Sandi
Lih wainhka kati 28
1. WAN MULA NANI DUKIARA MANKAIA
a. Nahki wan watla bila ba wapni, satwala an kli raia paskaia pliska kum painkira sa? Malakai 4:5,6; Luk 1:17.
b. Aisa nani ba dia pramiska makabaia sa, Dawan aisan ba wan luhpia nanira smalkaia dukiara? Hibru nani 2:13
"Aisa bara yapti nani ba ridikaia sa Dawanra wiaia, naharasa luhpi nani man prisantkam aikram ba" (Aiseya 8:18). Wan luhpia nani yabal yamnira brih tapakaia ba lika wark kasak yamni sa, an sipsa kaikaia nahki wan taimka mankan ba tanka. Sin utla kum karna dus pain wal makan bakusa, wan luhpia nani daukanka ra kaikuya pyuara. Wapni lakara laiksa wataukaia, tasbara taski ailal nani ba tilara dinmras, sakuna Dawan sibrinka ba aikupiara bara sa. "— The Signs of the Times, 13 de mayo de 1889..
"Yamni palisa baha nani aisika bara yaptika airayakara Dawan sibrinka briba, baku Dawan lâ ka an pramiskara kasak luki an kulkan ka yabi nani ba; yamni palisa baha nani aisika ai luhpia nanira latwan laka wal tanka kat smalki pakiba yabal yamnira, witin nani aidaukanka pali sin tuktan nani mawanra kasak tankara wapi ba. "— Ministerio de Curación, pág. 291.
Mundi
Lih wainhka kati 29
2. AISA, YAPTI WARK KA BA
a. Nahki aisa, yapti nani ba ailuhpia nani aikuki aisi kaia sa? Kolosi 3:20,21.
"Tuktan mistik ka nani ba marikan kaiasa. Baku sin kau ban dauki kabia apia dukiara aisa yapti wal karna takaia sa. Sakuna tankira latwan laka wal bila kaikanka yaban kaiasa baha saurka wina sipba dakwi takaia Dawan karnika wal." —Conducción del Niño, pág.261.
b. Aisa, yapti wark ka ba diasa ai luhpia la kat bara Dawan sibrin kara paubia dukiara? Sins laka 19:18; Hibru nani 12:7,8.
"¿Aisa bara yapti nani ba dia aiwark ka ba kakaira sa ki? Aisa yapti ailal ba ailuhpia nani dia dauki ba bahara aisinska mankras, baku lika tuktan nani ba ai aisika bara aiyaptika wal bila walaia ba diara bahki kum baku kaikisa. Yu kum kat aikupia baiwisa pyuara tuktika nani alki brih kasak pruki rausauhki munisa, kuna baku kaia apiasa.
"Aisa manas ailuhpia nani ban yakabi swin ba dukiara Dawan lâ ka mawanra buwan kabia. Ai kupia baiwanka wal rausauhki, latwan saura yabi nani sut ba sin aipurara kabia. Ao, tuktan nanira lâ ba marikaia sa, smalkaia sa, wipaiasa, sakuna praut laka wal apia, an ban yarka daiwan lupia baku ani anira tauki kabiara 'Ya ailuhpiara wipras sa kaka latwan apu '? (Sins laka 13:24).
"Aisa bara yapti sin ailal witin nani ai luhpia nani kau sirpi lupiasa pyuara klala yabras ai mistik ka nani tawan, tuktan ba uba sirpisa bara wipaia apia wisa, sakuna baku apia sika, kan tuktan kau mani alkras kabia sin witin nani pat dira tanka manas brisa, kuna ban ban swin pawisa pyuara, tuktika ba mita aisa bara yaptira karna munisa witin lupia dia want wibia ba baha yabia dukiara."—The Review and Herald, 19 de septiembre 1854 .
c. Dia makabi walanka Dawan daukbia aisa nanira ai luhpia nani main kakaira baku? Jirimaia 13:20.
Tiusdi
Lih wainhka kati 30
3. NAIKA AISA TAKAIA NANI WARK KA
a. Waikna kum kau aisa takras kainara dia marikaia sa, witin naha wark ka sip yaba tanka? Sins laka 15:20;1:5;13:1;14:16
"Tuktan nani landaukaia Skulka watlara smasmalkra nani ba mita aisa bara yapti nanira lan daukan kaia sa nahki utla bilara ailuhpia naniba lâ kat smalki pakaia tanka ba, kan baku apia kaka skul watla nani baman naha wark ka aiska sip daukbia apia." — La Educación, Pág. 276.
b. Nahki aisa nani ba wark takaia nitsa ai luhpia nani wal, kuna uba karna lika kaia apia? Jan 10:27; Epesus 6:4.
"Ao, wan luhpia nanira uba latwan wisi wipras kaia lika apia, sakuna uba karna munaia sin apia. Tuktan nanira taibi muni yaka Dawan mayunaia apia. Tankira tapakaiasa, klala wan mihtara briba sia mita lika apia. 'Yang sïpki nani ba bili baikra walisa, bara yang sin kakaira sna, an nini blikisa' (Jan 10:27). Dawan wiras: sïpki nani ba taibi muni yari bili walisa. Aisa bara yapti nani ba aman pali kaiki kaiasa ailuhpia nanira latwan yabaia apia karna an aikupia baiwanka wal. Kan baku lika kau setan mihtara mankisa saura ra brih wabia dukiara.
