ibid, pág.253.
Tiusdi
Lih wainhka kati 23
3. TUKTAN NANIRA LUKIKAIA
a. ¿Yapti nani ai luhpia Jisas ra bribalan pyuara dia disailpil nani daukan ? Mayu 19:13-15.
"Jisas tasbara tauki kan pyuara yapti nani ailuhpia bribalan blismunbia dukiara. Naku witin nani aikasak ka laka ba mariki kan aikupia aiska Jisas ra, an ailuhpia yamnika pliki kan nanara an naikara sin. Ban sakuna disaipil nani lukan baha lika bahki man taim tikisa bara karna munan yaptika nanira. Bara Jisas tawi ai disaipilka nanira naku aisan: "Yarka tuktan nani ba yangra bribalbia takaspara, kan witin nani sika heven kingka laka dukia sa bamna." —El Hogar Cristiano, pág. 248.
b. ¿Nahki Jisas tuktanra kulkanka yan? Matyu 18:1-4,6.
c. ¿Dia mita wan luhpia nanira wan taimka mankaia nitsa? Matyu 18:10
"Tuktan nani ba aisa an yapti mihtara mankan sa wark tara kum baku, an Dawan baha nani dukiara makabi walan kabia. Baha mita aitanisa wan taimka manas mankaia witin nani ridi daukaia dukiara, naha tasba sinska laka baman lika apia, sakuna kau tara ba sika heven sinska laka…"—Idem, pág. 243.
"Wan luhpia nani ba Dawan sibrinkara paubia want sa kaka, titan yapisi buia taim prias dauki aikuki Dawan tanka bila aisi lan daukaia sa, baku sin mahka yapaiara sin baku…
Kuna kau diara tara ba sika aisa an yapti wal nahki utla ra iwi ba tuktan nani ba wankaikisa, kupia kumi laka bara sa ki? Apia kaka blahwan man sa ki?, rispik laka wan maia wal sturi aisisa ki? Apia kaka praut laka taibi munan an karna sturi aisisa ki?.
"Aisa an yapti nani amiara bribas tuktan nani ba Dawan prapatika painkira atiasa, hevenra waia suliarka nani sakuna yawanra wan mihtara wankansa witin nanira Dawan sibrinka lan daukbia dukiara."—The Review and Herald, June 13, 1882..
Winsdi
Lih wainhka kati 24
4. UTLA BILA ASLIKA
a. ¿Utla bila ra diara sut ba adarkat an lâ bara kaia ba aitani sa ki? Sins laka 31:10-13,25,28.
"Yapti kum ba kau dia sipba kat witin klin laka ba traikaiki kaia sa, utla bilara baman lika apia, sakuna aiwatla latara, bara witin pali sin aikwalka dimra sut ba kasak pali klin an wapni kaia sa. Baku lika luhpiam nanira patran kum painkira yabran kabia, klin an adarkat iwaia tnatka ba. Yapti nani sturi aisisma pyuara luhpiam nani wal, aman pali kaiki bas, tanis ban praut laka wal aisapara, kupiam baikpara, sakuna mamwan ba lilia wal tauki bas, au nahki kat trabil brikama kra Dawan ra baman lika wihrikam ba brih bal. Rispik laka, bawi kira klin laka ba sinskam ra ban bribas. Baku lika luhpiam nani tara takbia kat witin nani aisinskara ban brikabia.
"Hevenra la tara kum ba sika klin an adarkat diara daukaia ba tanka; bara yawan naha tasba wina lan taki waiasa nahki naika hevenra iwaia ba."—El El Hogar Cristiano, pág. 229.
b. ¿Aisa kum ba dia aidaukan ka wal yaka ai luhpia nani lan takan kaia sa? Lawana nani 103:13.
"Aisa ba utla lalka baku sin pasin kum baku sa utla bilara. Bara yapti mairin ba witin ai helpka nitpalisa tuktan nani smalkaia an yabal yamnira tapakaia dukiara. Kan naha wark ka lika walsut daukaia dukiasa, sip kumi baman ra lika swiras. Luhpia nani ba aisa smalkanka yamni ba plikaia sa, kan witin sika aipainka dukiara lukisa, nahki naha tasbara baman lika apia sakuna naika hevenra witin nani wataukaia ba tanka."
Tuktan nani ba klakaia baman lika apia sakuna utla bila laka nani ba yaka kulki, bara bila wali lan takan kaiasa, baku lika naha tasbara pawanka brikabia an naika hevenra sin baku. Utla bilara kunin laka luha kaia sa, kasak ka lakara wapi lan takaiasa, praut laka apu lilia baman rispik laka kat kaia sa. " — Ministerio de Curación, págs. 303,304..
Tausdi
Lih wainhka kati 25
5. KRISTIAN WATLA SUT BA BETEL KUM KAIA SA
a. ¿ Nahki sipsa wan watla bila ba Betel (Dawan watla) kum daukaia? Blasi sturka 28:16-19.
" Wan watla bila ba Betel kum daukaia sa, an wan kupia ba holi pliska kum. Ani pliskara Dawan latwanka ba bara pyuara, pri laka, lilia, klin bara ingnika bara kabia. Dawan bila ba tanka lan dauki bas luhpiam nanira, karna munpara, sakuna tawa tawan brih impaki bas." — El Hogar Cristiano, pág.15.
b. ¿Tuktan kum aidaukanka ba ani wina pas lan takisa? Galisan 6:7-9
"Wahma kum aidaukanka ba witin sirpi utla bilara lan takan dukia naniba sin utla bapanka plamaika karnika kum baku sa. Diara pain lan takan sa kaka witin ani kat wabia bara ai yamnika marikisa upla sut wal praubia nanira. Sakuna saura lan takan sa kaka sip yukukras param sipsa yawan kaikaia, sipsa plun papira, waru dadira, saurka sat wala nani sut nina blablikra, an witin aipanika naniba sin witin wal baku daknika nani. Bara kuntri bilara apia kaka tawan sirpira sin trabil ailal bribalsa."—Idem., pág.11
Praidi
Lih wainhka kati 26
MAKABANKA LUAN NANI BA LAKI KAIKS
1. ¿Tasba paskanra nahki wan marikisa Adam ba yakan kaia paskras kan tanka?
2. ¿Nahki Jecob nukan upla sahwaia ba Dawan mihtara tanka?
2. ¿Jisas tuktan nanira blis munan ba wal dia yawan lan takisa?.
4. ¿Aisa an yapti wal ba nahki asla utla bilara wark takaia sa?
5. ¿Wan watla bilara wan daukanka nani ba nahki wan tawankara sipsa help munaia ar sauhkaia ?