Sandi
Lih mairin kati 26
1. DAWAN AN ENSAL NANI NAKRARA PAIN KAIKI BA
a. Nahki famaly baku aiwark ka nani daukaia sa ki? 1 Korint 14:40
"Utla bila kum diara sut wapni, klin an adarkat ba Dawan an ensal nani nakrakra yamni kaikisa. Yawan wan watla bila an lata tani sin klin an adarkat briaia ba kristian wan daukanka kum sa. Baku taim wan luhpia nani kau laik kaikbia an kausin isikabia wanbila walaia. Baha wal wiras ban mana dukia nani wal skahki daukaia lika apia sakuna isi an tanka kat."— Testimonios para la Iglesia, tomo 2, pág. 234.
"Aisa, yapti nani aiwatla bilara Dawan diara sut taura mankisa an ailuhpia nanira landaukisa klin, wapni, adarkat wataukaia upla nani mawanra an kau pali Dawan mawan ingnikara. Lâ matawalsip ba kulkanka tara yabaiasa utla bilara. Baha sat watla bilara ensal nani laiksa barakaia."— El Hogar Cristiano, pág. 24.
"Wan watla bila asla takanka ba adarkat kaiasa. Aisa, yapti, tuktan nani sut kumi bani dia aiwark kaba daukaiasa, bahaknu wark takaiasa, upla kumira man lika kaikras, tuktan sirpi pat wark takaia siplupia ba sin warkka yabaia sa. Aisa mita yaptira kulkanka yabaia sa an yapti mita aisara kulkanka yabaia sa, witin wal lukanka sat sat kaia lika apia. "—Ibid, pág. 283.
Mundi
Lih mairin kati 27
2. UTLA BILARA AISA WARK KABA
a. Nahki latwan laka utla bilara kaiasa, an aisa warkka ba dia? Roman 12:20; Epesus 5:2.
"Tuktan nani ba ai aisikara plikisa help nitsa pyuara, an yabal yamniba marikbia dukiara. Aisa ba ai luhpia nanira aidaukanka kasak marikan kaiasa. An latwan laka wal Dawan bila ba smalkaia, taibi muni lika apia, tankira yabal yamnira tapaki brihwaia sa."— El Hogar Cristiano, pág. 188.
b. Nahki aisa kumba sipsa aiwatla bila ba lilia an kupia kumi brikaia? Pilipai 2:5.
"Aisa ba dia witin sipba daukan kaiasa aiwatla bilara lilia laka bara kabia dukiara. Nahki sat aiwark ka pliskara trabil brikabiakra utlara aula bara aimawan ba lilia an kikan wal balaiasa, ai luhpia nani wal yu bani aisaia, an kiawalia, baku sin smalkaia ba aiwarkka tara palisa."—Idem., pág.189.
"Aisa ba utla lalka baku kaiasa, kuna praut laka wal lika apia, sturi tanis tanis sin aisaia apiasa, ai luhpia nani nakrara wapni, kasak an lâ kat watauki kaiasa. Dawan lâ ka wina tnayara tawaia apiasa aipatranka wal tuktan nanira smalkaiasa ai nina blikbia dukiara."—Idem., pág.189.
c. Dia sat daukanka aisa ba briaia nitsa aiwatla bila kum pakaia dukiara? 1 Korint 11:1.
"Aisa ba utla lalka baku Dawan mita mankansa, bara ai maia mairin wal aslakira ai luhpia nanira Dawan lâ ka smalkaia an yabal yamnira tapaki waiasa. Diara sut taura aisa ba witin Dawanra kakaira kaiasa an Jisasra aipanika painkira kum baku."— Idem., págs.188,189.
"Dawan mita aisa ba utla lalka mankan mairin kansunbia, kankahbia, utla bilara lâ kat waki brihwabia dukiara. Naha tasbara kau narasa pyua nanira." —Idem., pág.192.
Tiusdi
Lih mairin kati 28
3. YAPTI WARK KA UTLA BILA ASLIKARA
a. Nahki tnatkara yapti kau wark tara brisa aisa ba wal? Wihta nani 13:9-12.
"Naha tasbana nitsa yapti raitha aihwa ai nina baman lika apia. Sipsa wiaia yapti wark kaba kau tarasa wihki aisa wark kaba wal. Kan yaptiba witin tuktan aibiara bilarasa wina mahka Dawan bila smalkaiasa aidaukanka yamni ba wal."— El Hogar Cristiano, pág. 206.
b. Nahki Samuel yaptika Ana ba patran yamni kum baku kaikaiasa naiwa yaptika nani? 1 Samuel 1:11
"¡Nahki Ana blising tara brin! ¡Witin aidaukanka ba nina blikaia yamnisa! Yapti sut witin nani sipsa naha wark ka tara na daukaia, baku blising ailal naha tasbara bribalia, kuna diara sut kainara Dawan bilara iwaiasa."— Patriarcas y Profetas, pág. 618.
c. Nahki tnatkara Dawan latwanka ninkara yapti latwanka ba kau tarasa naha tasbara? 2 Timuti 1:5.
