Sandi
Lih mairin kati 12
1. DAWAN MAWAN INGNIKA UTLA BILARA
a. Nahki tnatkara Dawan mawan ingnikaba utla bilara sa? Lawana nani 16:11; Galisan 5:22,23.
"Utla bilara latwan laka wal aibahwan ba, pana pana rispik laka bar aba ensal nani sin baha watalara sa, an Dawan mawan ingnika ba sin. Ani watla bilara Dawan bila titanra an tutnira aisikaiki ba, tuktan an wahma nani pawi bara witin nani tasba saurkara aikan kahbaika baku painkira brisa. Witin nani ai aisika, yaptika ra latwan kaikbia an Dawanra sin baku."— El Hogar Cristiano, pág. 15.
b. Yu banira kau holi takaia ba nahki sipsa wan watla bilara? 2 Tesalonika 2:13; Jan 16:13.
"Prias watla tâ uplika nani ba kristian nanira lan daukaia sa nahki aiwatla bilara titan an tutni priaska dauki kaia ba tanka, tuktan nani Dawan yabalkara mankaia. Naku daukisa kaka tuktan nani ba pawi wahma an tiara takisa pyuara witin nani sipsa setan traika kaikan mapara buwaia Dawan bila karnika aikupiara briba ba wal, an witin nani kristian painkum sa serts bilara, aidaukanka, aiwapanka, airayaka aiska sut ba wapni, klin, kunin luha, diara kasak man daukisa."-El. Review and Herald, 24 de mayo 1892
Mundi
Lih mairin kati 13
2. DAUKANKA WAPNI
a. Utla bilara daukaia apia dukia ba dia sa ki? Aiseya 3:16; Sins laka 23:21.
"Ao, yawan kristian baku ban wan watla ba tanis kahkaia apiasa tasba uplika daukiba stailka, sakuna bawisi ban taski an sukra lika brikaia apia. Wan watla bila an lata tani sutba klin klin kaiasa, wik bilara an kau pali sabat yuara. Baku lika wan lama uplika an wan kaikaia bal nani sut kaikan kabia raitpali Jisas wan watlara iwiba tanka. Wan luhpia tuktan an wahma tiara nanira naha na painpali smalkan kaia sa.
Dawan pain kaikras wan watla bila an lata sait taski an ikisbrira pyuara. Baku sin maia waikna an mairin naha na pain nukaia sa pas taura witin wal laiktaki kan pyuara nahki ridi taki, an klin lakara kan ba baku ban kaiasa. Wan luhpia nanira lan daukan kaia sa diara sut ba utla bilara adar kat kaia, diara bani ba pliskum brikaia, an pliskum yabaia diara banira."— El Hogar Cristiano, págs.18,19.
b. Dia sat traika kaikanka nani ba pura luwaia sa ki utla bilara? Epesus 4:17.
"Tuktan nanira uba mayuna ba aitani apiasa, an sin uba klakaia sin apia, tuktan diara sut want wibia ba yabi kaia ba saura sa, kan baha sat tuktika ba naika aisa yaptira witin mita taibi munaisa. Tuktan kwalka ba aman kaiks uba mana dukia atkaia apia, an tasbara uplika nani stailka sin apia. Aisa, yapti ba aman pali kaiki kaiasa yabrika aimayunra laka apukaia sa tuktan rayakara. Kau diara tara ba sika bila walanka, rispik laka, bawan laka, klin iwaia laka, kunin luha an Dawan sibrinkara iwaia ba."
"Tuktan nanira lan daukan kaiasa utla warkkara help munaia, ao, pulaia sipsa kuna awar awar luwaia apiasa, wark wala nani brikaia, ai sinska lakara pawaia dukia nani."—Consejos para los maestros, padres y alumnos, pág 133
" Aisa, yapti aman pali kaiks kau diara tara ba luhpiam nani rayaka swaki sakaia ba, naha tasba dukia nanira uba sinskam mankpara. "-El. Review and Herald, 21 de diciembre 1886.
Tiusdi
Lih mairin kati 14
3. UTLA BILARA LÂ BARAKAIA BA AITANISA
a. Kristian watla bila banira dia bara kaia sa ki? –Sins laka 6:20-23.
"Kristian watla bila sutba lâ mina muhtara wapaia sa, aisa, yapti wal witin nani aidaukanka wal marikan kaiasa utla bila lâ ka kulkaia an baha kat wapaia. Wan watla bilara klin, lilia, kunin apu, rispik lakara iwikaia sa, upla saurka sin aisaia apia, aisa, yapti bila wali lankaia an kau pali Dawan lâ ka matawalsip ba pain pali kulki kaiasa."—El Hogar Cristiano, pág. 12.
b. Utla bila kum adar kat an lâ kat iwiba nahki kaikbia upla nani mita? –1 Timuti 3:4,5; Blasi sturka 18:18,19.
"Yapti ba karna kaiasa ai aisinkara. Witin lika walpa kum baku kaiasa utla bila lâka kat wapaia pislupia kum sin baha wina tnayara tauras. Yapti ailal barasa uba swapni tuktan nani mita taibi brisa, bara witin yakan utla bila wark ka nani sut daukisa, ai luhpia nani lika tilivisan kaikisa apia diara wala bahki man daukisa, baha sat tuktika nani ba naika kau tara takbia bara yusapu kabia wark takaia afis kumra."-The Review and Herald, 21 de diciembre de 1886..
