Sandi
Li kati 9
1. WAN RAYAKARA TAKI DUKIA NANI
a. Dia muni wan sinska ba main kaikaiasa diara bahkira lukaia apia? Sins laka 4:23.
"Tawan urwi baltaki ba utla wina, bara utla lalka aisa, yapti mita nahki paskbia ba baku kaisa. Wan kupia wina sika wanwina aiskara tala yabisa rayakabia dukiara, baku sin utla bila wina sika wan tawanka aiskara suliar nani ba yabisa kuntri tapaka dukiara. Ban sa kaka utla bila paliba gabamint nani mita kulkanka tara yabaia aitanisa."—El Ministerio de Curación, pág. 269.
b. Utla bila karnika mita nahki yabal yamnira tuktan nanira waki brihwiba aisas. Lawana nani 115:11-14.
"Wan watla bilara tuktan nani lâ kat pawisa kaka, witin nani aitani kabia wan tawanka ta brabrira painkum kaia ¡naiwa wan tasbana nahki sat wala kabia!"—Ídem., pág. 271.
"Utla bila suliarka naniba sturi rait aisi lankaiasa, kunin kumi sin aisaia apia, latwan laka pana pana aiwalkara marikan kaiasa, yakan aiwina kat lika kaikaia apia. Baku sin pana pana padin muni lan kaia sa.—The Signs of the Times, 1 de septiembre de 1898.
Mundi
Li kati 10
2. KRISTIAN WAN DAUKANKA WAL MARIKI BA
a. Kristian famalika ba nahki sipsa marikaia aidaukanka wal Jisas kasak kara iwi ba tanka? Matyu 7:20,21; James 1:24,27.
"Kristian watla bilara aisa, yapti nani ba ai luhpia nanira lan daukan kaiasa Dawan lâ kaba kulkaia. Baku lika tuktan sirpi wina witin nani pat aitanka brikabia dia dauakaia an dia daukaia apiaba sin.—The Review and Herald, 10 de mayo de 1898.
"Waikna kum witin ba aisa an maia waikna bakusa utla bilara, man pamhpaiara sa utla bila wihrika tara ba holi lakara an kasakka lakara brih wapaia. Yu banira man Jisas wal wapi lantakram kaiasa baku lika sipkama luhpiam nani yabal yamnira tapakiwaia. Minit kumira sin sturi karna, praut laka wal aisapara yarka setan spiritka tambribiara. Sakuna yabrika Dawan Spiritka Holikira ba sinskam lukankamra iwikabia, tihmiara an kaknara sin baku. "—El Hogar Cristiano, págs. 190, 191.
"Purataia baman lika kristian kapara. Utla bilara mayunra baman kabia, unsaban apu lilia laka, kupia kumi laka baman kabia.
Kupia kumi dadaukra nani tilara Dawan spiritka barasa. Yas Jisas bal iwbia kupiamra an diara tara an tihu nani ba mamrikbia. Dawan wark kara bitu baman lika kapara sakuna lapta bas titanra an tutnira utla bila priaska paliba amia tikpara."—The Youth’s Instructor, 9 de enero de 1896.
b. Kristian famalika mita dia patranka painkira naha tasbara marikaiasa? 1 Pita 3:15,16; 2 Korint 2:15,16.
"Dawan brinkaba sika wan famalikaba heven suliarka baku naha tasba wina riditaki kabia. Amia tikpara aisa, yapti an luhpia nani sutba heven suliarka membika kaia. Baku sika daukankam nani ba sat wala taki waiasa. Bara tasbara iwi uplika nani kaikbia wednis kum tara baku naha tasba wina hevenra waia uplika nani ridi taki daknika kasak kum. Ai wapanka, ai kwalka dimra, diara sut nahki aisiba, dauki sut ba Dawan mayunra yaban kaiasa."—El Hogar Cristiano, pág. 13.
Tiusdi
Li kati 11
3. KRISTIAN WATLA BILA KARNIKA BRIBA
a. Tasbara saurka karnika mapara, nahki kristian watla bila ba ai luhpia nani yukuki brikabia? Matyu 5:13.
"Kristian watla bila kum ba naha tasbara ingnika, an tasba salka kum bakusa. Sal plunra auhni daukiba baku, utla bilara aisa, yapti wal daukanka ba mita ailuhpia nanira yang sipsa lilia laka kupia kumi laka an latwan lakara pawaia. Aisa kumi sin aikarma tarawal ailuhpia nanira adar yabaia apiasa. Yabrika luhpiam nani mita siam yabia apia, uba prautsma wisi, sakuna bilam wali lantakbia witin nanira latwan sma ba mita."—The Review and Herald, 22 de agosto de 1899.
"Kau lalma kahbira mahka bus luhpiam nani kau yapisa pyuara wamtla bilara lulamra kriwi Dawanra puram suns ai sinska laka, ai Spiritka Holikira yaka tambribia nahki tnatkra mayamra an luhpian nanira sturi aisaiasma ba tanka mamrikbia. Dawanra makas praut laka nani sut kupiam wina sakbia, bara bawan an umpira lakani maibanhkbia. Baha wina pat yu titan takan bara mahka tuktan nani ba wini buki aikuki Dawanra mayuna lawana nani aiwans an Dawan Lâ kaba sinskam ra lan taks."—The Signs of the Times, 18 de noviembre de 1886.