Utla bila lä ka ba latwanlaka an sins la ka wal waki brihwas, wipaia dusa wal lika apia… Utla bilara tuktan nani ba lilia kabia, sibrin wal lika apia… Tuktan kupia nani swapni bribas pyua banira tasba yamni kum baku, bara Dawan kasak ka laka ba sipkabia bahara pawaia."— Consejos para los Maestros Padres y Alumnos, pág. 109.
"Bila walan laka ba utla bilara lä kum baku mankan kaia sa, sakuna luhpiam nani aikuki makas Jisas ai Spiritka Holikira bal tam bribia. Sipsa luhpiam nani bilam lulkan kaia, an klala briaia nitkaia, sakuna Jisas Spiritka wal daukma kaka witin nani aitanka brinkabia." —Conducción del Niño, pág. 227.
Latwan laka wal utla bilara lä bapisa pyuara isi pali takisa tanka kat waki brih impakaia. —El Hogar Cristiano, pág. 277
Winsdi
Lih mairin kati 1
4. TUKTAN NANI WARK KA
a. ¿Tuktan nani nahki aisa yapti bila walaia sa? Epesus 6:2,3; Libait laka 19:32.
"Luhpia nani mita ai aisa bara yapti nani kulkanka yabaia ai rayaka aiskara ban brikaia sa. Wan aisa yapti walra help munaia ba danh takras. Witin nani mita latwan wankaiki ba baku pana yawan sin latwan kaikaia sa, nahki almuk kabia sin, plis wihkara kabia sin Witin nanira luki kaiasa." —El Hogar Cristiano, pág.328.
"Wan aisa bara yapti nanira kulkan yabaia ba kau tara upla wala wal baku apia. Dawan mita witin nani ba witin nani mihtara wan mankan wan mainka kaikbia dukiara kau yawan sirpi kan pyuara. Witin nani lika Dawan pliskara sa ai luhpia nanira. Baku ya tuktika ai aisikara kulkras sa kaka Dawanra sin kulkras takisa. Dawan lâ ka matsip [5] bara wan wisa wan aisa yapti wal bila walaia, baku sin almuk takuya bara help munaia, main kaikaia, maihsanikaia. "— Patriarcas y Profetas, pág. 316.
"Tuktan nani , aisikam bara yaptikam wal almuk takisa pyuara lulki swipara, lamara bas, yas lilia aidara walbia, lamtwanka mariks, kau pruras kaikanara, witin nanira karna munpara, nahki siknis kabia sin lamara bas."— El Hogar Cristiano, págs. 330,331.
b. ¿Wan aisa nani ninkara ya nanira sin kulkanka yabaia sa? 1Timuti 5:1,17; Hibru nani13:17.
"Lâ matsip [5] ba adar wankisa pasin nanira an tasba gabamintka nanira sin kulkanka yabia dukiara."— Patriarcas y Profetas, pág. 316.
" Dawan adar wankisa wan almuka lupia nanira kulkanka yabia dukiara, ai lal pihwanka ba wan aisisa nahki wanpakaia dukiara trabil nani ailal luwan ba, panis nahki wahwan ba bara aitanisa nanara yawan mita witin nanira wan mihta sakbi ainitka nanira help munaia." — La Educación, pág. 244.
Tausdi
Lih mairin kati 2
5. SABAT BA UTLA BILARA
a. Ani pali wina sabat ba wihki utla bila ba wal kumi takan? Blasi sturka 1:27,28; 2:1-3.
b. Nahki tnatkara famaly ba sabat yuara Dawan wal asla takisa? Impakan sturka 31:13; 20:11.
"Sabat ba wihki famaly wal ba Iden giadinka wina Dawan paskan, baku lika asla pali kaiasa. Naha yuara sika yawan kli Iden giadinka iwanka tnatkara tawi wisa. Dawan brinka pali ba sika utla bila uplika naniba asla kabia, wark taki pyuara, skulra, baku sin priasra bara pulanka nani tilara sin. Aisa ba pasin baku, yapti ba smasmalkra baku." — La Educación, pág. 251.
"Yawan plikaiasa wan luhpia nani sabat ba laik kaikbia dukiara. Sabat bani sin stailka apia, ria satwala daukaia sa, witin aikuki ria wapi taukaia dusma nani tilara iwaia, yu tutni tawi bara latara takaia, witin nani wal aisaia Dawan tasba prana painkira paskan sturka, nahki yawan mainkaikaia baha dukia nanira. Baku lika sabat yua ba kau lilia kaia sa yu wala nani ba wal."— Conducción del Niño, pág. 508.
Praidi
Lih mairin kati 3
MAKABANKA LUAN NANI BA LAKI KAIKS
1. Nahki prapit Malakai wan marikisa wan watla bila dukiara?
2. Aisa bara yapti nani ba nahki ai luhpia aikuki latwan iwaia sa?
3. Utla bilara aisa yapti wal nahki tuktan nanira yaka Baibil aisi kaiki lan takaia sa?
4. Tuktan nani ba nahki Dawan lâ ka matsip ba kulkaia sa? Nahki ai aisika bara ai yaptika wal almuk takbia bara kulkaia sa?
5. Dia muni sabat ba wihki famaly wal yawan sip dakbi sakras?