Sandi
Lih mairin kati 19
1. WAN UPLIKARA HELP MUNAIA LAN TAKAIA
a. Upla nani Jisas ra aula ba wal Dawan dia daukaia wantsa? Jan 17:18; Matyu 20:27; 10:16.
"Aisa, yapti an skul maestro ka nani ba ai sinskara naha brikaia sa. Tuktan bani ba landaukan kaiasa nahki aiwalkara help munaia dukiara. Tuktan ba pawi wahma an tiara takisa pyuara sipsa dia sat wark ka lantakaia ai uplika walara help munaia dukiara. Sipsa wan tawanka kat, apia kaka kuntri walara sin waia."
"Dawan tuktan an wahma, tiara nanira latwan pali kaikisa, an aibrinkasa lan takbia aiwark kara aikupia aiska wal wark takbia. Yawan sut wan dukiara Jisas naku aisan kata : 'tasbara aiblikram ba baku yang mita tasbara blikisna' (Jan 17.18) Dawan wark ka ba naha tasbara daukaia; ai latwanka laka an aikingka laka ba uplara yaka nutakaia. Naiwa yua setan traikaikisa nahki wahma tiara nani rayaka ba sauhki tikaia.
"Aisa, yapti nani mihtara sa ai luhpia nani kasak ka yabalkara tapakaia ba. Ao, tasbara skul ailal barasa sakuna Dawan sibrinka smalkras, bara wahma tiara lupia nani ba kau aisawisa, tasba sinska lainkara sipsa ria pawaia sakuna heven tanka diara nuapu, airayaka ba tiwaiara auyaba bahara aisinska mankras.— Ministerio de Curación, pág. 308.
Mundi
Lih mairin kati 20
2. WAN WATLA BILA BA LANDAUKAIA SKULKA KUM
a. Jisas utla bila kat lantakan ba wihki baha pyuara smasmalkrika nani wal nahki sat wala kaikisa? Luk 2:40; Jan 7:15; Matyu 7:29
"Jisas lika aiwatla bila kat skul diman. Ai yaptika ba witin ai maestrika kan. Prapit ulbanka bukka wina heven tanka lan takan, aiwatla lika tawansirpi lupia kumra bara kan. Jisas sirpikan wina witin aiyaptikara help mamunra palikan utla warkka daukaia.
Baha pyua uplika nani ba diara kum praiska yabikan purataia kaikan ba wal baman. Baku sin tuktan skulka smasmalkrika nani ba kwala manakira an skahkan ailal dimikan ba wal witin nani trai kaiki kan tuktan nani mita witin nanira tara kulkbia. Jisas daukanka lika sat wala kan… 'Jisas tuktan baku pawikan, karna takikan, sins laka mapara an Dawan kupia yamnikara sin baku.' (Luk 2:40).
Utla bila wina tuktan nani skul lan takisa, nahki aiwalkara help munaia ba, bahara lika smalkanka baman apia sakuna praptis munaia raith aihwa heven skulka kum baku. — Ministerio de Curación, pág. 311.
b. Upla srinwras kirara dia winanka daukisa? Sins laka 6:6-11.
"Tuktan ba kau sirpi lupia wina mahka lan daukaiasa wark takaia. Pat witin siplupia takisa bara utla wark sirpi lupia nani yaka dauki kaiasa. Aisa, yapti walra help munaia, baku sin upla wala kum diara kum daukisa pyuara lamara bal traikaikaia help munaia, kau pali upla almuk lupia nanira li panki apia watla lata klin dauki help munaia."
Aisa, yapti wal traipali kaikaiasa ai luhpia ba diara daukras bahki kabia apia, tnatka plikaiasa awar bani, an minit bani diara yamni kum dauki kabia, ai mihta warkka apia aisinska pakaia tanira sin baku. Pulaia ba painsa taim kum yaka witin pulaia sakuna uba awar an awar pulikaia lika apia. Tilivisan pali lika kristian watla bilara apukaia sa kan naha pali sika tuktan sinska sasauhkra kau tara setan paskan ba." — Ministerio de Curación, pág. 311.
Tiusdi
Lih mairin kati 21
UTLA BILARA LAN DAUKAIA BUK KA
a. Aisa yapti nani ba dia nukaiasa ai luhpia nanira smalkisa pyuara? Roman 14:19; Pilipai 2:15; Judas 3
"Baibilra param wan aisisa wan luhpia nani skul dinkaia ba dukiara: sakuna nahara aisa, yapti ailal mistik takisa, kan lukisa skul watlara blikbia bara lisin lan daukbia, sakuna baku apia, utla bila wina sika tuktan ba lan takan kaiasa kau lisin tara paliba. Dawan sibrinkara iwaia anbila walaia tanka ba."—Testimonios para la Iglesia, tomo 5, pág. 307,308.
"Aisa, yapti nani Dawan kasak ka tanka brisma ba luhpiam nanira smalkaiasma, nahki naha tasbara kristian kasak iwaia, wan walkara help munaia sturi yamni ba wiaia. Dawan mita bak sakan daknika baku wan smalkaika plamaika tarkika nani Israel kiamka baku naiwa yua nani las pyuara iwinara yawan pain pali wan tanka brikaia sa.
Wan tuktika sirpi nanira sin tnatka isi wal lan daukan kaiasa, dia sip aitanka briaia ba kat, baku lika witin nani pawi wahma , tiara takisa pyuara kasak pali karna bapan kabia aisinskara."—Testimonios para la Iglesia, tomo 5, pág. 309,310..
b. Dia pali ba aisa, yapti ai mihtara brikaia sa yu bani ai luhpia nani smalkaia dukiara? Lawana nani 119:105,130.