"Wan watla bila adarkat, an klin ba wal wan luhpia nani diara tara lantakisa, an upla wankaikaia balisa pyuara witin nani raih aihwa aitanka pain brisa dia ba kristian laka tanka ba, priasra smalkanka kum baman lika apia. Naha sat kristianka watla wina serts tá uplika painkira nani ba sipsa pawi takan kaia. Aisa, yapti wal daukanka ba karnika tara brisa witin nani Dawan wal asla wark takisa pyuara, bara utla bilara pawanka ailal barasa, prias watlara manas pali help munisa." —Ibid, 6 de junio de 1899...
"Utla bilara aisa, yapti wal ba wapni wapisa kaka ailuhpia nani ba sin baku lantakbia. Naha tasba kukanka nina bliki wan taimka tikaia apiasa, diara kau tara ba sika rayaka swaki sakaia wark ka paliba, an wan luhpia nani rayakaba Dawan mita aisa, yapti mihtara mankan sa, minit kumi sin yapaia apiasa an uba kiwa yari tuktanra yabaia apiasa."—Ibid., 21 de diciembre de 1886.
Winsdi
Lih mairin kati 15
4. HEVEN SIRPI KUM NAHA TASBARA
a. Utlara diara sasauhkra an taski dadaukra ba tuktan ra kahwisa. Nahki sipsa naha pura luwaia? Lawana nani 128:1,3,6; Sins laka 31:27,28.
"Kristian watlabila ba heven sirpi lupia kum baku kaiasa, lilia laka, latwan an riskpik laka bara kaiasa kuna taibi munan apu an praut laka sin apu kaiasa."— Testimonios para la Iglesia, tomo 3, pág. 591.
"Aisa, yapti wal trai pali kaikaia sa aiwatla bila ba yamni lakara brih impakaia, saurka laka yuika sin apu kaiasa… Jisas kli tasbara balbia ba wal sin wan daukanka nani ba satwala daukbia apia. Naiwa yawan taim brisa wan daukanka saura naniba swiaia, an daukanka yamni lantakaia."— El Hogar Cristiano, pág. 12.
"Luhpiam aikuki bakahnu Jisas mawanra balisma ki, titanra an tutnira utla bila priaskara? Dawan ensalka nani wankaikisa, witin nani nakra wina diara kumi sin luras sutba ulbisa, ai kiama nani sin diara sut walisa."—El. Review and Herald, 21 de diciembre 1886
b. Utla bila suliarka nani sutba dia lan taki kaia sa ki? Pilipai 2:1-5
"Ao, aisa bara yapti purara kahbansa tuktan nanira mainkaikaia, plun pliki dadakaia, kwala atki dinkaia baha sut ba saura apia sakuna kau diara tara barasa baha lika bankaia rayaka lakara brih impakaia. Naika tuktan ba pawi wahma, tiara takbia bara utla bilara lantakan dukia naniba aisinskara brikaia. Ai aisika an aiyaptika walra sin kulkanka yabaia lan kabia."— Ibid., 2 de febrero de 1886.
"Utla bila ba tuktan nani kaikan kabia tasba aiskara pliskum kau painkira baku, an aiyaptika ba mairin kau painkira kum baku. Tuktan nani ba isi lupiasa an latwankira sa, diara sirpi wal kupia lilia daukisa. Bara bankra dia mistik ka barasa kaka sin swapni laka wal aisaia, an klala yabaia kaka sin rausauhkaia apiasa, sakuna tanka kat wipaiasa, kau naha lika yapti wark ka kum tarasa, nahki ai luhpia nani tapakaia ba tanka. "—Idem., pág.371.
Tausdi
Lih mairin kati 16
5. WAN LUHPIA NANI LANDAUKAIA BA
a. Dia yawan sipsa Jisas rayaka sirpira kan wina lantakaia? Luk 2:40,52.
"Ao, Jisas tuktan kan wina wahma kat sturka baibilra diara ailal wanwiras sakuna kunku ulban ba wal yawan nusa witin nahki tasba aisika Joseph ra help munikan ba kiamta warka pliskara, witin ai mihta warka dauki kan an ai rayakara pawikan upla bara Gâd mawanra yamni kan."—My Life Today, p. 299.
"Tuktan rayaka ba kau saplakara pawisa pyuara witin kau diara lantakisa, ai mihta warkka an Dawan paskan dukia nani wina sin, baku aisinska ba an aikarnika walra pawanka asla brisa."— Conducción del Niño, pág. 139.
b. Nahki Jisas wan marikisa airayaka pali wal yawan wan pura sunaia nitkaba dukiara? Matyu 14:23; Luk 6:12; 18:1.
"Wan pura sunaia pliska kum brikaiasa. Jisas witin aipura sunaia pliska brikan ai aisika wal aisaia, yawan sin baku daukaia sa. Aima bani yawan pliskum bin apu kaka plikaiasa wan pura sunaia. Ao, ni tapia sa plis wihkara wapi waia, sakuna wan watla lama kat yawan sipsa pliskum sakaia wan pura sunaia pliska baku."—El discurso maestro de Jesucristo, p. 84.
Praidi
Lih mairin kati 17
MAKABANKA LUAN NANI BA LAKI KAIKS
1. Nahki wan watla bilara yu bani Jisas yaka bara kaia?
2. Wan watla bilara dia daukbia bara kau pain kabia ki?
3. Utla bilara lâ mankaia ba nitsa ki?
4. Tuktan ba pawi takbia bara utlara lan takan ba ban brikabia ki?
5. Dia ba kau tarasa tuktan nanira lan daukan kaia?