Sandi
Li kati 1
1. AIMAWALRA MAKABIWALAN
a. Wahma nakra blainkan Jisas mita rakanbara parisi nani mita aimawalra kli makabiwali dia daukaia wantkan? Jan 9:24.
"Parisi nani kaikan Jisas mita waikna wahma nakra blainkanwina rakanba tukinkaba uba upla aisikan. Sip uplakum baha kunin daukan wiras. Wahmika blainkan nanara kaikiba uba aililiakan; kan Dawan paskan dukia naniba sipkan kaikaia, baku lika uba Dawanra tingkika sakikan. Wahmika aisturka aisikanra parisi nani mita bilaprakaia wantkan, naku wisata: ‘Dawanra tingkiwis: kan Jisas mairakan wismaba lika saurakira’". ——The Desire of Ages, p. 473.
b. Wahma nakra blainkan Jisas mita rakanba mita parisi nanira nahki kler aisan? Jan 9:25.
Mundi
Li kati 2
2. AIMAWALRA MAKABIWALAN (Sin taka)
a. Parisi nani mita wahma nakra blainkan Jisas rakanra dia kli makabiwalan, dia parisi nani wantkan? Jan 9:26.
"Parisi nani mita wahmika blainkan Jisas mita rakanbara kli makabiwalan: ‘Jisaska dia dauki mairakan’ Nahki namkra kwakan?’ Sturi kli an kli daukibawal wantkan wahmika sinska saura daukaia. Setan an ai ensalka nani aikuki parisi nani lamarakan. Tnatka plikikan nahki muni yaka upla nani mita Jisasra kasak lukbia apia dukiara." —The Desire of Ages, p. 473.
b. Nahki wahmika mita ansa munan? Ya witin lamarakan tabaikaia? Jan 9:27.
"Wahma blainkan Jisas mita rakan lamara heven ensalka nani barakan sinslaka an karnika yabikan.
"Parisi nani nuapia bakukan naha wahmika lika aiyapti biarawina blain aisubitakan; skulsin dimras sakuna wahmika mita sinslakawal sturi aisikan. Dawan mita heven ingnika yaban wahmikara, bara aitanka kasak wapni laka kat sturi aisikan. Ao, kli an kli parisi nani mita traikaikan kunin munaia sakuna wahmika karna aibapankan an sturi raitbakat aisikan.". —Ibid., pp. 473, 474
c. Nahki sin helpka naiwa wankaia pramis munansa? Luk 12:11,12.
"Nanara taimkasa kumi bani wan Baibilka stadi takaia Dawanra sinslaka makabaia. Diara tara an tihura bara dukia naniba wankbia tanka briaia, bara setan an aisuliarka aikuki wan mapara bubiasin sip yawan kahwan kabia apia. Dawan mita heven ensalka nani blikbia wan tabaikaia sibrin laka nanisut wankupia wina sakbia bakusin sinslaka wankaia traika kaikanba puraluwaia dukiara." —The Review and Herald, May 3, 1887.
Tiusdi
Li kati 3
3. SELP BLAIN PULI NANI MAWANRA SIBRIRAS KAIA
a. Wahma blainkan Jisas mita rakan bara sip kunin munraskan pyuara nahki bahki kulkan, naiwakat nahki sin bakusa? Jan 9:28, 29; 1 Korint 1:18, 19, 26–28.
"Pyua banira Dawan ailuhpia nanira wark aihkakira yabisa an kasakka bilabasin. Dawan bila kasakkaba tasba uplika sinskira tara naniwina yukukan sakuna tuktan nanira param sakansa. Naha diara nani tanka briaiasa kaka Spirit Holikira mita baman sipsa wan sinska nakra kwakaia tanka aiska an kasak bribia dukiara.
"Naiwa serts ta uplika tara nani lawana pain paski yaban aiwanisa, priaswatla tara an painkira makisa. Sakuna nuapiasa baha saumukka ma ba pawaia dukiara tala ailal laiwan ba tanka. Gaspel sturka yamniba upla manas mita diara bahki kum kulkisa. Jû nani aisanba kli sinbaku aisisa: Moses lika yawan nusa Dawan mita blikan; sakuna Jisasba aniwina balansa sapa yawan nuyapiasa. Jan 9:29. Patitara kataba baku Dawan bila kasakkaba serts ta uplika nani nuapiasa, sakuna waikna an mairin nani bankra uba skuldimras sakuna aikupia aiskawal Dawanra kasak luki nanira." — Christ’s Object Lessons, pp. 78, 798.
b. Wahma blainkan Jisas mita rakan daukankawina yawan dia lisin painkum lantakaiasa? Jan 9:30-33; Sturka nani 4:19, 20.
"Sinslaka an respekka yabiwal upla nanira wiaiasa Dawan latwan laka dukiara, an marikaiasa heven tasbawal papaskrika baku, an ai Lâ ka mankanba bilawalbia dukiara, sabat yuabasin baku.