"Yapti nani ba Dawan warkka dadaukra kum painkira kaia sipsa. witin nani airayaka wal ai luhpia nanira marikaia sa nahki Dawan bila kat wapaia ba tanka. Praut kira apia kaiasa, kuna bawan laka wal, yu bani lilia baman kaia utla bila warkka daukisa pyuara."— El Hogar Cristiano, pág. 210
"Aman pali kaikibas yapti nani nahki tnatkara luhpiam nanira sturi aisisma ba, man nani daukankam pali ba kau tuktan nani lan takisa, baha mita ban tanis kapara, diara sut daukisma ba, aisisma ba sutba kasak, wapni, an Dawanra mayunra yabibas.
Latwankira Dawanka ba aman pali maikaikisa, puram sunra walaia, an helpmaimunaia, witin nusa nahki kupiamra wihra twilkisma ba luhpiam kum trabilka kaikisma bara, sikniskra, apia kaka bilam walras taka patsaurara kahwan taka mita."— Reflejemos a Jesús, pág. 162..
Winsdi
Lih mairin kati 29
4. DIARA WALA NANI
a. Kau diara tara aisa, yapti daukaia ba dia dukia? Mark 13:33; Blasi sturka 12:8;13:18
"Jisas ai dispailka nani dukiara aipura sunan tasba wina sakbia dukiara lika apia, sauna saurka wina maikbia dukiara, kan minit bani traika kaikan ai purara barasa. Naha sat pura sunra daukan kaiasa aisa, yapti ai luhpia nani dukiara. Sakuna baha wina kiwa yari wal lika swiaia apia, an dia witin nani want wibia ba laki kaikaia Dawan kupia lakasa kaka yabaia."—Christian Education, pág.. 166.
b. Nahki sipsa aisa, yapti nani aiwatla bila ba pura sunra watla kum daukaia? Aiseya 56:7; 1Kronikas 16:40.
"Naiwa yawan wan watla bila nanira kau nitsa wanpura sunra brikaia. Aisa, yapti nani aipurasunra karna pali brikaiasa ai luhpia nani dukiara an witin nani si aidukiara."—Ibid., P. 221.
c. Kau dia daukaia sipsa aisa, yapti wal ailuhpia nani dukiara? Malakai 3:16.
"Aisa ailal barasa witin lakat sturi aisaras aimaia an ailuhpia nani aikuki, latwan laka apu, an kulkanka sin yabras. Baku lika tuktan nani ba patran kum yamni lantakras ai aisa wina, sturi uba karna an praut laka wal aisisa, naha sat aisika nani Dawanra makabaia sa naha daukanka saura pura luwaia dukiara.
Wan maia an wan luhpia nani ba wal wan panika painkira kum baku sturi aisikaiasa, rispik laka wal, bawikira. Minit kumira sin taibi munan laka apukaiasa, utla warkka naniba bakanu asla kupia kumi lakara daukan kaiasa.
Dawan ensalka nani aimawan bikisa anipyua unsaban utla bilarasa taim, an sari takisa kan Dawan brinka kau taraba sika yawan kupia kumi lakara iwbia, unsaban apu, gridikira sin apia, sakuna wan sturka ba swapni aisi kaia sa. "— Testimonios para la Iglesia, tomo 5, pág. 72,73.
Tausdi
Lih mairin kati 30
5. SMALKANKA KUM BAK SAKAN
a. Jecob wina yawan dia lantakaia sipsa nahki aimaia an ailuhpia nani wal aisikan ba? Blasi sturka 33:13,14.
"Por lo general, el padre pierde muchas áureas oportunidades de atraer a sus hijos y de vincularlos consigo. Al volver de su trabajo a casa, debe considerar como cambio placentero el pasar algún tiempo con sus hijos.*
Los padres deben descender de su falsa dignidad, negarse alguna satisfacción propia en lo que se relaciona con sus momentos de ocio, a fin de tratar con sus hijos, simpatizar con ellos en sus pequeñas dificultades, vincularlos con su propio corazón mediante fuertes lazos de amor y ejercer sobre sus mentes en desarrollo una influencia tal que sus consejos serán considerados como sagrados "— El Hogar Cristiano, pág. 197.
b. Dia pramiska Dawanra makabaiasa aisa nani mita ailuhpia nani smalkaia dukiara? Aiseya 49:25.
"Aisa ba utla bilara prîs kum baku sakripais dauki kaiasa titanra an tutnira, maia mairin ba ailuhpia nani aikuki Dawanra mayunra dauki an aipura sunikaiasa. Baha sat watla sika Jisas laik kaikisa.—
" Christian Education, pág. 221.
"Aisa nani ba utla bilara Dawan pliskarasa bara ailuhpia nani mita kulkanka tara yaban kaiasa, kan witin nanira Dawan makabi walaisa ailuhpia nani aimihtara mankan naniba solka dukiara."—El. Review and Herald, 28 de marzo 1893
"Ao, yapti wark kaba sin sirpi apia witin ai maia waikna wal asla taki ai luhpia nani tapakaiasa."—El Hogar Cristiano, pág. 240.
Praidi
Li kati 31
MAKABANKA LUAN NANI BA LAKI KAIKS
1. Nahki sipsa aisa, yapti wal aiwatla bila ba lilia daukaia?
2. Aisa, yapti wal daukankaba nahki kaiasa utla bilara?
3. Nahki tnatkara yapti wark kaba kau wihrasa utla bilara?.
4. Wan watla bilara Jisas takaskaia ba dia nitpalisa?
5. Aisa, yapti wal nahki pana pana help takaiasa tuktan nanira smalki Dawan sibrinkara tapakaia dukiara?