TA BILA
Jan ulbankaba lika las ra ulban. Matyu, Mark an Luk bukka nani ulbanba ninkara, pas taura handat manka bilara. 1900 mani luan ninkara Baibil tanka plaplikra uplika nani mita trai kaikan wiaia Jan ulbankaba Jisas balan ninkara 150 mani luanra ulbraskan wisi, bahara traikaiki banhwan wiaia Jan ulbankaba witin pali ulbraskan. Sin naha uplika nani Baibil tanka plaplikra nani aisikan Jan ulbankara smalkanka daukisa upla Jisas ra kasak lukras nani smalkankara walbia apia dukiara.
Jan ulbanka bukkaba patitarawina pat barakan, Jisas balan ninkara 115 mani nani bilkara. Baibil tanka plaplikra nani sakan apastel Jan ulbanka pis sirpi lupia kum Jan 18: 31-38 kat. Naha piska sirpi lupiara nina makan Papiro Rylands, kau isi aisaia kaka P52, bahara yua mankan 125 mani Jisas balan ninkara. Naha piska sirpinara lika sakan kata Egipra 200 mani nani luan wan winara. Nahawal uplasip aihka lukanka briaia apiasa Jan ulbanka dukiara. Waikna kum nina Adolph Deissmann, witin lika Testament Raya ulbanka tanka plaplikrakum baku aisan kata.
"Upla ailal ban lukanka sat sat barasa Jan ulbankaba dukiara, sakuna baha nanisut lika bahki dus wahia lawiba baku luwiwan kabia. Papiro Ryland, Egipra sakanbawal sip kau namhpara lukanka brikaia apiasa. 200 mani yawan tanira taura ulbanka lilkika kum Egipra blikan. Bansa kaka Jan ulbankaba kau nina tanira mankan kaiasa."— Deutsche Allgemeine Zeitung, 3 de dic., 1935
Trabil nani ailal taura kasak lalukra nani purara balan pyuara, apastel Jan ulbankaba mita karnika an bilakaikanka tara yabikan Jisas pramiska nanira. An yabal kasakbasin marikikan.
Dawan mita yawan kumi banira ingnikaba wankisa, sakuna patitara ai prapit an apastel nanik aisan dukia naniba sip ban tnayara swiras. Nahki sat ingnika tara bribiasin wan ninara luan aisanka sturka nani Baibilra ulban naniba sip pura luwaia apiasa.
"Yawan wan ninaba lika Dawan uplika nani Lâ bila wawalra daknika nani, sakuna kau nawaskat yawan Dawan Lâ ka bila tanka tihuka naniba aiskasut briras palisa. Wan tilara ailal skul tara diman pasin an smasmalkra warkka takisa sakuna purataia baman Dawan Lâ kaba tanka briras kau nitsa tihuka aiskasut briaia. Kau nitsa Jisas paliwal kakaira takaia an wan raiakara yaka iwaia."— Mensajes Selectos, tomo 1, pp. 469, 470
Sabat Skul warkka dadaukra afiska lalka wina
