Pas sabat kaliksanka

Misaniry warkka daukaia helpka tasba aiskara

Naiwa sturi yamniba kau aisisa.

Wan sertska banira nitka tara barasa misaniry warkka daukaia dukiara kli rawi buwaia. Serts membarska kumi bani staditakaiasa nahki tnatkara Dawan bila smalkankara tabaikaia, wan kuntri bilarakat an biara kuntrira sin baku. Dawan mita aiwarkka tatakra nanira aisisa wabia tasba wala nanira kau kiama ailal walras pliska nanira. Upla ailal pali wilinkira barasa wanbila kaikisa yawan wabiaba. Dawan ensalka nani lilia an wilinkira barasa wan kan kahbaia gaspel sturka yamniba brihwabia dukiara.

Dawan aisertskaba naha tasbara bapansa misaniry warkka daukbia dukiara, an Dawan brindaukisa yawan sut wan kukanka, wan karnika an wan sinska lakawal aiwarkka daukbia sturi yamnina brihwabia lahlakira an umpire nanirasin baku. Yawan sut lika biara kuntrikara sip wabia apia, sakuna sipsa wanpura sunanka an wan presantka nani yabaia wan muihni an wan lakrika nani bahara auyabara tabaikaia dukiara.

Stechs tasbaiara diara aiatkra waiknika kristian kasak kum naku aisan: Yu aiska bilara yang traikaikisna warkki pliskabawina Dawan warkka daukikaia, upla kumi baniwal aisisna pyuara marikisna Dawan bila kasakkaba an latwankabasin. Chans brisna pyua banira traikaikisna Dawan sturka aisaia upliki wala nanira. Bara tihmiara suapi mahka yapunara shaini kuntrikara waikna kumra yari warktakisa gaspel sturka smasmalkrika baku.

Kau aisi naku wisata: “Wahma kapri pyuara misaniry baku wark taki kapri idan nani tilara. Sakuna papiki pruan ninkara ai bisniskaba yang mihtira briri, bansakuna helpmunisna misaniry warkka dadaukra nani biara kuntrikara baraba. —Testimonios para la Iglesia, tomo 6, pp. 37. 38

Ao, yawan sut lika sip kuntri wala wihkara waras sakuna tnatka wala barasa helpmunaia wan daimka nanibawal.

Muikam nani afis lalka taraba wina