"Dawan bila ba aisa, yapti nani yu bani aimihtara brikaia sa ai luhpia nani landaukaia. Buk wala kum sin kau pain apusa tasba aiskara, Dawan lâ k aba wan luhpia nanira smalki lan daukan kaiasa. Titan yapisa buwisa pyuara an tutni mahka krikrira prawaisa pyuara sin baku. Yabrika naha na aisinskara yu bani kau raya brikabia.
Tuktan nanira smalkaiasa, kunin aisaya apia, tumaia apia, inaya apia, praut kaia apia, tuktan walara prukaia apia, minit bani plun pikaia apia, sakuna lan takaia aima banira diara raitba aisaia, sibrin kaia sin apia, diara yukukaia sin apia kan Dawan nakra wina yawan sip yukuwras, wan watla bilara yu bani lilia baman kaiasa."— Testimonios para la Iglesia, tomo 5, pág. 308.
Winsdi
Lih mairin kati 22
3. WAN PURA AIMAKI NANIRA KULKAIA
a. Dawan lâ ka numba matsip bara dia wan wisa? Impakan sturka 20:12 ;Blasi sturka 24:1-4, 67.
"Wan luhpia nani ba . . . aisa, yapti nani mita ridi daukan kaiasa bila wawalra kaia, an lâ kat wapi lantakaia, utla bilara an lata tanira sin baku. Naku tnatkara Dawanra sibrin briaia an kulkanka yabaia ai kupia ra kabia ani anira taukisa pyuara. Utla bilara lan takan dukia ba hevenra waia suliarka kum kabia." — Conducción del Niño, pág. 208.
"Aisa, yapti nani minit kumira sin amiatikpara man nani puram ra sa luhpiam nani naika liliakaia tanka ba. Aisak witin ai aisikara kulkanka yabikan ba taka bila walikan. Ebraham witin ai luhpia nanira marikikan aisa bila walaia ba diara tara kum baku. Naikara lilia takaia tuktika naniba naiwa ai aisa, yapti wal bila wali lan takan kaia sa."—Mensajes para los Jóvenes, pág.463.
"Makabi walisna: "Aitani sa ki aisa nani mita ailuhpia nani maia wahbi sakaia? " Makabi walanka ba tnatka walara daukamna: Wahma, tiara kum ba ai aisika, yaptika walra walras kira ai maia bribia ba aitanisa ki? Apia pali, wahma, tiara kum ba witin Dawan lâ ka matsip ba kulkisa kaka witin ai aisika, yaptika walra walaia sa ai maia wahbi briaia dukiara."— Testimonios para la Iglesia, tomo 5, pág. 102.
b. Ismael daukanka ba nahki kan? Blasi sturka 16:12
"Ebraham mita ai luhpia Ismael ra smalkan kan ba bahkira lika apia kan, sakuna ai maia nani mita yaban aidul nani aiwatla bilara bribalan. Ai aisa watla wina taki wan ba lukanka tahpla brikan, bara Dawan sibrinka sin apu kan, baku lika sin daiwan kum baku twilawanra iwikan, an upla sut mapara aiklabi kan, an upla sut mita witin ra saura kaiki kan. (Blasi sturka 16:12) Ao, las aiyua nanira witin aikupia lakan ai yabalka saura nani wina, an Dawanra balan, sakuna aikiamka nani naiwa kat unsaban laka ba ban brisa, Aisak luhpia nani mapara." —Patriarcas y Profetas, págs. 172.
Tausdi
Lih mairin kati 23
4. BLISING PRAMISKA
a. Tuktan nani Dawanra kakaira takbia dukiara, dia Dawan mita aisa nanira yan nutakan? Kli smalkanka 32:46;11:18,19,21.
"Yawan nani sin Israel kiamka baku. Dawan mita dia witin nanira aisan ba ailuhpia nanira lan daukbia dukiara, naiwa yawan nanira sin dukia aisisa. Bara bila walan taka blising briaia dukiara aisan ba yawanra sin baku sa."— Ministerio de Curación, pág. 315.
"Israel luhpia nani Igipt ra Dawan klalka blikan pyuara ai luhpia nani utla bilara brikan, baku sin naiwa tasbara taski laka ailal tilara wan luhpia nani ba utla bilara brikaia sa, yarka tasba wal miks takaia apia. Dawan lâ ka ba smalkaia an bahara iwaia, baku lika lâ krakrira nani tilara taukbia apia."— Conducción del Niño, pág. 284.
b. Nahki Dawan latwan kaikisa baha nani airayaka aiska witin ai warkkara tniwiba? Maika 5:7,8; Jan 17:22,23.
"¡Tara tara palisa, Dawan tasba, kabu, likarma sut paskan ba witin latwan kaikisa aibila wawalra nanira, baku aiwark kara airayaka aiska sut manki nanibara. Baku sin blising ailal wankaia pramiska winsa nanara naha tasbara an naika heven rayara an tasba rayara sin kau ailal. Dawan wedniska kau pain an tara yabaia ba sika wan watla bilara nahki wan luhpia nani wal iwiba, baha wal nit apiasa upla smalkaia, kan wankaiki ba wal witin nani aitanka brisa."—Ministerio de Curación, pág. 315.
Praidi
Lih mairin kati 24
MAKABANKA LUAN NANI BA LAKI KAIKS
1. Nahki tara sa wan luhpia nanira Dawan wark kara mankaia?
2. Wan uplika walara help munaia ba nahki sipsa utla bila wina?.
3. Kristian skulka malkaika plamaika paliba dia sa ki?
4. Aisak bara Ismael wal rayakara diaura satwala kaikisa ki?
5. Nahki Dawan brindaukisa aisa nanik tuktan nanira smalkaia?