"Jisas pramiskara kasak luki wan taura wapaiasa, aibila holikiraba plakin baku purara bukaiasa. Tasba gabamintka nani mita taibi wan muni kau smalkbia apia wanwibia pyuara yawan pana tawi sibriraskira wiaiasa apastel nani aisankata ba baku: Kau kanra yamnisa Dawan bilawalaia wihki upla aisanka ninablikaiabawal. Kan yawan kiara kaikan an walanba sip aisaras kapras sa." — Testimonies for the Church, vol. 6, p. 395.
Wensdi
Li kati 4
4. DAUKANKA TASKI AN TIHMU
a. Wahma blainkan Jisas mita rakanbara parisi nani sip kunin munraskan pyuara dia daukan? Juan 9:34
"Wahma blainkan Jisas mita rakanba parisi naniwal yabalra prakprawan. Wahmika sturi aisiba mapara parisi nani sip aisaraskan. Parisi nani ta iwan an aibila praki banhwan wahma sturi aisiba dairik an kunin luhakanba mita. Minit kum sap taki banhwan. Ninkara aimawan sauhki aikwalka tarawal aiblakwan. Aimina siauhban pukpukia alkanba bara wahmikara naku aisan: ‘Man saurka lakara aisubram’ an yang nanira aismalkaisma? Baha aisiwal wahmika nina serts bukkawina dikisakan.". —The Desire of Ages, p. 474.
b. Jisas mita wahma blainkan rakan bara nahki aisan? Juan 9:35-38
"Wahma blainkan rawanba Jisas minakat kahwi mayunan. Ainakra baman wina lika rauraskan sakuna nanara aisinska pain brikan. Jisas Mesaia baku tankaba aiska nutakan an ai Sasakrika baku brin."— The Desire of Ages, p. 475.
c. Mapara babura nanira kanbi sakiba an Dawan Lâ ka kat iwi bilawali nanira kanbi sakibawal nahki satwalasa? 1 King 9:6–9; Matyu 12:31, 32; Lawana nani 11:3.
"Wyklip naku aisan: uplakum sip serts bukkawina nina diki sakras witin Dawan mita saura kaiki dukia daukras kaka". — The Great Controversy, p. 84.
"Dawan bila kasakkara iwi uplikaba mapara babura nani nakrara yamni kaikras, kuna Dawan witin nanira yus munisa aibila kasakkaba yarka upla nutakbia dukiara. Lutero ra Dawan mita yusmunan aibila kasakba baha pyuara iwikan uplika nanira smalkaia, sin baku naiwa las pyuara yawan iwinara Dawan ai albika nani brisa ai bila kasakba yarka upla nanira smalkaia. Ao, setan laik apiasa an mapara aiklabisa." — The Great Controversy, p. 84.
Tausdi
Li kati 5
5. YAMNI KULKAN, INGNIKA YABANBAWAL LA KA DAUKAN
a. Jisas dia aisan aiwarkka dukiara? Jan 9:39
"Parisi nani daknikum Jisas smalkikanba lama mapa balikawan, Jisas nukan witin nani dia plikiba. Jisas tasbara balan upla blain nani nakra yabaia. An tihmiara iwi nanira heven ingnika yabaia. Jisas aisan: ‘Yangsika naha tasba ingnika’ wahma blainkanra yaban kaikanbawal param marikikan Jisas aiwarkka naha tasbara. Jisas balan pyuara raiakan uplika nani ainakra paliwal kaikan wark tara witin daukikanba. Jisas kasakka tanka kau kler nutaki banhwan. Baha ingnika param sakanba taka la witin nani purara kahwan.". —The Desire of Ages, p. 475
“….
b. Jisas smalkanka walan pyuara parisi nani dia daukan? Jan 9:40. Jisas mita nahki kler sakan parisi nani selp blain pulikanba dukiara? Jan 9:41
"Dawan aikarnikawal waikna wahma blainkan wina rakan an spiritka nakrasin rakan nanara Dawan bila tanka tihuka aiskabrin. Sakuna parisi nani selp blain pulikan nanira setan mita kau tihmutara lakara dinkan. Dawan mita parisi nanira param marikan aikarnikaba sakuna wantapiakan kasak lukaia bara setan ensalka nani mita sinska wahra daukan. Jisas mita naku wisata: ‘Man nani wisma kaikisna sakuna bahki kulkisma Gadwina balan yabara. Ya uplika ai nitka kaikikan nanira helpmunaia dukiara Jisas balan". — The Desire of Ages, p. 475.
Praidi
Li kati 6
MAKABANKA LUAN NANI BA LAKI KAIKS
1. Wahma blainkan rakanra parisi nani mita nahki kunin munaia traikaikan?
2. Ya mita parisi nanira yusmunikan kunin aisabia dukiara?
3. Wahma blainkan rawanbara ya mita yusmunikan sturi kasak aisaia?
4. Wahma blainkan Jisas mita rakanba nahki sibriras raitba param aisan?
5. Upla kum selp blain puliba nahki kau saurasa wihki rait aihwabawal?