Pas sabat kaliksanka

Prias watla wal makaia Tamil Nadu, India kuntrikara

Baibil tanka plaplikra daknika nani nutakan 2600 mani kau Jisas bal aisubras kainara pat Indo nani tasbara iwikan, naiwa yawan kakairasa India baku. Serts daknika kau tara naraba lika hinduismo 79.8% upla brisa, ninkaraba lika islam 14.2% upla brisa, kristian daknika lika 2.3% upla brisa, sijismo wiba lika 1.7% upla brisa an dakni wala nanisin barasa. Nahara sturi ria brisa upla nani pat 1920 mankara pat nukan Adventist kli raya takan daknika sturka kau 1950 mankarasin baku, sakuna 1987 mankara India kuntrika lalma taniwina uplakum balankan yeniral kampris mitin tara daukanba tilara kaia.

Tamil Nadu lika India kuntrika lalma tanirasa, nahara insla warkka tarapali daukisa. Dawan warkka pat mani ailal narasa, sakuna upla ailal palisa 72 milian pitka bara nitsa kau wan warkkaba drabaia. Tawan raia nanira brih dimiwaia, wark sat sat nani daukiwal.

2001 mankara upla kulkikaikanbara Pattiveeranpatti naniba brikan 7.744 upla. Baha tilara upla waunhtaia aisikaiki naniba lika 83% bakukan. Ao, kuntri aiska bilara lika kau sirpi takisa 59,5% pitka.

Nahara upla kau ailal warktakiba lika kapi nasla daukisa, ninkara lika siksa naslasin daukisa, Andris, Kardamumu, plunra nari daukaia satka nanisin baku. Pallapatti tawankaba kwarikasa upla nani nara iwiba likka 13,701 pitka.

1998 mankawina Dawan warkka daukisa Periyaklam nani mita help munan serts membarska kau paubia dukiara. Nanara yawan membars ailal brisa sakuna rentwatlara prias daukisa. Bamita Pattiveeranpatti an Pallapatt tawankara priaswatla makaia trabil taki banhwisa.

Wan lakra Ellen G. White ulbansa “India kuntrikara uplaba milian an milian barasa kau Dawan sturka yamniba walras. Witin nanisin airaitka brisa walankaia.”— La Educación, p. 263

Dawan Lâ ka kahwannba kli bukaia dukiara, nitsa upla nanira gaspel sturka kasakkaba brihwan kaia. —El Ministerio de la Bondad, p. 35

Muihkam an lamkra nani Pattiveeranpatti y Pallapatti wina