"Kristian watla bila kumba karnika tara pali brisa naha tasbara an patran kum yamni palisa Dawan karnika mita nahki wan kupia nani sat wala dauki ba tanka. Tuktan nani utla bilara lan takan dukia naniba ban tara takbia kat kau auya tiuras."—My Life Today, pág. 124.
b. Aisa kristian kum ba nahki sipsa ai panika idan kumra Dawan karnika marikaia?. 1 Timuti 4:12-16..
"Wan watla bila daukanka yamniba wal upla walara tukin kum yamni yabisa pyuara ensal nani hevenra lilia takisa, baha uplika nani man wina sipsa lantakaia Dawan latwanka tanka. Naha sat watla bila kumba sika heven sirpi kumsa naha tasbara."—Ídem., pág. 122.
Winsdi
Li kati 12
4. KAISA UTLA BILARA KRISTIAN KAYA
a. Nahki tnatkra kristian nani marikbia Dawan Spiritka utla bilaraba an asla lakara iwiba tanka? 1Korint 13:6,7; 1Jan 4:7.
"Utla bilara lâ kat wapisa kaka pawanka tara bara kaia sipsa, kumi bani traikaikbia ai walkara yaka lilia takaia, yakan aiwina kat lika lukaia apia…Dawan Spiritka Holikira yaka wan tabriaia, baku apia kaka lika sip asla laka utla bilara apu kabia…Utla bilara latwan laka barasa kaka lika sipsa heven sirpi lupia kum baku kaia, tnatka wala kumi sin apusa pawankara dimaia latwan laka luha.
Aisa, yapti wal nahki pana pana rispik laka yabiba, luhpia nani sin lantakisa bara ai muihni an ailakrika aikuki sin tnatkara iwisa. Latwan laka ba wanbila wal baman lika apia sakuna wan daukan kara, wan aisankara, an tnatka sutra marikan kaia sa. Yarka upla kumi sin utla bilara praut laka wal aisabia apia, sakuna tawakira kikanka kum wal aisan kabia." —My Life Today, pág. 84.
b. Raith aihwa latwanka ba nahkira marikisa? 1 Jan 5:2,3; 2 Jan 6; Roman 13:10.
"Jisas latwankaba wan kupiara aibahwansa pyuara tnatka sutra yawan param marikisa, bara wan maia wal an wan luhpia nani sutwal sin baha latwankaba aikuki brisa. Bara baku sika heven liliaka sirpi lupia kum baku brisa.
Baku lika utla bila suliarka sutba plikisa nahki lilia kaia, adarkat wapaia, klin lakara iwaia, bawikira kaia, yakan wan dukiara baman lika lukaia apia, sakuna wan walka painkara sin lukaia. An diara kau tara ba sika Dawan mawan ingnika utla bilara bara takaskiba kulkanka tara yabaia, an minit kumira sin yaka ensal nani sari takaia apia.
Utla bila warkka nani ba bakahnu daukaia, upla kumira baman kaikaia apia, wiaiapia apia baha yang warkki apia, sakuna yang patwarki daukri kabia sin muihki kau aiwarkka dauki bara helpmunaia, bara walsut lilia takaia."—The Review and Herald, 15 de octubre de 1895.
Tausdi
Li kati 13
5. UTLA BILA WARKKA SUTRA NAHKI KASAK KAIA
a. Utla bilara diara sirpi daukaia sutra kasak ka laka ba marikaia sa ki? Matyu 25:21.
"Titan patara tibilra famali aiska iwisa pyuara liliakira Dawanra pas tingki ka yabaiasa, baha ninkara wan pata ba piaia, bahara upla kumi sin saitra taki yakan kaia apia, sakuna asla lakaba param marikan kaiasa. Utla bilara upla kumi sin aiwaihla baku kaikaia apiasa."—The Health Reformer, 1 de febrero de 1874.
"Diara kau sirpira katsin raitba aisibas minit kumira sin kunin aisapara, utla bila warkka kau sirpi naniba sin srinwraskira dauks, baku sin lan taks yu bani walkamra help munikaia, an sari sturka aisapara, liliam bas mamwanra kikanka kum baku ban bribas." —Mensajes para los Jóvenes, pág. 143.
b. Kasakkira nanira aiwarka yamni daukan taka, Jisas mita dia winkabia tnata yuara? Matyu 25:34,35,40.
"Lâ tara yua tnatara, baha nani utla bila warkka kasak dauki kan nanibara sin winkabia: baldims Dawankam liliara, hevenkam watlara man nani dukiam wisi kau tasba paskras kan wina pat ridi daukan kan ba. (Matyu 25:34). Dawan mita upla wark tara daukan nanira diara wibia apia, sakuna ya kau diara sirpi daukan nanibara lika. " —The Youth’s Instructor, 17 de enero de 1901.
Praidi
Li kati 14
MAKABANKA LUAN NANI BA LAKI KAIKS
1. Utla bila wapanka tanka nahki kaikan kabia tawan bilara?
2. Kristian watla kum ba nahki klertakisa upla sut mawanra?
3. Wan watla bila karnika wal nahki famali wala sipsa swaki sakaia?
4. Spirit Holikira wan watla bilara iwiba nahki sipsa kaikaia?
5. Wan wark ka yamni daukanba nahki mana wankbia?